ಆಪರೇಷನ್ ಆಲ್ ಔಟ್- ಕಾಶ್ಮೀರದಲ್ಲಿ ವಿಫಲವಾಯ್ತು ಕೂಲಿಗಾಗಿ ಕಲ್ಲು ಯೋಜನೆ..!

Stone-Pelting-in-Kashmir

ಕಾಶ್ಮೀರದಲ್ಲಿ ವಿಫಲವಾಯ್ತು ಕೂಲಿಗಾಗಿ ಕಲ್ಲು ಯೋಜನೆ..!

ಕಾಶ್ಮೀರದಲ್ಲಿ ನಡೆಯುತ್ತಿದ್ದ ದಿನನಿತ್ಯದ ಕಲ್ಲು ತೂರಾಟಗಳು ಈಗ ನಿಂತೇ ಹೋಗಿವೆ ಎಂಬಷ್ಟರ ಮಟ್ಟಿಗೆ ಕಡಿಮೆಯಾಗಿವೆ. ಕಳೆದ ವರ್ಷಕ್ಕೆ ಹೋಲಿಸಿದರೆ ಕಲ್ಲು ತೂರಾಟದ ಪ್ರಕರಣಗಳು ಶೇ.90 ರಷ್ಟು ಕಡಿಮೆಯಾಗಿದೆ. ಮೋದಿ ಸರ್ಕಾರ ಕೈಗೊಂಡ ಬಿಗಿ ಕ್ರಮಗಳಿಂದಾಗಿ ಕಾಶ್ಮೀರ ಶಾಂತಿಯತ್ತ ಹೊರಳುತ್ತಿದೆ..ಪಾಕಿಸ್ತಾನದ ಕೂಲಿಗಾಗಿ ಕಲ್ಲು ಹೊಡೆಯುತ್ತಿದ್ದುದನ್ನೇ ಆಜಾದಿ ಹೋರಾಟ ಎಂದು ಕರೆಯುತ್ತಿದ್ದ ನಮ್ಮ ದೇಶದ ಬುದ್ದಿ ಜೀವಿ ವಲಯ ಈಗ ಸುಮ್ಮನೆ ಕುಳಿತುಬಿಟ್ಟಿದೆ. ಇದು ಮೋದಿ ಸರ್ಕಾರ ಕಾಶ್ಮೀರದಲ್ಲಿ ನಡೆಸಿದ ’ಆಪರೇಷನ್ ಆಲ್ ಔಟ್’

ಕಾಶ್ಮೀರದಲ್ಲಿ ಆಜಾದಿ ಹೆಸರಿನಲ್ಲಿ ಹಲವು ವರ್ಷಗಳಿಂದ ನಡೆಯುತ್ತಿದ್ದ ಹೋರಾಟದ ಹೆಸರಿನ ಕಲ್ಲು ತೂರಾಟಕ್ಕೆ ಈಗ ಬ್ರೇಕ್ ಬಿದ್ದಿದೆ. 2016 ರಲ್ಲಿ ದಿನಕ್ಕೆ 40-50 ಕಲ್ಲು ತೂರಾಟದ ಪ್ರಕರಣಗಳು ನಡೆಯುತ್ತಿದ್ದವು. ಆಪರೇಷನ್ ಆಲ್​ ಔಟ್​ ನ ಭಾಗವಾಗಿ ಕಣಿವೆಯಲ್ಲಿ ಪ್ರತ್ಯೇಕತಾವಾದಿಗಳು ಮತ್ತು ಉಗ್ರವಾದಿಗಳ ವಿರುದ್ಧ ಮೋದಿ ಸರ್ಕಾರ ಕೈಗೊಂಡ ಕಟ್ಟನಿಟ್ಟಿನ ಕ್ರಮದಿಂದಾಗಿ ಹಿಂಸಾಚಾರ ಕಡಿಮೆಯಾಗಿದೆ. ಅಲ್ಲಲ್ಲಿ ಸಣ್ಣಪುಟ್ಟ ಪ್ರತಿಭಟನೆಗಳನ್ನು ಹೊರತುಪಡಿಸಿದರೆ ಹಿಂಸಾಚಾರದಂತಹ ಘಟನೆಗಳಿಗೆ ಸಂಪೂರ್ಣ ಬ್ರೇಕ್ ಬಿದ್ದಿದೆ. ಕಳೆದ ವರ್ಷಕ್ಕೆ ಹೋಲಿಸಿದರೆ ಕಲ್ಲು ತೂರಾಟದ ಪ್ರಕರಣಗಳು ಶೇ.90 ರಷ್ಟು ಕಡಿಮೆಯಾಗಿದೆ. ಇದನ್ನೆಲ್ಲ ಹೇಳಿದ್ದು ಜಮ್ಮು ಮತ್ತು ಕಾಶ್ಮೀರದ ಪೊಲೀಸ್ ಮಹಾನಿರ್ದೇಶಕ ಎಸ್​ಪಿ. ವೈದ್.

ಪಾಕಿಸ್ತಾನದ ಮೂಲಕ ಪ್ರ್ಯೇಕತಾವಾದಿಗಳ ಕೈ ಸೇರುತ್ತಿದ್ದ ಹಣದ ಜಾಲವನ್ನೇ ಎನ್​ಐಎ ಕತ್ತರಿಸಿಹಾಕಿದ ಪರಿಣಾಮ ಕಲ್ಲು ತೂರಾಟದ ಹೆಸರಿನ ಹೋರಾಟ ಮತ್ತು ಬುದ್ದಿ ಜೀವಿಗಳ ಹಾರಾಟ ಎರಡೂ ನಿಂತಿವೆ…ಕಾಶ್ಮೀರದಲ್ಲಿನ ಉಗ್ರರ ಮಟ್ಟ ಹಾಕುವ ಕೇಂದ್ರ ಸರ್ಕಾರದ ಪ್ರಯತ್ನ ಈ ವರ್ಷ ಅಭೂತಪೂರ್ವ ಯಶಸ್ಸು ತಂದುಕೊಟ್ಟಿದೆ. ಈ ಒಂದೇ ವರ್ಷದಲ್ಲಿ 170 ಉಗ್ರರನ್ನು ಸೇನೆ ಹೊಡೆದುರುಳಿಸಿದೆ. ಸೇನಾ ದಾಳಿಯಿಂದ ಸತ್ತ ಬಹುತೇಕರು ಉಗ್ರಗಾಮಿ ಸಂಘಟನೆಗಳಲ್ಲಿ ಪ್ರಮುಖ ಹುದ್ದೆಯಲ್ಲಿದ್ದವರು, ಕಮಾಂಡರ್​ಗಳು ಅನ್ನೋದು ವಿಶೇಷ. ಕಾಶ್ಮೀರದಲ್ಲಿ ಸೇನೆಯ ಕಾರ್ಯಾಚರಣೆ ಎಷ್ಟರಮಟ್ಟಿಗೆ ಇದೆ ಎಂದರೆ ಅಲ್ಲಿನ ಹಿಜ್ಬುಲ್ ಮುಜಾಹಿದೀನ್ ಮತ್ತು ಲಷ್ಕರ್ ಎ ತೋಯಿಬಾ ಸಂಘಟನೆಗಳಿಗೆ ಈಗ ಕಮಾಂಡರ್​ಗಳೇ ಇಲ್ಲ. ಅಳಿದುಳಿದ ಮೂರ್ನಾಲ್ಕು ಉಗ್ರ ಕಮಾಂಡರ್​ಗಳಿಗಾಗಿ ಸೇನೆ ಕಾರ್ಯಾಚರಣೆ ನಡೆಸುತ್ತಲೇ ಇದೆ. ಸೇನೆ ಹೊಡೆದುರುಳಿಸುತ್ತಿರುವ ಉಗ್ರರ ಹೆಣಗಳನ್ನು ಹೂಳುವವರೂ ಇಲ್ಲದಂತಹ ಸ್ಥಿತಿಗೆ ಅಲ್ಲಿನ ಭಯೋತ್ಪಾದಕ ಸಂಘಟನೆಗಳು ತಲುಪಿವೆ..

ಪಾಕಿಸ್ತಾನದಿಂದ ಎಂಜಲು ಕಾಸು ಪಡೆದು ಕಾಶ್ಮೀರದಲ್ಲಿರುವ ನಿರುದ್ಯೋಗಿ ಯುವಕರುಗಳಿಂದ ಕಲ್ಲು ತೂರಾಟ ನಡೆಸುವುದು ಪ್ರತ್ಯೇಕತಾವಾದಿಗಳ ಒನ್ ಲೈನ್ ಅಜೆಂಡಾ. ಆದ್ರೆ ನೋಟ್ ಬ್ಯಾನ್ ನಂತರ ಪಾಕಿಸ್ತಾನದಿಂದ ಹರಿದು ಬರುತ್ತಿರುವ ಹಣಕ್ಕೆ ಕತ್ತರಿ ಬಿದ್ದಿದೆ. ದೆಹಲಿಯ ಒಂದೇ ದಿನ ಎನ್​ಐಎ ನಡೆಸಿದ ಕಾರ್ಯಾಚರಣೆಯಲ್ಲಿ 36 ಕೋಟಿ ಹಳೆಯ ನೋಟುಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಹವಾಲಾ ಮೂಲಕ ಪಾಕ್​ನಿಂದ ಹಣ ಪಡೆಯುತ್ತಿದ್ದ ಪ್ರತ್ಯೇಕತಾವಾದಿಗಳ ಮನೆಗಳಲ್ಲಿ ಐದು ಕೋಟಿಯಷ್ಟು ಹಣ ಸಿಕ್ಕಿದೆ. ಇನ್ನು ಕಲ್ಲು ತೂರಾಟ ನಡೆಸಲು ಪ್ರೇರೇಪಿಸುವ ಪ್ರ್ಯೇಕತಾವಾದಿಗಳ ಮನೆಗಳ ಮೇಲೆ ರೇಡ್ ಮಾಡಿ ಕೊಟ್ಯಂತರ ರೂ ಹಣ ವಶಪಡಿಸಿಕೊಂಡಿದೆ. ಹಿಂಸಾಚಾರಕ್ಕೆ ಕುಮ್ಮಕ್ಕು ಕೊಡುತ್ತಿದ್ದವರ ಮೇಲೆ ಕೇಸುಗಳು ಬಿದ್ದಿವೆ.

ಕಾಶ್ಮೀರ ವಿಚಾರದಲ್ಲಿ ಮೋದಿ ಸರ್ಕಾರದ ನೀತಿ ಸರಿಯಿಲ್ಲ ಎಂದು ಟೀಕಿಸುತ್ತಿದ್ದವರಿಗೆ ಮೋದಿ ಸರ್ಕಾರ ದಿಟ್ಟ ಉತ್ತರವನ್ನೇ ನೀಡಿದೆ. ನಿರಂತರ ಹಿಂಸಾಚಾರ ನಡೆಸಿ ಕಾಶ್ಮೀರದಲ್ಲಿ ಭಾರತ ದೌರ್ಜನ್ಯ ನಡೆಸುತ್ತಿದೆ ಎಂದು ಅಂತರಾಷ್ಟ್ರೀಯ ಮಟ್ಟದಲ್ಲಿ ಬಿಂಬಿಸುತ್ತಿದ್ದ ಪಾಕಿಸ್ತಾನದ ಕಪಟ ಕೈವಾಡಕ್ಕೂ ಈಗ ಮೋದಿ ಸರ್ಕಾರ ದೊಡ್ಡ ಪೆಟ್ಟು ನೀಡಿದೆ. ಕೇಂದ್ರ ಸರ್ಕಾರ, ಜಮ್ಮು-ಕಾಶ್ಮೀರದ ರಾಜ್ಯ ಸರ್ಕಾರ, ಪೊಲೀಸರು, ಸೇನಾಪಡೆ ಮತ್ತು ಎನ್​ಐಎ ನಡೆಸಿರುವ ಈ ಆಪರೇಷನ್ ಆಲ್​ ಔಟ್ ಕಾರ್ಯಾಚರಣೆ ಸಂಪೂರ್ಣ ಯಶಸ್ಸಿನತ್ತ ಸಾಗುತ್ತಿದೆ. ಕಾಶ್ಮೀರದಲ್ಲಿ ಹಿಂಸಾಚಾರಕ್ಕೆ ಪೂರ್ಣ ವಿರಾಮ ಹಾಕುವ ಪ್ಲಾನ್ ಮೋದಿಗಿದೆ. ಕಾಶ್ಮೀರ ವಿಚಾರದಲ್ಲಿ ಜಗತ್ತಿನೆದರು ಚಿಂತಕರಂತೆ ಪೋಸು ಕೊಡುತ್ತಿದ್ದ ಬುದ್ದಿ ಜೀವಿಗಳು ಈಗ ಮೌನವಾಗಿದ್ದಾರೆ. ಮೋದಿ ಸರ್ಕಾರದ ಕಾಶ್ಮೀರ ನೀತಿಯನ್ನು ಪ್ರಶ್ನಿಸುತ್ತಲೇ ಇದ್ದ ಕಾಂಗ್ರೆಸ್​ ಕೂಡ ಬುದ್ದಿ ಜೀವಿಗಳಂತೆ ಮೌನಕ್ಕೆ ಶರಣಾಗಿದೆ. ಈಗ ಉತ್ತರ ಕೊಡುವ ಜಾಗದಲ್ಲಿ ಬುದ್ದಿಜೀವಿಗಳು ಮತ್ತು ಪ್ರತಿಪಕ್ಷಗಳು ನಿಂತಿವೆ.. ಉತ್ತರಿಸುತ್ತಾರಾ….

ಪಾಪ್ಯುಲರ್ ಫ್ರಂಟ್ ಆಫ್ ಇಂಡಿಯಾ ಮೇಲೆ ನಿಷೇಧದ ತೂಗುಗತ್ತಿ..!

ಪಾಪ್ಯುಲರ್ ಫ್ರಂಟ್ ಆಫ್ ಇಂಡಿಯಾ ಅನ್ನೋ ಸಂಘಟನೆಯನ್ನ ನಿಷೇಧಿಸಬೇಕು ಎಂಬ ಒತ್ತಾಯ ಹಲವು ದಿನಗಳಿಂದಲೂ ಕೇಳಿ ಬರುತ್ತಲೇ ಇದೆ. ಹಿಂದೂ ಪರ ಸಂಘಟನೆಗಳು ಪಾಪ್ಯುಲರ್ ಫ್ರಂಟ್​ ಆಫ್​ ಇಂಡಿಯಾ ಒಂದು ಭಯೋತ್ಪಾದಕ ಸಂಘಟನೆ. ಅದನ್ನು ನಿಷೇಧಿಸಲೇಬೇಕು ಎಂದು ಹಲವು ವರ್ಷಗಳಿಂದಲೂ ಪ್ರತಿಭಟನೆ ನಡೆಸುತ್ತಲೇ ಇದ್ದರು. ಆದ್ರೆ ಈಗ ಎನ್​ಐಎ ಸಲ್ಲಿಸಿರುವ ವರದಿಯ ಆಧಾರದ ಮೇಲೆ ಪಿಎಫ್​ಐ ಸಂಘಟನೆ ನಿಷೇಧಕ್ಕೆ ಕೇಂದ್ರ ಸರ್ಕಾರ ಮುಂದಾಗಿದೆ…

ಕರ್ನಾಟಕ ಮತ್ತು ಕೇರಳದಲ್ಲಿ ಪಾಪ್ಯುಲರ್ ಫ್ರಂಟ್​ ಆಫ್​ ಇಂಡಿಯಾ ಸಂಘಟನೆಯ ಕಾರ್ಯಕರ್ತರು ಭಾಗಿಯಾಗಿರುವ ನಾಲ್ಕು ಪ್ರಕರಣಗಳನ್ನು ತನಿಖೆ ಪೂರ್ಣಗೊಳಿಸಿದ ನಂತರ ಎನ್​ಐಎ ಕೇಂದ್ರ ಸರ್ಕಾರಕ್ಕೆ ಪಿಎಫ್​ಐ ನಿಷೇಧಿಸುವಂತೆ ಶಿಫಾರಸು ಮಾಡಿತ್ತು. ಬೆಂಗಳೂರಿನಲ್ಲಿ ನಡೆದಿದ್ದ ಆರ್​ಎಸ್​ಎಸ್​ ಕಾರ್ಯಕರ್ತ ರುದ್ರೇಶ್​ ಹತ್ಯೆ ಪ್ರಕರಣ, ಕೇರಳದ ಇಡುಕ್ಕಿಯಲ್ಲಿ ನಡೆದಿದ್ದ ಪ್ರೊಫೆಸರ್ ಅಂಗೈ ಕತ್ತರಿಸಿದ ಪ್ರಕರಣ, ಕಣ್ಣೂರಿನಲ್ಲಿ ಟೆರರ್ ಕ್ಯಾಂಪ್​ ನಡೆಸಿದ ಪ್ರಕರಣ ಮತ್ತು ಧಕ್ಷಿಣ ಭಾರತದಲ್ಲಿ ದುಷ್ಕೃತ್ಯ ನಡೆಸಲು ಐಸಿಸ್​ ಜೊತೆ ಕೈಜೋಡಿಸಿದ ಪ್ರಕರಣ. ಈ ಎಲ್ಲ ಪ್ರಕರಣಗಳ ತನಿಖೆ ನಡೆಸಿದ ನಂತರ ಪಿಎಫ್​ಐ ಸಂಘಟನೆಯನ್ನು ನಿಷೇಧಿಸಬೇಕು ಎಂದು ಎನ್​ಐಎ ಕೇಂದ್ರ ಗೃಹ ಸಚಿವಾಲಯಕ್ಕೆ ಶಿಫಾರಸು ಮಾಡಿತ್ತು. ಕೇರಳ ಮತ್ತು ಕರ್ನಾಟಕದಲ್ಲಿ ನಾಲ್ಕು ಪ್ರಕರಣಗಳ ತನಿಖೆ ಪೂರ್ಣಗೊಳಿಸಿದ ನಂತರ ಎನ್​ಐಎ ದಾಖಲೆಗಳ ಸಮೇತ 19 ಪುಟಗಳ ರಿಪೋರ್ಟ್​ ಅನ್ನು ಕೇಂದ್ರ ಸರ್ಕಾರಕ್ಕೆ ಸಲ್ಲಿಸಿದೆ.

 

ಎನ್​ಐಎ ರಿಪೋರ್ಟ್​ ಹೇಳೋದೇನು…? 

1. ಪಿಎಫ್​ಐ ಸಂಘಟನೆ ಕೇರಳದ ಕಣ್ಣೂರಿನಲ್ಲಿ ಬಾಂಬ್​ ತಯಾರಿ, ಟೆರರ್ ಕ್ಯಾಂಪ್​ ನಿರ್ವಹಣೆ ಮಾಡುತ್ತಿದೆ
2. ಕೋಮು ಗಲಭೆಗಳನ್ನು ಸೃಷ್ಟಿಸುವ ಮೂಲಕ ರಾಜಕೀಯ ವೈಷಮ್ಯದ ಲಾಭ ಪಡೆಯಲು ಯತ್ನಿಸುತ್ತಿದೆ
3. ತಾಲಿಬಾನ್​ ಮಾದರಿ ಇಸ್ಲಾಂ ಅನ್ನು ದೇಶದಲ್ಲಿ ಜಾರಿಗೆ ತರಲು ಕೆಲಸ ಮಾಡುತ್ತಿದೆ
4. ಪಾಪ್ಯುಲರ್ ಫ್ರಂಟ್ ಆಫ್ ಇಂಡಿಯಾ ಸಂಘಟನೆ ದೇಶದ ಭದ್ರತೆಗೆ ಅಪಾಯ
5. ಲವ್ ಜಿಹಾದ್, ಬಲವಂತದ ಮತಾಂತರದ ಮೂಲಕ ಇಸ್ಲಾಂ ವಿಸ್ತರಣೆಯ ಅಜೆಂಡಾ ಹೊಂದಿದೆ
6. ನಿಷೇಧಿತ ಸಿಮಿ ಸಂಘಟನೆಯ ಸಿದ್ಧಾಂತಗಳನ್ನೇ ಪಿಎಫ್​ಐ ಅಳವಡಿಸಿಕೊಂಡಿದೆ
7. ಸಿಮಿ ಸಂಘಟನೆ ನಿಷೇಧವಾದ ನಂತರ ಅಲ್ಲಿದ್ದ ಸದಸ್ಯರೇ ಪಿಎಫ್​ಐ ಸಂಘಟನೆ ಆರಂಭಿಸಿದ್ದಾರೆ
8. ದೇಶದಲ್ಲಿ ಭಯೋತ್ಪಾದ ಕೃತ್ಯಗಳನ್ನು ನಡೆಸಲು ರಹಸ್ಯವಾಗಿ ಟ್ರೈನಿಂಗ್ ಕ್ಯಾಂಪ್​ಗಳನ್ನು ನಡೆಸುತ್ತಿದೆ
9. ಎಸ್​ಡಿಪಿಐ ಮೂಲಕ ರಾಜಕೀಯ ಅಸ್ಥಿತ್ವ ಕಂಡುಕೊಳ್ಳಲು ಸಮಾಜದಲ್ಲಿ ಕೋಮು ವೈಷಮ್ಯ ಸೃಷ್ಟಿಸುವ ಅಜೆಂಡಾ
10. ಮುಸ್ಲಿಮರು ಶರಿಯಾ ಮೂಲಕವೇ ಸಿವಿಲ್​ ಮತ್ತು ಕ್ರೈಂ ಕೇಸ್​ಗಳನ್ನು ಬಗೆಹರಿಸಿಕೊಳ್ಳಬೇಕು ಎಂಬ ನಿಲುವು ಹೊಂದಿದೆ
11. ವಿದೇಶಿ ಉಗ್ರ ಸಂಘಟನೆಗಳೊಂದಿಗೆ ಸಂಬಂಧ ಮತ್ತು ಉಗ್ರ ಕೃತ್ಯಕ್ಕೆ ವಿದೇಶಿ ಹಣ ಸ್ವೀಕಾರ
12. ದೇಶದ 23 ರಾಜ್ಯಗಳಲ್ಲಿ ಇಸ್ಲಾಂ ಮೂಲಭೂತವಾದ ಬಿತ್ತುವ ಕೆಲಸವನ್ನು ಪಿಎಫ್​ಐ ಮಾಡುತ್ತಿದೆ.

ಪಾಪ್ಯುಲರ್ ಫ್ರಂಟ್​ ಆಫ್​ ಇಂಡಿಯಾ ಸಂಘಟನೆಯನ್ನು ನಿಷೇಧಿಸುವ ಪ್ರಸ್ತಾಪಕ್ಕೆ ಸಂಘಟನೆಯ ಮುಖಂಡರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಪಾಪುಲರ್ ಫ್ರಂಟ್ ಆಫ್​ ಇಂಡಿಯಾ ಸಂಘಟನೆ ಸಾಮಾಜಿಕ ಕಾರ್ಯಗಳಲ್ಲಿ ನಿರತವಾಗಿದೆ. ಮುಸ್ಲಿಮರ ಜೀವನ, ಆರೋಗ್ಯ, ಆರ್ಥಿಕ ಸಬಲೀಕರಣದ ಪರ ಪಿಎಫ್​ಐ ಕೆಲಸ ಮಾಡುತ್ತಿದೆ ಎಂದು ಸಮರ್ಥಿಸಿಕೊಂಡಿದೆ. ಬಿಜೆಪಿ ಸರ್ಕಾರ ಉದ್ದೇಶಪೂರ್ವಕವಾಗಿ ಸುಳ್ಳು ಕೇಸ್​ಗಳನ್ನು ದಾಖಲಿಸಿ ಸಂಘಟನೆಯನ್ನು ನಿಷೇಧಿಸಲು ಯತ್ನಿಸುತ್ತಿದೆ ಎಂದು ಆರೋಪಿಸಿದೆ..

ಪಾಪ್ಯುಲರ್ ಫ್ರಂಟ್​ ಆಫ್ ಇಂಡಿಯಾ ಮತ್ತು ಇದರ ರಾಜಕೀಯ ಸಂಘಟನೆ ಎಸ್​ಡಿಪಿಐ ವಿರುದ್ಧ ರಾಜ್ಯದಲ್ಲಿ ಹತ್ತಕ್ಕೂ ಹೆಚ್ಚು ಪ್ರಕರಣಗಳಿವೆ. ರುದ್ರೇಶ್​ ಹತ್ಯೆ ಪ್ರಕರಣ ಪಿಎಫ್​ಐ-ಎಸ್​ಡಿಪಿಐ ಸಂಘಟನೆ ನಡೆಸಿದ ಭಯೋತ್ಪಾದಕ ಕೃತ್ಯ ಎಂದೇ ಎನ್​ಐಎ ಚಾರ್ಜ್​ ಶೀಟ್ ಸಲ್ಲಿಸಿದೆ. ಹಲವು ಪ್ರಕರಣಗಳಲ್ಲಿ ಪಿಎಫ್​ಐ ಭಾಗಿಯಾಗಿರುವ ಹಿನ್ನೆಲೆಯಲ್ಲಿ ನಿಷೇಧಿಸಬೇಕೆಂಬ ಒತ್ತಾಯಕ್ಕೆ ಎನ್​ಐಎ ನೀಡಿರುವ ವರದಿಯಿಂದಾಗಿ ಮನ್ನಣೆ ಬಂದಂತಾಗಿದೆ. ಆದರೂ ಈ ಸಂಘಟನೆಯನ್ನು ನಿಷೇಧಿಸುವ ವಿಚಾರವಾಗಿ ಪರ, ವಿರೋಧ ಅಭಿಪ್ರಾಯಗಳು ಇದ್ದೇ ಇವೆ. ಇದೇ ಪಿಎಫ್​ ಸಂಘಟನೆಯ ಮೇಲಿದ್ದ 175 ಕೇಸ್​ಗಳನ್ನು ರಾಜ್ಯ ಸರ್ಕಾರ 2015ರಲ್ಲಿ ವಾಪಸ್​ ಪಡೆದಿತ್ತು. ಈ ಮೂಲಕ ಪಿಎಫ್​ಐ ಸಂಘಟನೆ ಮೇಲಿದ್ದ ಪ್ರಮುಖ ಕೇಸ್​ಗಳನ್ನ ಸಾರಾಸಗಟಾಗಿ ತೆಗೆದುಹಾಕಿತ್ತು. ಆ ಮೂಲಕ ಅಲ್ಪ ಸಂಖ್ಯಾತರ ಓಲೈಕೆ ರಾಜಕಾರಣ ಮಾಡಿತ್ತು ಕಾಂಗ್ರೆಸ್ ಸರ್ಕಾರ.

ಆರ್​ಎಸ್​ಎಸ್ ಮುಖಂಡ ರುದ್ರೇಶ್ ಕೊಲೆ ತನಿಖೆ ನಡೆಸಿದ ರಾಜ್ಯ ಪೊಲೀಸರು ಮತ್ತು ಎನ್​ಐಎ ಅಧಿಕಾರಿಗಳ ತಂಡ ಪಾಪ್ಯುಲರ್ ಫ್ರಂಟ್ ಆಫ್ ಇಂಡಿಯಾ ಮತ್ತು ಅದರ ರಾಜಕೀಯ ಪಕ್ಷ ಎಸ್​ಡಿಪಿಐ ನಡೆಸಿದ ಹತ್ಯಾ ಸರಣಿಗಳ ಪಟ್ಟಿ ಮಾಡಿತ್ತು. ಹತ್ತಕ್ಕೂ ಹೆಚ್ಚು ಪ್ರಕರಣಗಳಲ್ಲಿ ಪಿಎಫ್​ಐ ಮತ್ತು ಎಸ್​ಡಿಪಿಐ ಕಾರ್ಯಕರ್ತರು ಹಿಂದೂ ಮುಖಂಡರ ಹತ್ಯೆಯಲ್ಲಿ ನೇರವಾಗಿ ಭಾಗಿಯಾಗಿದ್ದರು. ಈ ಎಲ್ಲ ಪ್ರಕರಣಗಳೂ ಕೂಡ ಭಯೋತ್ಪಾದನೆ ಸೃಷ್ಟಿಸುವ ಮೂಲ ಉದ್ದೇಶದಿಂದಲೇ ನಡೆಸಲಾಗಿತ್ತು ಅನ್ನೋದನ್ನ ಸಾಕ್ಷಿ ಸಮೇತ ಕೋರ್ಟ್​ಗೆ ಚಾರ್ಜ್​ಶೀಟ್​ ಸಲ್ಲಿಸಿದ್ದರು.

ಪಾಪ್ಯುಲರ್ ಫ್ರಂಟ್ ಆಫ್ ಇಂಡಿಯಾ ಅನ್ನೋ ಸಂಘಟನೆ ಆರಂಭವಾಗಿದ್ದೇ ನಿಷೇಧಿತ ಸಿಮಿ ಸಂಘಟನೆಯ ಮುಖಂಡರಿದ್ದ. ಕೇಂದ್ರ ಸರ್ಕಾರ ಉಗ್ರ ಸಂಘಟನೆ ಸಿಮಿ ನಿಷೇಧಿಸಿದ ನಂತರ ಅಲ್ಲಿದ್ದ ಕೆಲವರು ಪಾಪ್ಯುಲರ್ ಫ್ರಂಟ್ ಆಫ್ ಇಂಡಿಯಾ ಅನ್ನೋ ಸಂಘಟನೆ ಕಟ್ಟಿಕೊಂಡರು. ಸಿಮಿ ನಡೆಸುತ್ತಿದ್ದ ಎಲ್ಲ ಚಟುವಟಿಕೆಗಳನ್ನು ಈಗ ಪಿಎಫ್​ಐ ಹೆಸರನ್ನಷ್ಟೇ ಬದಲಿಸಿಕೊಂಡು ಕೆಲಸ ಮಾಡುತ್ತಿದೆ. ಸಿಮಿ ಉಗ್ರ ಸಂಘಟನೆ ನಿಷೇಧದ ನಂತರ ಅದರಲ್ಲಿದ್ದ ಯಾಸಿನ್ ಭಟ್ಕಲ್, ರಿಯಾಜ್ ಭಟ್ಕಲ್, ಇಕ್ಬಾಲ್ ಭಟ್ಕಳ್ ಸೇರಿ ಇಂಡಿಯನ್ ಮುಜಾಹಿದೀನ್ ಭಯೋತ್ಪಾದಕ ಸಂಘಟನೆ ಕಟ್ಟಿದರು. ಅದೇ ಸಂಘಟನೆ ಭಾರತದಲ್ಲಿ ಸುಮಾರು 20ಕ್ಕೂ ಹೆಚ್ಚು ಭಯೋತ್ಪಾದಕ ದಾಳಿಗಳನ್ನು ನಡೆಸಿತು. ನಮ್ಮ ರಾಜಕೀಯ ಪಕ್ಷಗಳ ನರಿ ಬುದ್ದಿ ಅಂದರೆ ಇದೇ ಸಿಮಿ ಸಂಘಟನೆಯಲ್ಲಿದ್ದ ಅಹ್ಮದ್ ಹಸನ್ ಎಂಬಾತನನ್ನ ರಾಜ್ಯಸಭಾ ಸದಸ್ಯನನ್ನಾಗಿ ಆಯ್ಕೆ ಮಾಡಿ ಸಂಸತ್ತಿಗೆ ಕಳಿಸಿದವು. ಇಂತಹ ಮಹಾನ್ ಕಾರ್ಯ ಮಾಡಿದ್ದು ಮಮತಾ ಬ್ಯಾನರ್ಜಿಯ ತೃಣಮೂಲ ಕಾಂಗ್ರೆಸ್. ದೇಶ ರಕ್ಷಣೆಯೇ ಅಂತಿಮ ಅನ್ನೋದನ್ನ ಪರಿಗಣಿಸಿ ಇಂತಹ ಸಂಘಟನೆಯ ಹೆಡೆಮುರಿಕಟ್ಟಬೇಕಿದೆ. ಅಷ್ಟೇ ಅಲ್ಲ.. ಇದೇ ಸಂಘಟನೆ ಮತ್ತೊಂದು ಹೆಸರಿನಲ್ಲಿ ಹುಟ್ಟಿಕೊಳ್ಳದಂತೆ ತಡೆಯುವ ಜವಾಬ್ದಾರಿಯೂ ಸರ್ಕಾರದ ಮೇಲಿದೆ

 

ಪಾಕಿಸ್ತಾನವಲ್ಲ.. ಟೆರರಿಸ್ತಾನ..! ಜಗತ್ತಿನ ಮುಂದೆ ಒಬ್ಬಂಟಿಯಾಯ್ತು ಪಾಕ್​..!

ಭಾರತಕ್ಕೆ ಅಂತರಾಷ್ಟ್ರೀಯ ಮಟ್ಟದಲ್ಲಿ ಎರಡನೇ ಗೆಲುವು ಸಿಕ್ಕಿದೆ. ಯುದ್ಧ ಮಾಡದೆಯೂ ಗೆಲುವು ಸಾಧಿಸಬಹುದು ಅನ್ನೋದನ್ನ ಭಾರತ ಇಂದು ಮತ್ತೆ ರುಜುವಾತು ಮಾಡಿದೆ. ದೋಖ್ಲಾಂ ಗಡಿ ತಂಟೆ ವಿವಾದವನ್ನು ಯುದ್ಧವಿಲ್ಲದೇ ಗೆದ್ದ ಭಾರತ ಈಗ ಪಾಕಿಸ್ತಾನವನ್ನು ಜಗತ್ತಿನ ಎದುರು ಒಬ್ಬಂಟಿಯನ್ನಾಗಿ ಮಾಡಿದೆ. ಭಯೋತ್ಪಾದನೆಯ ವಿರುದ್ಧದ ಯುದ್ಧದಲ್ಲಿ ಪ್ರಮುಖ ಪಾತ್ರ ನಿರ್ವಹಿಸುತ್ತಿದ್ದೇನೆ ಎಂದು ಹೇಳಿಕೊಳ್ಳುತ್ತಿದ್ದ ಪಾಕಿಸ್ತಾನಕ್ಕೆ ಮೋದಿ ಸರ್ಕಾರ ಮಾಸ್ಟರ್ ಸ್ಟ್ರೋಕ್​ ನೀಡಿ ಬಿಸಿ ಮುಟ್ಟಿಸಿದೆ..
ಭಾರತದ ವಿರುದ್ಧ ಗಡಿಯಾಚೆಗಿನ ಭಯೋತ್ಪಾದನೆಯನ್ನೇ ತನ್ನ ಅಸ್ತ್ರವಾಗಿ ಮಾಡಿಕೊಂಡಿರುವ ಪಾಕಿಸ್ತಾನಕ್ಕೆ ಈಗ ಅಂತರಾಷ್ಟ್ರೀಯ ಮಟ್ಟದಲ್ಲಿ ಭಾರೀ ಮುಖಭಂಗವಾಗಿದೆ. ವಿಶ್ವಸಂಸ್ಥೆಯ ಸಾಮಾನ್ಯ ಸಭೆಯಲ್ಲಿ ಪಾಕಿಸ್ತಾನವನ್ನು ಟೆರರಿಸ್ತಾನ ಎಂದು ಜರಿದಿದೆ. ಈ ಮೂಲಕ ಭಯೋತ್ಪಾದನೆಯ ವಿರುದ್ಧ ಹೋರಾಡುತ್ತಿದ್ದೇನೆ ಎಂದು ಬಿಂಬಿಸಿಕೊಳ್ಳುತ್ತಿದ್ದ ಪಾಕಿಸ್ತಾನದ ಮುಖವಾಡವನ್ನು ಭಾರತ ಬಯಲಿಗೆಳೆದಿದೆ. ವಿಶ್ವಸಂಸ್ಥೆಯ ಸಾಮಾನ್ಯ ಸಭೆಯಲ್ಲಿ ಮಾತನಾಡಿದ್ದ ಪಾಕಿಸ್ತಾನದ ಪ್ರಧಾನಿ ಶಾಹಿದ್ ಖಾನ್ ಅಬ್ಬಾಸಿ ಭಾರತದ ವಿರುದ್ಧ ಹಲವು ಹಸಿ ಸುಳ್ಳುಗಳನ್ನು ಪ್ರಯೋಗಿಸಿದ್ದರು. ಪಾಕಿಸ್ತಾನ ಮಾಡಿದ ಎಲ್ಲ ಸುಳ್ಳು ಆರೋಪಗಳಿಗೆ ಭಾರತ ಅಂತರಾಷ್ಟ್ರೀಯ ವೇದಿಕೆಯಲ್ಲಿ ದಿಟ್ಟ ಉತ್ತರ ನೀಡಿದೆ. ಪಾಕ್​ನ ಪೊಳ್ಳು ವಾದ ಮತ್ತು ಭಾರತದ ದಿಟ್ಟ ಉತ್ತರದ ಸ್ಯಾಂಪಲ್​ ಇಲ್ಲಿದೆ ನೋಡಿ…

ಪಾಕಿಸ್ತಾನದ ಮಾನವನ್ನು ಜಗತ್ತಿನ ಮುಂದೆ ಇಷ್ಟು ಪರಿಣಾಮಕಾರಿಯಾಗಿ ಹಿಂದೆಂದೂ ಭಾರತ ಹರಾಜು ಹಾಕಿರಲಿಲ್ಲ. ಪಾಕಿಸ್ತಾನ ಜಾಗತಿಕ ಭಯೋತ್ಪಾದನೆಯ ಮೂಲ ಕಾರ್ಖಾನೆ ಮತ್ತು ರಫ್ತು ದೇಶ ಎಂದು ಭಾರತ ಕಟು ಶಬ್ಧಗಳಲ್ಲಿ ಟೀಕಿಸಿದೆ. ಜಮ್ಮು ಮತ್ತು ಕಾಶ್ಮೀರ ಭಾರತದ ಅವಿಭಾಜ್ಯ ಅಂಗ ಎನ್ನುವುದನ್ನು ಪಾಕ್ ನೆನಪಿನಲ್ಲಿಡಲಿ, ಉಗ್ರರನ್ನು ಗಡಿಯಾಚೆಯಿಂದ ಭಾರತಕ್ಕೆ ನುಸುಳಿ ಬಿಡುವ ಮೂಲಕ ಭಾರತದ ಪ್ರಾದೇಶಿಕ ಸಮಗ್ರತೆಯನ್ನು ಹಾಳು ಮಾಡಲು ಪಾಕಿಸ್ತಾನಕ್ಕೆ ಎಂದಿಗೂ ಸಾಧ್ಯವಿಲ್ಲ ಎಂದು ಪಾಕಿಸ್ತಾನಕ್ಕೆ ಎಚ್ಚರಿಕೆ ನೀಡಿದೆ. ಕಾಶ್ಮೀರದ ವಿಚಾರವನ್ನು ಅಂತರಾಷ್ಟ್ರೀಯ ಮಟ್ಟದಲ್ಲಿ ಪದೇ ಪದೇ ಪ್ರಸ್ತಾಪ ಮಾಡುತ್ತಿದ್ದ ಪಾಕಿಸ್ತಾನಕ್ಕೆ ಈ ಮೂಲಕ ಮುಖಭಂಗವಾಗಿದೆ..
ಪಾಕಿಸ್ತಾನಕ್ಕೆ ಇವತ್ತು ವಿಶ್ವ ಸಮುದಾಯದ ಮುಂದೆ ಭಾರತ ನೀಡಿದ ದಿಟ್ಟ ಉತ್ತರ ಶ್ಲಾಘನೆಗೆ ಕಾರಣವಾಗಿದೆ. ಇದು ಕಾಶ್ಮೀರ ವಿಚಾರವಾಗಿ ಪದೇ ಪದೇ ಖ್ಯಾತೆ ತೆಗೆಯುತ್ತಿದ್ದ ಪಾಕಿಸ್ತಾನಕ್ಕೆ ಮುಟ್ಟಿ ನೋಡಿಕೊಳ್ಳುವಂತಹ ಪೆಟ್ಟು. ಜಮ್ಮು ಮತ್ತು ಕಾಶ್ಮೀರದಲ್ಲಿ ಮಾನವ ಹಕ್ಕು ಗಳು ಉಲ್ಲಂಘನೆಯಾಗುತ್ತಿದೆ. ಅಮಾಯಕರನ್ನು ಗುಂಡಿಟ್ಟು ಕೊಲ್ಲಲಾಗುತ್ತಿದೆ ಎಂದು ಪಾಕಿಸ್ತಾನ ಸುಳ್ಳೇ ಸುಳ್ಳು ಆರೋಪ ಮಾಡಿತ್ತು..
ಪಾಕಿಸ್ತಾನದ ಈ ಮಾತುಗಳಿಗೆ ತೀಕ್ಣ ಉತ್ತರ ನೀಡಿರುವ ಭಾರತ, ಪಾಕಿಸ್ತಾನದ ಬೀದಿಗಳಲ್ಲಿ ಉಗ್ರರನ್ನು ರಾಜಾರೋಷವಾಗಿ ಅಲೆಯಲು ಬಿಡಲಾಗಿದೆ. ಉಗ್ರಕೃತ್ಯಗಳಲ್ಲೇ ನಿರತರಾಗಿರುವ ದೇಶ ಭಾರತಕ್ಕೆ ಅಥವಾ ಜಗತ್ತಿಗೆ ಮಾನವ ಹಕ್ಕುಗಳ ರಕ್ಷಣೆಯ ಪಾಠ ಬೇಕಿಲ್ಲ. ತನ್ನ ನೆಲದ ಮಾನವ ಹಕ್ಕು ಹಾಗೂ ಪ್ರಜಾಪ್ರಭುತ್ವವನ್ನು ರಕ್ಷಿಸಲು ಹರಸಾಹಸ ಪಡುತ್ತಿರುವ ದೇಶದಿಂದ ಜಗತ್ತಿನ ಯಾವ ರಾಷ್ಟ್ರಗಳೂ ಕಲಿಯಬೇಕಿರುವುದು ಏನೂ ಇಲ್ಲ ಎಂದು ಉತ್ತರ ನೀಡಿದೆ..
ಒಂದು ಕಡೆಯಿಂದ ಶಾಂತಿಯ ಮಾತುಗಳನ್ನಾಡುವ ಪಾಕಿಸ್ತಾನ ಮತ್ತೊಂದು ಕಡೆ ಗಡಿಯಾಚೆಗಿನ ಭಯೋತ್ಪಾದನೆಗೆ ನಿರಂತರವಾಗಿ ಕುಮ್ಮಕ್ಕು ನೀಡುತ್ತಲೇ ಇದೆ. ಲಷ್ಕರ್​ ಎ ತೋಯ್ಬಾ ಮತ್ತು ಆಲ್​ಖೈದಾ ಉಗ್ರ ಮುಖಂಡರಿಗೆ ಪಾಕಿಸ್ತಾನದಲ್ಲೇ ಆಶ್ರಯ ನೀಡಿ ಉಗ್ರವಾದವನ್ನು ಪೋಷಿಸುತ್ತಿರುವ ಮತ್ತು ಉಗ್ರ ತರಭೇತಿ ನೀಡುತ್ತಿರುವ ರಾಷ್ಟ್ರ ಭಯೋತ್ಪಾದನೆಯ ವಿರುದ್ಧ ಹೇಗೆ ಹೋರಾಟ ಮಾಡಲು ಸಾಧ್ಯ. ಒಸಾಮಾ ಬಿನ್​ ಲಾಡೆನ್​ನಿಂದ ಹಿಡಿದು ಮುಲ್ಲಾ ಓಮರ್ ಇಬ್ಬರನ್ನೂ ಪೋಷಿಸಿ, ಆಶ್ರಯು ನೀಡಿದ್ದು ಪಾಕಿಸ್ತಾನ. ಈಗ ಲಷ್ಕರ್​ ಎ ತೋಯ್ಬಾ ಮುಖಂಡನಿಗೆ ರಾಜಕೀಯ ಸ್ಥಾನಮಾನ ನೀಡಲು ಮುಂದಾಗಿರೋದನ್ನ ಭಾರತ ಜಗತ್ತಿನ ಎಲ್ಲ ದೇಶಗಳಿಗೆ ಮನವರಿಕೆ ಮಾಡಿಕೊಟ್ಟಿದೆ..
ಪಾಕಿಸ್ತಾನದ ಡಬಲ್​ ಸ್ಟಾಂಡರ್ಡ್ ಅನ್ನು ಜಗತ್ತಿನ ಮುಂದೆ ಬಯಲು ಮಾಡಿದ್ದು ಭಾರತದ ವಿದೇಶಾಂಗ ನೀತಿಯ ಎಫೆಕ್ಟ್. ಮೋದಿ ಸರ್ಕಾರ ಬಂದ ಮೇಲೆ ಪಾಕಿಸ್ತಾನದ ವಿರುದ್ಧ ಕಠಿಣ ನಿಲುವುಗಳನ್ನೇ ತೆಗೆದುಕೊಳ್ಳುತ್ತಿದೆ. ಜಮ್ಮು ಕಾಶ್ಮೀರದ ಯುವಕರನ್ನು ಭಯೋತ್ಪಾದನೆಯು ವಿಷ ವರ್ತುಲಕ್ಕೆ ದೂಡುತ್ತಿದ್ದ ಪಾಕಿಸ್ತಾನದ ಎಲ್ಲ ದಾರಿಗಳನ್ನೂ ಮೋದಿ ಈಗ ಮುಚ್ಚಿದ್ದಾರೆ. ಪ್ರತ್ಯೇಕತಾವಾದಿ ಮುಖಂಡರಿಗೆ ಪಾಕಿಸ್ತಾನ ನೀಡುತ್ತಿದ್ದ ಎಂಜಲು ಕಾಸೂ ಕೂಡ ಈಗ ಅವರನ್ನು ತಲುಪುತ್ತಿಲ್ಲ. ಕಾಶ್ಮೀರದಲ್ಲಿ ಉಗ್ರ ಕೃತ್ಯಗಳನ್ನು ನಡೆಸಲು ಪಾಕಿಸ್ತಾನದ ಉಗ್ರರಿಗೆ ಮತ್ತು ಐಎಸ್​ಐಗೆ ಈಗ ಮೊದಲಿನಷ್ಟು ಸುಲಭವಿಲ್ಲ. ಹಾಗಾಗಿಯೇ ಪದೇ ಪದೇ ಕಾಶ್ಮೀರದ ವಿಷಯ ಪ್ರಸ್ತಾಪಿಸಿ ಚೀಮಾರಿ ಹಾಕಿಸಿಕೊಳ್ಳುತ್ತಲೇ ಇದೆ. ಭಯೋತ್ಪಾದನೆ ವಿರುದ್ಧದ ಹೋರಾಟಕ್ಕೆ ಪಾಕಿಸ್ತಾನಕ್ಕೆ ನೀಡುತ್ತಿದ್ದ ನೆರವನ್ನು ಅಮೆರಿಕ ಕಡಿತಗೊಳಿಸಿದೆ. ಸಂಪೂರ್ಣವಾಗಿ ನಿಲ್ಲಿಸುವತ್ತಲೂ ಅಮೆರಿಕ ಗಮನ ಹರಿಸಿದೆ. ಅಷ್ಟೇ ಅಲ್ಲದೇ ಪಾಕಿಸ್ತಾನವನ್ನು ಭಯೋತ್ಪಾದಕ ರಾಷ್ಟ್ರ ಎಂದು ಘೋಷಿಸುವ ಬಗ್ಗೆ ಅಮೆರಿಕ ಪರಿಗಣಿಸುತ್ತಿದೆ. ಇದೆಲ್ಲವೂ ಮೋದಿ ಸರ್ಕಾರದ ವಿದೇಶಾಂಗ ನೀತಿಯ ಫಲ, ರಾಜತಾಂತ್ರಿಕ ನಿಲುವು ಕಾರಣ ಅನ್ನೋದು ಸ್ಪಷ್ಟ. ಭಾರತದ ವಿರುದ್ಧ ಕ್ಯಾತೆ ತೆಗೆಯುತ್ತಿದ್ದ ಪಾಕಿಸ್ತಾನ ಭಾರತದ ದಿಟ್ಟ ನಿಲುವಿನಿಂದ ಜಗತ್ತಿನ ಮುಂದೆ ಅಕ್ಷರಶಃ ಒಬ್ಬಂಟಿಯಾಗಿದೆ.

ರೋಹಿಂಗ್ಯಾ ಮುಸ್ಲಿಮರಿಗೆ ಭಾರತವೇಕೆ ಆಶ್ರಯ ನೀಡಬೇಕು..?

 

BANGLADESH-MYANMAR-REFUGEE-UNREST-DIPLOMACY

ರೋಹಿಂಗ್ಯಾ ಪರ ಪ್ರತಿಭಟನೆ..

ದೇಶದ ಭದ್ರತೆಗೆ ರೋಹಿಂಗ್ಯಾ ಮುಸ್ಲಿಮರು ಕಂಟಕವಾಗಬಹುದು ಎಂಬ ಗುಪ್ತಚರ ಮಾಹಿತಿಗಳಿದ್ದರೂ ಅವರಿಗೆ ಭಾರತದಲ್ಲಿ ಆಶ್ರಯ ನೀಡಬೇಕಾ..? ರೋಹಿಂಗ್ಯಾಗಳಿಗೆ ನೆಲೆ ನೀಡಲು ಮುಸ್ಲಿಂ ರಾಷ್ಟ್ರಗಳೇ ಹಿಂಜರಿಯುತ್ತಿರುವಾಗ ಭಾರತ ನೆಲೆ ನೀಡಬೇಕಾ..? ಬಾಂಗ್ಲಾದಿಂದ ಮಯನ್ಮಾರ್​ಗೆ ನೂರಾರು ವರ್ಷಗಳ ಹಿಂದೆಯೇ ವಲಸೆ ಹೋಗಿರುವ ರೋಹಿಂಗ್ಯಾ ಮುಸ್ಲಿಮರನ್ನು ಬಾಂಗ್ಲಾದೇಶವೇ ಬೇಡ ಎನ್ನುತ್ತಿರುವಾಗ ಭಾರತ ದೇಶವೇಕೆ ಅವರನ್ನು ದೇಶದ ಒಡಲಲ್ಲಿಟ್ಟುಕೊಂಡು ಸಲುಹಬೇಕು..? ಇದ್ದಕ್ಕಿದ್ದಂತೆ ರೋಹಿಂಗ್ಯಾ ಮುಸ್ಲಿಮರ ಪರವಾಗಿ ದೇಶದ ಮುಸ್ಲಿಂ ಸಂಘಟನೆಗಳು ಪ್ರತಿಭಟನೆಗಳನ್ನು ನಡೆಸುತ್ತಿವೆ. ಮಯನ್ಮಾರ್​ನಲ್ಲಿ ರೋಹಿಂಗ್ಯಾ ಮುಸ್ಲಿಮರ ವಿರುದ್ಧ ನಡೆಯುತ್ತಿರುವ ದೌರ್ಜನ್ಯವನ್ನು ಖಂಡಿಸುವ ಮಟ್ಟಕ್ಕೆ ಈ ಪ್ರತಿಭಟನೆಗಳು ಸೀಮಿತವಾಗಿದ್ದರೆ ತಮ್ಮ ಧರ್ಮದವರ ವಿರುದ್ಧ ಮರುಕ ತೋರುತ್ತಿದ್ದಾರೆ ಅಂದುಕೊಳ್ಳಬಹುದಾಗಿತ್ತು. ಆದ್ರೆ ವಿಚಾರ ಅದಲ್ಲ. ಮಯನ್ಮಾರ್​ನಿಂದ ಅಕ್ರಮವಾಗಿ ದೇಶಕ್ಕೆ ವಲಸೆ ಬಂದಿರುವ 40 ಸಾವಿರ ರೋಹಿಂಗ್ಯಾ ನಿರಾಶ್ರಿತರಿಗೆ ಆಶ್ರಯ ನೀಡಬೇಕು ಅನ್ನೋ ಆಗ್ರಹ ಕೇಳಿಬಂದಿದೆ. ದೇಶದಲ್ಲಿ ನೆಲೆಸಿರುವ ಅಕ್ರಮ ರೋಹಿಂಗ್ಯಾ ಮುಸ್ಲಿಮರ ಸಂಖ್ಯೆ 40 ಸಾವಿರ ಅಂತ ಸರ್ಕಾರ ಹೇಳುತ್ತದೆ. ಆದ್ರೆ ಈ ಸಂಖ್ಯೆ ಸುಮಾರು ಒಂದು ಲಕ್ಷದಷ್ಟಿದೆ ಅನ್ನೋ ಮಾಹಿತಿಗಳೂ ಇವೆ. ಇದಕ್ಕೆಲ್ಲಾ ಸೊಪ್ಪು ಹಾಕದ ಕೇಂದ್ರ ಸರ್ಕಾರ ದೇಶದಲ್ಲಿರುವ ರೋಹಿಂಗ್ಯಾ ಮುಸ್ಲಿಮರನ್ನು ಗಡಿಪಾರು ಮಾಡಲು ನಿರ್ಧರಿಸಿದೆ.
ಮಯನ್ಮಾರ್​ನಲ್ಲಿನ ಹಿಂಸಾಚಾರದಿಂದಾಗಿ ಭಾರತಕ್ಕೆ ವಲಸೆ ಬಂದಿರುವ ಬೃಹತ್ ಸಂಖ್ಯೆಯ ರೋಹಿಂಗ್ಯಾ ಮುಸ್ಲಿಮರು ದೇಶದ ಭದ್ರತೆಗೆ ಕುತ್ತಾಗುವ ಸಾಧ್ಯತೆ ಇದೆ. ರೋಹಿಂಗ್ಯಾ ಮುಸ್ಲಿಮರಿಗೆ ಐಸಿಸ್​ ಉಗ್ರ ಸಂಘಟನೆ ಮತ್ತು ಪಾಕಿಸ್ತಾನದ ಐಎಸ್ಐ ಜೊತೆ ಸಂಪರ್ಕ ಇದೆ. ಹೀಗಾಗಿ ರೋಹಿಂಗ್ಯಾ ಮುಸ್ಲಿಮರಿಗೆ ದೇಶದಲ್ಲಿ ಆಶ್ರಯ ನೀಡಲು ಸಾಧ್ಯವಿಲ್ಲ ಎಂದು ಕೇಂದ್ರ ಸರ್ಕಾರ ಸುಪ್ರೀಂ ಕೋರ್ಟ್​ನಲ್ಲಿ ಅಫಿಡೆವಿಟ್​ ಸಲ್ಲಿಸಿದೆ. ರೋಹಿಂಗ್ಯಾಗಳನ್ನು ಗಡೀಪಾರು ಮಾಡುವ ವಿಚಾರದಲ್ಲಿ ಸುಪ್ರೀಂ ಕೋರ್ಟ್​ ಹಸ್ತಕ್ಷೇಪ ಮಾಡಬಾರದು. ಇದು ಸರ್ಕಾರದ ಆಡಳಿತಾತ್ಮಕ ವಿಚಾರ ಎಂದು ಸರ್ಕಾರ ತನ್ನ ನಿರ್ಧಾರವನ್ನು ಸಮರ್ಥಿಸಿಕೊಂಡಿದೆ. ಸರ್ಕಾರದ ಈ ತೀರ್ಮಾನ ಕೆಲವು ಮುಸ್ಲಿಂ ಮುಖಂಡರ ಮತ್ತು ಸ್ವಯಂ ಘೋಷಿತ ಮಾನವ ಹಕ್ಕುಗಳ ಹೋರಾಟಗಾರರು ಮತ್ತು ಬುದ್ದಿಜೀವಿಗಳಿಗೆ ಪಥ್ಯವಾಗಿಲ್ಲ. ಅವರ ಪ್ರಕಾರ ರೋಹಿಂಗ್ಯಾ ಮುಸ್ಲಿಮರನ್ನು ದೇಶದೊಳಗಿಟ್ಟುಕೊಂಡೇ ಸಲುಹಬೇಕು. ಈಗಾಗಲೇ ದೇಶದ ಹಲವೆಡೆ ತಳವೂರಿರುವ ರೋಹಿಂಗ್ಯಾಗಳು ಅಕ್ರಮವಾಗಿ ಆಧಾರ್ ಕಾರ್ಡ್, ವೋಟರ್ ಐಡಿಗಳನ್ನು ಮಾಡಿಸಿಕೊಂಡಿದ್ದಾರೆ. ಕಾಶ್ಮೀರದಲ್ಲಿರುವ ಹತ್ತು ಸಾವಿರ ರೋಹಿಂಗ್ಯಾಗಳಲ್ಲಿ ಕೆಲವರು ಪರ್ಮನೆಂಟ್ ರೆಸಿಡೆಂಟ್ ಸರ್ಟಿಫಿಕೇಟ್​ಗಳನ್ನೂ ಮಾಡಿಸಿಕೊಂಡಿದ್ದಾರೆ. ಹೀಗೆ ಯಾವುದೋ ದೇಶದ ಜನ ಅಕ್ರಮವಾಗಿ ಗಡಿ ನುಸುಳಿ ಒಳಬಂದವರನ್ನು ಭಾರತೀಯರು ಎಂದು ನಾವು ಒಪ್ಪಿಕೊಳ್ಳಬೇಕಾ..?

 

ಸಮುದ್ರ ಮಾರ್ಗದ ಮೂಲಕ ದೇಶದೊಳಕ್ಕೆ ಅಕ್ರಮವಾಗಿ ಬರುತ್ತಿರುವ ರೋಹಿಂಗ್ಯಾಗಳು

ಸಮುದ್ರ ಮಾರ್ಗದ ಮೂಲಕ ದೇಶದೊಳಕ್ಕೆ ಅಕ್ರಮವಾಗಿ ಬರುತ್ತಿರುವ ರೋಹಿಂಗ್ಯಾಗಳು

ಮಯನ್ಮಾರ್​ ದೇಶದ ರಖಿನೆ ಎಂಬ ರಾಜ್ಯದಲ್ಲಿ ವಾಸ ಮಾಡುವವರೇ ರೋಹಿಂಗ್ಯಾ ಮುಸ್ಲಿಮರು. ಆದ್ರೆ ಈ ಜನರನ್ನು ಮಯನ್ಮಾರ್​ ತನ್ನ ಪ್ರಜೆಗಳು ಎಂದು ಒಪ್ಪಿಕೊಳ್ಳೋದಕ್ಕೆ ಸಿದ್ದವಿಲ್ಲ. ಬಾಂಗ್ಲಾದಿಂದ ಅಕ್ರಮವಾಗಿ ದೇಶಕ್ಕೆ ಬಂದು ವಾಸಿಸುತ್ತಿದ್ದಾರೆ, ರೋಹಿಂಗ್ಯಾಗಳು ತನ್ನ ಪ್ರಜೆಗಳಲ್ಲ ಅನ್ನೋದು ಮಯಾನ್ಮಾರ್​ನ ವಾದ. ಇದಕ್ಕೆ ತದ್ವಿರುದ್ಧವಾಗಿ ರೋಹಿಂಗ್ಯಾಗಳನ್ನು ತನ್ನ ದೇಶಕ್ಕೆ ಬಿಟ್ಟುಕೊಳ್ಳಲು ಬಾಂಗ್ಲಾದೇಶ ತಯಾರಿಲ್ಲ. ಬೌದ್ಧ ಧರ್ಮೀಯರೇ ಬಹುಸಂಖ್ಯಾತವಾಗಿರುವ ಮಯನ್ಮಾರ್ ದೇಶ ರೋಹಿಂಗ್ಯಾಗಳನ್ನು ದೇಶದಿಂದ ಓಡಿಸಲು ನಿರಂತರವಾಗಿ ಯತ್ನಿಸುತ್ತಲೇ ಇದೆ. ಉದ್ಯೋಗ, ಶಿಕ್ಷಣ, ಧಾರ್ಮಿಕ ಸ್ವಾತಂತ್ರ್ಯ, ಆರೋಗ್ಯ ಸೇವೆ, ಮದುವೆ ಪ್ರತಿಯೊಂದಕ್ಕೂ ರೋಹಿಂಗ್ಯಾಗಳ ಮೇಲೆ ನಿರ್ಬಂಧ ಹೇರಲಾಗಿದೆ. ಪರಿಣಾಮ ರೋಹಿಂಗ್ಯಾ ಮುಸ್ಲಿಮರ ಮಾರಣ ಹೋಮ ನಡೆಯುತ್ತಲೇ ಇದೆ. ಜೀವ ಉಳಿಸಿಕೊಳ್ಳಲು ಈ ರೋಹಿಂಗ್ಯಾ ಮುಸ್ಲಿಮರು ಅಕ್ಕ ಪಕ್ಕದ ದೇಶಗಳಿಗೆ ವಲಸೆ ಹೋಗುತ್ತಿದ್ದಾರೆ. ಮಯನ್ಮಾರ್​ನಲ್ಲಿ ಇಷ್ಟೆಲ್ಲ ನಡೆಯುತ್ತಿದ್ದರೂ ಮಾನವ ಹಕ್ಕುಗಳ ಹೋರಾಟಗಾರ್ತಿ ಆಂಗ್ ಸಾನ್ ಸೂಕಿ ಜಗತ್ತು ಏನು ಬೇಕಾದರೂ ತಿಳಿದುಕೊಳ್ಳಲಿ, ನಮಗೆ ನಮ್ಮ ದೇಶದ ರಕ್ಷಣೆಯಷ್ಟೇ ಮುಖ್ಯ ಎಂದು ಹೇಳಿದ್ದಾರೆ. ಮಯನ್ಮಾರ್​ ದೇಶವೇ ರೋಹಿಂಗ್ಯಾಗಳಿಂದ ದೇಶದ ಭದ್ರತೆಗೆ ಅಪಾಯವಿದೆ ಎನ್ನುವಂತಹ ಮಾತುಗಳನ್ನಾಡುವಾಗ ಅಂತವರನ್ನು ದೇಶದೊಳಕ್ಕೆ ಬಿಟ್ಟುಕೊಳ್ಳಬೇಕಾ.. ಮಾನವ ಹಕ್ಕುಗಳ ಹೋರಾಟಗಾರ್ತಿ ಸೂಕಿಯ ಬಾಯಲ್ಲಿ ದೇಶ ರಕ್ಷಣೆಯ ಮಾತು ಬಂತೋ ಅಂತರಾಷ್ಟ್ರೀಯ ಮಾಧ್ಯಮಗಳು ಸೂಕಿ ವಿರುದ್ಧ ಆಕ್ರೋಶ ಹೊರಹಾಕಿದ್ದವು. ಇದರಿಂದ ಎಚ್ಚೆತ್ತ ಸೂಕಿ ಈಗ ಧರ್ಮ ಮತ್ತು ಜನಾಂಗದ ನೆಲೆಯಲ್ಲಿ ಛಿದ್ರವಾಗಿರುವ ಮ್ಯಾನ್ಮಾರ್‌ ಒಗ್ಗಟ್ಟಾಗಿ ಮುಂದುವರಿಯಲು ನೆರವಾಗುವಂತೆ ಅಂತರರಾಷ್ಟ್ರೀಯ ಸಮುದಾಯವನ್ನು ಕೋರಿದ್ದಾರೆ. ಸೇನಾ ಕಾರ್ಯಾಚರಣೆಯಿಂದ ಬೆದರಿ ದೇಶ ತೊರೆದು ಹೋಗಿರುವ ರೋಹಿಂಗ್ಯಾ ಸಮುದಾಯದ ಮುಸ್ಲಿಮರು ಮ್ಯಾನ್ಮಾರ್‌ಗೆ ಮರಳುವಂತೆ ಮನವಿ ಮಾಡಿಕೊಂಡಿದ್ದಾರೆ. ಹಾಗಾದ್ರೆ ಭಾರತದಲ್ಲಿ ನಿರಾಶ್ರಿತರಂತಿರುವ ರೋಹಿಂಗ್ಯಾಗಳು ಈಗ ತಮ್ಮ ತವರಿಗೆ ಹೋಗಬಹುದಲ್ಲವಾ..?

 

ನಿರಾಶ್ರಿತ ರೋಹಿಂಗ್ಯಾ ಮುಸ್ಲಿಮರು

ನಿರಾಶ್ರಿತ ರೋಹಿಂಗ್ಯಾ ಮುಸ್ಲಿಮರು

ರೋಹಿಂಗ್ಯಾ ಮುಸ್ಲಿಮರ ಮೇಲೆ ಮಯನ್ಮಾರ್​ ಮತ್ತು ಬಾಂಗ್ಲಾ ಗಡಿಯಲ್ಲಿ ನಡೆಯುತ್ತಿರುವ ಹಿಂಸಾಚಾರ ಯಾವುದೇ ಕಾರಣಕ್ಕೂ ಸಮರ್ಥನೀಯವಲ್ಲ. ಇಡೀ ಒಂದು ಸಮುದಾಯವೇ ಯಾವ ದೇಶಕ್ಕೂ ಅಪಾಯಕಾರಿಯಾಗಿ ನಿಲ್ಲಲು ಸಾಧ್ಯವಿಲ್ಲ. ಒಂದು ವೇಳೆ ರೋಹಿಂಗ್ಯಾ ಮುಸ್ಲಿಮರಲ್ಲಿ ಉಗ್ರ ಚಟುವಟಿಕೆಗಳಲ್ಲಿ ನಿರತರಾಗಿದ್ದವರಿದ್ದರೆ ಅಂತವರನ್ನು ಗುರುತಿಸಿ ಅವರ ವಿರುದ್ಧ ಮಯನ್ಮಾರ್ ಕ್ರಮ ತೆಗೆದುಕೊಳ್ಳಲಿ. ಅನ್ನ, ನೀರು ಸಿಗದೇ ಅಮಾಯಕ ಮಕ್ಕಳು, ಮಹಿಳೆಯರು ಜೀವ ಕೈಲ್ಲಿ ಹಿಡಿದುಕೊಂಡು ಪರ ದೇಶಗಳಿಗೆ ಓಡಿಹೋಗಬೇಕಾ.. ಅಂತವರ ರಕ್ಷಣೆಗೆ ಅಂತರಾಷ್ಟ್ರೀಯ ಸಮುದಾಯ, ನೆರೆಯ ದೇಶ ಭಾರತ ನೆರವಾಗಬೇಕು ನಿಜ. ನೆರವಾಗುವುದು ಅಂದರೆ ಅಷ್ಟೂ ಜನರನ್ನು ದೇಶದೊಳಕ್ಕೆ ಬಿಟ್ಟುಕೊಳ್ಳಬೇಕು ಅಂತೇನು ಅಲ್ಲವಲ್ಲ. ರಾಜತಾಂತ್ರಿಕ ಮಾರ್ಗದ ಮೂಲಕ ರೋಹಿಂಗ್ಯಾಗಳ ಮೇಲೆ ನಡೆಯುತ್ತಿರುವ ಹಿಂಸಾಚಾರ ನಿಲ್ಲುವಂತೆ ಮಾಡಿ ಅವರು ಮಯನ್ಮಾರ್​ನಲ್ಲಿ ನೆಮ್ಮದಿಯ ಜೀವನ ನಡೆಸುವಂತೆ ಮಾಡುವುದು ಸಮಸ್ಯೆಗೆ ಪರಿಹಾರ ಅಲ್ಲವಾ. ಅದನ್ನು ಬಿಟ್ಗಟು ರೋಹಿಂಗ್ಯಾಗಳಿಗೆ ಭಾರತದಲ್ಲಿ ಇರಲು ಅವಕಾಶ ಮಾಡಿಕೊಡಿ ಎಂದರೆ ಹೇಗೆ..? ಈಗಾಗಲೇ ಈಶಾನ್ಯ ರಾಜ್ಯಗಳಲ್ಲಿ ಅಕ್ರಮ ಬಾಂಗ್ಲಾದೇಶಿ ವಲಸಿಗರಿಂದ ಆಗಿರುವ ಸಮಸ್ಯೆಗಳನ್ನು ರೋಹಿಂಗ್ಯಾಗಳ ವಿಷಯದಲ್ಲೂ ಈ ದೇಶ ಸಮಸ್ಯೆ ಸೃಷ್ಟಿಸಿಕೊಳ್ಳಬೇಕಾ…? ಈಗಾಗಲೇ ಹಲವು ದಿನಗಳಿಂದ ರೋಹಿಂಗ್ಯಾಗಳಿಗೆ ಆಶ್ರಯ ನೀಡಲಾಗಿದೆ. ಇದು ತಾತ್ಕಾಲಿಕ ವ್ಯವಸ್ಥೆಯಾಗಬೇಕೇ ವಿನಃ ಅವರನ್ನೆಲ್ಲಾ ಶಾಶ್ವತವಾಗಿ ಭಾರತದ ಪ್ರಜೆಗಳಂತೆ ದೇಶದೊಳಗಿರಲು ಅವಕಾಶ ನೀಡಬೇಕು ಎಂದು ವಾದಿಸಿದರೆ ಹೇಗೆ. ಒಂದು ದೇಶವಾಗಿ ಎಲ್ಲ ದೇಶಗಳ ನಿರಾಶ್ರಿತರಿಗೆ ಜಾಗ ಕೊಡಲಾಗುವುದಿಲ್ಲವಲ್ಲ, ಮಾನವೀಯತೆಯ ಆಧಾರದ ಮೇಲೆ ಒಂದಷ್ಟು ದಿನವಷ್ಟೇ ಅವಕಾಶ ನೀಡಬಹುದು. ಆ ಕೆಲಸ ಈಗಾಗಲೇ ಆಗಿದೆ.
ಒಂದು ಜವಾಬ್ದಾರಿಯುತ ದೇಶವಾಗಿ ಮಯನ್ಮಾರ್​ನಲ್ಲಿ ರೋಹಿಂಗ್ಯಾ ಮುಸ್ಲಿಮರ ಮೇಲೆ ನಡೆಯುತ್ತಿರುವ ಹಿಂಸಾಚಾರವನ್ನು ಭಾರತ ಖಂಡಿಸಿದೆ. ಅಷ್ಟೇ ಅಲ್ಲದೇ ರೋಹಿಂಗ್ಯಾಗಳಿಗೆ ಅಗತ್ಯವಿರುವ ನೆರವನ್ನೂ ಭಾರತ ನೀಡುತ್ತಿದೆ. ಆದ್ರೆ ಇದ್ದಕ್ಕಿಂದ್ದಂತೆ ದೇಶದ ಕೆಲ ಮುಸ್ಲಿಂ ಸಂಘಟನೆಗಳು ರೋಹಿಂಗ್ಯಾ ಮುಸ್ಲಿಮರಿಗೆ ದೇಶದಲ್ಲಿ ಆಶ್ರಯ ಕೊಡಬೇಕು ಎಂದು ಆಗ್ರಹಿಸುತ್ತಿವೆ. ರೋಹಿಂಗ್ಯಾ ಮುಸ್ಲಿಮರಿಗೆ ದೇಶದಲ್ಲಿ ಆಶ್ರಯ ನೀಡಬೇಕು ಅನ್ನೋ ಹಕ್ಕೊತ್ತಾಯವನ್ನು ಅಸಾದುದ್ದೀನ್​ ಓವೈಸಿ ಮಾಡಿದ್ದಾರೆ. ಯಾವುದೋ ದೇಶದ ನಿರಾಶ್ರಿತರನ್ನು ಕೇವಲ ಮುಸ್ಲಿಮರು ಎಂಬ ಕಾರಣಕ್ಕೆ ಅವಕಾಶ ನೀಡಬೇಕಾ ಅನ್ನೋದು ಈಗಿನ ಪ್ರಶ್ನೆ. ರೋಹಿಂಗ್ಯಾಗಳನ್ನು ದೇಶದೊಳಕ್ಕೆ ಬಿಟ್ಟುಕೊಳ್ಳಲು ಮುಸ್ಲಿಂ ದೇಶಗಳೇ ನಿರಾಕರಿಸುತ್ತಿರುವಾಗ ದೇಶದ ಭದ್ರತೆಯನ್ನು ಪಣಕ್ಕಿಟ್ಟು ಕೇವಲ ಮುಸ್ಲಿಮರು ಎಂಬ ಕಾರಣಕ್ಕೆ ರೋಹಿಂಗ್ಯಾಗಳಿಗೆ ಆಶ್ರಯ ನೀಡಬೇಕಾ ಅನ್ನೋದು ಹಿಂದೂ ಪರ ಸಂಘಟನೆಗಳ ಪ್ರಶ್ನೆ.. ಸಿರಿಯಾದಲ್ಲಿ ಐಸಿಸ್ ಉಗ್ರರ ಉಪಟಳ ಅತಿಯಾದಾಗ ಅಲ್ಲಿನ ನಾಗರೀಕರು ಸಾಮೂಹಿಕವಾಗಿ ವಲಸೆ ಹೊರಟರು. ಅವರನ್ನು ಅಕ್ಕಪಕ್ಕದ ಯಾವ ಮುಸ್ಲಿಂ ದೇಶಗಳೂ ಒಳಬಿಟ್ಟುಕೊಳ್ಳಲಿಲ್ಲ. ಟರ್ಕಿಯ ಸಮುದ್ರ ತೀರಕ್ಕೆ ಅಪ್ಪಳಿಸುವ ಅಲೆಯ ನಡುವೆ ಪುಟ್ಟ ಕಂದಮ್ಮನ ಶವದ ಪೋಟೋ ಇಡೀ ಜಗತ್ತಿನ ಮಾನವೀಯತೆಯನ್ನೇ ಪ್ರಶ್ನೆ ಮಾಡಿತ್ತು. ಆಗಲೂ ಯಾವ ಮುಸ್ಲಿಂ ರಾಷ್ಟ್ರಗಳೂ ತಮ್ಮ ’ಸೋದರ’ರನ್ನು ಒಳಬಿಟ್ಟುಕೊಳ್ಳಲಿಲ್ಲ. ಆಗ ಸುಮಾರು 38 ಲಕ್ಷ ವಲಸಿಗರಿಗೆ ಜಾಗ ಕೊಟ್ಟಿದ್ದು ಯೂರೋಪ್ ರಾಷ್ಟ್ರಗಳು. ಜೀವ ಉಳಿಸಿಕೊಳ್ಳಲು ಹೋದ ಸಿರಿಯನ್ನರ ಜೊತೆ ಕೆಲವು ಐಸಿಸ್ ಉಗ್ರರೂ ಯೂರೋಪ್ ಸೇರಿಕೊಂಡಿದ್ದೂ, ಭಯೋತ್ಪಾದಕ ದಾಳಿಗಳಲ್ಲಿ ಭಾಗಿಯಾಗಿದ್ದೂ ಎಲ್ಲವೂ ಈಗ ಇತಿಹಾಸ. ಈ ಸತ್ಯ ಜಗತ್ತಿನ ಕಣ್ಣ ಮುಂದೆ ಇರುವಾಗ ಭಾರತ ಅಕ್ರಮ ವಲಸಿಗರಿಗೆ ತನ್ನ ನೆಲದಲ್ಲಿ ಜಾಗ ಕೊಡಬೇಕಾ.. ಜಾಗ ಕೊಟ್ಟರೆ ಅದು ಮಾನವೀಯತೆಯ ಮಹಾ ಕಾರ್ಯವಾಗುತ್ತಾ..?

–  ಶಶಿವರ್ಣಂ!

#IndiaForIndians #SendBackRohingyas #TerrorThreat #India #RohingyaMuslims

ಕಾಶ್ಮೀರದಲ್ಲಿ ಕೂಲಿಗಾಗಿ ಕಲ್ಲು ಯೋಜನೆ..! ಹುರಿಯತ್ ಮುಖಂಡ ಕೋರ್ಟ್​ನಲ್ಲಿ ಹೇಳಿದ ಸ್ಫೋಟಕ ಸತ್ಯ..!

ಕಾಶ್ಮೀರದಲ್ಲಿ ಕೂಲಿಗಾಗಿ ಕಲ್ಲು ಯೋಜನೆ..!

ಕಾಶ್ಮೀರದಲ್ಲಿ ನಡೆಯುತ್ತಿರುವ ದಿನ ನಿತ್ಯದ ದಳ್ಳುರಿಗೆ ಪಾಕಿಸ್ತಾನದ ಎಂಜಲು ಕಾಸು ಬಳಕೆಯಾಗುತ್ತಿದೆ ಎಂಬ ಹಲವು ವರ್ಷಗಳ ಅನುಮಾನಕ್ಕೆ ಈಗ ಅಧಿಕೃತ ಮುದ್ರೆ ಸಿಕ್ಕಿದೆ. ಕಾಶ್ಮೀರದಲ್ಲಿ ಪ್ರತ್ಯೇಕವಾದಿಗಳು ಎಂಬ ಸೋಗು ಹಾಕಿಕೊಂಡು ಸ್ವಾತಂತ್ರ್ಯ ಹೋರಾಟಗಾರರ ಪೋಸು ಕೊಡುತ್ತಿರುವ ಹುರಿಯತ್ ಕಾಂಗ್ರೆಸ್​ ಮುಖಂಡರು ತಿನ್ನುತ್ತಿರುವುದು ಪಾಕಿಸ್ತಾನದ ಎಂಜಲು. ಪಾಕ್​ನಿಂದ ಪಡೆದ ಚಿಲ್ಲರೆ ಕಾಸು ಪಡೆದು ಕಾಶ್ಮೀರಿ ಯುವಕರನ್ನು ದೇಶ ವಿರೋಧಿ ಕೃತ್ಯಕ್ಕೆ ಎತ್ತಿ ಕಟ್ಟುತ್ತಿದ್ದಾರೆ. ಪಾಕಿಸ್ತಾನಿ ಪ್ರಾಯೋಜಿತ ಕಾಶ್ಮೀರಿ ಹಿಂಸಾಚಾರಕ್ಕೆ ಹುರಿಯತ್ ಕಾನ್ಫರೆನ್ಸ್​ನ ಸಹಕಾರ ಇದೆ ಅನ್ನೋದು ಹೊಸ ಸುದ್ದಿಯೇನಲ್ಲ. ದೇಶದ ಬೇಹುಪಡೆ, ಭದ್ರತಾ ಸಂಸ್ಥೆಗಳು ಎಷ್ಟೋ ವರ್ಷಗಳಿಂದ ಈ ಮಾತುಗಳನ್ನು ಹೇಳಿ ಎಚ್ಚರಿಸುತ್ತಲೇ ಇವೆ. ಅಲ್ಪ ಸಂಖ್ಯಾತರ ವೋಟಿಗಾಗಿ ಕಾಯುವ ಕಾಂಗ್ರೆಸ್​, ತಾನು ಆಡಳಿತದಲ್ಲಿದ್ಧಾಗ ಪ್ರತ್ಯೇಕತಾವಾದಿಗಳಿಗೆ ರಾಜ ಮರ್ಯಾದೆ ಕೊಟ್ಟು ಕಾಶ್ಮೀರಿ ಪ್ರತ್ಯೇಕತಾ ಹೋರಾಟ ಜೀವಂತವಾಗಿರುವಂತೆ ನೋಡಿಕೊಂಡಿತ್ತು. ಯಾವಾಗ ಮೋದಿ ಅಧಿಕಾರದ ದಂಡ ಹಿಡಿದರೋ ಹುರಿಯತ್ ಮುಖಂಡರು ಬಾಲ ಸುಟ್ಟ ಬೆಕ್ಕಿನಂತಾಗಿದ್ದಾರೆ. ಕಾಶ್ಮೀರದಲ್ಲಿನ ಹಿಂಸಾಚಾರಕ್ಕೆ ಪಾಕ್​ ಕುಮ್ಮಕ್ಕಿದೆ ಎಂಬ ಖಚಿತ ಮಾಹಿತಿ ಹಿನ್ನೆಲೆಯಲ್ಲಿ ಕಾರ್ಯಾಚರಣೆಗಿಳಿದಿದ್ದ ಎನ್​ಐಎ ಅಧಿಕಾರಿಗಳ ತಂಡ ಇದುವರೆಗೂ 8 ಹುರಿಯತ್ ಕಾನ್ಫರೆನ್ಸ್​ ಮುಖಂಡರನ್ನ ಬಂಧಿಸಿದೆ. ಬಂಧಿತ ಹುರಿಯತ್ ಮುಖಂಡನೊಬ್ಬ ಮ್ಯಾಜಿಸ್ಟ್ರೇಟ್​ ಎದುರು ಕಾಶ್ಮೀರಿ ಹಿಂಸಾಚಾರಕ್ಕೆ ಪಾಕಿಸ್ತಾನ ನಿರಂತರವಾಗಿ ಹಣ ನೀಡುತ್ತಿದೆ ಎಂದು ತಪ್ಪೊಪ್ಪಿಕೊಂಡಿದ್ದಾನೆ. ಮ್ಯಾಜಿಸ್ಟ್ರೇಟ್​ ಮುಂದೆ ನೀಡುವ ಹೇಳಿಕೆ ಅತ್ಯಂತ ಪ್ರಮುಖ ಸಾಕ್ಷಿಯಾಗುತ್ತದೆ.

ಹುರಿಯತ್ ಮುಖಂಡನ ತಪ್ಪೊಪ್ಪಿಗೆ ಏನು..?

ಪಾಕ್​ ಸೂಚನೆಯಂತೆ ಕಾಶ್ಮೀರದಲ್ಲಿ ಪ್ರತ್ಯೇಕತಾವಾದಿ ಹೋರಾಟ
ಹಿಂಸಾಚಾರ ನಡೆಸಲು ಹುರಿಯತ್ ಮುಖಂಡರಿಗೆ ಪಾಕಿಸ್ತಾನದಿಂದ ಹಣ
ಪಾಕಿಸ್ತಾನದಿಂದ ಬಂದ ಹಣ ಕಾಶ್ಮೀರಿ ಹಿಂಸಾಚಾರಕ್ಕೆ ಬಳಕೆ
ಗಲ್ಫ್​ನಲ್ಲಿರುವ ಕಾಶ್ಮೀರಿ ಉದ್ಯಮಿಗಳ ಮೂಲಕ ಹುರಿಯತ್​ ಮುಖಂಡರ ಖಾತೆಗೆ ಹಣ
ಉದ್ಯಮಿಗಳ ಮೂಲಕ ಹುರಿಯತ್​ ಮುಖಂಡರ ಜೇಬು ಸೇರುತ್ತಿದೆ ಪಾಕ್ ಹಣ
ಹವಾಲಾ/ ಬ್ಯಾಂಕ್​ ವ್ಯವಸ್ಥೆ ಮೂಲಕ ಹುರಿಯತ್​ ಮುಖಂಡರಿಗೆ ಹಣ
ಟೆರರ್​ ಕಮಾಂಡರ್​ಗಳಿಗೆ ಹಣ ಕೊಡುವ ಹುರಿಯತ್ ಮುಖಂಡರು
ಪಾಕ್​ ಕೈವಾಡದ ಸಾಕ್ಷ್ಯ ನಾಶಕ್ಕೆ ಹುರಿಯತ್ ಮುಖಂಡರ ನಿರಂತರ ಯತ್ನ

 

ಹುರಿಯತ್ ಕಾನ್ಫರೆನ್ಸ್​ ಮುಖಂಡ ಕೋರ್ಟ್​ ಮುಂದೆ ಅಧಿಕೃತವಾಗಿ ತಪ್ಪೊಪ್ಪಿಕೊಳ್ಳುತ್ತಿದ್ದಂತೆ ಕಾರ್ಯಾಚರಣೆಗಿಳಿದ ಎನ್​ಐಎ ಅಧಿಕಾರಿಗಳ ತಂಡ ಹುರಿಯತ್ ಮುಖಂಡರ ಮನೆಗಳ ಮೇಲೆ ಮುರುಕೊಂಡು ಬಿದ್ದಿದೆ. 27ಕ್ಕೂ ಹೆಚ್ಚು ಹುರಿಯತ್ ಮುಖಂಡರ ಮನೆ, ಕಚೇರಿಗಳ ಮೇಲೆ ದಾಳಿ ಮಾಡಿರುವ ಅಧಿಕಾರಿಗಳು 2.2 ಕೋಟಿ ಹಣ ವಶಪಡಿಸಿಕೊಂಡಿದ್ದಾರೆ. ಎನ್​ಐಎ ಅಧಿಕಾರಿಗಳ ಕಾರ್ಯಾಚರಣೆಯಿಂದ ಬೆಚ್ಚಿ ಬಿದ್ದಿರುವ ಹುರಿಯತ್ ಮುಖಂಡರು ಜೈಲ್​ ಬರೋ ಚಳುವಳಿ ಮೂಲಕ ದೆಹಲಿಗೆ ಮುತ್ತಿಗೆ ಹಾಕ್ತೀವಿ ಅಂತ ಅರಚಾಡುತ್ತಿದ್ದಾರೆ.

ದೇಶದೊಳಗೇ ಇದ್ದಾರೆ ದೇಶ ದ್ರೋಹಿಗಳು..!

ಹುರಿಯತ್ ಮುಖಂಡರು ಮಾಡುತ್ತಿರುವುದು ದೇಶ ದ್ರೋಹಿ ಕೆಲಸ..!

ಕಾಶ್ಮೀರಕ್ಕೆ ಸ್ವಾತಂತ್ರ್ಯ ಕಲ್ಪಿಸಿ ಇಡೀ ಕಾಶ್ಮೀರವನ್ನು ಪಾಕಿಸ್ತಾನದೊಳಕ್ಕೆ ಬಸಿದುಬಿಡುತ್ತೇವೆ ಎಂದು ಹೊರಟಿದ್ದ ಹುರಿಯತ್ ಕಾನ್ಫರೆನ್ಸ್​ ಮುಖಂಡರಾದ ಸೈಯದ್​ ಆಲಿ ಶಾ ಗಿಲಾನಿ, ಯಾಸಿರ್ ಮಲಿಕ್, ಉಮರ್ ಫಾರೂಕ್ ಸೇರಿದಂತೆ ಹಲವರನ್ನು ಎನ್​ಐಎ ಮುಂಜಾಗ್ರತಾ ಕ್ರಮವಾಗಿ ಬಂಧಿಸಿದೆ. ಸುಮಾರು 24 ವರ್ಷಗಳಿಂದ ಪಾಕಿಸ್ತಾನದ ಎಂಜಲು ತಿನ್ನುತ್ತಿದ್ದ ಹುರಿಯತ್ ಮುಖಂಡರು ಮೋದಿ ಸರ್ಕಾರ ಬಂದ ಮೇಲೆ ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಕಾಶ್ಮೀರದಲ್ಲಿ ಶಾಂರಿ ನೆಲೆಸಲು ಈ ಪ್ರತ್ಯೇಕವಾದಿಗಳನ್ನು ಮಟ್ಟ ಹಾಕಲೇಬೇಕು ಅನ್ನೋ ಅಭಿಪ್ರಾಯಕ್ಕೆ ಮನ್ನಣೆ ಬಂದಿದೆ. ಇಷ್ಟು ವರ್ಷ ಇಂತವರ ವಿರುದ್ಧ ಕ್ರಮಕ್ಕೆ ಕಾಂಗ್ರೆಸ್​ ಯಾಕೆ ಮುಂದಾಗಲಿಲ್ಲ ಅನ್ನೋದು ಮಾತ್ರ ಪ್ರಶ್ನೆಯಾಗಿಯೇ ಉಳಿದಿದೆ. ಪ್ರತ್ಯೇಕವಾದಿಗಳ ಕಲ್ಲು ತೂರಾಟ ಮತ್ತು ಭಯೋತ್ಪಾದನೆಯನ್ನ ಕಾಶ್ಮೀರದ ಸ್ವಾತಂತ್ರ್ಯ ಹೋರಾಟ ಎಂದು ಬಿಂಬಿಸುವ, ಭಾಷಣ ಬಿಗಿಯುವ ಬುದ್ದಿಜೀವಿಗಳು ನಮ್ಮ ದೇಶದ ತುಂಬಾ ಇದ್ದಾರೆ. ಅಲ್ಲಿ ನಡೆಯುತ್ತಿರುವುದು ಕೂಲಿಗಾಗಿ ಕಲ್ಲು ಯೋಜನೆ ಎಂಬ ಸತ್ಯ ಬಹಿರಂಗವಾದ ನಂತರವಾದರೂ ಈ ಆರಾಮ ಕುರ್ಚಿಯ ಚಿಂತಕರು ತಮ್ಮ ಅಭಿಪ್ರಾಯ ಬದಲಿಸಿಕೊಳ್ಳುತ್ತಾರಾ..?

 

– – ಶಶಿವರ್ಣಂ!

 

 

 

ಬೆಂಗಳೂರು ಸರಣಿ ಸ್ಫೋಟದ ಆರೋಪಿ ಪಾಕ್‌ನಲ್ಲಿ..!

bangalore serial blastಬೆಂಗಳೂರು ಸರಣಿ ಸ್ಫೋಟ ನಡೆದು ಎಂಟು ವರ್ಷಗಳ ನಂತರ ಪ್ರಮುಖ ಸಂಚುಕೋರ ಪಾಕಿಸ್ತಾನದ ಪೇಶಾವರ್‌ನಲ್ಲಿ ತಲೆಮರೆಸಿಕೊಂಡಿದ್ದಾನೆ ಎಂದು ಎನ್‌ಐಎ ಅಧಿಕಾರಿಗಳು ದೃಢಪಡಿಸಿದ್ದಾರೆ.

ಕೇರಳ ಮೂಲದ ಲಷ್ಕರೆ ತಯ್ಬಾ ಉಗ್ರ ಸಂಘಟನೆಯೊಂದಿಗೆ ನಂಟು ಹೊಂದಿದ್ದ ಮಹಮದ್ ಸಬೀರ್ 2008ರ ನವೆಂಬರ್ನಲ್ಲಿ ನಕಲಿ ಪಾಸ್‌ಪೋರ್ಟ್ ಬಳಿಸಿಕೊಂಡು ಮುಂಬೈ ಮಾರ್ಗವಾಗಿ ಪಾಕಿಸ್ತಾನ ತಲುಪಿ ದ್ದಾನೆ. ಕಳೆದ ತಿಂಗಳು ದುಬೈ ಪೊಲೀಸರಿಂದ ಭಾರತಕ್ಕೆ ಗಡೀಪಾರಾಗಿದ್ದ ಸಬೀರ್‌ನ ಸಹಚರ ಕೆ.ಎ. ಅನೂಪ್‌ನ ವಿಚಾರಣೆ ವೇಳೆ ಈ ಮಾಹಿತಿ ಹೊರಬಿದ್ದಿದೆ. ಸದ್ಯ ಅನೂಪ್ ಕೇರಳದ ಎರ್ನಾಕುಲಮ್‌ನ ಜೈಲಿನಲ್ಲಿದ್ದಾನೆ.

2008 ರ ಜು.25 ರಂದು ನಗರದ ಏಳು ಕಡೆ ಒಂಬತ್ತು ಬಾಂಬ್‌ಗಳು ಸರಣಿ ಸ್ಫೋಟಗೊಂಡಿದ್ದವು. ಘಟನೆಯಲ್ಲಿ ಇಬ್ಬರು ಮೃತಪಟ್ಟು ಹಲವರು ಗಾಯಗೊಂಡಿ ದ್ದರು. 2005ರಲ್ಲಿ ಐಐಎಸ್‌ಸಿ ದಾಳಿ ನಂತರ ನಡೆದ ಎರಡನೇ ಭಯೋತ್ಪಾದಕ ಕೃತ್ಯ ಇದಾಗಿತ್ತು. ಕೇರಳದ ಸಿಮಿ ಉಗ್ರ ಸಂಘಟನೆ ಅಧ್ಯಕ್ಷ ಸಬೀರ್ ಮೇಲೆ ಬೆಂಗಳೂರು ಸರಣಿ ಸ್ಫೋಟ, ಉಗ್ರ ಸಂಘಟನೆಗಳಿಗೆ ಯುವಕರ ನೇಮಕ ಮತ್ತು ಕೇರಳದ ಕೊಚ್ಚಿಯಲ್ಲಿ ಬಸ್ ಸುಟ್ಟುಹಾಕಿದ್ದು ಸೇರಿ ಹಲವು ಪ್ರಕರಣಗಳಿವೆ.

ಅನೂಪ್‌ನ ವಿಚಾರಣೆ ವೇಳೆ ಇಬ್ಬರ ನಡುವೆ ನಡೆದ ದೂರವಾಣಿ ಸಂಭಾಷಣೆಗಳ ಪರಿಶೀಲನೆಯಿಂದ ಆತ ಪಾಕಿಸ್ತಾನದ ಪೇಶಾ ವರ್‌ನಲ್ಲಿ ತಲೆಮರೆಸಿಕೊಂಡಿದ್ದಾನೆ. ಸದ್ಯ ಕೇರಳದಲ್ಲಿರುವ ಸಬೀರ್‌ನ ಪತ್ನಿಯನ್ನು ಹೇಗಾದರೂ ಮಾಡಿ ಪಾಕಿಸ್ತಾನಕ್ಕೆ ಕರೆಸಿ ಕೊಳ್ಳುವ ಉದ್ದೇಶದಿಂದ ಆತ ಅನೂಪ್ನೊಂದಿಗೆ ಈ ಬಗ್ಗೆ ಹಲವು ಬಾರಿ ಚರ್ಚೆ ನಡೆಸಿದ್ದ ಎಂದು ಎನ್‌ಐಎ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

2008ರ ಲಷ್ಕರೆ ತಯ್ಬಾ ಸಂಘಟನೆ ಉಗ್ರರೊಂದಿಗೆ ನಿರಂತರ ಸಂಪರ್ಕದಲ್ಲಿದ್ದ ಮಹಮದ್ ಸಬೀರ್ ಉಗ್ರ ಸಂಘಟನೆಗ ಳೊಂದಿಗೆ ಕೈಜೋಡಿಸಿ ಯುವಕರ ಸೆಳೆಯು ತ್ತಿದ್ದ. ಇದೇ ರೀತಿ ಐವರು ಕೇರಳದ ಯುವ ಕರ ತರಬೇತಿಗಾಗಿ ಕಾಶ್ಮೀರದಲ್ಲಿನ ಲಷ್ಕರೆ ತಯ್ಬಾ ಉಗ್ರರ ಬಳಿಗೆ ಕಳಿಸಿ ಕೊಟ್ಟಿದ್ದ. ಆದರೆ ಭದ್ರತಾಪಡೆಗಳೊಂದಿಗೆ ನಡೆದ ಗುಂಡಿನ ಚಕಮಕಿಯಲ್ಲಿ ನಾಲ್ವರು ಮೃತಪಟ್ಟು ಅಬ್ದುಲ್ ಜಬ್ಬಾರ್ ಎಂಬಾತ ಬದುಕುಳಿದಿದ್ದ. ನಂತರ ಕೇರಳ ಪೊಲೀಸರು ಬಂಧಿಸಿದ್ದರು.

ಬೆಂಗಳೂರಿನಲ್ಲಿ ಸರಣಿ ಸ್ಫೋಟ ಮತ್ತು ಉಗ್ರ ಸಂಘಟನೆಗಳಿಗೆ ಯುವಕರನ್ನು ಸೆಳೆದ ಆರೋಪದ ಮೇಲೆ ಪೊಲೀಸರಿಂದ ಬಂಧನ ಭೀತಿ ಎದುರಿಸುತ್ತಿದ್ದ ಸಬೀರ್ ನಕಲಿ ಪಾಸ್ಪೋರ್ಟ್ ಬಳಿಸಿಕೊಂಡು 2008ರ ನ.21 ರಂದು ಪಾಕಿಸ್ತಾನಕ್ಕೆ ಹಾರಿದ್ದ. ಕೇರಳದ ಶಮೀರ್ ಆಲಿಕುಟ್ಟಿ ಎಂಬಾತನ ಹೆಸರಲ್ಲಿದ್ದ ಪಾಸ್‌ಪೋರ್ಟ್ ನಕಲಿ ಮಾಡಿ ಸಬೀರ್ ತನಿಖಾಧಿಕಾರಿಗಳ ದಾರಿ ತಪ್ಪಿಸಿದ್ದ. ಪಾಕಿಸ್ತಾನದಲ್ಲಿ ಕುಳಿತು ಭಾರತದಲ್ಲಿ ಲಷ್ಕರೆ ಉಗ್ರ ಚಟುವಟಿಕೆಗಳಲ್ಲಿ ನಿರತನಾಗಿದ್ದ ರೆಹಾನ್ ಅಲಿಯಾಸ್ ಆಲಿ ಎಂಬಾತ ಸಬೀರ್ನನ್ನು ಪಾಕಿಸ್ತಾನಕ್ಕೆ ಕರೆಸಿಕೊಂಡಿದ್ದ. ರೆಹಾನ್ ಅಲಿಯಾಸ್ ವಾಲಿ 2008ರ ಮುಂಬೈ ದಾಳಿಯಲ್ಲೂ ಭಾಗಿಯಾಗಿದ್ದ ಎಂದು ಎನ್ಐಎ ಮೂಲಗಳು ತಿಳಿಸಿವೆ.

ABDUL_NASER_MADANIಮದನಿ ಬೆಂಬಲ ಕೋರಿದ್ದ ಎಲ್‌ಇಟಿ: ಬೆಂಗಳೂರಿನಲ್ಲಿ ದೊಡ್ಡ ಮಟ್ಟದ ವಿಧ್ವಂಸಕ ಕೃತ್ಯ ನಡೆಸಲು ಸಂಚು ರೂಪಿಸಿದ್ದ ಲಷ್ಕರೆ ತಯ್ಬಾ ಉಗ್ರರು 2005ರಲ್ಲಿ ಐಐಎಸ್‌ಸಿ ದಾಳಿ ನಡೆಸಿದ್ದರು. ಆದರೆ ಉಗ್ರರು ರೂಪಿಸಿದ ಯೋಜನೆಯಂತೆ ಆ ದಾಳಿ ನಡೆಯಲಿಲ್ಲ. ಅದಾದ ನಂತರ ನಗರದಲ್ಲಿ ಶಸ ಸಜ್ಜಿತ ದಾಳಿ ನಡೆಸಲು ಸಾಧ್ಯವಾಗದ ಕಾರಣ ಬಾಂಬ್ ಸ್ಫೋಟ ಮಾಡುವ ಸಂಚು ಲಷ್ಕರ್ ಉಗ್ರರು ಮಾಡಿದ್ದರು. ಇದಕ್ಕೆ ಕೇರಳದಲ್ಲಿ ಬೇರೂರಿದ್ದ ಉಗ್ರ ಸಂಘಟನೆಯ ನಾಯಕರ ಸಂಪರ್ಕಿಸಿ ಬೆಂಬಲ ನೀಡುವಂತೆ ಕೋರಲಾಗಿತ್ತು. 1998ರಲ್ಲಿ ಬಿಜೆಪಿ ನಾಯಕ ಎಲ್.ಕೆ ಅಡ್ವಾಣಿ ಅವರ ಗುರಿಯಾಗಿಸಿಕೊಂಡು ಕೋಯಮತ್ತೂರಿನಲ್ಲಿ ನಡೆಸಲಾಗಿದ್ದ ಬಾಂಬ್ ಸ್ಫೋಟದ ಆರೋಪಿ ಅಬ್ದುಲ್ ನಾಸಿರ್ ಮದನಿಯ ಬೆಂಬಲ ಕೇಳಲಾಗಿತ್ತು. ಉಗ್ರರಿಗೆ ಅಗತ್ಯ ಬೆಂಬಲ ನೀಡಲು ಮದನಿ ಒಪ್ಪಿಕೊಂಡಿದ್ದ. ಕೇರಳದ ಕಲ್ಲು ಕ್ವಾರಿಗಳಿಂದ ಅಮೋನಿಯಂ ನೈಟ್ರೇಟ್ ಸಂಗ್ರಹಿಸಿ ಬಾಂಬ್ ತಯಾರಿಸಿ ನಂತರ ದುಷ್ಕೃತ್ಯ ನಡೆಸಲಾಗಿತ್ತು. ಈ ಪ್ರಕರಣದ ತನಿಖೆ ನಡೆಸಿದ ಪೊಲೀಸರು ಮದನಿ ಸೇರಿದಂತೆ ಮೂವತ್ತಕ್ಕೂ ಹೆಚ್ಚುಮಂದಿಯ ವಿರುದ್ಧ ಚಾರ್ಜ್‌ಶೀಟ್ ಸಲ್ಲಿಸಿದ್ದಾರೆ.

ಶಶಿವರ್ಣಂ!

ಭಟ್ಕಳ: ಹೇಗಿದ್ದ ಊರು ಹೇಗಾಯ್ತು..!

M_Id_363122_HF90ರ ದಶಕದ ಮಾತು. ಭಟ್ಕಳವನ್ನು ಮಿನಿ ದುಬೈ ಎ೦ದು ಕರೆಯಲಾಗುತ್ತಿತ್ತು. ದೇಶದಲ್ಲೆಲ್ಲೂ ಸಿಗದ೦ತಹ ಎಲೆಕ್ಟ್ರಾನಿಕ್ ವಸ್ತುಗಳು, ವಿದೇಶಿ ಬಟ್ಟೆಗಳು, ಸುಗ೦ದ ದ್ರವ್ಯಗಳಿಗೆ ಭಟ್ಕಳ ದೊಡ್ಡ ಮಾರುಕಟ್ಟೆಯಾಗಿತ್ತು. ಆದರೆ ಇದೆಲ್ಲವನ್ನೂ ಬದಲಿಸಿದ್ದು 1993 ರಲ್ಲಿ ನಡೆದ ಗಲಭೆ.

ಅದೊ೦ದು ಗಲಭೆ ಇವತ್ತು ಭಟ್ಕಳ ಅನ್ನೋ 40 ಸಾವಿರ ಜನ ವಾಸಿಸುವ ಊರಿಗೆ “ಭಯೋತ್ಪಾದಕರ ಊರು’ ಎ೦ಬ ಕುಖ್ಯಾತಿ ಬರಲು ಕಾರಣವಾಯಿತು. ದೇಶಾದ್ಯ೦ತ ನಡೆದ 10ಕ್ಕೂ ಹೆಚ್ಚು ಬಾ೦ಬ್ ದಾಳಿಗಳಿಗೆ ಕಾರಣವಾದ ಇ೦ಡಿಯನ್ ಮುಜಾಯಿದ್ದೀನ್ ಎ೦ಬ ರಕ್ತ ಪಿಪಾಸು ಉಗ್ರ ಸ೦ಘಟನೆ ಜನ್ಮ ತಳೆದದ್ದು ಭಟ್ಕಳದಲ್ಲೇ. ಇ೦ದು ಜಗತ್ತಿಗೇ ಕ೦ಟಕವಾಗಿರುವ ಐಸಿಸ್ ಉಗ್ರ ಸ೦ಘಟನೆಯಲ್ಲಿ ಪ್ರಮುಖ ಪಾತ್ರ ವಹಿಸಿದ್ದೂ ಭಟ್ಕಳ ಮೂಲದವರೇ.

ಶತಮಾನಗಳ ಹಿ೦ದಿನಿ೦ದ ಅರಬ್, ಪಷಿ೯ಯನ್ ಮೂಲದ ನವಾಯತ ಮುಸ್ಲೀಮರು ವ್ಯಾಪಾರಕ್ಕಾಗಿ ಭಟ್ಕಳಕ್ಕೆ ಬ೦ದು ನೆಲೆ ಕ೦ಡುಕೊ೦ಡು ಇಲ್ಲೇ ವಾಸ ಮಾಡುತ್ತಿದ್ದಾರೆ. ಕೊಲ್ಲಿ ರಾಷ್ಟ್ರಗಳೊ೦ದಿಗೆ ವ್ಯಾಪಾರ ವಹಿವಾಟು ಮಾಡುತ್ತಿದ್ದವರು ಅಲ್ಲಿನ ವಸ್ತುಗಳನ್ನು ತ೦ದು ಭಟ್ಕಳದಲ್ಲಿ ಮಾರಾಟ ಮಾಡುತ್ತಿದ್ದಾರೆ. ಇದರ ಪರಿಣಾಮವೇ ಭಟ್ಕಳ ಮಿನಿ ದುಬೈ ಆಗಿತ್ತು.

ಎಲ್ಲವನ್ನೂ ಬದಲಿಸಿದ್ದು ಆ ಗಲಭೆ

1992ರಲ್ಲಿ ಬಾಬ್ರಿ ಮಸೀದಿ ದ್ವ೦ಸದ ನ೦ತರ ದೇಶಾದ್ಯ೦ತ ಹಿ೦ದೂ ಮುಸ್ಲೀಂ ಗಲಭೆಗಳು ನಡೆದಾಗಲೂ ಭಟ್ಕಳ ಅದಕ್ಕೆ ಯಾವ ರೀತಿಯಿ೦ದಲೂ ಪ್ರತಿಕ್ರಿಯಿಸಿರಲಿಲ್ಲ. ಅಲ್ಲಿಯವರೆಗೂ ಭಟ್ಕಳ ಅ೦ದರೆ ಹಿ೦ದೂ-ಮುಸ್ಲೀಂ ಸಾಮರಸ್ಯದ ಸ್ಥಳ ಅ೦ತಲೇ ಹೆಸರಾಗಿತ್ತು. ಆದರೆ 1993ರಲ್ಲಿ ಇಡೀ ದೇಶವೇ ತಿರುಗಿ ನೊಡುವ೦ತಹ ದೊಡ್ಡದೊ೦ದು ಕೋಮುಗಲಭೆಗೆ ಭಟ್ಕಳ ಸಾಕ್ಷಿಯಾಗಿತ್ತು. ಆ ವಷ೯ದ ಏ.1ರ೦ದು ನಡೆದ ರಾಮನವಮಿಯ ರಥೋತ್ಸವಕ್ಕೆ ಮುಸ್ಲೀಮರ ಮನೆಯೊ೦ದ ರಿ೦ದ ಕಲ್ಲು ತೂರಲಾಯಿತು ಎ೦ಬ ವಿಷಯ ಇಡೀ ಊರಿಗೆ ಕಾಳ್ಗಿಚ್ಚಿನ೦ತೆ ಹಬ್ಬಿ ಆರ೦ಭವಾದ ಗಲಭೆ 17 ಜನರನ್ನು ಬಲಿ ಪಡೆದಿತ್ತು.

90 ಮ೦ದಿ ಗ೦ಭೀರವಾಗಿ ಗಾಯಗೊ೦ಡರೆ 226 ಮನೆಗಳನ್ನು ಸುಟ್ಟುಹಾಕಲಾಗಿತ್ತು. ಈ ವೇಳೆ 143 ಅ೦ಗಡಿಗಳನ್ನು ಲೂಟಿ ಮಾಡಲಾಗಿತ್ತು. ಗಲಭೆ ನ೦ತರ ಹಿ೦ದೂ ಮತ್ತು ಮುಸ್ಲೀಮರಲ್ಲಿದ್ದ ಸಾಮರಸ್ಯ ಹಾಳಾಗಿತ್ತು.

ರಾಮಮ೦ದಿರ ಕಟ್ಟುವ ನೆಪದಲ್ಲಿ ಬಿಜೆಪಿ ಇಲ್ಲಿ ನೆಲೆಯೂರಲು ಪ್ರಯತ್ನಿಸಿದರೆ, ಪಾಕಿಸ್ತಾನದ ಗುಪ್ತಚರ ಸ೦ಸ್ಥೆ ಐಎಸ್‍ಐ ಇಲ್ಲಿನ ಮುಸ್ಲೀಂ ಯುವಕರನ್ನು ತನ್ನತ್ತ ಸೆಳೆಯುವ ಪ್ರಯತ್ನ ಮಾಡಿತ್ತು. ಕೊಲ್ಲಿ ರಾಷ್ಟ್ರಗಳಿಗೆ ವ್ಯವಹಾರಕ್ಕಾಗಿ ಎಡತಾಕುತ್ತಿದ್ದ ಭಟ್ಕಳ ಮೂಲದವರನ್ನು ಸ೦ಪಕಿ೯ಸಿ ದೇಶದಲ್ಲಿ ಶಾ೦ತಿ ಕದಡುವ ಕೆಲಸಕ್ಕೆ ಇಳಿದಿತ್ತು ಪಾಕಿಸ್ತಾನ. ಹಾಗೆ ಐಎಸ್‍ಐನ ಸ೦ಪಕ೯ಕ್ಕೆ ಸಿಕ್ಕವನು ರಿಯಾಜ್ ಭಟ್ಕಳ್. ಹಣದ ಆಸೆಗಾಗಿ ರಿಯಾಜ್ ಭಟ್ಕಳ್ ಪಾಕಿಸ್ತಾನದ ಐಎಸ್‍ಐ ಪರ ಏಜೆ೦ಟ್ ಆಗಿ ಕೆಲಸ ಮಾಡುತ್ತಿದ್ದ. ತನ್ನ ಕೃತ್ಯಕ್ಕೆ ಸೋದರರಾದ ಯಾಸಿನ್ ಭಟ್ಕಳ್ ಮತ್ತು ಇಕ್ಬಾಲ್ ಭಟ್ಕಳ್‍ರನ್ನೂ ಬಳಸಿಕೊಳ್ಳುತ್ತಿದ್ದ.

1993ರ ಕೋಮುಗಲಭೆಯ ತನಿಖೆ ನಡೆಸಲು ನ್ಯಾಯಮೂತಿ೯ ಕೆ. ಜಗನ್ನಾಥ ಶೆಟ್ಟಿ ಅವರ ಏಕಸದಸ್ಯ ಆಯೋಗ ರಚಿಸಲಾಗಿತ್ತು. ಆಯೋಗದ ವರದಿಯಲ್ಲಿ ಹಿ೦ದೂ-ಮುಸ್ಲೀಂ ಸಾಮರಸ್ಯವನ್ನು ಮತ್ತಷ್ಟು ಕದಡುವ ಅ೦ಶಗಳಿವೆ ಎ೦ಬ ಕಾರಣಕ್ಕೆ ಜೆ.ಎಚ್.ಪಟೇಲ್ ಸರಕಾರ ಮತ್ತು ಆ ನ೦ತರ ಬ೦ದ ಎಸ್.ಎ೦. ಕೃಷ್ಣ ಸಕಾ೯ರ ಅದನ್ನು ಒಪ್ಪಿಕೊಳ್ಳಲಿಲ್ಲ. ಮೂಲಗಳ ಪ್ರಕಾರ ಜಗನ್ನಾಥ ಶೆಟ್ಟಿ ವರದಿಯಲ್ಲಿ ಭಟ್ಕಳ ಗಲಭೆಗೆ ಮುಸ್ಲೀಮರನ್ನು ಹೊಣೆ ಮಾಡಲಾಗಿತ್ತು. ಮುಸ್ಲೀಂ ವೋಟ್ ಬ್ಯಾ೦ಕ್ ಮೇಲೆ ಕಣ್ಣಿಟ್ಟಿದ್ದ ರಾಜಕೀಯ ಪಕ್ಷಗಳು ಆ ವರದಿ ಬಹಿರ೦ಗವಾಗದ೦ತೆ ನೋಡಿಕೊ೦ಡವು ಎನ್ನಲಾಗುತ್ತದೆ.

ಶಾಸಕ ಚಿತ್ತರ೦ಜನ್ ಹತ್ಯೆ: ಗಲಭೆಯ ಮಾರನೆಯ ವಷ೯ ನಡೆದ ವಿಧಾನಸಭಾ ಚುನಾವಣೆಯಲ್ಲಿ ಬಿಜೆಪಿಯ ಚಿತ್ತರ೦ಜನ್ ಶಾಸಕರಾಗಿ ಆಯ್ಕೆಯಾದರು. ಗಲಭೆ ನ೦ತರ ಒಟ್ಟಾದ ಹಿ೦ದೂ ಮತಗಳ ಪರಿಣಾಮ ಚಿತ್ತರ೦ಜನ್ ಆಯ್ಕೆ ಸುಲಭವಾಗಿತ್ತು. 1996ರ ಏ.10ರ೦ದು ಲೋಕಸಭಾ ಚುನಾವಣೆಗೆ ಪಕ್ಷದ ಪರ ಪ್ರಚಾರ ಮುಗಿಸಿ ಮನೆಗೆ ಬ೦ದಿದ್ದ ಅವರನ್ನು ಗು೦ಡಿಟ್ಟು ಹತ್ಯೆ ಮಾಡಲಾಗಿತ್ತು. ರಾಜ್ಯದಲ್ಲಿ ಶಾಸಕರಾಗಿದ್ದವರನ್ನು ಹತ್ಯೆ ಮಾಡಿದ ಮೊದಲ ಪ್ರಕರಣ ಅದಾಗಿತ್ತು. ಈ ಪ್ರಕರಣದ ನ೦ತರ ಭಟ್ಕಳ ಮತ್ತೊ೦ದು ಕೋಮು ಗಲಭೆಗೆ ಸಾಕ್ಷಿಯಾಗಿತ್ತು.

ಪ್ರಕರಣದ ತನಿಖೆ ನಡೆಸಿದ ಸಿಬಿಐ ಇದು ಪತ್ತೆಯಾಗದ ಪ್ರಕರಣ ಎ೦ದು ನ್ಯಾಯಾಲಯಕ್ಕೆ “ಸಿ’ ರಿಪೋಟ್‍೯ ಸಲ್ಲಿಸಿ ತನಿಖೆ ಕೈಬಿಟ್ಟಿತ್ತು.

  ಚಿತ್ತರ೦ಜನ್ ಹತ್ಯೆ ಸ೦ಬ೦ಧ ಅ೦ದಿನ ಸಿಎ೦ ಎಚ್ ಡಿ ದೇವೇಗೌಡರು ನ್ಯಾ.ರಾಮಚ೦ದ್ರಯ್ಯ ಆಯೋಗ ರಚಿಸಿದ್ದರು. 1997ರಲ್ಲಿಯೇ ಆಯೋಗ ಈ ಬಗ್ಗೆ ಸರಕಾರಕ್ಕೆ ವರದಿ ಸಲ್ಲಿಸಿದ್ದರೂ ಇದುವರೆಗೂ ಅದನ್ನು ಬಹಿರ೦ಗಪಡಿಸಲಾಗಿಲ್ಲ. ಚಿತ್ತರ೦ಜನ್ ಕೊಲೆ ನ೦ತರ ಬೂದಿ ಮುಚ್ಚಿದ ಕೆ೦ಡವಾಗಿದ್ದ ಭಟ್ಕಳದಲ್ಲಿ ಮತ್ತೊಮ್ಮೆ ರಕ್ತ ಹರಿದಿತ್ತು. ಸ್ಥಳೀಯ ಬಿಜೆಪಿ ಮುಖ೦ಡ ತಿಮ್ಮಪ್ಪ ನಾಯ್ಕನನ್ನು ಅಪರಿಚಿತ ದುಷ್ಕಮಿ೯ಗಳು 2004ರ ಮೇ.1ರ೦ದು ಹತ್ಯೆ ಮಾಡಿದ್ದರು. ಕೊಲೆ ನಡೆದು ದಶಕ ಕಳೆದರೂ ಪ್ರಕರಣದ ತನಿಖೆ ಮಾತ್ರ ಪೂಣ೯ವಾಗಿಲ್ಲ. ಈ ಎರಡೂ ಕೊಲೆಯ ಹಿ೦ದೆ ಪಾಕಿಸ್ತಾನದ ಐಎಸ್‍ಐ ಜತೆಗೆ ಸ೦ಪಕ೯ ಹೊ೦ದಿದ ಶಕ್ತಿಗಳಿದ್ದವು ಎ೦ಬ ಅನುಮಾನ ತನಿಖಾಧಿಕಾರಿಗೆ ಇವತ್ತಿಗೂ ಇದೆ. ಆದರೆ ಇದಕ್ಕೆ ಸಾಕ್ಷಾಧಾರಗಳಿಲ್ಲ.

  ಇಂಡಿಯನ್ ಮುಜಾಹಿದೀನ್ ಹುಟ್ಟು: ಭಟ್ಕಳ ಗಲಭೆಗಳ ನ೦ತರ ರಿಯಾಜ್ ಭಟ್ಕಳ್ ಮತ್ತು ಸೋದರ ಇಕ್ಬಾಲ್ ಭಟ್ಕಳ್ ತಮ್ಮ ಕುಟು೦ಬದೊ೦ದಿಗೆ ಪುಣೆಯಲ್ಲಿ ವಾಸವಾಗಿದ್ದರು. ಈ ಇಬ್ಬರೂ ಪುಣೆಯಲ್ಲಿ ವಿದ್ಯಾವ೦ತ ಮುಸೀ೦ ಯುವಕರನ್ನು ಒಗ್ಗೂಡಿಸಿ ಹಿ೦ದೂಗಳ ವಿರುದ್ಧ ಎತ್ತಿಕಟ್ಟಲು ಆರ೦ಭೀಸಿದ್ದರು. ಇವರಿಬ್ಬರ ಸೋದರ ಸ೦ಬ೦ಧಿಯಾಗಿದ್ದ ಯಾಸಿನ್ ಭಟ್ಕಳ್ ಕೂಡ ನ೦ತರ ಜತೆಯಾದ. ಹಾಗೆ ಮೂವರು ಜತೆಯಾಗಿ ಆರ೦ಭೀಸಿದ್ದೇ ಇ೦ಡಿಯನ್ ಮುಜಾಹಿದ್ದೀನ್ ಸ೦ಘಟನೆ. ಸಿಮಿ ಸ೦ಘಟನೆಯನ್ನು ಸರಕಾರ ನಿಷೇಧಿಸಿದ ನ೦ತರ ಅದರಲ್ಲಿದ್ದ ಸಕ್ರಿಯ ಕಾಯ೯ಕತ೯ರನ್ನು ತಮ್ಮ ಸ೦ಘಟನೆಯತ್ತ ಸೆಳೆದು ಜನ್ಮಕೊಟ್ಟ ದೇಶದ ವಿರುದ್ಧವೇ ಜಿಹಾದ್‍ಗೆ ನಿ೦ತಿದ್ದರು ಈ ಸಹೋದರರು. ಆ ನ೦ತರ ನಡೆದಿದ್ದೆಲ್ಲವೂ ಭಾರತದ ಪಾಲಿಗೆ ಇತಿಹಾಸ. ಸಾಲು ಸಾಲು ಭಯೋತ್ಪಾದನಾ ದಾಳಿಗಳು ನಡೆದವು. ಅಮಾಯಕರು ಬೀದಿ ಬೀದಿಗಳಲ್ಲಿ ರಕ್ತ ಚೆಲ್ಲಿ ಸತ್ತರು. ಇ೦ಡಿಯನ್ ಮುಜಾಹಿದ್ದೀನ್ ಸ೦ಘಟನೆಯ ಶಕ್ತಿ ಭಾರತೀಯ ತನಿಖಾ ಸ೦ಸ್ಥೆಗಳಿಗೆ ಅರಿವಾಗಿದ್ದು 2008 ರ ದೆಹಲಿ ಸರಣಿ ಸ್ಪೋಟದ ನ೦ತರವೇ. ಈ ಉಗ್ರ ಸ೦ಘಟನೆ ಕಟ್ಟಿ ಭಟ್ಕಳ ಬ್ರದಸ್‍೯ ಅ೦ತಲೇ ಕುಖ್ಯಾತಿ ಗಳಿಸಿದ್ದರು. ಯಾಸಿನ್ ಭಟ್ಕಳ್‍ನನ್ನು 2013ರ ಆ.28 ರ೦ದು ಎನ್‍ಐಎ ಅಧಿಕಾರಿಗಳು ಬಿಹಾರ-ನೇಪಾಳ ಗಡಿಯಲ್ಲಿ ಬ೦ಧಿಸಿದ್ದರು. ರಿಯಾಜ್ ಭಟ್ಕಳ್ ಮತ್ತು ಇಕ್ಬಾಲ್ ಭಟ್ಕಳ್ ಪಾಕಿಸ್ತಾನದಲ್ಲೇ ತಲೆಮರೆಸಿಕೊ೦ಡಿದ್ದಾರೆ.

 

Terror

ಇಂಡಿಯನ್ ಮುಜಾಹಿದೀನ್ ಸಂಸ್ಥಾಪಕರಾದ ಭಟ್ಕಳ ಬ್ರದರ್ಸ್ ಮತ್ತು ಐಸಿಸ್ ಉಗ್ರರಾದ ಅರ್ಮಾರ್ ಬ್ರದರ್ಸ್

ಬಾ೦ಬ್ ತಯಾರಿಕೆಯಲ್ಲಿ ಪರಿಣತಿಗಳಿಸಿದ್ದ ಯಾಸಿನ್ ಮ೦ಗಳೂರು ಬಳಿಯ ವಿಠಲಮಕ್ಕಿ ಮತ್ತು ಹಕ್ಕಳಮನೆ ಎ೦ಬ ಸುರಕ್ಷಿತ ತಾಣದಿ೦ದ ಬಾ೦ಬ್‍ಗಳನ್ನು ಪೂರೈಸಲು ಪ್ರಾರ೦ಭೀಸಿದ. ಚಿಕ್ಕಮ೦ಗಳೂರಿನ ಕಲ್ಲು ಕ್ವಾರಿಗಳಲ್ಲಿ ಸುಲಭವಾಗಿ ಸಿಗುತ್ತಿದ್ದ ಅಮೋ ನಿಯ೦ ನೈಟೆರೀಟ್ ಬಳಸಿಕೊ೦ಡು ಬಾ೦ಬ್ ತಯಾರಿಸುವಿಕೆ ಯಲ್ಲಿ ಯಾಸಿನ್ ಪರಿಣತಿ ಪಡೆದುಕೊ೦ಡಿದ್ದ. ಮು೦ದೆ ಇದೇ ಬಾ೦ಬ್‍ಗಳನ್ನು ಬಳಸಿ ದೇಶಾದ್ಯ೦ತ ಹಲವು ವಿದ್ವ೦ಸಕ ಕೃತ್ಯಗಳನ್ನು ಎಸಗಲಾಗಿತ್ತು.

 

 

ಐಸಿಸ್ ದ್ವಜಹಿಡಿದ ಅಮಾ೯ರ್ ಬ್ರದಸ್‍೯: ಇ೦ಡಿಯನ್ ಮುಜಾಹಿದ್ದೀನ್ ಜತೆ ಸೇರಿ ದೇಶಾದ್ಯ೦ತ ವಿದ್ವ೦ಸಕ ಕೃತ್ಯಗಳಲ್ಲಿ ಭಾಗಿಯಾಗಿದ್ದ “ಭಟ್ಕಳ ಬ್ರದಸ್‍೯’ ಜತೆಯಲ್ಲಿಯೇ ಇದ್ದ ಸುಲ್ತಾನ್ ಅಮಾ೯ರ್ ಮತ್ತು ಶಫಿ ಅಮಾ೯ರ್ ಭಾರತದಲ್ಲಿ ಐಸಿಸ್ ದ್ವಜ ಹಾರಿಸಲು ಮು೦ದಾಗಿದ್ದರು. ಇ೦ಡಿಯನ್ ಮುಜಾಹಿದ್ದೀನ್ ಸ೦ಘಟನೆಯ ಮೂಲಕ ದೇಶಾದ್ಯ೦ತ ಹಲವು ದುಷ್ಕ್ರತ್ಯಗಳಲ್ಲಿ ಭಾಗಿಯಾಗಿದ್ದ ಈ ಸೋದರರು ಆ ನ೦ತರ ತಮ್ಮದೇ ಆದ ಅನ್ಸರ್‍-ಉಲ್‍-ತವಾಹಿದ್ ಎ೦ಬ ಸ೦ಘಟನೆ ಸ್ಥಾಪನೆ ಮಾಡಿದ್ದರು. ಇ೦ಡಿಯನ್ ಮುಜಾಹಿದ್ದೀನ್ ಮುಖ್ಯಸ್ಥ ಯಾಸಿನ್ ಭಟ್ಕಳ್ ಜತೆಗೆ ಉಗ್ರ ಕೃತ್ಯಗಳಿಗಾಗಿ ಸ೦ಗ್ರಹವಾಗಿದ್ದ ದೇಣಿಗೆ ಬಳಸಿಕೊಳ್ಳುವ ವಿಚಾರವಾಗಿ ಭೀನ್ನಾಭೀಪ್ರಾಯ ಉ೦ಟಾಗಿ ತಮ್ಮದೇ ಪ್ರತ್ಯೇಕ ಸ೦ಘಟನೆ ಮಾಡಿಕೊ೦ಡಿದ್ದರು. ಪಾಕಿಸ್ತಾನದ ಐಎಸ್‍ಐ ನಿಯ೦ತ್ರಣವಿಲ್ಲದ ಒ೦ದು ಸ೦ಘಟನೆ ಆರ೦ಭೀಸಬೇಕು ಎ೦ಬ ಉದ್ದೇಶ ಈ ಸೋದರರಿಗಿತ್ತು.

2012ರಲ್ಲಿ ಪಾಕಿಸ್ತಾನದ ವಜೀರಿಸ್ತಾನದಲ್ಲಿ ತೆಹ್ರಿಕ್‍-ಎ-ತಾಲಿಬಾನ್ ಸ೦ಘಟನೆಯೊ೦ದಿಗೆ ಗುರುತಿಸಿಕೊ೦ಡಿದ್ದ ಅಮಾ೯ರ್ ಸಹೋದರರು ಆಲ್‍ ಖೈದಾಗೆ ಯುವಕರನ್ನು ಸೆಳೆಯುತ್ತಿದ್ದರು. ಒಸಮಾ ಬಿನ್ ಲಾಡೆನ್ ಮೃತಪಟ್ಟ ನ೦ತರ ಐಸಿಸ್‍ನ ಸೆಳೆತಕ್ಕೆ ಒಳಗಾಗಿ ಸಿರಿಯಾ ಸೇರಿಕೊ೦ಡಿದ್ದರು. ಐಸಿಸ್ ಸೇರಿದ್ದ ಸುಲ್ತಾನ್ ಅಮಾ೯ರ್ ಕೆಲವೇ ದಿನಗಳಲ್ಲಿ ಮುಖ್ಯಸ್ಥ ಆಲ್ ಬಾಗ್ದಾದಿ ವಿಶ್ವಾಸ ಗಳಿಸಿದ್ದ. ಭಾರತದಿ೦ದ ಹೇರಳ ಹಣ ಮತ್ತು ಯುವಕರನ್ನು ಐಸಿಸ್ ಪರ ಸೆಳೆಯುತ್ತಿದ್ದ ಸುಲ್ತಾನ್ ಅಮಾ೯ರ್‍ನನ್ನು ಬಾಗ್ದಾದಿ, ಐಸಿಸ್‍ನ ಭಾರತದ ಘಟಕದ ಮುಖ್ಯಸ್ಥನನ್ನಾಗಿ ಸುಲ್ತಾನ್ ಅಮಾ೯ರ್‍ನನ್ನು ನೇಮಕ ಮಾಡಿದ್ದ. ಆದರೆ 2015ರ ಮಾ.6 ರ೦ದು ಸಿರಿಯಾದಲ್ಲಿ ನಡೆದ ವಾಯುದಾಳಿ ಯಲ್ಲಿ ಸುಲ್ತಾನ್ ಅಮಾ೯ರ್ ಮೃತಪಟ್ಟಿದ್ದ. ಇದಾದ ನ೦ತರ ಅಣ್ಣನ ಜಾಗಕ್ಕೆ ಶಫಿ ಅಮಾ೯ರ್‍ನನ್ನು ನೇಮಕ ಮಾಡಲಾಗಿತ್ತು. ಈಗ ಶಫಿ ಅಮಾ೯ರ್ ಕೂಡ ಅಮೆರಿಕ ನಡೆಸಿದ ವಾಯುದಾಳಿಯಲ್ಲಿ ಬಲಿಯಾಗಿದ್ದಾನೆ.

ಭಟ್ಕಳದಲ್ಲಿ ನೆಲೆಯಾಗಿರುವ ನವಾಯತ ಕುಟು೦ಬಗಳ ಕೆಲ ಯುವಕರು ಪಾಕಿಸ್ತಾನದ ಯುವತಿಯರನ್ನು ಮದುವೆಯಾಗಿದ್ದಾರೆ. ಸ್ವಾತ೦ತ್ರ್ಯ ಪೂವ೯ದಲ್ಲಿ ನವಾಯತರು ಭಟ್ಕಳದಿ೦ದ ವ್ಯಾಪಾರಕ್ಕಾಗಿ ಕರಾಚಿಗೆ ಹೋಗುತ್ತಿದ್ದರು. ದೇಶ ವಿಭಜನೆ ನ೦ತರ ಕೆಲವರು ಅಲ್ಲಿಯೇ ನೆಲೆಗೊ೦ಡರು. ಹೀಗಾಗಿ ಅಲ್ಲಿನ ಯುವತಿಯರನ್ನು ಭಟ್ಕಳದ ಯುವಕರು ಮದುವೆ ಯಾಗುತ್ತಾರೆ. ಕೆಲ ಬಾರಿ ಅವರಿಗೆ ವೀಸಾ ಸೌಲಭ್ಯ ಸಿಗದ ಹಿನ್ನೆಲೆಯಲ್ಲಿ ಇಲ್ಲಿನ ಯುವಕರು ಪಾಕಿಸ್ತಾನಕ್ಕೆ ಹೋಗಿ ಬರುತ್ತಾರೆ. ಈ “ಬ೦ಧ’ವೂ ಕೂಡ ಉಗ್ರ ಸ೦ಪಕ೯ಕ್ಕೆ ಪ್ರಮುಖ ಕೊ೦ಡಿ ಎನ್ನುತ್ತವೆ ತನಿಖಾ ಸ೦ಸ್ಥೆಗಳು. ಕಳೆದ ವಷ೯ ನಗರ ಪೊಲೀಸರಿ೦ದ ಬ೦ಧನಕ್ಕೊಳಗಾಗಿದ್ದ ಸೈಯದ್ ಇಸ್ಮಾಯಿಲ್ ಅಫಾ ಕ್ ಕೂಡ ಪಾಕ್ ಯವತಿಯನ್ನು ಮದುವೆಯಾಗಿದ್ದ. ಒ೦ದು ಕಾಲದಲ್ಲಿ ವ್ಯವಹಾರ, ವ್ಯಾಪಾರದ ತಾಣವಾಗಿದ್ದ ಭಟ್ಕಳ ಕೇವಲ ಎರಡು ದಶಕಗಳಲ್ಲಿ ಉಗ್ರರ ಮೂಲ ಸ್ಥಾನ ಎ೦ಬ ಕುಖ್ಯಾತಿ ಪಡೆದುಕೊ೦ಡಿದೆ.

ಶಶಿವರ್ಣಂ

ಸಿರಿಯಾದಿಂದಲೇ ಇಂಡಿಯನ್ ಐಸಿಸ್ ನಿಯಂತ್ರಿಸುತ್ತಿದ್ದ ಶಫಿ ಅರ್ಮಾರ್

shafi-armar-25-1461553204ಶಫಿ ಅರ್ಮಾರ್, ಇಡೀ ಜಗತ್ತಿಗೇ ಕಂಟಕವಾಗಿ ಬೆಳೆಯುತ್ತಿರುವ ಐಸಿಸ್ ಉಗ್ರ ಸಂಘಟನೆಗೆ ಭಾರ ತದ ಮುಖ್ಯಸ್ಥನಾಗಿದ್ದ. ಐಸಿಸ್ ಪರವಾಗಿ ಸಿರಿಯಾದಲ್ಲಿ ಹೋರಾಟ ನಡೆಸುತ್ತಿದ್ದ ಈತ ಅಲ್ಲಿಂದಲೇ ಇಂಡಿಯನ್ ಐಸಿಸ್ ನೆಟ್ವರ್ಕ್ ನಿಯಂತ್ರಿಸುತ್ತಿದ್ದ.

ಐಸಿಸ್ ಉಗ್ರ ಸಂಘಟ ನೆಗೆ ಭಾರತದಿಂದ ಯುವಕರನ್ನು ನೇಮಕ ಮಾಡಿಕೊಳ್ಳುತ್ತಿದ್ದ ಈತ ಈಗ ಅಮೆರಿಕ ನಡೆಸಿದ ವಾಯು ದಾಳಿಗೆ ಬಲಿಯಾಗಿದ್ದಾನೆ. ಎನ್‌ಐಎ ಮೋಸ್ಟ್ ವಾಂಟೆಡ್ ಲಿಸ್ಟ್‌ನಲ್ಲಿದ್ದ ಈತನಿಗಾಗಿ ತನಿಖಾ ಸಂಸ್ಥೆಗಳು ಹುಡುಕದ ಸ್ಥಳವಿಲ್ಲ. ಮೊದಲು ಪಾಕಿಸ್ತಾನದಿಂದ ಉಗ್ರ ಚಟುವಟಿಕೆಗಳನ್ನು ಮಾಡುತ್ತಿದ್ದ ಈತ ದುಬೈ ಸೇರಿಕೊಂಡು, ನಂತರ ಐಸಿಸ್ ಪರ ಹೋರಾಟಕ್ಕಾಗಿ ಸಿರಿಯಾಗೆ ಹೋಗಿದ್ದ. ಐಸಿಸ್ ಮುಖ್ಯಸ್ಥ ಆಲ್ ಬಾಗ್ದಾದಿಗೆ ಹತ್ತಿರವಾಗಿದ್ದ ಈತನನ್ನು ಭಾರತದ ಐಸಿಸ್ ಘಟಕಕ್ಕೆ ಮುಖ್ಯ ಸ್ಥನನ್ನಾಗಿ ಮಾಡಲಾಗಿತ್ತು. ಭಾರತದಲ್ಲಿ ಐಸಿಸ್ ನೆಲೆವೂರು ವಂತೆ ಮಾಡುವ ಹೊಣೆಗಾರಿಕೆಯನ್ನು ಶಫಿ ಅರ್ಮಾರ್ವಹಿಸಿಕೊಂಡಿದ್ದ. 2008 ರಲ್ಲಿ ಭಟ್ಕಳ ಮೂಲದ ಉಗ್ರರಾದ ಯಾಸಿನ್ ಭಟ್ಕಳ್, ರಿಯಾಜ್ ಭಟ್ಕಳ್ ಮತ್ತು ಇಕ್ಬಾಲ್ ಭಟ್ಕಳ್ ಇಂಡಿಯನ್ ಮುಜಾಹಿದೀನ್ ಸಂಘಟನೆ ಆರಂಭಿಸಿದಾಗ ಅವರೊಂದಿಗೆ ಇದ್ದಿದ್ದು ಅರ್ಮಾರ್ ಸೋದರರು.
ಸುಲ್ತಾನ್ ಅಮಾ೯ರ್ ಮತ್ತು ಶಫಿ ಅಮಾ೯ರ್. ಇ೦ಡಿಯನ್ ಮುಜಾಹಿದೀನ್ ಸ೦ಘಟನೆಯ ಮೂಲಕ ದೇಶಾದ್ಯ೦ತ ಹಲವು ದುಷ¢ತ್ಯಗಳಲ್ಲಿ ಭಾಗಿಯಾಗಿದ್ದ ಈ ಸೋದರರು ಆ ನ೦ತರ ತಮ್ಮದೇ ಆದ ಅನ್ಸರ್ -ಉಲ್‍-ತವಾಹಿದ್ ಎ೦ಬ ಸ೦ಘಟನೆ ಸ್ಥಾಪನೆ ಮಾಡಿದ್ದರು. ಇ೦ಡಿಯನ್ ಮುಜಾಹಿದೀನ್ ಮುಖ್ಯಸ್ಥ ಯಾಸಿನ್ ಭಟ್ಕಳ್ ಜತೆಗೆ ಉಗ್ರ ಕೃತ್ಯಗಳಿಗಾಗಿ ಸ೦ಗ್ರಹವಾಗಿದ್ದ ದೇಣಿಗೆ ಬಳಸಿಕೊಳ್ಳುವ ವಿಚಾರವಾಗಿ ಭೀನ್ನಾಭೀಪ್ರಾಯ ಉ೦ಟಾಗಿ ತನ್ನದೇ ಆದ ಸ೦ಘಟನೆ ಮಾಡಿಕೊ೦ಡಿದ್ದರು. ಪಾಕಿಸ್ತಾನದ ಐಎಸ್‍ಐ ನಿಯ೦ತ್ರಣವಿಲ್ಲದ ಒ೦ದು ಸ೦ಘಟನೆ ಆರ೦ಭೀಸಬೇಕು ಎ೦ಬ ಉದ್ದೇಶ ಈ ಸೋದರರಿಗಿತ್ತು.

2012ರಲ್ಲಿ ಪಾಕಿಸ್ತಾನದ ವಜೀರಿಸ್ತಾನದಲ್ಲಿ ತೆಹ್ರಿಕ್ -ಎ-ತಾಲಿಬಾನ್ ಸ೦ಘಟನೆಯೊ೦ದಿಗೆ ಗುರುತಿಸಿಕೊ೦ಡಿ ದ್ದ ಅಮಾ೯ರ್ ಸಹೋದರರು ಆಲ್‍ಖೈದಾಗೆ ಯುವಕರನ್ನು ಸೆಳೆಯುತ್ತಿದ್ದರು. ಒಸಮಾ ಬಿನ್ ಲಾಡೆನ್ ಮೃತಪಟ್ಟ ನ೦ತರ ಐಸಿಸ್‍ನ ಸೆಳೆತಕ್ಕೆ ಒಳಗಾಗಿ ಸಿರಿಯಾ ಸೇರಿಕೊ೦ಡಿದ್ದರು. ಐಸಿಸ್ ಸೇರಿದ್ದ ಸುಲ್ತಾನ್ ಅಮಾ೯ರ್ ಕೆಲವೇ ದಿನಗಳಲ್ಲಿ ಮುಖ್ಯಸ್ಥ ಆಲ್ ಬಾಗ್ದಾದಿ ವಿಶ್ವಾಸ ಗಳಿಸಿದ್ದ. ಭಾರತದಿ೦ದ ಹೇರಳ ಹಣ ಮತ್ತು ಯುವಕರನ್ನು ಐಸಿಸ್ ಪರ ಸೆಳೆಯುತ್ತಿದ್ದ ಸುಲ್ತಾನ್ ಅಮಾ೯ರ್‍ನನ್ನು ಬಾಗ್ದಾದಿ, ಐಸಿಸ್‍ನ ಭಾರತದ ಘಟಕದ ಮುಖ್ಯಸ್ಥನನ್ನಾಗಿ ಸುಲ್ತಾನ್ ಅಮಾ೯ರ್‍ನನ್ನು ನೇಮಕ ಮಾಡಿದ್ದ. ಈ ನೇಮಕ ಆದೇಶದ ವಿಡಿಯೋ ಉಗ್ರ ಲೋಕದಲ್ಲಿ ದೊಡ್ಡ ಸ೦ಚಲನವನ್ನೇ ಸೃಷ್ಟಿಸಿತ್ತು. ಆದರೆ 2015ರ ಮಾ.6 ರ೦ದು ಸಿರಿಯಾದಲ್ಲಿ ನಡೆದ ವಾಯುದಾಳಿಯಲ್ಲಿ ಸುಲ್ತಾನ್ ಅಮಾ೯ರ್ ಮೃತಪಟ್ಟಿದ್ದ. ಇದಾದ ನ೦ತರ ಅಣ್ಣನ ಜಾಗಕ್ಕೆ ಶಫಿ ಅಮಾ೯ರ್‍ನನ್ನು ನೇಮಕ ಮಾಡಲಾಗಿತ್ತು.

ಇ೦ಡಿಯನ್ ಐಸಿಸ್ ನೃತೃತ್ವ ವಹಿಸಿಕೊ೦ಡಿದ್ದ ಶಫಿ ಅಮಾ೯ರ್ ಭಾರತದಿ೦ದ ಐಸಿಸ್ ಗೆ ಸದಸ್ಯರನ್ನು ನೇಮಕ ಮಾಡಿಕೊಳ್ಳಲು ಜಾಲ ರೂಪಿಸಿದ್ದ. ಕಳೆದ ಜನವರಿಯಲ್ಲಿ ದೇಶಾದ್ಯ೦ತ ಕಾಯಾ೯ಚರಣೆ ನಡೆಸಿದ್ದ ಎನ್‍ಐಎ ಅಧಿಕಾರಿಗಳು 14 ಮ೦ದಿ ಶ೦ಕಿತರನ್ನು ಬ೦ಧಿಸಿದ್ದರು. ಬ೦ಧಿತರ ಜತೆಗೆ ಶಫಿ ಅಮಾ೯ರ್ ನಿರ೦ತರ ಸ೦ಪಕ೯ದಲ್ಲಿದ್ದ ಎ೦ಬ ಮಾಹಿತಿ ತನಿಖಾಧಿಕಾರಿಗಳಿಗೆ ಸಿಕ್ಕಿತ್ತು. ಭಾರತದಲ್ಲಿ ವ್ಯವಸ್ಥಿತವಾಗಿ ಐಸಿಸ್ ನೆಲೆಯೂರುವ೦ತೆ ಮಾಡಲು ಶಫಿ ಅಮಾ೯ರ್ “ಜುನೂದ್ ಇ-ಖಲೀಫಾ ಆಲ್ ಹಿ೦ದ್’ ಎ೦ಬ ಐಸಿಸ್ ಉಗ್ರರ ಪಡೆ ರಚಿಸಲು ಮು೦ದಾಗಿದ್ದ. ಇದಕ್ಕಾಗಿ ಉಗ್ರ ಮುದಬೀರ್ ಮುಷ್ತಾಕ್ ಷೇಕ್‍ನನ್ನು ಮುಖ್ಯಸ್ಥನನ್ನಾಗಿ ಮಾಡಿದ್ದ. ಕಳೆದ ಜನವರಿಯಲ್ಲಿ ಎನ್‍ಐಎ ಅಧಿಕಾರಿಗಳು ಮುಷ್ತಾಕ್ ಷೇಕ್‍ನನ್ನು ಬ೦ಧಿಸಿದ್ದರು. ಭಾರತದಿ೦ದ ಉಗ್ರರನ್ನು ನೇಮಕ ಮಾಡಿಕೊಳ್ಳುವು ದಕ್ಕಾಗಿ ಶಫಿ ಅಮಾ೯ರ್ ಮುಷ್ತಾಕ್ ಷೇಕ್‍ಗೆ ಹವಾಲ ಮೂಲಕ ಹಣ ತಲುಪಿಸುತ್ತಿದ್ದ ಎ೦ಬ ಮಾಹಿತಿ ಆತನ ಬ೦ಧನದ ಬಳಿಕ ಲಭ್ಯವಾಗಿತ್ತು.

ಶಫಿ ಅಮಾ೯ರ್ ಫೆೀಸ್‍ಬುಕ್ ಮತ್ತು ಟ್ವಿಟ್ಟರ್ ಮೂಲಕ ಐಸಿಸ್ ಪರ ಸೆಳೆತ ಇರುವ ಉಗ್ರರನ್ನು ಪತ್ತೆ ಹಚ್ಚಿ ಅವರನ್ನು ಆನ್‍ಲ್ಯೆನ್ ಮೂಲಕ ಸ೦ಪಕ೯ ಮಾಡುತ್ತಿದ್ದ. ನ೦ತರ ಅವರನ್ನು ಇಸ್ಲಾ೦ ಮೂಲಭೂತವಾದದ ಕಡೆಗೆ ಆಕಷಿ೯ಸಿ ಅವರನ್ನು ಐಸಿಸ್ ಸೇರುವ೦ತೆ ಪ್ರೇರೇಪಿಸುತ್ತಿದ್ದ. ಫೆೀಸ್‍ಬುಕ್ ಮತ್ತು ಟ್ವಿಟರ್‍ನಲ್ಲಿ ರಹಸ್ಯ ಗ್ರೂಪ್‍ಗಳನ್ನು ಮಾಡಿಕೊ೦ಡು ಭಾರತದ ಯುವಕರೊ೦ದಿಗೆ ಸ೦ವಹನ ನಡೆಸುತ್ತಿದ್ದ. ವಾಟ್ಸ್ ಆ್ಯಪ್, ಟೆಲಿಗ್ರಾಮ್ ಮೂಲಕ ಯುವಕರಿಗೆ ಜವಾಬ್ದಾರಿಗಳನ್ನು ಹ೦ಚಿಕೆ ಮಾಡುತ್ತಿದ್ದ ಈತ ಹೋರಾಡಲು ತುದಿಗಾಲಲ್ಲಿದ್ದ ಯುವಕರನ್ನು ಸಿರಿಯಾಗೆ ಕರೆಸಿಕೊಳ್ಳುತ್ತಿದ್ದ. ಐಸಿಸ್ ಸೇರಲು ಭಾರತದಿ೦ದ ಸಿರಿಯಾಗೆ ಹೋಗುವ ಪ್ರಯತ್ನ ಮಾಡಿ ಸಿಕ್ಕಿಬಿದ್ದ ಹಲವು ಯುವ ಕರ ವಿಚಾರಣೆ ವೇಳೆ ಶಫಿ ಅಮಾ೯ರ್ ಹೆಸರನ್ನು ಬಾಯ್ಬಿಟ್ಟಿದ್ದರು.
ಭಾರತದಲ್ಲಿ ವ್ಯವಸ್ಥಿತವಾಗಿ ಐಸಿಸ್ ನೆಲೆಯೂರುವ೦ತೆ ಮಾಡಲು ಶಫಿ ಅಮಾ೯ರ್ “ಜುನೂದ್ ಇ-ಖಲೀಫಾ ಆಲ್ ಹಿ೦ದ್’ ಎ೦ಬ ಐಸಿಸ್ ಉಗ್ರರ ಪಡೆ ರಚಿಸಲು ಮು೦ದಾಗಿದ್ದ. ಇದಕ್ಕಾಗಿ ಉಗ್ರ ಮುದಬೀರ್ ಮುಷ್ತಾಕ್ ಷೇಕ್‍ನನ್ನು ಮುಖ್ಯಸ್ಥನನ್ನಾಗಿ ಮಾಡಿದ್ದ.

ಶಶಿವರ್ಣಂ

ಗ್ಲಾಸ್ಗೋ ಸ್ಫೋಟಕ್ಕೂ ಪತ್ರಕರ್ತರ ಹತ್ಯೆ ಸಂಚಿಗೂ ಲಿಂಕ್!

70068ಪತ್ರಕತ೯ರು ಮತ್ತು ಹಿ೦ದೂ ಮುಖ೦ಡ ರನ್ನು ಉಗ್ರರು ಹತ್ಯೆ ಮಾಡಲು ಸ೦ಚು ರೂಪಿಸಿದ್ದ ಪ್ರಕರಣಕ್ಕೆ ಟಿಸ್ಟ್ ಸಿಕ್ಕಿದೆ. ಗ್ಲಾಸ್ಗೋ ಬಾ೦ಬ್ ಸ್ಪೋಟದಲ್ಲಿ ಮೃತಪಟ್ಟ ಉಗ್ರ ಕಫೀಲ್ ಅಹಮದ್‍ನ ಸೋದರ ಸಬೀಲ್ ಅಹಮದ್ ಸ೦ಚಿನ ರೂವಾರಿ ಎನ್ನಲಾಗುತ್ತಿದೆ. ಪ್ರಕರಣದ ತನಿಖೆ ನಡೆಸುತ್ತಿರುವ ರಾಷ್ಟ್ರೀಯ ತನಿಖಾದಳಕ್ಕೆ ಸೌದಿ ಅರೇಬಿಯಾ ದಲ್ಲಿ ವೈದ್ಯನಾಗಿರುವ ವ್ಯಕ್ತಿಯೊಬ್ಬ ಸ೦ಚಿನ ರೂವಾರಿಯಾಗಿದ್ದ ಎ೦ಬ ಮಾಹಿತಿ ಸಿಕ್ಕಿತ್ತು. ಈ ಮಾಹಿತಿಯ ಬೆನ್ನು ಹತ್ತಿದ ಎನ್‍ಐಎ ಅಧಿಕಾರಿಗಳಿಗೆ ಆತ ಸಬೀಲ್ ಅಹಮದ್ ಎ೦ದು ತಿಳಿದುಬ೦ದಿದೆ. ಸಬೀಲ್ ಅಹಮದ್ 2007ರಲ್ಲಿ ನಡೆದಿದ್ದ ಗ್ಲಾಸ್ಗೋ ಬಾ೦ಬ್ ಸ್ಪೋಟದಲ್ಲಿ ಮೃತಪಟ್ಟ ಉಗ್ರ ಕಫೀಲ್ ಅಹಮದ್‍ನ ಸೋದರನಾಗಿದ್ದಾನೆ. ತನಿಖಾ ಧಿಕಾರಿಗಳ ಮನವಿ ಹಿನ್ನೆಲೆಯಲ್ಲಿ ಎನ್‍ಐಎ ವಿಶೇಷ ನ್ಯಾಯಾಲಯ ಸಬೀಲ್ ಅಹಮದ್ ವಿರುದ್ಧ ಜಾಮೀನು ರಹಿತ ಬ೦ಧನ ವಾರ೦ಟ್ ಜಾರಿಗೊಳಿಸಿದೆ.

ಇದರ ಜತೆಗೆ ಸ೦ಚುಕೋರ ಸಬೀಲ್ ಅಹಮದ್ ವಿರುದ್ಧ ಇ೦ಟರ್‍ಪೋಲ್ ಮೂಲಕ ರೆಡ್ ಕಾನ೯ರ್ ನೋಟಿಸ್ ಹೊರಡಿ ಸಲು ಎನ್‍ಐಎ ಸಿದ್ದತೆ ನಡೆಸಿದೆ. ಈ ಮೂಲಕ ಸೌದಿ ಅರೇಬಿಯಾದಿ೦ದ ಸಬೀಲ್ ಅಹಮದ್‍ನನ್ನು ಗಡಿಪಾರು ಮೂಲಕ ದೇಶಕ್ಕೆ ಕರೆ ತ೦ದು ವಿಚಾರಣೆ ನಡೆಸಲು ಅಧಿಕಾರಿಗಳು ಸಿದ್ದತೆ ನಡೆಸಿದ್ದಾರೆ.2012ರ ಆ.29ರ೦ದು ಬೆ೦ಗಳೂರಿನ ಸಿಸಿಬಿ ಪೊಲೀಸರು 12 ಮ೦ದಿ ಆರೋಪಿ ಗಳನ್ನು ಬ೦ಧಿಸಿದ್ದರು. ಪತ್ರಕತ೯ರು ಮತ್ತು ಕೆಲವು ರಾಜಕೀಯ ಮುಖ೦ಡರನ್ನು ಮತ್ತು ಹಿ೦ದೂ ಮುಖ೦ಡರನ್ನು ಹತ್ಯೆ ಮಾಡಲು ಸ೦ಚು ರೂಪಿಸಿದ ಆರೋಪದ ಮೇಲೆ ಬ೦ಧಿ ಸಲಾಗಿತ್ತು. ಒಟ್ಟು 25 ಆರೋಪಿಗಳ ವಿರುದ್ಧ 2013ರ ಫೆಬ್ರವರಿಯಲ್ಲಿ ಸಿಸಿಬಿ ಪೊಲೀಸರು ಆರೋಪ ಪಟ್ಟಿ ಸಲ್ಲಿಸಿದ್ದರು. 2014ರಲ್ಲಿ ಈ ಪ್ರಕರಣದ ತನಿಖೆಯನ್ನು ಎನ್‍ಐಎ ಕೈಗೆತ್ತಿ ಕೊ೦ಡಿತ್ತು. ಈ ಪ್ರಕರಣದಲ್ಲಿ ನ್ಯಾಯಾಲಯ ಪತ್ರಕತ೯ ರೆಹಮಾನ್ ಸಿದ್ದಕಿ ಸೇರಿದ೦ತೆ ಎ೦ಟು ಮ೦ದಿಯನ್ನು ಖುಲಾಸೆಗೊಳಿಸಿತ್ತು.

2007ರ ಜೂ.30ರ೦ದು ಸ್ಕಾಟ್ ಲ್ಯಾ೦ಡ್‍ನ ಗ್ಲಾಸ್ಗೋ ಅ೦ತರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಕಾರು ನುಗ್ಗಿಸಿ ಸ್ಪೋಟಿಸಲಾಗಿತ್ತು. ಈ ಘಟನೆಯಲ್ಲಿ ಉಗ್ರ ಕಫೀಲ್ ಅಹಮದ್ ಗ೦ಭೀರವಾಗಿ ಗಾಯಗೊ೦ಡು ಮೃತಪಟ್ಟಿದ್ದ. ಈ ಉಗ್ರನ ಸೋದರ ಸಬೀಲ್ ಅಹಮದ್‍ನನ್ನು ವಶಕ್ಕೆ ಪಡೆದಿದ್ದ ಅಲ್ಲಿನ ಪೊಲೀಸರು ವಿಚಾರಣೆ ನಡೆಸಿದ್ದರು. ಆ ಘಟನೆ ನ೦ತರ ಸಬೀಲ್ ಅಹಮದ್‍ನನ್ನು ಸ್ಕಾ೦ಟ್‍ಲ್ಯಾ೦ಡ್ ಪೊಲೀಸರು ಭಾರತಕ್ಕೆ ಗಡೀಪಾರು ಮಾಡಿದ್ದರು. ಇದಾದ ನ೦ತರ ಸೌದಿ ಅರೇಬಿಯಾಕ್ಕೆ ತೆರಳಿದ್ದ ಆತ ಅಲ್ಲಿ ವೈದ್ಯ ವೃತ್ತಿ ಮಾಡಿಕೊ೦ಡಿದ್ದ.

ಪತ್ರಕತ೯ರು ಮತ್ತು ಹಿ೦ದೂ ಮುಖ೦ಡರ ಹತ್ಯೆಗೆ ನಡೆದಿದ್ದ ಸ೦ಚಿನಲ್ಲಿ ಸಬೀಲ್ ಪ್ರಮುಖ ಪಾತ್ರ ವಹಿಸಿದ್ದ. ಈ ಬಗ್ಗೆ ಸೌದಿ ಅರೇಬಿಯಾದ ರಾಜಧಾನಿ ರಿಯಾದ್‍ನಲ್ಲಿ ಕೆಲ ಉಗ್ರರೊ೦ದಿಗೆ ಸಭೆಯನ್ನೂ ನಡೆಸಿದ್ದ ಎನ್ನಲಾಗಿದೆ. ಇನ್ನು ಎನ್‍ಐಎ ಅಧಿಕಾರಿಗಳಿಗೆ ಸಿಕ್ಕಿರುವ ದಾಖಲೆಗಳು, ವಿಚಾರಣೆ ವೇಳೆ ಬೆಳಕಿಗೆ ಬ೦ದ ಮಾಹಿತಿಯ ಪ್ರಕಾರ ಇಡಿ ಪ್ರಕರಣದ ಮಾಸ್ಟರ್ ಮ್ಯೆ೦ಡ್ ಸಬೀಲ್ ಎನ್ನಲಾಗಿದೆ. ಲಷ್ಕರ್ ಎ ತೋಯಿಬಾ ಸ೦ಘಟನೆಯ ಉಗ್ರರೊ೦ದಿಗೆ ಈತನಿಗೆ ಸ೦ಪಕ೯ವಿತ್ತು ಎನ್ನಲಾಗಿದೆ. ಇದರ ಜತೆಗೆ ಉಗ್ರ ಚಟುವಟಿಕೆಗಳಿಗೆ ಭಾರತದಲ್ಲಿ ಯುವಕರನ್ನು ನೇಮಕ ಮಾಡುವ ಕೆಲಸವನ್ನೂ ಮಾಡುತ್ತಿದ್ದ ಎ೦ದು ಎನ್‍ಐಎ ಮೂಲಗಳು ತಿಳಿಸಿವೆ.

ಕಳೆದ ವಷ೯ ಅಕ್ಟೋಬರ್‍ನಲ್ಲಿ ಸೌದಿ ಅರೇಬಿಯಾದಲ್ಲಿ ಶ೦ಕಿತ ಉಗ್ರ ಅಸಾದುಲ್ಲಾ ಖಾನ್‍ನನ್ನು ಬ೦ಧಿಸಿದ್ದರು. ಎನ್‍ಐಎ ಅಧಿಕಾರಿಗಳು ಆತನ ವಿರುದ್ಧ ರೆಡ್ ಕಾನ೯ರ್ ನೋಟಿಸ್ ಜಾರಿ ಮಾಡಿದ ಪರಿಣಾಮ ಬ೦ಧನವಾಗಿತ್ತು. ಅಲ್ಲಿನ ಅಧಿಕಾರಿಗಳು ಅಸಾದುಲ್ಲಾನನ್ನು ಭಾರತಕ್ಕೆ ಗಡೀಪಾರು ಮಾಡಿದ್ದರು. ಆತ ನೀಡಿದ ಮಾಹಿತಿಯ ಆದಾರದ ಮೇಲೆ ಸಬೀಲ್ ಇಡೀ ಪ್ರಕರಣದ ಸೂತ್ರದಾರ ಎ೦ಬ ನಿಧಾ೯ರಕ್ಕೆ ತನಿಖಾಧಿಕಾರಿಗಳು ಬ೦ದಿದ್ದಾರೆ. ಈ ಹಿನ್ನೆಲೆಯಲ್ಲಿ ಸಬೀಲ್ ನನ್ನು ಭಾರತಕ್ಕೆ ಕರೆತರಲು ಎನ್‍ಐಎ ಅಧಿಕಾರಿಗಳು ಸಿದ್ದತೆ ನಡೆಸಿದ್ದಾರೆ.

ಏನಿದು ಪ್ರಕರಣ?

ಕೆಲ ಪತ್ರಕತ೯ರು ಮತ್ತು ಹಿ೦ದೂ ಮುಖ೦ಡರ ಹತ್ಯೆಗೆ ಸ೦ಚು
2012ರ ಆ.29ರ೦ದು ಸಿಸಿಬಿ ಪೊಲೀಸರಿ೦ದ 12 ಶ೦ಕಿತರ ಬ೦ಧನ
25 ಆರೋಪಿಗಳ ವಿರುದ್ಧ ಸಿಸಿಬಿ ಪೊಲೀಸರಿ೦ದ ಚಾಜ್‍೯ಶೀಟ್
2014ರಲ್ಲಿ ಪ್ರಕರಣದ ತನಿಖೆ ಕೈಗೆತ್ತಿಕೊ೦ಡಿದ್ದ ಎನ್‍ಐಎ
ಎ೦ಟು ಮ೦ದಿಯನ್ನು ಖುಲಾಸೆ ಮಾಡಿದ್ದ ಎನ್‍ಐಎ ಕೋಟ್‍೯
ಕಳೆದ ವಷ೯ ಸೌದಿ ಅರೇಬಿಯಾದಿ೦ದ ಉಗ್ರ ಅಸಾದುಲ್ಲಾನನ್ನು ಬ೦ಧನ
ಗ್ಲಾಸ್ಗೋ ಸ್ಪೋಟದ ಆರೋಪ ಹೊತ್ತಿದ್ದ ಸಬೀಲ್ ಮೇಲೆ ಎನ್‍ಐಎ ಕಣ್ಣು
ಸಬೀಲ್ ಅಹಮದ್ ಹತ್ಯೆ ಸ೦ಚಿನ ರೂವಾರಿ
ಸಬೀಲ್ ವಿರುದ್ಧ ಜಾಮೀನು ರಹಿತ ಬ೦ಧನ ವಾರ೦ಟ್
ಶ೦ಕಿತನ ಗಡಿಪಾರಿಗೆ ಎನ್‍ಐಎ ಯತ್ನ

ಜಾತಿ, ಧರ್ಮ ಕೇಳಿ ಬಂಧಿಸುವ ಸ್ಥಿತಿ ಬೇಡ! 

27812

ಇಂದಿನ ವಿಶ್ವವಾಣಿಯಲ್ಲಿ ನನ್ನ ಲೇಖನ

ದಿನವೊಂದಕ್ಕೆ ಪೊಲೀಸರು ಸಾವಿರಾರು ಜನರನ್ನು ವಿವಿಧ ಪ್ರಕರಣಗಳಿಗೆ ಸಂಬಂಧಪಟ್ಟಂತೆ ಬಂಧಿ ಸುತ್ತಿದ್ದಾರೆ. ಆಗ ಜಾತಿಯ ಪ್ರಶ್ನೆ, ಧರ್ಮದ ಪ್ರಶ್ನೆ ಬರುವುದಿಲ್ಲ. ಆದರೆ, ಶಂಕಿತ ಉಗ್ರನೆಂಬ ಕಾರಣಕ್ಕೆ ಒಬ್ಬ ಮುಸ್ಲಿಂ ಯುವಕನ ಬಂಧನವಾದರೆ, ಧರ್ಮದ ಹಣೆಪಟ್ಟಿ ಕಟ್ಟಲಾಗುತ್ತದೆ.

ದೇಶಾದ್ಯಂತ ಎನ್‌ಐಎ ಹಲವು ಶಂಕಿತ ಉಗ್ರರನ್ನು ಬಂಧಿಸುತ್ತಿದೆ. ಇಂಥ ಸಮಯದಲ್ಲಿ ಮುಸ್ಲಿಮರೆಲ್ಲರೂ ಭಯೋತ್ಪಾದಕರು ಎಂಬ ವಾದಗಳನ್ನು ತೇಲಿ ಬಿಡುವವರು ಒಂದು ಕಡೆ. ಅವರಿಗೆ ಬಲ­ಪಂಥೀಯರು ಎನ್ನುವ ವಿಶೇಷಣ. ಇನ್ನೊಂದೆಡೆ ಬಂಧಿತರು ಅಮಾಯ­ಕರು, ಉದ್ದೇಶಪೂರ್ವಕವಾಗಿ ಮುಸ್ಲಿಂ ಯುವಕರನ್ನ ಬಂಧಿಸಲಾಗುತ್ತಿದೆ ಎಂದು­ ವಾದ. ಇಂತವರಿಗೆ ಜಾತ್ಯತೀತರು ಎಂಬ ಪಟ್ಟ. ಭಯೋತ್ಪಾದನೆಯ ಆರೋಪದ ಮೇಲೆ ಮುಸ್ಲಿಂ ಯುವಕರನ್ನು ಬಂಧಿಸಿದಾಗಲೆಲ್ಲ ಅವರು ಅಮಾಯಕರು ಎಂಬ ವಾದ ಮಾಡ್ತುತಾರೆ.
ಸ್ವಘೋಷಿತ ಬುದ್ಧಿಜೀವಿಗಳು, ಮುಸ್ಲಿಂ ವೋಟ್ ಬ್ಯಾಂಕ್‌ಗಾಗಿ ಒದ್ದಾಡುವ ಪಕ್ಷಗಳು ಮತ್ತು ಮುಸ್ಲಿಮರನ್ನು ಬೇರೆ ಸಮುದಾಯಗಳಿಂದ ದೂರ ಇಡಬೇಕು ಎಂದು ಶತಮಾನಗಳಿಂದ ಪ್ರಯತ್ನಿಸುತ್ತ ಬಂದಿರುವ ಕೆಲ ಧಾರ್ಮಿಕ ಗುರು­ಗಳು ಈ ವಾದಗಳನ್ನು ಹರಿಬಿಡುತ್ತಾರೆ. ಉಗ್ರ ಚಟುವಟಿಕೆಯ ಆರೋಪದ ಮೇಲೆ ಮುಸ್ಲಿಂ ಯುವಕರನ್ನು ಬಂಧಿಸಿದ ಕೂಡಲೇ ಅವರು ಅಮಾಯಕರು ಎಂದು ಕೂಗಿದರೆ, ಪೊಲೀಸರು ಯಾರನ್ನು ಬಂಧಿಸಬೇಕು. ಬಂಧಿಸಿ ವಿಚಾರಣೆ ನಡೆಸಿದ ನಂತರವೇ ತಾನೇ ಆತ ಅಮಾಯಕನಾ ಅಥವಾ ಅಪರಾಧ ಮಾಡಿದ್ದಾನೆ ಎನ್ನುವುದು ತಿಳಿಯುವುದು. ಅದಕ್ಕೂ ಮೊದಲೇ ಅಮಾಯಕ ಅಲ್ಪಸಂಖ್ಯಾತರನ್ನು ಬಂಧಿಸಲಾಗುತ್ತಿದೆ ಎಂದು ಹೇಳಿದರೆ ತನಿಖಾಧಿಕಾರಿಗಳ ಮನಸ್ಥಿತಿ ಏನಾಗಬೇಕು?

ಯಾವುದೇ ಒಬ್ಬ ವ್ಯಕ್ತಿಯನ್ನು ಪೊಲೀಸರು ಬಂಧಿಸಿ­ದರೆ 24 ಗಂಟೆಗಳ ಒಳಗೆ ನ್ಯಾಯಾಲಯದ ಎದುರು ಹಾಜರುಪಡಿಸ­ಬೇಕು ಎಂದಿದೆ ಕಾನೂನಿನಲ್ಲಿ. ಆ 24 ಗಂಟೆಗಳ ಅವಧಿಯಲ್ಲಿ ಬಂಧಿತನ ವಿಚಾರಣೆ ನಡೆಸಿ, ಅಪರಾಧ ನಡೆಸಿದ್ದಾನೆ ಅನ್ನೋದು ಮನವರಿಕೆಯಾದರೆ ಅಂಥವನನ್ನು ನ್ಯಾಯಾಲಯದ ಎದುರು ಹಾಜರುಪಡಿಸಲಾಗುತ್ತದೆ. ಒಂದು ವೇಳೆ ಆತ ಅಪರಾಧ ಮಾಡಿರುವ ಬಗ್ಗೆ ಖಚಿತ ಮಾಹಿತಿ ಸಿಗಲಿಲ್ಲವೆಂದಾದರೆ ಆತನನ್ನು ಬಿಡುಗಡೆಗೊಳಿಸುತ್ತಾರೆ. ಕೋರ್ಟ್‌ಗೆ ಆರೋಪ ಪಟ್ಟಿ ಸಲ್ಲಿಸುವಾಗ ಆತ ಅಪರಾಧ ಮಾಡಿಲ್ಲ ಅನ್ನೋದು ತನಿಖಾ ಧಿ ಕಾರಿಗೆ ಖಚಿತವಾದರೆ ಕಾನೂನಿನ ಪ್ರಕಾರ ಬಂಧನವಾದವನು ಬಿಡುಗಡೆಯಾಗುತ್ತಾನೆ. ಇದು ಉಗ್ರಗಾಮಿ ಚಟುವಟಿಕೆ ನಡೆಸಿದ ಆರೋಪದ ಮೇಲೆ ಬಂಧಿತರಾಗುವ ಶಂಕಿತ ಉಗ್ರರಿಗೂ ಅನ್ವಯವಾಗುತ್ತದೆ.

ದೆಹಲಿಯಲ್ಲಿ ಕುಳಿತಿರುವ ಎನ್‌ಐಎ ಅಧಿಕಾರಿ ಬೆಂಗಳೂರಿನ ಮೂಲೆಯಲ್ಲಿ­ರುವ ಜಕ್ಕಸಂದ್ರಕ್ಕೆ ಬಂದು ಶಂಕಿತನನ್ನು ಬಂಧಿಸಿ ಕರೆದೊಯ್ದರೆ ಅದು ಉದ್ದೇಶಪೂರ್ವಕ ಹೇಗಾಗುತ್ತದೆ. ಹಾಗೊಂದು ವೇಳೆ ಉದ್ದೇಶಪೂರ್ವಕವಾಗಿ ಮುಸ್ಲಿಂ ಯುವಕರನ್ನು ಬಂಧಿಸುವ ಹಾಗಿದ್ದರೆ ಇವತ್ತು ಎಲ್ಲ ಮುಸ್ಲಿಂ ಯುವಕರೂ ಜೈಲಲ್ಲಿರಬೇಕಾಗುತ್ತಿತ್ತು. ಹಾಗಂತ ಇಲ್ಲಿಯವರೆಗೆ ಭಯೋತ್ಪಾದನೆಯ ಆರೋಪದ ಮೇಲೆ ಬಂಧಿತರಾದ ಎಲ್ಲ ಮುಸ್ಲಿಂ ಯುವಕರನ್ನು ಈ ದೇಶದ ನ್ಯಾಯಾಲಯ ಅಪರಾಧಿಗಳು ಅಂತೇನು ಹೇಳಿಲ್ಲ. ದೇಶದಲ್ಲಿ ಒಟ್ಟಾರೆ ದಾಖಲಾಗುವ ಪ್ರಕರಣಗಳಲ್ಲಿ ಶಿಕ್ಷೆಯಾಗುವ ಪ್ರಮಾಣ ಕೇವಲ 21% ಅಷ್ಟೇ. ಉಳಿದ 79% ಆರೋಪಿಗಳು ಖುಲಾಸೆಯಾಗುತ್ತಾರೆ. ಇದಕ್ಕೆ ಕಾರಣ ವರ್ಷಗಟ್ಟಲೆ ನಡೆಯುವ ಕೋರ್ಟ್ ವಿಚಾರಣೆ. ಒತ್ತಡಕ್ಕೋ, ಹಣದಾಸೆಗೋ ಸಾಕ್ಷಿಗಳು ಪ್ರತಿಕೂಲ ಸಾಕ್ಷಿಗಳಾಗಿ ಬದಲಾಗುತ್ತಾರೆ. ಪರಿಣಾಮ ಕೇಸುಗಳು ಬಿದ್ದು
ಹೋಗುತ್ತವೆ. ಬಂಧಿತ ಮುಸ್ಲಿಂ ಯುವಕರೆಲ್ಲರೂ ಅಮಾಯಕರು ಎಂದು ಹೇಳೋದಾದರೆ, ಈ ಅಂಕಿ ಅಂಶಗಳ ಪ್ರಕಾರ ಪೊಲೀಸರು ಬಂಧಿ ಸುವ ಶೇ.79%ರಷ್ಟು ಮಂದಿ ಅಮಾಯಕರಾಗುತ್ತಾರೆ.

ಸುಪ್ರೀಂ ಕೋರ್ಟ್ ಆದೇಶದ ಪ್ರಕಾರ ತನಿಖಾಧಿಕಾರಿ ತಾನು ತನಿಖೆ ನಡೆಸುತ್ತಿರುವ ಪ್ರಕರಣದಲ್ಲಿ ಯಾರನ್ನು ಬೇಕಾದರೂ ಬಂಧಿಸಿ ವಿಚಾರಣೆ ನಡೆಸಬಹುದು. ಕೆಲವು ವಿಶೇಷ ಸನ್ನಿವೇಶದಲ್ಲಿ ನ್ಯಾಯಾಲಯದ ವಾರೆಂಟ್ ಮೂಲಕ ಬಂಧಿಸಿ ವಿಚಾರಣೆ ನಡೆಸಲಾಗುತ್ತದೆ. ಇದನ್ನೇ ಪ್ರಶ್ನಿಸಿ ಅಮಾಯಕರು ಎಂದು ಪುಂಗಿ ಊದಿದರೆ ಹೇಗೆ. ಉಗ್ರಗಾಮಿ ಚಟುವಟಿಕೆಗಳ ಆರೋಪದ ಮೇಲೆ ಬಂಧಿತರಾದವರು ಕೋರ್ಟ್ ವಿಚಾರಣೆ ಮುಗಿದ ನಂತರ ಅಪರಾಧ ಮಾಡಿರುವುದು ರುಜುವಾತಾಗಿ ಶಿಕ್ಷೆ ಅನುಭವಿಸುವಂತಾಗುತ್ತದೆ. ಕೆಲವರು ನಿರಪರಾಧಿಗಳೆಂದು ಬಿಡುಗಡೆಯಾಗುತ್ತಾರೆ. ಇನ್ನೂ ಕೆಲವು ಪ್ರಕರಣದಲ್ಲಿ ಸಾಕ್ಷ್ಯಾಧಾರಗಳ ಕೊರತೆಯಿಂದ ಖುಲಾಸೆ ಮಾಡಲಾಗುತ್ತದೆ. ಖುಲಾಸೆಯಾದವರನ್ನ ನ್ಯಾಯಾಲಯ ಎಂದಿಗೂ ನಿರಪರಾಧಿಗಳೆಂದು ಘೋಷಣೆ ಮಾಡಿಲ್ಲ, ಜತೆಗೆ ಅಮಾಯಕರಲ್ಲ ಎಂದು ಹೇಳಿಬಿಡುತ್ತದೆ. ಹೀಗಿರುವಾಗ ಟಿವಿಗಳಲ್ಲಿ ಶಂಕಿತ ಉಗ್ರನ ಬಂಧನ ಎಂದು ಸುದ್ದಿ ಬಂದ ಕೂಡಲೇ ಅಲರ್ಟ್ ಆಗಿಬಿಡುವ ವಿಚಾರವಾದಿಗಳು ಬಂಧಿತರು ಅಮಾಯಕರು ಎಂದು ಹೇಳಿಬಿಡುತ್ತಾರೆ. ಒಬ್ಬ ನಿರಪರಾ ಧಿಯನ್ನು ಕೇವಲ ಉಗ್ರ ಚಟುವಟಿಕೆಯಷ್ಟೇ ಅಲ್ಲ ಯಾವುದೇ ಕೇಸಿನಲ್ಲೂ ಜೈಲಿನಂತೆ ಕೊಳೆಯುವಂತೆ ಮಾಡಬಾರದು. ಆದರೆ ನಮ್ಮ ಧಿರ್ಘಾವಧಿ ವಿಚಾರಣೆಗಳು ಆರೋಪಿಗಳನ್ನು ಜೈಲಿನ ಕೊಳೆಯುವಂತೆ ಮಾಡುತ್ತಿವೆ. ದಿನವೊಂದಕ್ಕೆ ಈ ದೇಶದಲ್ಲಿ ಪೊಲೀಸರು ಸಾವಿರಾರು ಜನರನ್ನು ವಿವಿಧ ಪ್ರಕರಣಗಳಿಗೆ ಸಂಬಂಧಪಟ್ಟಂತೆ ಬಂಧಿಸಲಾಗುತ್ತದೆ. ಆಗ ಜಾತಿಯ ಪ್ರಶ್ನೆ, ಧರ್ಮದ ಪ್ರಶ್ನೆ ಬರುವುದೇ ಇಲ್ಲ. ಆದರೆ ಶಂಕಿತ ಉಗ್ರನೆಂಬ ಕಾರಣಕ್ಕೆ ಒಬ್ಬ ಮುಸ್ಲಿಂ ಯುವಕ ಬಂಧನವಾದರೆ ಅಮಾಯಕನನ್ನು ಬಂಧಿಸಲಾಗಿದೆ ಎಂದು ಧರ್ಮದ ಹಣೆಪಟ್ಟಿ ಕಟ್ಟಲಾಗುತ್ತದೆ.

1998ರಲ್ಲಿ ಕೊಯಮತ್ತೂರಿನಲ್ಲಿ ಬಿಜೆಪಿ ಮುಖಂಡ ಅಡ್ವಾಣಿಯನ್ನು ಗುರಿಯಾಗಿಸಿಕೊಂಡು ನಡೆಸಿದ ಬಾಂಬ್ ದಾಳಿಯಲ್ಲಿ 58 ಅಮಾಯಕರು ಸಾವನ್ನಪ್ಪಿ, 200 ಮಂದಿ ಗಾಯಗೊಂಡಿದ್ದರು. ಈ ಪ್ರಕರಣದಲ್ಲಿ ಮದನಿ ಪ್ರಮುಖ ಆರೋಪಿಯಾಗಿದ್ದ. 14 ಆರೋಪಿಗಳ ಪೈಕಿ ಮದನಿಯನ್ನು ಹೊರತುಪಡಿಸಿ ಎಲ್ಲರಿಗೂ ಶಿಕ್ಷೆಯಾಯಿತು. ಮದನಿ ಮೇಲಿದ್ದ ಆರೋಪ ಸಾಬೀತು ಮಾಡಲು ಯಾವುದೇ ಸಾಕ್ಷ್ಯಾಧಾರ ಇಲ್ಲ ಎಂದು ನ್ಯಾಯಾಧಿ ಶರು ಆದೇಶ ಬರೆದರು. ಹಾಗಂತ ಮದನಿ ಅಮಾಯಕ ಎಂದೇನು ಕೋರ್ಟ್ ಹೇಳಿಲ್ಲ. ಬೆದರಿಕೆ, ರಾಜಕೀಯ ಒತ್ತಡಗಳ ಕಾರಣದಿಂದ ಸಾಕ್ಷಿಗಳು ಮದನಿ ವಿರುದ್ಧ ಸಾಕ್ಷಿ ಹೇಳಲಿಲ್ಲ. ಈ ಕಾರಣದಿಂದ ಮದನಿ ಖುಲಾಸೆಯಾದ. ಇದೇ ಅಡ್ಡದಾರಿ ಹಿಡಿದು ಬೆಂಗಳೂರು ಸರಣಿ ಸೋಟದಲ್ಲೂ ಕಾನೂನಿನ ಕಣ್ಣಿಗೆ ಮಣ್ಣೆರಚಲು ಮದನಿ ಸಿದ್ದತೆ ನಡೆಸಿರುವುದು ರಹಸ್ಯವಾಗೇನು ಉಳಿದಿಲ್ಲ.

2007ರಲ್ಲಿ ನಡೆದ ಹೈದರಾಬಾದ್ ಮೆಕ್ಕಾ ಮಸೀದಿ ಸ್ಪೋಟದ 17 ಆರೋಪಿಗಳನ್ನು ನ್ಯಾಯಾಲಯ 2009ರಲ್ಲಿ ಸಾಕ್ಷ್ಯಾಧಾರಗಳ ಕೊರತೆಯಿಂದ ಖುಲಾಸೆ ಮಾಡಿತು. ಆಗ ಆಂದ್ರದಲ್ಲಿ ಅಧಿಕಾರದಲ್ಲಿದ್ದ ಕಾಂಗ್ರೆಸ್ ಸರಕಾರ ಖುಲಾಸೆಯಾದ 17 ಮಂದಿಗೆ ತಲಾ 3 ಲಕ್ಷ ಪರಿಹಾರ ನೀಡುವ ನಿರ್ಧಾರ ಪ್ರಕಟಿಸಿತ್ತು. ದೇಶದಲ್ಲಿ ಆರೋಪಿ ಎಂದು ಸಾಬೀತಾಗದ ವ್ಯಕ್ತಿಗಳಿಗೆ ಸರಕಾರದ ವತಿಯಿಂದ ನೀಡಲಾದ ಮೊದಲ ಪರಿಹಾರದ ಪ್ರಕರಣ ಇದಾಗಿತ್ತು. ಕಣ್ಣ ಮುಂದೆಯೇ ಇದ್ದ ವಿಧಾನಸಭೆ ಚುನಾವಣೆ ದೃಷ್ಟಿಯಲ್ಲಿಟ್ಟುಕೊಂಡು ಈ ನಿರ್ಧಾರ ಪ್ರಕಟಿಸಲಾಗಿತ್ತು. ಆದರೆ ಹೈಕೋರ್ಟ್ ಸರಕಾರದ ನಿರ್ಧಾರಕ್ಕೆ ತಡೆಯಾಜ್ಞೆ ನೀಡಿತು. ಹೀಗೆ ಪರಿಹಾರ ನಿಡುವುದಾದರೆ ದೇಶದ 79% ಆರೋಪಿಗಳಿಗೆ ಸರಕಾರ ಪರಿಹಾರ ನೀಡಬೇಕಾಗುತ್ತದೆ.

ಯುಪಿಎ ಸರಕಾರದಲ್ಲಿ ಗೃಹಸಚಿವರಾಗಿದ್ದ ಸುಶೀಲ್ ಕುಮಾರ್ ಶಿಂದೆ ಎಲ್ಲ ರಾಜ್ಯಗಳ ಮುಖ್ಯಮಂತ್ರಿಗಳಿಗೆ ಭಯೋತ್ಪಾದನೆಯ ಆರೋಪದ ಮೇಲೆ ಅಮಾಯಕ ಮುಸ್ಲಿಂ ಯುವಕರನ್ನು ಬಂಧಿಸ ಬೇಡಿ ಎಂದು ಪತ್ರ ಬರೆದಿದ್ದರು. ಈ ಪತ್ರ ಬರೆದಾಗ 2014ರ ಲೋಕಸಭಾ ಚುನಾವಣೆಗೆ ಕೇವಲ ಆರು ತಿಂಗಳಷ್ಟೇ ಬಾಕಿಯಿತ್ತು. ಮುಸ್ಲಿಂ ವೋಟ್ ಬ್ಯಾಂಕ್ ಗಟ್ಟಿ ಮಾಡಿಕೊಳ್ಳುವ ಉದ್ದೇಶದಿಂದಲೇ ಈ ಪತ್ರ ಬರೆಯಲಾಗಿತ್ತು ಅಂತ ಪ್ರತ್ಯೇಕವಾಗಿಯೇನು ಹೇಳಬೇಕಾಗಿಲ್ಲ. ವೋಟ್ ಬ್ಯಾಂಕ್‌ಗಾಗಿ ಮುಸ್ಲಿಮರನ್ನು ಬಳಸಿಕೊಂಡ ಸಾವಿರ ಸಾವಿರ ಉದಾಹರಣೆಗಳಲ್ಲಿ ಇವು ಕೆಲವಷ್ಟೇ. ಹೀಗೆ ಬಂಧಿತರಾದವರನ್ನು ಅಮಾಯಕರು ಅಂತ ಆರಂಭದ ಹುಯಿಲೆಬ್ಬಿಸುವುದರ ಪರಿಣಾಮ ಮುಂದೆ ತನಿಖಾಧಿಕಾರಿಗಳು ಜಾತಿ, ಧರ್ಮ ಕೇಳಿ ಆರೋಪಿಗಳನ್ನು ಬಂಧಿಸುವ ಸ್ಥಿತಿಗೆ ತಂದರೆ ಆಶ್ಚರ್ಯವಿಲ್ಲ. ಆ ಸ್ಥಿತಿಗೆ ತನಿಖಾಧಿಕಾರಿಗಳು ಬಂದರೆ ಅದಕ್ಕಿಂತಲೂ ಅಪಾಯ ಮತ್ತೊಂದಿಲ್ಲ.

ಭದ್ರತಾ ಸಂಸ್ಥೆಗಳ ಪ್ರಮುಖ ಗುರಿ, ನಡೆಯಲಿರುವ ಅನಾಹುತವನ್ನು ತಪ್ಪಿಸುವುದು ಮತ್ತು ನಡೆದ ಅನಾಹುತಕ್ಕೆ ಕಾರಣಕರ್ತರಾದರಿಗೆ ಶಿಕ್ಷೆ ಕೊಡಿಸುವುದು. ಅವರಿಗೆ ಯಾವ ಪಕ್ಷದ ಸರಕಾರ ಅಧಿಕಾರದಲ್ಲಿದೆ, ಆ ಪಕ್ಷದ ಧೋರಣೆಗಳೇನು, ಆ ಪಕ್ಷ ಅಲ್ಪಸಂಖ್ಯಾತರ ಪರವಾ- ಬಹುಸಂಖ್ಯಾತರ ಪರವಾ ಎಂಬುದನ್ನು ಕಟ್ಟಿಕೊಂಡು ಏನೂ ಆಗಬೇಕಿಲ್ಲ. ತನಿಖಾ ಸಂಸ್ಥೆಗಳು ಹಾಗೆ ಯೋಚಿಸುತ್ತ ಕುಳಿತಿದ್ದರೆ ಉಗ್ರ ದಾಳಿಗಳ ಆರೋಪಿಗಳ ಬಂಧನ ಆಗುತ್ತಲೇ ಇರಲಿಲ್ಲ. ಧರ್ಮ ಆಧಾರಿತ ನಿಲುವುಗಳನ್ನು ಯಾರೂ ಬೆಳೆಸಿಕೊಳ್ಳಬಾರದು. ಆದರೆ, ರಾಜಕಾರಣದಲ್ಲಿ ಆ ವಿಷ ಈಗಾಗಲೇ ಪ್ರವೇಶಿಸಿ ಆಗಿದೆ. ಕೊನೆಪಕ್ಷ ಆಂತರಿಕ ಭದ್ರತೆಯನ್ನಾದರೂ ಅದರಿಂದ ದೂರ ಇಡೋಣ. ಇಲ್ಲದಿದ್ದರೆ, ಭಾರತ ಇನ್ನೊಂದು ಪಾಕಿಸ್ತಾನವಾದೀತು !

– ಶಶಿವರ್ಣಂ

 

ಫ್ಯಾರಿಸ್ ಮಾದರಿ ದಾಳಿಗೆ ಸಜ್ಜಾಗಿತ್ತು ಯೋಜನೆ..!

23538

ಎನ್‌ಐಎ ಅಧಿಕಾರಿಗಳಿಂದ ರಾಜ್ಯದಲ್ಲಿ ಬಂಧನಕ್ಕೊಳಗಾದ ಆರು ಮಂದಿ ಶಂಕಿತರು ಬೆಂಗಳೂರಿನಲ್ಲಿ ದೊಡ್ಡ ಮಟ್ಟದ ದಾಳಿ ನಡೆಸಲು ಸಂಚು ರೂಪಿಸಿದ್ದರು ಎಂಬ ಆಘಾತಕಾರಿ ಮಾಹಿತಿ ತನಿಖೆ ವೇಳೆ ಹೊರಬಿದ್ದಿದೆ. ನಗರದಲ್ಲಿ ಪ್ರತಿನಿತ್ಯ ನಡೆಯುವ ಕಾರ್ಯಕ್ರಮಗಳ ಪಟ್ಟಿ ಸಿದ್ದಪಡಿಸಿಕೊಂಡಿದ್ದ ಶಂಕಿತರು ದಾಳಿ ನಡೆಸಿ ಜನರನ್ನು ಒತ್ತೆಯಾಳುಗಳನ್ನಾಾಗಿ ಇರಿಸಿಕೊಳ್ಳಬೇಕು ಎಂದು ಸಂಚು ರೂಪಿಸಿದ್ದರು. ಒತ್ತೆೆಯಾಳಾಗಿಸಿಕೊಂಡು ದಾಳಿ ಮಾಡುವ ಮೂಲಕ ವಿಶ್ವದ ಗಮನವನ್ನು ಸೆಳೆಯುವ ಉದ್ದೇಶ ಶಂಕಿತ ಉಗ್ರರಿಗಿತ್ತು ಎಂಬ ವಿಷಯ ಎನ್‌ಐಎ ಅಧಿಕಾರಿಗಳ ತನಿಖೆಯಿಂದ ಈ ಭಯಾನಕ ಮಾಹಿತಿ ಹೊರಬಿದ್ದಿದೆ.

ಪ್ಯಾರಿಸ್ ಮಾದರಿಯಲ್ಲಿ ದಾಳಿಗೆ ಸಂಚು..?

ಕಳೆದ ವರ್ಷದ ಆರಂಭದಲ್ಲಿ ಪ್ಯಾಾರಿಸ್‌ನಲ್ಲಿ ಚಾರ್ಲಿ ಹೆಬ್ಡೋ ಪತ್ರಿಕಾ ಕಚೇರಿ ಮೇಲೆ ನಡೆದ ದಾಳಿ ಮತ್ತು ವರ್ಷಾಂತ್ಯದಲ್ಲಿ ನಡೆದ ಪ್ಯಾಾರಿಸ್ ದಾಳಿ ಮಾದರಿಯಲ್ಲಿ ರಾಜ್ಯದಲ್ಲಿ ದಾಳಿ ಮಾಡಲು ಉಗ್ರರು ಸಂಚು ರೂಪಿಸಿದ್ದರು. ಅದರಲ್ಲೂ ಬೆಂಗಳೂರಿನಲ್ಲಿ ಇಂತದ್ದೊಂದು ದಾಳಿ ಮಾಡಿ ಐಸಿಸ್ ಮುಖ್ಯಸ್ಥ ಅಬು ಬಕರ್ ಆಲ್ ಬಗ್ದಾಾದಿಯನ್ನು ಸಂತುಷ್ಟಗೊಳಿಸುವ ಪ್ರಯತ್ನಗಳು ನಡೆದಿದ್ದವು. ಭಾರತದಲ್ಲಿ ಐಸಿಸ್ ಉಗ್ರ ಜಾಲ ಬೆಳೆಸಲು ಏನೇ ಪ್ರಯತ್ನ ಮಾಡಿದರೂ ದಾಳಿ ನಡೆಸುವಷ್ಟು ಪ್ರಬಲ ಮಟ್ಟದಲ್ಲಿ ಐಸಿಸ್‌ನ ಕಬಂದ ಬಾಹುಗಳು ಇನ್ನೂ ಬೆಳೆದಿಲ್ಲ. ಮದ್ಯಪ್ರಾಾಚ್ಯ, ಯೂರೋಪ್ ನಲ್ಲಿ ಅದು ಬೆಳೆಯುತ್ತಿರುವ ವೇಗಕ್ಕೆೆ ಹೋಲಿಸಿದರೆ ಭಾರತದಲ್ಲಿ ಇನ್ನೂ ತಳಮಟ್ಟದಲ್ಲೇ ಇದೆ. ಈ ನಿಟ್ಟಿಿನಲ್ಲಿ ಭಾರತದಿಂದ ಉಗ್ರರನ್ನು ಐಸಿಸ್‌ಗೆ ನೇಮಕ ಮಾಡಿಕೊಳ್ಳುತ್ತಿದ್ದ ಭಟ್ಕಳ ಮೂಲದ ಉಗ್ರ ಅನ್ಸರ್ ಉಲ್ ತವಾಹಿದ್ ಮುಖ್ಯಸ್ಥ ಶಫಿ ಅರ್ಮಾರ್‌ಗೆ ಸಂಘಟನೆಯನ್ನು ವೇಗವಾಗಿ ಬೆಳೆಸುವಂತೆ ಸೂಚನೆ ನೀಡಲಾಗಿತ್ತು. ಸದ್ಯ ಶಫಿ ಅರ್ಮಾರ್ ಸಿರಿಯಾದಲ್ಲಿ ಐಸಿಸ್ ಪರ ಯುದ್ದದಲ್ಲಿ ಭಾಗಿಯಾಗಿದ್ದಾಾನೆ ಎನ್ನಲಾಗಿದೆ. ಭಾರತದಲ್ಲಿ ಐಸಿಸ್ ಪರ ಒಲವು ಹೊಂದಿರುವ ಉಗ್ರ ಸಂಘಟನೆಯಾದ ಜನೂದ್ ಉಲ್ ಖಲೀಫಾ ಹಿಂದ್‌ನ ಸ್ವಯಂ ಘೋಷಿತ ಮುಖ್ಯಸ್ಥ ಮುನಬೀರ್ ಮುಷ್ತಾಕ್‌ನಿಗೆ ಸಂಘಟನೆ ಬೆಳೆಸಲು ಬೇಕಾದ ಅಗತ್ಯ ನೆರವು ನೀಡಲು ಸಿದ್ದನಾಗಿದ್ದ. ದೇಶದಲ್ಲಿ ಯಾವ ಮೂಲೆಯಲ್ಲಾದರೂ ಸರಿ ದೊಡ್ಡ ಮಟ್ಟದ ದಾಳಿ ನಡೆಸಬೇಕು. ಆ ಮೂಲಕ ಭಾರತದಲ್ಲಿ ಐಸಿಸ್ ಆಳವಾಗಿ ಬೇರೂರಿದೆ ಎಂಬ ಮಾಹಿತಿ ಜಗಜ್ಜಾಹೀರಾಗಬೇಕು ಎಂದು ಸೂಚನೆ ನೀಡಿದ್ದ. ಈ ಯೋಜನೆಯಲ್ಲಿ ಯಶಸ್ವಿಯಾದರೆ ಐಸಿಸ್ ಉಗ್ರ ಸಂಘಟನೆಯಲ್ಲಿ ಸ್ಥಾಾನಮಾನ ಸಿಗುತ್ತದೆ ಎಂದು ಬಂಧಿತ ಶಂಕಿತರಿಗೆ ಆಮಿಷ ನೀಡಲಾಗಿತ್ತು ಎನ್ನಲಾಗಿದೆ. ಈ ಹಿನ್ನೆಲೆಯಲ್ಲಿ ಸಿರಿಯಾದಲ್ಲಿ ಐಸಿಸ್ ಪರ ಯುದ್ಧದಲ್ಲಿ ಭಾಗಿಯಾಗಿದ್ದ ಎನ್ನಲಾದ ಶಫೀ ಅರ್ಮಾರ್ ದೇಶದ ಮುಸ್ಲಿಂ ಯುವಕರನ್ನು ಐಸಿಸ್ ಪರ ಸೆಳೆಯುತ್ತಿಿದ್ದ. ಈ ಕೆಲಸಕ್ಕೆ ಮುಂಬೈನಲ್ಲಿ ಎನ್‌ಐಎ ನಿಂದ ಬಂಧಿತನಾದ ಮುನಬೀರ್ ಮುಷ್ತಾಕ್ ಸಾಥ್ ನೀಡಿದ್ದ ಎನ್ನಲಾಗಿದೆ. ದಾಳಿಗೆ ಕರ್ನಾಟಕವನ್ನು ಸೂಕ್ತ ಸ್ಥಳ ಎಂದು ಆಯ್ಕೆ ಮಾಡಿಕೊಳ್ಳಲಾಗಿತ್ತು ಎಂಬ ಮಾಹಿತಿಗಳು ತನಿಖೆವೇಳೆ ತಿಳಿದುಬಂದಿದೆ.

ದಾಳಿ ನಡೆಸಲು ಸಿದ್ದತೆಗಳು ನಡೆದಿದ್ದವು..!

ಬೆಂಗಳೂರು ಅಥವಾ ರಾಜ್ಯದ ಇತರ ಪ್ರದೇಶಗಳಲ್ಲಿ ದಾಳಿ ನಡೆಸುವ ಬಗ್ಗೆೆ ಶಫೀ ಅರ್ಮಾರ್ ಮತ್ತು ಮುನಬೀರ್ ಮುಷ್ತಾಾಕ್‌ನಿಂದ ಸೂಚನೆ ಸಿಕ್ಕ ನಂತರ ಶಂಕಿತ ಉಗ್ರರು ಈ ನಿಟ್ಟಿಿನಲ್ಲಿ ಸಭೆಯನ್ನೂ ನಡೆಸಿದ್ದರು. ಪ್ಯಾಾರಿಸ್ ಮಾದರಿಯಲ್ಲಿ ದಾಳಿ ನಡೆಸಬೇಕಾದರೆ ಅದಕ್ಕೆ ಅಗತ್ಯವಾದ ಶಸ್ತ್ರಾಸ್ತ್ರಗಳನ್ನು ಬೆಂಗಳೂರಿಗೆ ತರಿಸಿಕೊಳ್ಳುವುದು ಹೇಗೆ ಎಂಬ ಬಗ್ಗೆ ಸಭೆಯಲ್ಲಿ ಚರ್ಚೆಗಳು ನಡೆದಿದ್ದವು ಎನ್ನಲಾಗಿದೆ. ದಾಳಿ ನಡೆಸಲು ಅಗತ್ಯವಾದ ಶಸ್ತ್ರಾಾಸ್ತ್ರಗಳನ್ನು ಒದಗಿಸುವ ಹೊಣೆಯನ್ನು ಶಫಿ ಅರ್ಮಾರ್ ವಹಿಸಿಕೊಂಡಿದ್ದ ಎನ್ನಲಾಗಿದೆ. ಪಾಕಿಸ್ತಾನದಲ್ಲಿ ತಾನು ಹೊಂದಿರುವ ಸಂಪರ್ಕಗಳನ್ನು ಬಳಸಿಕೊಂಡು ನೇಪಾ-ಬಿಹಾರ ಗಡಿಯ ಮೂಲಕ ಶಸ್ತ್ರಾಸ್ತ್ರಗಳನ್ನು ಭಾರತಕ್ಕೆ ಸಾಗಿಸಲು ಶಫಿ ಯೋಜನೆ ರೂಪಿಸಿದ್ದ. ಭಾರತದೊಳಕ್ಕೆ ಶಸ್ತಾಾಸ್ತ್ರಗಳು ಬಂದ ನಂತರ ಮುನಬೀರ್ ಮುಷ್ತಾಾಕ್ ಅವುಗಳನ್ನು ರಾಜ್ಯದ ಶಂಕಿತರಿಗೆ ರವಾನಿಸುವ ವ್ಯವಸ್ಥಿತ ಯೋಜನೆ ರೂಪಿತವಾಗಿತ್ತು.

ಬಾಂಬ್ ದಾಳಿಗಿಂತಲೂ ಬುಲೆಟ್ ದಾಳಿ ಸುಲಭ..!

ಇಂಡಿಯನ್ ಮುಜಾಹಿದೀನ್, ಆಲ್‌ಖೈದಾ, ಲಷ್ಕರ್, ಜೈಷೆ ಮೊಹಮದ್ ಅಂತಹ ಸಂಘಟನೆಗಳು ಬಾಂಬ್ ಇಟ್ಟು ಸ್ಫೋಟಿಸುವ ಮೂಲಕ ಬಾಂಬ್ ದಾಳಿ ನಡೆಸುತ್ತಿದ್ದವು. ಈ ರೀತಿಯ ಹಲವು ದಾಳಿಗಳನ್ನು ಈ ಸಂಘಟನೆಗಳು ದೇಶದಲ್ಲಿ ನಡೆಸಿ ಯಶಸ್ವಿಯೂ ಆಗಿದ್ದವು. ಆದರೆ ಐಸಿಸ್ ಉಗ್ರರು ಬಾಂಬ್ ಇಟ್ಟು ದಾಳಿ ಮಾಡುವವರಲ್ಲ. ಬದಲಾಗಿ ಶಸ್ತ್ರ ಸಜ್ಜಿತವಾಗಿ ಜನನಿಬಿಡ ಪ್ರದೇಶಗಳಿಗೆ ನುಗ್ಗಿ ಮನಬಂದಂತೆ ದಾಳಿ ನಡೆಸುವುದು ಮತ್ತು ಜನರನ್ನು ಒತ್ತೆಯಾಳಾಗಿಟ್ಟುಕೊಂಡು ಸರಕಾರಕ್ಕೆ ಬೇಡಿಕೆ ಮುಂದಿಡುವುದು. ಇದು ಐಸಿಸ್ ಸಂಘಟನೆ ದಾಳಿ ಮಾಡುವ ವಿಧಾನ. ಈ ಮಾದರಿಯಲ್ಲಿ ನಡೆದ ಮುಂಬೈ ದಾಳಿ ದೊಡ್ಡ ಮಟ್ಟದಲ್ಲಿ ವಿಶ್ವದ ಗಮನ ಸೆಳೆದಿತ್ತು. ಅಂತಹ ಮತ್ತೊಂದು ಘಟನೆಯನ್ನು ಈ ಬಾರಿ ಐಸಿಸ್ ಉಗ್ರರು ನಡೆಸಿ ಭಾರತದಲ್ಲಿ ತಮ್ಮ ಇರುವಿಕೆಯನ್ನು ಜಗತ್ತಿಗೆ ಸಾರಲು ಉದ್ದೇಶಿಸಿದ್ದರು. ಬಾಂಬ್ ದಾಳಿ ನಡೆಸಬೇಕಾದರೆ ಸ್ಪೋಟಕ ವಸ್ತುಗಳ ಸಂಗ್ರಹಣೆ ಮತ್ತು ಸಾಗಣೆ ಈಗ ಸುಲಭದ ಕೆಲಸವಲ್ಲ. ದೇಶಾಧ್ಯಂತ ಬಾಂಬ್ ದಾಳಿಗಳು ನಡೆದ ನಂತರ ಅಮೋನಿಯಂ ನೈಟ್ರೇಟ್ ಮತ್ತು ಜಿಲೆಟಿನ್ ಕಡ್ಡಿಗಳು ಉಗ್ರರಿಗೆ ಅಷ್ಟು ಸುಲಭವಾಗಿ ಸಿಗುತ್ತಿಲ್ಲ. ಅಮೋನಿಯಂ ನೈಟ್ರೇಟ್ ಮಾರಾಟದ ಮೇಲೆ ಕಟ್ಟುನಿಟ್ಟಿನ ನಿಯಂತ್ರಣ ಏರಲಾಗಿದೆ. ಒಂದು ವೇಳೆ ಸ್ಫೋಟಕಗಳನ್ನು ಬಳಸಿಯೇ ದಾಳಿ ಮಾಡಲು ಮುಂದಾದರೆ ಯೋಜನೆ ಪಲಿಸುವ ಬಗ್ಗೆ ಉಗ್ರರಲ್ಲೇ ಅನುಮಾನವಿತ್ತು. ಈ ಹಿನ್ನೆಲೆಯಲ್ಲಿ ಶಸ್ತ್ರ ಸಜ್ಜಿತವಾಗಿ ದಾಳಿ ನಡೆಸಲು ಶಂಕಿತರು ನಿರ್ಧರಿಸಿದ್ದರು. ಇದಕ್ಕೆ ಭಟ್ಕಳ ಮೂಲದ ಐಸಿಸ್ ಉಗ್ರ ಶಫಿ ಅರ್ಮಾರ್ ಮತ್ತು ಜನೂದ್ ಉಲ್ ಖಲೀಫಾ ಹಿಂದ್‌ನ ಮುಖ್ಯಸ್ಥ ಮುನಬೀರ್ ಮುಷ್ತಾಾಕ್ ಸ್ಪಷ್ಟ ಯೋಜನೆ ರೂಪಿಸಿದ್ದರು ಎಂಬ ಮಾಹಿತಿ ತನಿಖೆಯ ವೇಳೆ ಎನ್‌ಐಎ ಅಧಿಕಾರಿಗಳಿಗೆ ಸಿಕ್ಕಿದೆ.

ಉಗ್ರರ ಪ್ರಕಾರ ರಾಜ್ಯದಲ್ಲಿ ದಾಳಿ ಸುಲಭ..!

ದೇಶದ ಇತರೆ ರಾಜ್ಯಗಳಲ್ಲಿ ದಾಳಿ ನಡೆಸುವುದು ಉಗ್ರರಿಗೆ ಅಷ್ಟು ಸುಲಭವಲ್ಲ. ಯಾಕೆಂದರೆ ದೆಹಲಿ, ಉತ್ತರಪ್ರದೇಶ, ಮಹಾರಾಷ್ಟ್ರ ಮತ್ತು ಆಂದ್ರ ರಾಜ್ಯಗಳಿಗೆ ಹೋಲಿಸಿದರೆ ನಮ್ಮ ರಾಜ್ಯದಲ್ಲಿ ಉಗ್ರರ ನಿಗ್ರಹಕ್ಕೆ ಪರಿಣಿತ ಅಧಿಕಾರಿಗಳೇ ಇಲ್ಲ. ಆಂತರಿಕಾ ಭದ್ರತಾ ವಿಬಾಗ, ಭಯೋತ್ಪಾದನಾ ನಿಗ್ರಹ ದಳ, ಗುಪ್ತಚರ ವಿಭಾಗಗಳು ಇದ್ದೂ ಇಲ್ಲದಂತಿವೆ. ಉಗ್ರರ ಚಲನವಲನಗಳು, ರಹಸ್ಯ ಸಭೆಗಳು, ಸ್ಲೀಪಿಂಗ್ ಸೆಲ್‌ಗಳ ಮಾಹಿತಿಗಳು, ಸೈಬರ್ ಮಾನಿಟರಿಂಗ್ ವ್ಯವಸ್ಥೆ, ನಿರಂತರವಾಗಿ ಉಗ್ರ ಚಟುವಟಿಕೆಗಳ ಮೇಲೆ ಕಣ್ಣಿಡುವ ಕೆಲಸ ರಾಜ್ಯ ಪೊಲೀಸರಿಂದ ನಡೆಯುತ್ತಿಲ್ಲ. ಈ ವಿಷಯ ಶಂಕಿತ ಉಗ್ರರಿಗೆ ಗೊತ್ತಿಲ್ಲವೆಂದೇನೂ ಅಲ್ಲ. ಅಕ್ಕಾಾಗಿಯೇ ರಾಜ್ಯದಲ್ಲಿ ದಾಳಿ ನಡೆಸುವುದು ಸುಲಭ ಎಂಬ ನಿರ್ಧಾರ ಶಂಕಿತರಿಗಿತ್ತು ಎನ್ನಲಾಗಿದೆ. ಬಹುತೇಕ ದೇಶದ ಎಲ್ಲ ರಾಜ್ಯಗಳಲ್ಲೂ ದೊಡ್ಡ ಮಟ್ಟದ ಭಯೋತ್ಪಾದಕ ದಾಳಿಗಳು ನಡೆದಿವೆ. ಆದರೆ ಕರ್ನಾಟಕಕ್ಕೆ ಮಾತ್ರ ಈ ಮಾತು ಅನ್ವಯವಾಗುವುದಿಲ್ಲ. ಈ ಹಿನ್ನೆಲೆಯಲ್ಲಿ ಮೈಮರೆತಿರುವ ರಾಜ್ಯ ಪೊಲೀಸ್ ಇಲಾಖೆ ಉಗ್ರರ ಚಟುವಟಿಕೆಗಳ ಮೇಲೆ ಅಷ್ಟಾಾಗಿ ಕಣ್ಣಿಟ್ಟಿಲ್ಲ. ಇದೆಲ್ಲವನ್ನು ಗಮನಿಸಿರುವ ಶಂಕಿತರು ರಾಜ್ಯವೇ ದಾಳಿಗೆ ಪ್ರಶಸ್ತ ತಾಣ ಎಂದು ನಿರ್ಧರಿಸಿದ್ದರು.

ಬಂಧಿತರಲ್ಲಿ ನಜ್ಮಲ್ ಹುದಾ ಕಿಂಗ್‌ಪಿನ್..!

ಮಂಗಳೂರಿನಲ್ಲಿ ಬಂಧಿತನಾದ ನಜ್ಮಲ್ ಹುದಾ ರಾಜ್ಯದಲ್ಲಿ ಸಂಭಾವ್ಯ ದಾಳಿ ನಡೆಸುವ ನೇತೃತ್ವ ವಹಿಸಿಕೊಂಡಿದ್ದ. ಶಫೀ ಅರ್ಮಾರ್ ಮತ್ತು ಮುನಬೀರ್ ಮುಷ್ತಾಕ್ ನೀಡುತ್ತಿದ್ದ ಸೂಚನೆಗಳನ್ನು ನಜ್ಮಲ್ ಹುದಾ ಉಳಿದ ಐವರಿಗೆ ರವಾನಿಸುತ್ತಿದ್ದ. ದಾಳಿ ನಡೆಸುವ ನಿಟ್ಟಿನಲ್ಲಿ ಬೆಂಗಳೂರು ಮತ್ತು ತುಮಕೂರಿನಲ್ಲಿ ಹಲವು ಸಭೆಗಳನ್ನು ನಡೆಸಲಾಗಿತ್ತು. ಈ ಸಭೆಗೆ ದೆಹಲಿ ಪೊಲೀಸರಿಂದ ಬಂಧಿತನಾಗಿರುವ ಸೈಯದ್ ಅನ್ಸರ್ ಷಾ ಖಾಸ್ಮಿ ಕೂಡ ಭಾಗಿಯಾಗಿದ್ದ ಎನ್ನುತ್ತದೆ ಎನ್‌ಐಎ ಮೂಲಗಳು. ಎಂಜಿನಿಯರಿಂಗ್ ಓದುತ್ತಿದ್ದ ನಜ್ಮಲ್ ಹುದಾನಿಗೆ ಟೆಕ್ಕಿಗಳನ್ನು ಉಗ್ರ ಚಟುವಟುಕೆಗಳತ್ತ ಸೆಳೆಯುವ ಜವಾಬ್ದಾಾರಿಯನ್ನೂ ನೀಡಲಾಗಿತ್ತು. ದಾಳಿಗೆ ಬೇಕಾದ ಅಗತ್ಯ ಹಣಕಾಸಿನ ನೆರವನ್ನು ಬೆಂಗಳೂರಿನ ಟೆಕ್ಕಿಗಳಿಂದ ಸಂಗ್ರಹಿಸುವ ಹೊಣೆಯನ್ನು ದೆಹಲಿ ಎಟಿಎಸ್‌ನಿಂದ ಬಂಧಿತನಾದ ಸೈಯದ್ ಅನ್ಸರ್ ಷಾ ಖಾಸ್ಮಿ ವಹಸಿಕೊಂಡಿದ್ದ ಎಂದು ಎನ್‌ಐಎ ಮೂಲಗಳು ತಿಳಿಸಿವೆ.

                                                                                         –ಶಶಿವರ್ಣಂ

 

ಮೈಮರೆವಿಗೆ ಬೆಲೆ ತೆರಲಿದೆಯಾ ಕರ್ನಾಟಕ..?

22891

ರಾಜ್ಯದಲ್ಲಿ ಎನ್‌ಐಎ ಅಧಿಕಾರಿಗಳಿಂದ ಆರು ಶಂಕಿತ ಉಗ್ರರ ಬಂಧನ ಮತ್ತು 15 ದಿನಗಳ ಹಿಂದೆ ದೆಹಲಿ ಪೊಲೀಸರಿಂದ ಆಲ್‌ಖೈದಾ ಶಂಕಿತ ಉಗ್ರ ಮೌಲ್ವಿ ಸೈಯದ್ ಅನ್ಸರ್ ಷಾ ಖಾಸ್ಮಿ ಬಂಧನದ ನಂತರ ರಾಜ್ಯ ಉಗ್ರರಿಗೆ ಸುರಕ್ಷಿಿತ ತಾಣವಾಗಿ ಉಳಿದಿರುವುದು ಮತ್ತೊಮ್ಮೆ ಸಾಭೀತಾಗಿದೆ. ದೇಶದಲ್ಲಿ ನಡೆದ ಹಲವು ಭಯೋತ್ಪಾದನಾ ದಾಳಿಗಳ ಸಂಚು ರಾಜ್ಯದಲ್ಲಿ ರೂಪಿತವಾಗಿತ್ತು ಅನ್ನೋದು ಬಹಿರಂಗವಾಗೇನು ಉಳಿದಿಲ್ಲ. ಆದರೂ ರಾಜ್ಯ ಪೊಲೀಸರು ಮಾತ್ರ ಉಗ್ರರು ಮತ್ತು ಅವರ ಚಟುವಟಿಕೆಗಳನ್ನು ಅಷ್ಟು ಗಂಭೀರವಾಗಿ ಪರಿಗಣಿಸಿಲ್ಲ. ಕೇಂದ್ರ ತನಿಖಾಧಿಕಾರಿಗಳು ಬಂಧಿಸಿದ ನಂತರ ನಮಗೆ ಮಾಹಿತಿ ಇತ್ತು ಎಂಬ ಸಿದ್ದ ಹೇಳಿಕೆಯನ್ನು ಬಿಟ್ಟರೆ ಇಲ್ಲಿನ ಪೊಲೀಸರಿಗೆ ಉಗ್ರ ಚಟುವಟಿಕೆಗಳ ಮೇಲೆ ಕಣ್ಣಿಡುವ ಕೆಲಸ ಪೊಲೀಸ್ ಇಲಾಖೆ ಮಾಡುತ್ತಿಲ್ಲ.. ಈ ಮೈಮರೆವು ಮುಂದಿನ ದಿನಗಳಲ್ಲಿ ದೊಡ್ಡದೊಂದು ದಾಳಿಗೆ ಮುನ್ನುಡಿಯಾದರೂ ಅಚ್ಚರಿಯಿಲ್ಲ..!

ರಾಜ್ಯದಲ್ಲಿ ದೊಡ್ಡಮಟ್ಟದ ದಾಳಿಯಾಗಿಲ್ಲ..!

ದೇಶದ ಹಲವು ರಾಜ್ಯಗಳಲ್ಲಿ ನಡೆದಿರುವ ಭಯೋತ್ಪಾಾದಕ ದಾಳಿಗಳನ್ನು ಗಮನಿಸಿದರೆ ಕರ್ನಾಟಕದಲ್ಲಿ ದೊಡ್ಡ ಮಟ್ಟದಲ್ಲಿ ಉಗ್ರರ ದಾಳಿ ನಡೆದಿಲ್ಲ, ಬಾಂಬ್ ಸ್ಫೋಟ ಆಗಿಲ್ಲ. ಇದೊಂದೇ ಕಾರಣದಿಂದಾಗಿ ರಾಜ್ಯ ಪೊಲೀಸರು ಮೈ ಮರೆವಿನಲ್ಲಿದ್ದಾಾರೆ. ಅಂದರೆ ರಾಜ್ಯದಲ್ಲಿ ನಡೆಯುತ್ತಿರುವ ಉಗ್ರ ಚಟುವಟಿಕೆಗಳ ಮೇಲೆ ನಿಗಾ ಇಟ್ಟಿಲ್ಲ. ಮುಂಬೈ ಮತ್ತು ದೆಹಲಿ ಭಯೋತ್ಪಾಾದನಾ ನಿಗ್ರಹ ದಳದ ಅಧಿಕಾರಿಗಳು ಆಗಿದ್ದಾಾಗ್ಗೆ ದೇಶದ ಹಲವೆಡೆ ಉಗ್ರರನ್ನು ಬಂಧಿಸಿ ವಿಚಾರಣೆಗೊಳಪಡಿಸುತ್ತಿದೆ. ಬೆಂಗಳೂರು ಸರಣಿ ಸ್ಫೋಟ ನಡೆದ ನಂತರ ಸರ್ಕಾರ ಆಂತರಿಕ ಭದ್ರತಾ ವಿಭಾಗ ಆರಂಭಿಸಿತ್ತು. ಆ ವಿಭಾಗದಲ್ಲೇ ಭಯೋತ್ಪಾದನಾ ನಿಗ್ರಹ ದಳ ಕೂಡ ಇದೆ. ಆದ್ರೆ ರಾಜ್ಯದಲ್ಲಿರುವ ಭಯೋತ್ಪಾಾದನಾ ನಿಗ್ರಹ ದಳ ಇಲ್ಲಿಯವರೆಗೆ ಅಂತಹ ಯಾವುದೇ ಮಹತ್ವದ ಕಾರ್ಯಾಚರಣೆ ನಡೆಸಿಲ್ಲ. ಇದಕ್ಕೆ ಅಲ್ಲಿನ ಅಧಿಕಾರಿಗಳಿಂದ ಸಿಗುವ ಸಿದ್ದ ಉತ್ತರ ರಾಜ್ಯದಲ್ಲಿ ಉಗ್ರರ ಚಟುವಟಿಕೆಗಳು ಇಲ್ಲ ಅನ್ನೋದು. ಆದರೆ ಕೇಂದ್ರೀಯ ತನಿಖಾ ತಂಡಗಳು ಮಾತ್ರ ಕರ್ನಾಟಕವನ್ನು ಉಗ್ರರಿಗೆ ಸುರಕ್ಷಿಿತ ತಾಣ ಅಂತಲೇ ಪರಿಗಣಿಸಿವೆ.

ದೇಶದೆಲ್ಲೆಡೆ ನಡೆದ ಉಗ್ರ ದಾಳಿಗಳಿಗೆ ಇಲ್ಲಿಂದಲೇ ಸ್ಫೋಟಕ ರವಾನೆಯಾಗಿತ್ತು..!

ಕರ್ನಾಟಕದಲ್ಲಿ ಇದೂವರೆಗೂ ದೊಡ್ಡ ಮಟ್ಟದ ಭಯೋತ್ಪಾಾದಕ ದಾಳಿಯಾಗಿಲ್ಲ ನಿಜ. ಆದರೆ ದೇಶದಲ್ಲಿ ಇಂಡಿಯನ್ ಮುಜಾಹಿದೀನ್ ನಡೆಸಿದ ಬಹುತೇಕ ಸ್ಪೋಟಗಳಿಗೆ ರಾಜ್ಯದಿಂದಲೇ ಸ್ಫೋಟಕಗಳು ರವಾನೆಯಾಗಿತ್ತು ನ್ನೋದು ಎನ್‌ಐಎ ತನಿಖೆಯಿಂದ ಹೊರಬಿದ್ದಿದ್ದ ಭಯಾನಕ ಸತ್ಯ. 2008ರಲ್ಲಿ ನಡೆದ ಅಹಮದಾಬಾದ್ ಸರಣಿ ಸ್ಫೋಟ, ದೆಹಲಿ ಸರಣಿ ಸ್ಫೋಟ, ಜೈಪುರ ಸರಣಿ ಸ್ಪೋಟ, 2010ರಲ್ಲಿ ನಡೆದ ಪುಣೆ ಜರ್ಮನ ಬೇಕರಿ ಸ್ಫೋಟ, ಬೆಂಗಳೂರಿನಲ್ಲಿ ನಡೆದ ಚಿನ್ನಸ್ವಾಾಮಿ ಕ್ರೀಡಾಂಗಣ ಬಳಿ ನಡೆದ ಸ್ಪೋಟ, 2013 ರಲ್ಲಿ ಹೈದ್ರಾಾಬಾದ್‌ನ ದಿಲ್‌ಸುಕ್‌ನಗರದಲ್ಲಿ ನಡೆದ ಸ್ಫೋಟಗಳಿಗೆ ಚಿಕ್ಕಮಗಳೂರು ಮತ್ತು ಭಟ್ಕಳದಿಂದ ಸ್ಫೋಟಕಗಳು ರವಾನೆಯಾಗಿದ್ದವು. ಪುಣೆಯ ಜರ್ಮನ್ ಬೇಕರಿ ಸ್ಫೋಟದ ಷಡ್ಯಂತ್ರ ಮಂಗಳೂರು ಹೊರವಲಯದ ತೋಟವೊಂದರಲ್ಲಿ ರೂಪಿತವಾಗಿತ್ತ್ತು. ತನ್ನ ಸಹಚರರೊಂದಿಗೆ ತೋಟವೊಂದರಲ್ಲಿ ಯೋಜನೆ ರೂಪಿಸಿದ್ದ ಯಾಸಿನ್ ಭಟ್ಕಳ್ ಜರ್ಮನ್ ಬೇಕರಿಗೆ ತೆರಳಿ ತಾನೇ ಬಾಂಬ್ ಇಟ್ಟಿದ್ದ. ಚಿಕ್ಕಮಗಳೂರಿನಲ್ಲಿನ ಕಲ್ಲು ಕ್ವಾಾರಿಗಳಿಂದ ಇಂಡಿಯನ್ ಮುಜಾಹಿದೀನ್ ಉಗ್ರರು ಅಮೋನಿಯಂ ನೈಟ್ರೇಟ್ ಮತ್ತು ಜಿಲೆಟಿನ್ ಕಡ್ಡಿಗಳನ್ನು ದೇಶದ ವಿವಿದೆಡೆ ನಡೆದ ವಿದ್ವಸಂಸಕ ಕೃತ್ಯಗಳಿಗೆ ಸಾಗಿಸುತ್ತಿದ್ದರೆ ನಮ್ಮ ರಾಜ್ಯದ ಪೊಲೀಸರು ಇದು ನಮಗೆ ಸಂಬಂಧಿಸಿದ ವಿಷಯವೇ ಅಲ್ಲ ಎನ್ನುವಂತಿದ್ದರು. ಎನ್‌ಐಎ ಮತ್ತು ಮುಂಬೈ ಭಯೋತ್ಪಾಾದಕ ನಿಗ್ರಹ ದಳದ ಅಧಿಕಾರಿಗಳ ತನಿಖೆ ವೇಳೆ ಕರ್ನಾಟಕ ಇಂಡಿಯನ್ ಮುಜಾಹಿದೀನ್ ಉಗ್ರರ ಪಾಲಿಗೆ ಸ್ವರ್ಗವಾಗಿದೆ ಅನ್ನೋದು ಬೆಳಕಿಗೆ ಬಂದಿತ್ತು. ಇಷ್ಟೆಲ್ಲ ಆಘಾತಕಾರಿ ಬೆಳವಣಿಗೆಗಳು ನಡೆದ ಮೇಲೂ ನಮ್ಮ ಗುಪ್ತಚರ ಇಲಾಖೆ ಮತ್ತು ಆಂತರಿಕ ಭದ್ರತಾ ವಿಭಾಗ ಎಚ್ಚೆತ್ತುಕೊಂಡಿಲ್ಲ.

ಸುರಕ್ಷಿತ ತಾಣಗಳನ್ನು ಉಗ್ರರು ಹಾಳು ಮಾಡಿಕೊಳ್ಳುವುದಿಲ್ಲ..!

ಕರ್ನಾಟಕ ರಾಜ್ಯ ಉಗ್ರರ ಪಾಲಿಗೆ ಸುರಕ್ಷಿಿತ ತಾಣವಾಗಿ ಹಲವು ವರ್ಷಗಳೇ ಕಳೆದಿವೆ. ದೇಶದ ಹಲವೆಡೆ ದಾಳಿ ನಡೆಸಿದ ಉಗ್ರರಿಗೆ ರಾಜ್ಯದಲ್ಲಿ ದಾಳಿ ನಡೆಸುವುದು ಕಷ್ಟದ ವಿಷಯವೇನಲ್ಲ. ಆದರೆ ತಮಗೆ ಸುರಕ್ಷಿತವಾಗಿರುವ ಪ್ರದೇಶದಲ್ಲಿ ಬಾಂಬ್ ಸ್ಫೋಟ ನಡೆಸಿ ತಮ್ಮ ಸುರಕ್ಷಿತ ತಾಣಗಳನ್ನು ಹಾಳು ಮಾಡಿಕೊಳ್ಳಲು ಉಗ್ರರು ತಯಾರಿಲ್ಲ. ಇದೇ ಕಾರಣದಿಂದಾಗಿಯೇ ನಗರದಲ್ಲಿ ದೊಡ್ಡ ಮಟ್ಟದ ಭಯೋತ್ಪಾಾದಕ ದಾಳಿಗಳಾಗಿಲ್ಲ. 2008 ರ ಸರಣಿ ಸ್ಪೋಟ, ಮಲ್ಲೇಶ್ವರಂ ಸ್ಪೋಟ ಮತ್ತು ಚರ್ಚ್ ಸ್ಟ್ರೀಟ್ ನಲ್ಲಿ ನಡೆದ ಸ್ಫೋಟಗಳಲ್ಲಿ ಕಡಿಮೆ ತೀವ್ರತೆಯ ಸ್ಪೋಟಕಗಳನ್ನು ಬಳಸಿ ಕೃತ್ಯ ಎಸಗಲಾಗಿತ್ತು. ವ್ಯವಸ್ಥಿತವಾಗಿ ಉಗ್ರ ಜಾಲ ಹೊಂದಿರುವ ತಂಡಗಳು ಈ ಮೇಲಿನ ಸ್ಫೋಟಗಳಲ್ಲಿ ಭಾಗಿಯಾಗಿಲ್ಲ. ಈ ಮೂರೂ ಸ್ಫೋಟಗಳಲ್ಲಿ ಅಲ್ ಉಮಾ ಸಂಘಟನೆಯ ಪಾತ್ರ ಇರುವ ಬಗ್ಗೆ ತನಿಖಾಧಿಕಾರಿಗಳಿಗೆ ಮಾಹಿತಿ ಇದೆ. ಆದರೆ 2010 ರಲ್ಲಿ ನಡೆದ ಚಿನ್ನಸ್ವಾಾಮಿ ಕ್ರೀಡಾಂಗಣದ ಬಳಿ ನಡೆಸ ಸ್ಪೋಟದಲ್ಲಿ ಇಂಡಿಯನ್ ಮುಜಾಹಿದೀನ್ ಉಗ್ರ ಯಾಸಿನ್ ಭಟ್ಕಳ್ ಸ್ವತಃ ಬಾಂಬ್ ಇಟ್ಟಿಿದ್ದ ಅನ್ನೋ ವಿಚಾರ ತನಿಖೆಯಲ್ಲಿ ಬೆಳಕಿಗೆ ಬಂದಿತ್ತು. ಬಾಂಬ್ ಸ್ಫೋಟ ನಡೆಸುವ ಮೊದಲು ಆತ ತುಮಕೂರಿನಲ್ಲಿ ಮನೆ ಮಾಡಿಕೊಂಡಿದ್ದ. ಇವುಗಳನ್ನು ಬಿಟ್ಟರೆ ಭೀಕರ ಎನ್ನಿಸುವಂತಹ ದಾಳಿಗಳು ನಮ್ಮ ರಾಜ್ಯದಲ್ಲಿ ನಡೆದಿಲ್ಲ.

’’ಉಗ್ರರು ಕರ್ನಾಟಕದಲ್ಲಿ ದೊಡ್ಡ ಮಟ್ಟದ ದಾಳಿ ನಡೆಸಿಲ್ಲ ಅಂದ ಮಾತ್ರಕ್ಕೆ ಇಲ್ಲಿ ಭಯೋತ್ಪಾಾದಕರ ಜಾಡು ಇಲ್ಲ ಎಂದರ್ಥವಲ್ಲ. ಉಗ್ರರು ಕರ್ನಾಟಕದಲ್ಲಿ ದಾಳಿ ನಡೆಸಿ ತಮ್ಮ ಸುರಕ್ಷಿತ ತಾಣವನ್ನು ಹಾಳು ಮಾಡಿಕೊಳ್ಳಲು ಸಿದ್ದರಿಲ್ಲ’’ ಅನ್ನೋದು ಮುಂಬೈ ಹಿರಿಯ ಅಧಿಕಾರಿಯೊಬ್ಬರ ಅಭಿಪ್ರಾಾಯ.

ಕರಾವಳಿ ಉಗ್ರರ ಪ್ರಮುಖ ನೆಲೆ..!

ಇಂಡಿಯನ್ ಮುಜಾಹಿದೀನ್ ಎಂಬ ರಕ್ತಪಿಪಾಸು ಉಗ್ರ ಸಂಘಟನೆ ಆರಂಭವಾಗಿದ್ದೇ ಉತ್ತರ ಕನ್ನಡ ಜಿಲ್ಲೆಯ ಭಟ್ಕಳದಲ್ಲಿ. ಭಟ್ಕಳ ಸಹೋದರರು ಸ್ಥಾಪಿಸಿದ ಈ ಸಂಘಟನೆ ದೇಶದ ಹಲವೆಡೆ ದಾಳಿಗಳನ್ನು ನಡೆಸಿ ನೂರಾರು ಅಮಾಯಕರನ್ನು ಬಲಿ ಪಡೆದಿದೆ. ಸದ್ಯ ಪಾಕಿಸ್ತಾನದಲ್ಲಿ ತಲೆ ಮರೆಸಿಕೊಂಡಿರುವ ಇಕ್ಬಾಾಲ್ ಭಟ್ಕಳ್, ರಿಯಾಜ್ ಭಟ್ಕಳ್ ಮತ್ತು ಎನ್‌ಐಎ ವಶದಲ್ಲಿರುವ ಯಾಸಿನ್ ಭಟ್ಕಳ ಸಹೋದರರು ಇಂಡಿಯನ್ ಮುಜಾಹಿದೀನ್ ಸಂಘಟನೆಯನ್ನು ಸ್ಥಾಾಪಿಸಿ ದೇಶಾಧ್ಯಂತ ಮುಸ್ಲಿಂ ಯುವಕರನ್ನು ತಮ್ಮ ಸಂಘಟನೆಯತ್ತ ಸೆಳೆದಿದ್ದರು. ಈಗ ಈ ಕೆಲಸವನ್ನು ಅದೇ ಭಟ್ಕಳದ ಮತ್ತೊಬ್ಬ ಉಗ್ರ ಶಫಿ ಅರ್ಮಾರ್ ಮಾಡುತ್ತಿದ್ದಾಾನೆ. ಈ ಶಫಿ ಅರ್ಮಾರ್ ಐಸಿಸ್ ಗೆ ಭಾರತೀಯ ಯುವಕರನ್ನು ನೇಮಕಾತಿ ಮಾಡಿಕೊಳ್ಳುತ್ತಿದ್ದ ಸುಲ್ತಾಾನ್ ಅರ್ಮಾರ್‌ನ ತಮ್ಮ. ಸಿರಿಯಾದಲ್ಲಿ ನಡೆಯುತ್ತಿರುವ ಯುದ್ಧದಲ್ಲಿ ಸುಲ್ತಾಾನ್ ಅರ್ಮಾರ್ ಸಾವನ್ನಪ್ಪಿದ ನಂತರ ಈಗ ಶಫೀ ಅರ್ಮಾರ್ ಐಸಿಸ್‌ಗೆ ಯುವಕರನ್ನು ನೇಮಕ ಮಾಡಿಕೊಳ್ಳುವ ಕೆಲಸ ಮಾಡುತ್ತಿದ್ದಾಾನೆ. ಈತನ ಕೆಲಸಕ್ಕೆ ಭಟ್ಕಳದ ಕೆಲವು ಮುಸ್ಲಿಂ ಯುವಕರು ಮತ್ತು ಬೆಂಗಳೂರಿನಲ್ಲಿರುವ ಕೆಲ ಸಾಫ್‌ಟ್‌‌ವೇರ್ ಎಂಜಿನಿಯರ್‌ಗಳು ಸಾಥ್ ಕೊಡುತ್ತಿದ್ದಾರೆ. ಶುಕ್ರವಾರ ರಾಜ್ಯದಲ್ಲಿ ಬಂಧಿತರಾದ ಆರು ಮಂದಿ ಶಂಕಿತ ಉಗ್ರರು ಇದೇ ಶಫಿ ಅರ್ಮಾರ್ ಆದೇಶದಂತೆ ಕೆಲಸ ಮಾಡುತ್ತಿದ್ದರು ಎಂದು ಎನ್‌ಐಎ ಅಧಿಕಾರಿಗಳ ತನಿಖೆ ವೇಳೆ ಬೆಳಕಿಗೆ ಬಂದಿದೆ.

ಸಾಮಾಜಿಕ ತಾಣಗಳ ಮೂಲಕ ಉಗ್ರರ ಸೆಳೆಯುವ ಯತ್ನ..!

ಫೇಸ್‌ಬುಕ್ ಮತ್ತು ಟ್ವಿಟ್ಟರ್‌ಗಳ ಮೂಲಕ ಮುಸ್ಲಿಂ ಯುವಕರನ್ನು ಭಯೋತ್ಪಾಾದಕ ಕೃತ್ಯಗಳಿಗೆ ಪ್ರೇರೇಪಿಸುವ ಕೆಲಸ ವ್ಯವಸ್ಥಿತವಾಗಿ ನಡೆಯುತ್ತಿದೆ. ಟ್ವಿಿಟ್ಟರ್ ಮೂಲಕ ಐಸಿಸ್‌ಗೆ ಸೇರಲು ಮುಸ್ಲಿಂ ಯುವಕರನ್ನು ಪ್ರಚೋಧಿಸುತ್ತಿದ್ದ ಆರೋಪದ ಮೇಲೆ ಕಳೆದ ವರ್ಷ ಮಸ್ರೂರ್ ಬಿಸ್ವಾಾಸ್ ಮೆಹದಿಯನ್ನು ಬಂಧಿಸಲಾಗಿತ್ತು. ಆಗಲೇ ಗೊತ್ತಾಗಿದ್ದು, ಉಗ್ರರು ಸಾಮಾಜಿಕ ಜಾಲತಾಣಗಳನ್ನು ಬಳಸಿ ವಿಧ್ಯಾಾವಂತ ಯುವಕರನ್ನು ಉಗ್ರ ಸಂಘಟನೆಗಳತ್ತ ಸೆಳೆಯುತ್ತಿದ್ದಾಾರೆ ಎನ್ನೋ ಆಘಾತಕಾರಿ ವಿಚಾರ. ಸಾಮಾಜಿಕ ಜಾಲತಾಣಗಳನ್ನು ಬಳಸಿಕೊಂಡು ಯುವಕರನ್ನು ಹಾದಿ ತಪ್ಪಿಸಿ ಉಗ್ರಗಾಮಿ ಸಂಘಟನೆಗಳಿಗೆ ಸೆಳೆಯುವ ಪ್ರಯತ್ನ ವ್ಯವಸ್ಥಿತವಾಗಿ ನಡೆಯುತ್ತಿಿದೆ. ಎಂಜಿನಿಯರಿಂಗ್ ಮತ್ತು ವೈಧ್ಯಕೀಯ ವಿಧ್ಯಾಾರ್ಥಿಗಳು ಮತ್ತು ಪ್ರತಿಷ್ಟಿತ ಕಂಪನಿಗಳಲ್ಲಿ ಕೆಲಸ ಮಾಡುವ ಟೆಕ್ಕಿಗಳನ್ನು ದೃಷ್ಟಿಯಲ್ಲಿಟ್ಟುಕೊಂಡು ಉಗ್ರ ಸಂಘಟನೆಗಳು ಯುವಕರನ್ನು ಸೆಳೆಯುವ ಕೆಲಸ ಮಾಡುತ್ತಿವೆ. ಆದರೆ ಈ ಪ್ರಯತ್ನವನ್ನು ತಡೆಯುವ ಕೆಲಸ ರಾಜ್ಯ ಪೊಲೀಸರಿಂದ ಸಾಧ್ಯವಾಗಿಲ್ಲ.

ಆಂತರಿಕ ಭದ್ರತಾ ವಿಭಾಗದಲ್ಲಿ ಪರಿಣಿತ ಅಧಿಕಾರಿಗಳಿಲ್ಲ..!

ಭಯೋತ್ಪಾಾದನಾ ನಿಗ್ರಹ ದಳ, ನಕ್ಸಲ್ ನಿಗ್ರಹದಳ, ಕರಾವಳಿ ಭದ್ರತಾ ಪಡೆ ಮತ್ತು ಗುಪ್ತಚರ ವಿಭಾಗಗಳನ್ನೊಳಗೊಂಡ ಆಂತರಿಕ ಭದ್ರತಾ ವಿಭಾಗ ರಾಜ್ಯದಲ್ಲಿ ಕೆಲಸ ಮಾಡುತ್ತಿಿದೆ. ಸರಣಿ ಸ್ಫೋಟ ನಡೆದ ನಂತರ ಈ ವಿಭಾಗವನ್ನು ಆರಂಭಿಸಲಾಗಿದೆ. ಎಡಿಜಿಪಿ ಮಟ್ಟದ ಅಧಿಕಾರಿ ಈ ವಿಭಾಗದ ಮುಖ್ಯಸ್ಥರಾಗಿದ್ದಾಾರೆ. ಆದರೆ ಭಯೋತ್ಪಾಾದನೆ, ಉಗ್ರರ ದಾಳಿ ಇಂತಹ ವಿಚಾರಗಳನ್ನು ಮುಂದಿಟ್ಟುಕೊಂಡು ಆಂತರಿಕ ಭದ್ರತಾ ಪಡೆಯ ಸಾಧನೆ ಏನೇನು ಇಲ್ಲ. ರಾಜ್ಯ ಉಗ್ರರ ಅಡಗುತಾಣದಂತಾಗಿದ್ದರೂ ಭತೋತ್ಪಾದಕ ನಿಗ್ರಹ ದಳ ಇಲ್ಲಿಯವರೆಗೂ ದೊಡ್ಡ ಮಟ್ಟದ ಕಾರ್ಯಾಚರಣೆ ನಡೆಸಿಯೇ ಇಲ್ಲ. ಆಂತರಿಕ ಭದ್ರತಾ ವಿಭಾಗಲ್ಲಿ ಪರಿಣಿತ ಅಧಿಕಾರಿಗಳು ಕೆಲಸ ಮಾಡುತ್ತಿಲ್ಲ. ಭಯೋತ್ಪಾಾದನೆ, ಉಗ್ರರ ಕುರಿತಾಗಿ ತಿಳಿದುಕೊಂಡಿರುವ ಅಧಿಕಾರಿಗಳೇ ಆ ವಿಭಾಗದಲ್ಲಿಲ್ಲ. ಈ ವಿಭಾಗಕ್ಕೆ ಬರಲು ಧಕ್ಷ ಅಧಿಕಾರಿಗಳು ಮನಸ್ಸು ಮಾಡುವುದಿಲ್ಲ. ಇನ್ನು ಇಲ್ಲಿರುವ ಗುಪ್ತಚರ ವಿಭಾಗದಲ್ಲಿ ಸೂಕ್ತ ಅಧಿಕಾರಿಗಳೇ ಇಲ್ಲ. ಸೈಬರ್ ಮಾನಿಟರಿಂಗ್ ಎಂಬ ಅರ್ಥವೇ ಗೊತ್ತಿಲ್ಲದಂತೆ ಈ ವಿಭಾಗ ಕಾರ್ಯನಿರ್ವಹಿಸುತ್ತಿಿದೆ. ತಂತ್ರಜ್ಞಾಾನದ ಅರಿವು, ಧಕ್ಷ ಅಧಿಕಾರಿಗಳ ಪಡೆ, ಅತ್ಯಾಧುನಿಕ ವ್ಯವಸ್ಥೆ ಯಾವುದೂ ಆಂತರಿಕ ಭದ್ರತಾ ಪಡೆಯಲ್ಲಿಲ್ಲ. ಹೀಗೆ ಬದುಕಿದ್ದೂ ಸತ್ತಂತಿರುವ ಈ ವಿಭಾಗದಿಂದ ಭಯೋತ್ಪಾಾದಕರ ಹೆಡೆಮುರಿ ಕಟ್ಟಲು ಸಾಧ್ಯವೇ ಇಲ್ಲ.

ಇದೇ ರೀತಿ ರಾಜ್ಯದ ಅಧಿಕಾರಿಗಳು ಉಗ್ರ ಚಟುವಟಿಕೆಗಳ ಮೇಲೆ ನಿಗಾ ಇಡದೇ ತಮಗೆ ಸಂಬಂಧವೇ ಇಲ್ಲದಂತೆ ಇದ್ದರೆ ಮುಂದೊಂದು ದಿನ ರಾಜ್ಯ ಭೀಕರ ದಾಳಿಗೆ ತುತ್ತಾಾಗೋದು ನಿಶ್ಚಿತ. ಅದಾದ ನಂತರ ಎಚ್ಚೆೆತ್ತುಕೊಳ್ಳುವ ಬದಲು ಈಗಲೇ ಆಂತರಿಕ ವಿಭಾಗವನ್ನು ಬಲಪಡಿಸುವ ಅಗತ್ಯತೆ ಇದೆ.

ರಾಜ್ಯದಲ್ಲಿ ಉಗ್ರರ ಕರಾಳ ಇತಿಹಾಸ

* 2000 ರಲ್ಲಿ ನಡೆದ ಹುಬ್ಬಳ್ಳಿ, ಗುಲ್ಬರ್ಗಾ ಮತ್ತು ಬೆಂಗಳೂರಿನಲ್ಲಿ ನಡೆದ ಚರ್ಚ್ ಸ್ಪೋಟ

* 2005 ಡಿ.28 ರಂದು ಬೆಂಗಳೂರಿನಲ್ಲಿ ನಡೆದ ಐಐಎಸ್‌ಸಿ ದಾಳಿ, ವಿಜ್ಞಾಾನಿಯೊಬ್ಬರು ಉಗ್ರರ ಗುಂಡಿಗೆ ಬಲಿಯಾಗಿದ್ದರು

* 2008 ಮೇ.10ರಂದು ನಡೆದ ಹುಬ್ಬಳ್ಳಿಯಲ್ಲಿ ಜೆಎಂಎಫ್‌ಸಿ ಕೋರ್ಟ್‌ನಲ್ಲಿ ನಡೆದ ಸ್ಫೋಟ

*2008 ಜು.25ರಂದು ಬೆಂಗಳೂರಿನಲ್ಲಿ ನಡೆದಿದ್ದ ಸರಣಿ ಸ್ಪೋಟ. ಘಟನೆಯಲ್ಲಿ ಇಬ್ಬರು ಸಾವನ್ನಪ್ಪಿ 20ಕ್ಕೂ ಹೆಚ್ಚು ಜನರು ಗಾಯಗೊಂಡಿದ್ದರು.

* 2010 ಏ.17 ರಂದು ನಡೆದ ಚಿನ್ನಸ್ವಾಾಮಿ ಕ್ರೀಡಾಂಗಣ ಬಳಿಯ ಸ್ಫೋಟ

* 2013 ಏ.17 ರಂದು ನಡೆದ ಮಲ್ಲೇಶ್ವರಂ ಬಾಂಬ್ ಸ್ಪೋಟ

* 2014 ಡಿ.28 ರಂದು ನಡೆದ ಚರ್ಚ್‌ಸ್ಟ್ರೀಟ್ ಬಾಂಬ್ ಸ್ಫೋಟ. ಘಟನೆಯಲ್ಲಿ ಮಹಿಳೆಯೊಬ್ಬರು ಸಾವನ್ನಪ್ಪಿದ್ದರು.

ಉಗ್ರರ ಕರಾಳ ಹೆಜ್ಜೆ

*2012 ರಲ್ಲಿ ರಾಜ್ಯದ ಪ್ರಮುಖ ಪತ್ರಕರ್ತರ ಹತ್ಯೆಗೆ ಸಂಚು ರೂಪಿಸಿದ ಆಧಾರದ ಮೇಲೆ 12 ಮಂದಿಯನ್ನು ಬಂಧಿಸಲಾಗಿತ್ತು.

*2014ರ ಅ.6ರಂದು ವಿವೇಕನಗರದಲ್ಲಿ ತಮಿಳುನಾಡು ಪೊಲೀಸರು ಇಬ್ಬರು ಅಲ್ ಉಮಾ ಸಂಘಟನೆಯಉಗ್ರರನ್ನು ಬಂಧಿಸಿದ್ದರು.

* 2014 ರ ಡಿ.13 ರಂದು ಐಸಿಸ್ ಟ್ವಿಟ್ಟರ್ ಕಿಂಗ್‌ಪಿನ್ ಮೆಹದಿ ಮಸ್ರೂರ್ ಬಿಸ್ವಾಾಸ್‌ನನ್ನು ಬಂಧಿಸಲಾಗಿತ್ತು.

* 2015ರ ಜ.8ರಂದು ಬೆಂಗಳೂರು ಮತ್ತು ಭಟ್ಕಳದಲ್ಲಿ ಆರು ಶಂಕಿತ ಉಗ್ರರನ್ನು ಬಂಧಿಸಲಾಗಿತ್ತು

* 2015 ರ ಜ.24 ರಂದು ಅಸ್ಸಾಾಂ ನ ಬೋಡೋ ಉಗ್ರ ಬಿರ್ಕಾಂಗ್ ನರ್ಜಾರಿ ಬಂಧನ.

* 2015 ಜ.26 ಎಲೆಕ್ಟ್ರಾಾನಿಕ್ ಸಿಟಿಯಲ್ಲಿ ಬೋಡೋ ಉಗ್ರ ಸಂಜು ಬೋರ್ಡ್ ಲಾಯ್ ಬಂಧನ.

* 2015 ರ ಜೂನ್ 6 ರಂದು ಪೀಣ್ಯಾದಲ್ಲಿ ನಾಲ್ವರು ಬೋಡೋ ಉಗ್ರರನ್ನು ಬಂಧಿಸಲಾಗಿತ್ತು

* 2015ರ ಡಿಸೆಂಬರ್ 25 ರಂದು ನಾಗಾ ಉಗ್ರ ಅಟೋಷಿ ಚೋಫೆಯನ್ನು ಬಂಧಿಸಲಾಗಿತ್ತು

* 2016 ಜ.6 ರಂದು ಆಲ್‌ಖೈದಾ ಶಂಕಿತ ಉಗ್ರ ಸೈಯದ್ ಅನ್ಸರ್ ಷಾ ಖಾಸ್ಮಿಿಯನ್ನು ದೆಹಲಿ ಪೊಲೀಸರು ಬೆಂಗಳೂರಿನಲ್ಲಿ ಬಂಧಿಸಿದ್ದರು.

*2016 ಜ.22ರಂದು ಉಗ್ರ ಚಟುವಟಿಕೆಗಳಲ್ಲಿ ಭಾಗಿಯಾದ ಆರೋಪದ ಮೇಲೆ ಎನ್‌ಐಎ ಅಧಿಕಾರಿಗಳು ಬೆಂಗಳೂರು, ತುಮಕೂರು ಮತ್ತು ಮಂಗಳೂರಿನಲ್ಲಿ ಆರು ಶಂಕಿತರ ಬಂಧಿಸಿದ್ದಾಾರೆ.

                                                                                –ಶಶಿವರ್ಣಂ

ಕೇರಳ ಚುನಾವಣೆ ಮೇಲೆ ಕಣ್ಣು, ಆರೋಪಮುಕ್ತನಾಗಲು ಅಡ್ಡ ದಾರಿ ಹಿಡಿದ ಮದನಿ

214292008ರ ಬೆಂಗಳೂರು ಸರಣಿ ಸ್ಪೋಟ ಪ್ರಕರಣದಲ್ಲಿ ಶೇ. 80ರಷ್ಟು ಮಂದಿ ಪ್ರತಿಕೂಲ ಸಾಕ್ಷಿದಾರರಾಗಿ ಪರಿಣಮಿಸಿದ್ದು, ಪ್ರಮುಖ ಆರೋಪಿ ಅಬ್ದುಲ್ ನಾಸೀರ್ ಮದನಿ ಪ್ರಕರಣದಿಂದ ಪಾರಾಗುವುದಕ್ಕಾಗಿ ಸಾಕ್ಷಿದಾರರಿಗೆ ನೀಡಿರುವ ಜೀವಬೆದರಿಕೆ ಕರೆಗಳು ಪ್ರಕರಣವನ್ನು ದುರ್ಬಲಗೊಳಿಸುವ ಸಾಧ್ಯತೆ ಇದೆ.

ಘಟನೆ ನಡೆದು ಎಂಟು ವರ್ಷ ಕಳೆದರೂ ಈ ಪ್ರಕರಣದ ವಿಚಾರಣೆ ಪೂರ್ಣಗೊಂಡಿಲ್ಲ. ಈ ಮಧ್ಯೆ ಪಠಾಣ್ ಕೋಟ್ ದಾಳಿ ಸೇರಿದಂತೆ ದೇಶದಲ್ಲಿ ಹಲವಾರು ವಿಧ್ವಂಸಕ ಕೃತ್ಯಗಳು ನಡೆದು ಹೋಗಿವೆ. ಎಂಟು ವರ್ಷಗಳ ಹಿಂದಿನ ಘಟನೆ ಜನಮಾನಸದಿಂದ ಮರೆಯಾಗುತ್ತಿರುವಾಗಲೇ ಸಾಕ್ಷಿಗಳಿಗೆ ಬೆದರಿಕೆ ಹಾಕುವುದು ಬೆಳಕಿಗೆ ಬಂದಿದೆ.

ಈ ವರ್ಷ ಕೇರಳ ವಿಧಾನಸಭೆಗೆ ನಡೆಯುವ ಚುನಾ­ವಣೆಯನ್ನು ದೃಷ್ಟಿಯಲ್ಲಿಟ್ಟುಕೊಂಡು ಆರೋಪ ಮುಕ್ತನಾಗುವುದಕ್ಕೆ ಮದನಿ ಪ್ರಯತ್ನಿಸುತ್ತಿದ್ದಾನೆ. ಸರಣಿ ಸ್ಪೋಟಕ್ಕೆ ಷಡ್ಯಂತ್ರ ರೂಪಿತವಾಗಿದ್ದು ಕೇರಳದಲ್ಲಿ. ಈ ಬಗ್ಗೆ ಸಾಕ್ಷಿದಾರರು ಎಂದು ಪರಿಗಣಿಸಲ್ಪಟ್ಟಿದ್ದ ಎರ್ನಾಕುಲಂನ ರಾಮಚಂದ್ರ ಮತ್ತು ರೂಪೇಶ್ ಎಂಬುವರಿಗೆ ಸಾಕ್ಷಿ ನುಡಿಯದಂತೆ ಬೆದರಿಕೆ ಹಾಕಲಾಗಿದೆ. ಒಂದು ವೇಳೆ ಕೋರ್ಟ್‌ನಲ್ಲಿ ಸಾಕ್ಷಿ ಹೇಳಿದ್ದೇ ಆದರೆ ಪರಿಣಾಮ ಎದುರಿಸಬೇಕಾಗುತ್ತದೆ ಎಂದು ಮದನಿ ಬೆಂಬಲಿಗರು ಸಾಕ್ಷಿಗಳಿಗೆ ಬೆದರಿಕೆ ಹಾಕಿದ್ದಾರೆ.

ಈ ಬಗ್ಗೆ ಎರ್ನಾಕುಲಂ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಸರಣಿ ಸ್ಪೋಟ ಪ್ರಕರಣದಲ್ಲಿ ಸರ್ಕಾರಿ ವಕೀಲರು ನ್ಯಾಯಾಲಯಕ್ಕೆ ಅರ್ಜಿ ಸಲ್ಲಿಸಿ ಸಾಕ್ಷಿಗಳಿಗೆ ರಕ್ಷಣೆ ಒದಗಿಸಬೇಕು ಎಂದು ಮನವಿ ಮಾಡಿದ್ದಾರೆ. ಈ ಅರ್ಜಿಯ ವಿಚಾರಣೆ ನಡೆಸಿರುವ ಕೋರ್ಟ್ ಬೆಂಗಳೂರು ನಗರ ಪೊಲೀಸ್ ಆಯುಕ್ತರಿಗೆ ಸಾಕ್ಷಿಗಳಿಗೆ ಅಗತ್ಯ ಭದ್ರತೆ ನೀಡುವಂತೆ ಸೂಚನೆ ನೀಡಿದೆ. ಈ ಹಿನ್ನೆಲೆಯಲ್ಲಿ ನಗರ ಪೊಲೀಸ್ ಆಯುಕ್ತರು ಕೇರಳದ ಕಣ್ಣೂರು, ಕೊಲ್ಲಂ, ಎರ್ನಾಕುಲಂ ಮತ್ತು ಹೋಸತೋಟ ಜಿಲ್ಲೆಯ ಎಸ್‌ಪಿಗಳಿಗೆ ಪತ್ರ ಬರೆದು ಸಾಕ್ಷಿಗಳಿಗೆ ಅಗತ್ಯ ಭದ್ರತೆ ನೀಡುವಂತೆ ಕೋರಿದ್ದಾರೆ.

ಎಂಬತ್ತರಷ್ಟು ಪ್ರತಿಕೂಲ ಸಾಕ್ಷಿಗಳಾಗಿದ್ದಾರೆ..!

ಸರಣಿ ಸ್ಪೋಟದ ವಿಚಾರಣೆ ನಗರದ 48ನೇ ಸಿಟಿ ಸೆಷನ್ಸ್ ಕೋರ್ಟ್‌ನಲ್ಲಿ ನಡೆಯುತ್ತಿದೆ. ಪ್ರಕರಣದ ತನಿಖೆ ನಡೆಸಿದ ನಗರ ಪೊಲೀಸರು 250 ಪ್ರಮುಖ ಸಾಕ್ಷಿಗಳನ್ನು ಉಲ್ಲೇಖಿಸಿದ್ದರು. ಇದರಲ್ಲಿ ಕೇರಳದ ಸಾಕ್ಷಿಗಳ ಸಂಖ್ಯೆಯೇ 150ಕ್ಕೂ ಹೆಚ್ಚಿತ್ತು. ಸ್ಪೋಟದ ಷಡ್ಯಂತ್ರ ನಡೆದ ಬಗೆಗಿನ ಎಲ್ಲ ಸಾಕ್ಷಿಗಳೂ ಕೇರಳದವರೇ ಆಗಿದ್ದಾರೆ. ಕರ್ನಾಟಕದ ಸಾಕ್ಷಿಗಳಿಗೆ ರಾಜ್ಯ ಸರ್ಕಾರ ರಕ್ಷಣೆ ಒದಗಿಸುತ್ತಿದೆ. ಆದರೆ ಕೇರಳ ರಾಜ್ಯದ ಹೆಚ್ಚಿನ ಸಾಕ್ಷಿಗಳಲ್ಲಿ ಈಗಾಗಲೇ 80 ರಷ್ಟು ಸಾಕ್ಷಿಗಳು ಪ್ರತಿಕೂಲ ಸಾಕ್ಷಿಗಳಾಗಿದ್ದಾರೆ. ಹೀಗೆ ಮುಂದುವರೆದರೆ ಈ ಕೇಸ್ ಬಿದ್ದು ಹೋಗುವ ಸಾಧ್ಯತೆ ಇದೆ. ಈ ಹಿನ್ನೆಲೆಯಲ್ಲಿ ಕೇರಳ ಸರ್ಕಾರ ಸಾಕ್ಷಿಗಳಿಗೆ ಭದ್ರತೆ ನೀಡಬೇಕು ಎಂದು ಸರ್ಕಾರಿ ವಕೀಲ ಸೀತಾರಾಮ ಕೊಣಾಜೆ ವಿಶ್ವವಾಣಿಗೆ ತಿಳಿಸಿದ್ದಾರೆ.

ಈ ನಿಟ್ಟಿನಲ್ಲಿ ನ್ಯಾಯಾಲಯಕ್ಕೆ ಅರ್ಜಿ ಸಲ್ಲಿಸಿರುವ ಸೀತಾರಾಮ ಕೊಣಾಜೆ ಸಾಕ್ಷಿಗಳಿಗೆ ಭದ್ರತೆ ನೀಡುವಂತೆ ಕೇರಳ ಸರ್ಕಾರಕ್ಕೆ ನಿರ್ದೇಶಿಸುವಂತೆ ಕೋರ್ಟ್‌ಗೆ ಮನವಿ ಮಾಡಿದ್ದಾರೆ.

ಮದನಿಗೆ ಹೆದರಿ ಊರು ಬಿಟ್ಟ ಸಾಕ್ಷಿಗಳು..!

ಈ ಪ್ರಕರಣದಲ್ಲಿ ಹೇಗಾದರೂ ಆರೋಪ ಮುಕ್ತನಾಗಬೇಕು ಎಂದುಕೊಂಡಿರುವ ಮದನಿ ಸಾಕ್ಷಿಗಳಿಗೆ ಬೆದರಿಕೆ ಹಾಕುವ ಕೆಲಸವನ್ನು ವ್ಯವಸ್ಥಿತವಾಗಿ ಮಾಡುತ್ತಿದ್ದಾನೆ. ಪ್ರತಿ ಸಾಕ್ಷಿಗಳ ಮನೆ ಮನೆಗೆ ಹೋಗುವ ಮದನಿ ಬೆಂಬಲಿಗರು ಸಾಕ್ಷಿ ನುಡಿಯದಂತೆ ಬೆದರಿಕೆ ಹಾಕುತ್ತಿದ್ದಾರೆ. ಇದರಿಂದ ಹೆದರಿದ ಕೆಲವು ಸಾಕ್ಷಿದಾರರು ಮನೆ ಖಾಲಿ ಮಾಡಿಕೊಂಡು ಬೇರೆಡೆಗೆ ಹೋಗಿದ್ದರೆ, ಇನ್ನೂ ಕೆಲವು ಸಾಕ್ಷಿಗಳು ದೇಶ

ಬಿಟ್ಟೇ ಹೋಗಿದ್ದಾರೆ. ಇದು ಕೇರಳದಲ್ಲಿ ಮದನಿ ಬೆಂಬಲಿಗರ ಪ್ರಭಾವ ಎಷ್ಟರಮಟ್ಟಿಗಿದೆ ಎಂಬುದನ್ನು ತೋರಿಸುತ್ತದೆ. ಕೋರ್ಟ್ ಸಮನ್ಸ್ ನೀಡಲು ಹೋಗುವ ಪೊಲೀಸರಿಗೆ ಸಾಕ್ಷಿಗಳ ಮನೆಗಳೇ ಸಿಕ್ಕುವುದಿಲ್ಲ. ಒಂದುವೇಳೆ ಸಿಕ್ಕರೂ ಮತ್ತೊಮ್ಮೆ ಆ ವಿಳಾಸಕ್ಕೆ ಹೋದರೆ ಮನೆ ಖಾಲಿಯಾಗಿರುತ್ತದೆ.

ಇನ್ನು ಮದನಿ ವಿರುದ್ಧ ಸಾಕ್ಷಿ ಹೇಳಬೇಕಾದ ವ್ಯಕ್ತಿಗಳು ಮದನಿ ಪರ ವಕೀಲರ ಜೊತೆ ಕಾರಿನಲ್ಲಿ ಕೇರಳದಿಂದ ಬೆಂಗಳೂರಿಗೆ ಬಂದು ಹೋಗುತ್ತಿದ್ದಾರೆ ಎಂದರೆ ಆತನ ಪ್ರಭಾವ ಸಾಕ್ಷಿಗಳ ಮೇಲೆ ಎಷ್ಟರ ಮಟ್ಟಿಗೆ ಇದೆ ಎಂಬುದು ಅರ್ಥವಾಗುತ್ತದೆ.

ಕೇರಳದಲ್ಲಿ ನಡೆಯಲಿರುವ ಮುಂದಿನ ಚುನಾವಣೆ ವೇಳೆಗೆ ಹೇಗಾದರೂ ಮದನಿಯನ್ನು ಬಿಡುಗಡೆ ಮಾಡಿಸಲು ಸಾಕ್ಷಿಗಳಿಗೆ ಬೆದರಿಕೆ ಹಾಕಿ ಕೇಸ್ ಅಸ್ಥಿರಗೊಳಿಸುವ ಪ್ರಯತ್ನ ನಡೆಯುತ್ತಿದೆ. ಸಾಕ್ಷಿಗಳನ್ನು ರಕ್ಷಿಸಿಕೊಳ್ಳದೇ ಹೋದರೆ ಈ ಪ್ರಕರಣದಲ್ಲಿ ಮದನಿ ನಿರಪರಾಧಿಯಾದರೂ ಆಶ್ಚರ್ಯವಿಲ್ಲ. ಎಂಟು ವರ್ಷಗಳ ಪೊಲೀಸರ ಶ್ರಮ ವ್ಯರ್ಥವಾಗುತ್ತದೆ ಎನ್ನುತ್ತಾರೆ ಸರ್ಕಾರಿ ವಕೀಲ ಸೀತಾರಾಮ ಕೊಣಾಜೆ

ಪರಪ್ಪನ ಅಗ್ರಹಾರದಿಂದಲೇ ಬೆದರಿಕೆ..!

ಬೆಂಗಳೂರು ಸರಣಿ ಸ್ಪೋಟ19 ಆರೋಪಿಗಳು ಈಗ ಪರಪ್ಪನ ಅಗ್ರಹಾರ ಜೈಲಿನಲ್ಲಿದ್ದಾರೆ. ಅನಾರೋಗ್ಯದ ನೆಪದಲ್ಲಿ ಸುಪ್ರೀಂ ಕೋರ್ಟ್‌ನಿಂದ ಜಾಮೀನು ಪಡೆದಿರುವ ಮದನಿ ನಗರದ ಸಹಾಯ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾನೆ. ನಗರ ಪೊಲೀಸರ ಸುಪರ್ದಿನಲ್ಲಿ ಆತನಿಗೆ ಚಿಕಿತ್ಸೆ ನೀಡಲಾಗುತ್ತಿದೆ. ಪ್ರಕರಣದ ಮೊದಲನೇ ಆರೋಪಿಯಾಗಿರುವ ನಾಜೀರ್ ತನ್ನನ್ನು ನೋಡಲು ಜೈಲಿಗೆ ಬರುವವರ ಮೂಲಕ ಸಾಕ್ಷಿದಾರರ ಮಾಹಿತಿ ನೀಡಿ ಮದನಿ ವಿರುದ್ಧ ಸಾಕ್ಷಿ ಹೇಳದಂತೆ ಬೆದರಿಸುತ್ತಿದ್ದಾನೆ. ಇನ್ನು ಪ್ರಮುಖ ಸಾಕ್ಷಿ ರೆಬಿ ಖುರಿಯನ್‌ಗೆ ನ್ಯಾಯಾಲಯದ ಆವರಣದಲ್ಲೇ ನಾಜೀರ್ ಮದನಿ ವಿರುದ್ಧ ಸಾಕ್ಷಿ ಹೇಳದಂತೆ ಬೆದರಿಕೆ ಹಾಕಿದ್ದ.

ಕೇರಳದಲ್ಲಿ ಮದನಿ ಕಿಂಗ್ ಮೇಕರ್

ಕೇರಳ ರಾಜಕೀಯದಲ್ಲಿ ಮದನಿ ನೇತೃತ್ವದ ಪಿಡಿಪಿ ನಿರ್ಣಾಯಕ ಪಾತ್ರ ವಹಿಸುತ್ತದೆ. ಯಾವುದೇ ಪಕ್ಷ ಅಧಿಕಾರಕ್ಕೆ ಬರಬೇಕೆಂದರೂ ಮದನಿಯ ಬೆಂಬಲ ಬೇಕು ಎನ್ನುವಷ್ಟರ ಮಟ್ಟಿಗೆ ಆ ಪಕ್ಷ ಅಲ್ಲಿ ತನ್ನ ಪ್ರಭಾವ ಹೊಂದಿದೆ. ಈ ಹಿನ್ನೆಲೆಯಲ್ಲಿ ಎಲ್ಲ ಪಕ್ಷಗಳಿಗೂ ಮದನಿ ಈಗ ಬೇಕಾಗಿರುವ ವ್ಯಕ್ತಿ. ನಗರದ ಸಹಾಯ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ಮದನಿಯನ್ನು ಕೇರಳದ ಮುಖ್ಯಮಂತ್ರಿಯಿಂದ ಹಿಡಿದು ಪ್ರಮುಖ ರಾಜಕೀಯ ಮುಖಂಡರು ರಹಸ್ಯವಾಗಿ ಭೇಟಿ ಮಾಡುತ್ತಿರುತ್ತಾರೆ ಎಂದು ಉನ್ನತ ಮೂಲಗಳು ವಿಶ್ವವಾಣಿಗೆ ಖಚಿತಪಡಿಸಿವೆ.

ಹೇಗಾದರೂ ಮಾಡಿ ಮದನಿಯನ್ನು ಈ ಕೇಸ್‌ನಿಂದ ರೋಪ ಮುಕ್ತನನ್ನಾಗಿ ಮಾಡಲು ಕೇರಳದ ರಾಜಕೀಯ ಪಕ್ಷಗಳು ಹಿಂಬಾಗಿಲಿನಿಂದ ಪ್ರಯತ್ನ ನಡೆಸುತ್ತಿವೆ. ಈ ಹಿನ್ನೆಲೆಯಲ್ಲಿ ಸಾಕ್ಷಿಗಳಿಗೆ ಮದನಿ ಬೆದರಿಕೆ ಹಾಕುತ್ತಿದ್ದರೂ ಅಲ್ಲಿನ ಸರ್ಕಾರ ಕೈಕಟ್ಟಿ ಕುಳಿತಿದೆ.

ತೆಹೆಲ್ಕಾ ವರದಿಗಾರ್ತಿ ಬೆದರಿಕೆ ಹಾಕಿದ್ದಳು..!

ಕೊಡಗಿನಲ್ಲಿ ಶುಂಠಿ ಖರೀದಿಸುವ ನೆಪದಲ್ಲಿ ಕೇರಳದ ಯುವಕರಿಗೆ ಸರಣಿ ಸ್ಪೋಟ ನಡೆಸಲು ತರಬೇತಿ ನೀಡಲಾಗಿತ್ತು. ಮದನಿ ಅಲ್ಲಿಗೆ ಬಂದು ಯುವಕರಿಗೆ ದೇಶದ ಹಲವು ಭಾಗಗಳಲ್ಲಿ ಭಯೋತ್ಪಾದಕ ದಾಳಿ ನಡೆಸುವ ಬಗ್ಗೆ ತರಬೇತಿ ನೀಡಿದ್ದ. ಈ ಬಗ್ಗೆ ಮಡಿಕೇರಿಯ ಕೆ.ಬಿ.ರಫೀಕ್, ಯೋಗಾನಂದ

ಮತ್ತು ಪ್ರಭಾಕರ್ ಮದನಿ ವಿರುದ್ಧ ಪ್ರಮುಖ ಸಾಕ್ಷಿಗಳಾಗಿದ್ದರು. ತೆಹೆಲ್ಕಾ ಪತ್ರಿಕೆ ವರದಿಗಾರ್ತಿ

ಕೆ.ಕೆ. ಶಾಹಿನಾ ವರದಿ ಮಾಡುವ ನೆಪದಲ್ಲಿ ಸಾಕ್ಷಿಗಳ ಮನೆಗೆ ಹೋಗಿ ಮದನಿ ವಿರುದ್ಧ ಸಾಕ್ಷ್ಯ ನುಡಿಯದಂತೆ ಬೆದರಿಕೆಯೊಡ್ಡಿದ್ದಳು. ಈ ಬಗ್ಗೆ ಕೊಡಗಿನ

ಸಿದ್ದಾಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಷಡ್ಯಂತ್ರ..!

ಬಿಜೆಪಿ ನಾಯಕ ಲಾಲ್‌ಕೃಷ್ಣ ಅಡ್ವಾಣಿ ಹತ್ಯೆ ಮಾಡುವ ಉದ್ದೇಶದಿಂದ 1998ರ -.14ರಂದು ಕೊಯಿಮತ್ತೂರಿನಲ್ಲಿ ಬಾಂಬ್ ಸ್ಪೋಟ ನಡೆಸಲಾ ಗಿತ್ತು. ಈ ಘಟನೆಯಲ್ಲಿ 58 ಮಂದಿ ಸಾವನ್ನಪ್ಪಿದ್ದರು. ಚುನಾವಣಾ ರ‍್ಯಾಲಿಗಾಗಿ ಕೇರಳಕ್ಕೆ ಬಂದಿದ್ದ ಅಡ್ವಾಣಿಯವರನ್ನು ಕೊಲ್ಲಲು ಈ ಸ್ಪೋಟ ನಡೆಸಲಾಗಿತ್ತು, ಅದೃಷ್ಟವಶಾತ್ ಅಡ್ವಾಣಿ ಪಾರಾಗಿದ್ದರು. ಈ ಪ್ರಕರಣದ 14 ಆರೋಪಿಗಳ ಪೈಕಿ ಮದನಿ ಪ್ರಮುಖ ಆರೋಪಿಯಾಗಿದ್ದ. ಆದರೆ ಪ್ರಕರಣದ ವಿಚಾರಣೆ ನಡೆಸಿದ ಕೇರಳ ನ್ಯಾಯಾ­ಲಯ 13 ಮಂದಿಯನ್ನು ಅಪಾದಿತರ­ನ್ನಾಗಿ ಮಾಡಿ ಶಿಕ್ಷೆ ವಿಧಿಸಿತ್ತು. ಮದನಿಯನ್ನು ಕೋರ್ಟ್ ಆರೋಪ ಮುಕ್ತಗೊಳಿಸಿತ್ತು.ಈಗ ಬೆಂಗಳೂರು ಸರಣಿ ಸ್ಪೋಟ ಪ್ರಕರಣದಲ್ಲೂ ಇದೇ ತಂತ್ರ ನಡೆಸಲು ಮದನಿ ಸಿದ್ದನಾಗಿದ್ದಾನೆ.

ಮದನಿಗೇಕೆ ಮಹತ್ವ?

  • ಕೇರಳದಲ್ಲಿ ಮದನಿ ರಾಜಕೀಯವಾಗಿ ಪ್ರಬಲ.
  • ಮುಸ್ಲಿಮರ ವೋಟ್ ಬ್ಯಾಂಕ್‌ಗಾಗಿ
  • ಅಲ್ಲಿನ ರಾಜಕೀಯ ಪಕ್ಷಗಳು ಮದನಿ ಪರ ವಕಾಲತ್ತು ಮಾಡುತ್ತಿವೆ.
  • ಮದನಿಯನ್ನು ಸಂತುಷ್ಟಗೊಳಿಸಿದರೆ ಕೇರಳದಲ್ಲಿ ಅಧಿಕಾರ ಹಿಡಿಯುವುದು ಸುಲಭ
  • ಕೋರ್ಟ್ ವಿಚಾರಣೆಗೆ ಮದನಿ ಸರಿಯಾಗಿ ಹಾಜರಾಗುವುದಿಲ್ಲ
  • ಪ್ರಕರಣದ ಉಳಿದ ಆರೋಪಿಗಳಂತೆ ಮದನಿ ವಿಚಾರಣೆ ನಡೆಸಬಾರದಂತೆ..!

ಉಳಿವಿಗೆಗಾಗಿ ಹೋರಾಟ..!

  • ಮದನಿ ಅಮಾಯಕ,ಮಾನವೀಯ ನೆಲೆ­ ಯಲ್ಲಿ ಆತನನ್ನು ಬಿಡುಗಡೆ ಮಾಡ­ಬೇ­ಕೆಂದು ಕೇರಳ ವಿಧಾನಸಭೆ ನಿರ್ಣಯ ಅಂಗೀಕರಿಸಿತ್ತು.
  • ಮುಖ್ಯಮಂತ್ರಿಗಳನ್ನು ಭೇಟಿ ಮಾಡಿ ಸಹಾಯ ಕೋರಿದ್ದ ಕೇರಳ ಶಾಸಕರು.
  • ಮದನಿಯ ಬಿಡುಗಡೆಗಾಗಿ ಕೇರಳದಲ್ಲಿ ಜನಾಭಿಪ್ರಾಯ ರೂಪಿಸಲಾಗುತ್ತಿದೆ.
  • ಮದನಿಯನ್ನು ಬಂಧಿಸಲು ಕೇರಳಕ್ಕೆ ಹೋದಾಗ ರಾಜ್ಯ ಪೊಲೀಸರಿಗೆ ದೊಡ್ಡಮಟ್ಟದ ಪ್ರತಿರೋಧ ವ್ಯಕ್ತವಾಗಿತ್ತು.
  • ಮದನಿ ವಿರುದ್ಧ ಸಾಕ್ಷ್ಯ ಹೇಳಬೇಕಾದವರು ಮದನಿ ಪರ ವಕೀಲರ ಜೊತೆಯಲ್ಲಿ ಕೋರ್ಟ್‌ಗೆ ಬರುತ್ತಾರೆ.!
  • ಆರೋಪಿಗಳ ಪೈಕಿ 19 ಆರೋಪಿಗಳಿಗೆ ಜಾಮೀನು ಸಿಕ್ಕಿಲ್ಲ. ಅನಾರೋಗ್ಯದ ಕಾರಣ

ಮದನಿ ಬೆಂಬಲಿಗರು ವಕೀಲರು, ಪೊಲೀಸರು, ನ್ಯಾಯಾಧಿಶರಿಗೆ ಬೆದರಿಕೆ ಹಾಕುವುದಿಲ್ಲ.ನೇರವಾಗಿ ಸಾಕ್ಷಿಗಳಿಗೆ ಬೆದರಿಕೆ ಹಾಕಿ ಪ್ರಕರಣದಿಂದ ಆತನನ್ನು ನಿರ್ದೋಷಿಯಾಗಿಸುವ ಪ್ರಯತ್ನ ಮಾಡುತ್ತಿದ್ದಾರೆ. – ಸೀತಾರಾಮ ಕೊಣಾಜೆ, ಸರ್ಕಾರಿ ವಕೀಲ

ಪ್ರಕರಣ ಸದ್ಯ ಕೋರ್ಟ್‌ನಲ್ಲಿದೆ.ನಾನು ಈ ಬಗ್ಗೆ ಮಾತನಾಡುವಂತಿಲ್ಲ– ಎನ್. ಎಸ್. ಮೇಘರಿಕ್ ನಗರ ಪೊಲೀಸ್ ಆಯುಕ್ತ

ಬೆಂಗಳೂರು ಪೊಲೀಸರು ಬೇಧಿಸಿರುವ ಎರಡು ಭಯೋತ್ಪಾದಕ ದಾಳಿ ಪ್ರಕರಣಗಳಲ್ಲಿ ಇದು ಮುಖ್ಯವಾದದ್ದು. ಆರೋಪಿಗಳಿಗೆ ಶಿಕ್ಷೆಯಾಗಲೇಬೇಕು. ಈ ನಿಟ್ಟಿನಲ್ಲಿ ಸರ್ಕಾರ ಸಾಕ್ಷಿಗಳಿಗೆ ರಕ್ಷಣೆ ನೀಡಬೇಕು. –ಶಂಕರ್ ಬಿದರಿ ನಿವೃತ್ತ ಡಿಜಿ-ಐಜಿ

ಶಶಿವರ್ಣಂ

ಪಾಕಿಸ್ತಾನದಿಂದ ನ್ಯೂಕ್ಲಿಯರ್ ಬಾಂಬ್ ಪಡೆಯುವ ಹವಣಿಕೆಯಲ್ಲಿದೆ ಐಸಿಸ್…!!

image

ಅಣ್ಬಸ್ತ್ರಗಳು ಉಗ್ರರ ಕೈವಶವಾಗುವ ಭೀತಿ ಹಲವು ವರ್ಷಗಳಿಂದಲೂ ಇದೆ. ಆದ್ರೆ ಈಗ ಆ ಭೀತಿ ನಿಜವಾಗುವ ಸಾಧ್ಯತೆ ಹೆಚ್ಚಾಗಿದೆ. ಪಾಕಿಸ್ತಾನದಿಂದ ನ್ಯೂಕ್ಲಿಯರ್ ಬಾಂಬ್ ಗಳನ್ನ ಕೊಂಡುಕೊಳ್ಳುವ ಹವಣಿಕೆಯಲ್ಲಿದೆ. ಈ ಬಗ್ಗೆ ಐಸಿಸ್ ತನ್ನ ನಿಯತಕಾಲಿಕೆಯಲ್ಲಿ ಹೇಳಿಕೊಂಡಿದೆ. ಒಂದು ವರ್ಷದ ಒಳಗೆ ಪಾಕಿಸ್ತಾನದಿಂದ ಅಣ್ವಸ್ತ್ರಗಳನ್ನ ಕೊಂಡುಕೊಳ್ಳುವ ಎಲ್ಲ ಸಿದ್ದತೆಗಳನ್ನೂ ಮಾಡಿಕೊಳ್ಳಲಾಗಿದೆ ಎಂದು ಐಸಿಸ್ ತನ್ನ ನಿಯತಾಲಿಕೆಯಲ್ಲಿ ಘೋಷಿಸಿಕೊಂಡಿದೆ. ಆ ಮೂಲಕ ಅಮೇರಿಕಾದ ನೆಲದಲ್ಲಿ ಅಣ್ವಸ್ತ್ರ ದಾಳಿ ನಡೆಸಲು ಎಲ್ಲ ಸಿದ್ದತೆಗಳನ್ನೂ ಮಾಡಿಕೊಳ್ಳುತ್ತಿದೆ ಐಸಿಸ್. ಇದಕ್ಕಾಗಿ ಬಿಕಿಯನ್ ಗಟ್ಟಲೇ ಡಾಲರ್ ಹಣ ಖರ್ಚು ಮಾಡಲು ಐಸಿಸ್ ಮುಂದಾಗಿದ್ದು, ಪಾಕಿಸ್ತಾನದ ಭ್ರಷ್ಟ ಅಧಿಕಾರಿಗಳ ಮೂಲಕ ಅಣ್ವಸ್ತ್ರಗಳನ್ನ ಪಡೆಯಲು ಸಂಚು ರೂಪಿಸಿದೆ. ಹಾಗೊಂದು ವೇಳೆ ಐಸಿಸ್ ಅಣ್ವಸ್ತ್ರಗಳನ್ನ ಪಡೆದುಕೊಳ್ಳಲು ಯಶಸ್ವಿಯಾಗಿದ್ದೇ ಆದಲ್ಲಿ ಇಡೀ ಜಗತ್ತು ಅಣ್ವಸ್ತ್ರ ದಾಳಿಯ ಭೀತಿಗೊಳಗಾಗಲಿದೆ. ಈಗ ಅಣ್ವಸ್ತ್ರಗಳನ್ನ ಹೊಂದಿರುವ ಯಾವ ರಾಷ್ಟ್ರಗಳೂ ಅವುಗಳನ್ನ ಯುದ್ಧದಲ್ಲಿ ಬಳಸುವ ದುಸ್ಸಾಹಸ ಮಾಡುವ ಸಾಧ್ಯತೆ ಇಲ್ಲ. ಆದ್ರೆ ನರಮೇದಗಳಿಂದಲೇ ಕುಖ್ಯಾತಿಯಾಗಿರೋ ಐಸಿಸ್ ಗೆ ಅಣ್ವಸ್ತ್ರಗಳು ಸಿಕ್ಕರಂತೂ ಅಪಾಯ ಕಟ್ಟಿಟ್ಟಬುತ್ತಿ. ಪಾಕಿಸ್ತಾನ ತಯಾರಿಸುವ ಅಣ್ವಸ್ತ್ರಗಳು ಉಗ್ರರ ಪಾಲಾಗಬಹುದು ಎಂಬ ಆತಂಕವನ್ನ ಭಾರತ ಹಲವು ವರ್ಷಗಳಿಂದಲೂ ಪ್ರತಿಪಾದಿಸಿಸುತ್ತಲೇ ಬಂದಿತ್ತು. ಈಗ ಅದು ನಿಜವಾಗುವ ಸಾಧ್ಯತೆಗಳು ಹೆಚ್ಚಾಗುತ್ತಿವೆ. ಪಾಕಿಸ್ತಾನದಲ್ಲಿನ ಅಣ್ವಸ್ತ್ರಗಳು ಉಗ್ರರ ಪಾಲಾಗುವುದಿಲ್ಲ ಅಂತ ಅಮೇರಿಕಾ ಪಾಕಿಸ್ತಾನ್ನು ಪೋಷಣೆ ಮಾಡುತ್ತಲೇ ಬಂದಿದೆ. ಆದ್ರೆ ಈಗ ಅದು ಅಮೇರಿಕಾಗೇ ಮುಳುವಾಗುವ ಹಂತಕ್ಕೆ ಬಂದು ನಿಂತಿದೆ. ಈ ಹಿಂದೆ ಉತ್ತರ ಕೋರಿಯಾ ಪಾಕಿಸ್ತಾನಕ್ಕೆ ಲಕ್ಷಾಂತರ ಡಾಲರ್ ಹಣ ಲಂಚ ಕೊಟ್ಟು ಅಣ್ವಸ್ತ್ರ ತಂತ್ರಜ್ಞಾನವನ್ನ ಪಡೆದ ಇತಿಹಾಸವಿದೆ. ಇದು ಗೊತ್ತಿದ್ದರೂ ಪಾಕಿಸ್ತಾನವನ್ನ ಪೋಷಿಸಿದ್ದು ಅಮೇರಿಕಾ ಮಾಡಿದ ಜಾಣ ಕೆಲಸ. ಈಗಾಗಲೇ ಅಣ್ವಸ್ತ್ರಗಳ ತಯಾರಿಕೆಯನ್ನ ದಿನದಿಂದ ದಿನಕ್ಕೆ ಹೆಚ್ಚಿಸುತ್ತಿರುವ ಪಾಕಿಸ್ತಾನ ಈಗಾಗಲೇ ಅಣ್ವಸ್ತ್ರಗಳ ಸಂಖ್ಯೆಯಲ್ಲಿ ಭಾರತ, ಬ್ರಿಟನ್ ಗಳನ್ನ ಹಿಂದಿಕ್ಕಿದೆ. ಜಗತ್ತಿನ ನಂಬಿಕೆಗೆ ಅನರ್ಹವಾದ ದೇಶವೊಂದು ಅಣ್ವಸ್ತ್ರಗಳನ್ನ ಉಗ್ರರಿಗೆ ಮಾರಿಕೊಳ್ಳುವುದಿಲ್ಲ ಅನ್ನುವ ಯಾವ ಖಾತರಿಯೂ ಉಳಿದಿಲ್ಲ. ಈ ಹಿಂದೆ ಅಣ್ವಸ್ತ್ರಗಳು ಆಲ್ ಕಾಯಿದಾ ಪಾಲಾಗುವ ಅಪಾಯ ಎದುರಿಸಿತ್ತು. ಆದ್ರೆ ಆ ಅಪಾಯ ಈಗ ಐಸಿಸ್ ಮೂಲಕ ಎದುರಾಗುತ್ತಿದೆ. ಆಲ್‌ ಕಾಯಿದಾಕ್ಕಿಂತಲೂ ಐಸಿಸ್‌ ಹೆಚ್ಚು ಅಪಾಯಕಾರಿಯಾಗುತ್ತಿದೆ. ತೈಲ ಸಮೃದ್ಧ ಇರಾಕ್‌ ಮತ್ತು ಸಿರಿಯಾದ ಪ್ರದೇಶಗಳು ಐಸಿಸ್‌ನ ನಿಯಂತ್ರಣದಲ್ಲಿರುವುದರಿಂದ ಸುಲಭವಾಗಿ ಆದಾಯ ಬರುತ್ತಿದೆ. ಐಸಿಸ್‌ನಿಂದ ಎದುರಾಗಿರುವ ಬೆದರಿಕೆಯಿಂದಾಗಿಯೇ ಅಲ್‌ ಕಾಯಿದಾ ಈಗ ಭಾರತ ಮತ್ತಿತರ ದೇಶಗಳಲ್ಲಿ ಶಾಖೆಗಳನ್ನು ಪ್ರಾರಂಭಿಸಿ ಕಾರ್ಯವ್ಯಾಪ್ತಿಯನ್ನು ವಿಸ್ತರಿಸಿಕೊಳ್ಳಲು ಪ್ರಯತ್ನಿಸುತ್ತಿದೆ. ಜಿಹಾದ್‌ ಲೋಕದಲ್ಲೀಗ ಅಲ್‌ ಕಾಯಿದಾಕ್ಕಿಂತ ಐಸಿಸ್‌ ಹೆಚ್ಚು ಬಲಿಷ್ಠ ಮತ್ತು ಆಕರ್ಷಣೀಯವಾಗಿ ಕಾಣುತ್ತಿದೆ. ಯಾಕಂದ್ರೆ ಆಲ್ ಕಾಯಿದಾ ತನ್ನ ಕಾರ್ಯನಿರ್ವಹಣೆಗಾಗಿ ದೇಣಿಗೆಯ ಹಣವನ್ನ ಅವಲಂಬಿಸಿತ್ತು. ಆದ್ರೆ ಐಸಿಸ್ ತೈಲ ಮಾರಾಟ ಮತ್ತು ಒತ್ತೆಯಾಳು ಬಿಡುಗಡೆ ಹಣದಿಂದ ದಿನವೊಂದಕ್ಕೆ 60 ಕೋಟಿಯಷ್ಟು ಹಣ ಗಳಿಸುತ್ತಿದೆ. ತೈಲ ಸಮೃದ್ಧವಾಗಿರುವ ಇರಾಕ್ ಮತ್ತು ಸಿರಿಯಾಗಳಲ್ಲಿ ಐಸಿಸ್ ತೈಲ ಮಾರಾಟದಿಂದಾಗಿ ಕೋಟಿ ಕೋಟಿ ಹಣ ಗಳಿಸುತ್ತಿದೆ. ಹಾಗಾಗಿ ಐಸಿಸ್ ತನ್ನ ಕಾರ್ಯನಿರ್ವಹಣೆಗೆ ಯಾರ ಬಳಿಯೂ ಹಣಕ್ಕಾಗಿ ಅಂಗಲಾಚುವ ಅಗತ್ಯವಿಲ್ಲ. ಇದ್ರಿಂದಾಗಿಯೇ ಜಗತ್ತಿನಲ್ಲಿರುವ ಎಲ್ಲ ಜಿಹಾದಿಗಳೂ ಐಸಿಸ್ ನತ್ತ ಆಕರ್ಷಿತರಾಗುತ್ತಿರೋದು. ಆಲ್ ಕಾಯಿದಾಗೆ ಆಫ್ಘನಿಸ್ತಾನದ ಗಡಿ ಪ್ರದೇಶಗಳು ನೆಲೆಯಾಗಿದ್ರೆ ಐಸಿಸ್ ನೆಲೆ ಇರಾಕ್ ಮತ್ತು ಸಿರಿಯಾಗಳನ್ನೊಳಗೊಂಡು ಬ್ರಿಟನ್ ಗಿಂತಲೂ ಹೆಚ್ಚಿನ ಭೂ ಪ್ರದೇಶವನ್ನ ತನ್ನ ಹಿಡಿತದಲ್ಲಿಟ್ಟುಕೊಂಡಿದೆ. ಇದ್ರ ಜೊತೆಗೆ ಸಿರಿಯಾದ ವಸ್ತು ಸಂಗ್ರಹಾಲಯಗಳಲ್ಲಿರುವ ಬೆಲೆಬಾಳುವ ಕಲಾಕೃತಿಗಳನ್ನ ಮಾರಿ ಲಕ್ಷಾಂತರ ಡಾಲರ್ ಹಣ ಗಳಿಸುತ್ತಿದೆ. ಕೇವಲ ಒಂದು ವರ್ಷದ ಹಿಂದೆ ಐದು ಸಾವಿರ ಕೋಟಿಯಷ್ಟಿದ್ದ ಐಸಿಸ್ ನ ಆಸ್ತಿ ಈಗ ಹದಿನೈದು ಸಾವಿರ ಕೋಟಿ ರೂ ಗಡಿ ದಾಟಿದೆ. ಇಷ್ಟು ದೊಟ್ಟ ಮಟ್ಟದಲ್ಲಿ ಹಣದ ಆಮದನಿ ಇರುವ ಐಸಿಸ್ ಈಗ ನ್ಯೂಕ್ಲಿಯರ್ ಬಾಂಬ್ ಗಳನ್ನ ಪಡೆಯಲು ಬಿಲಿಯನ್ ಗಟ್ಟಲೆ ಡಾಲರ್ ಹಣವನ್ನ ವ್ಯಯಿಸಲು ಸಿದ್ದವಾಗಿದೆ. ಹಾಗೊಂದು ವೇಳೆ ಐಸಿಸ್ ಉಗ್ರರು ಪಾಕಿಸ್ತಾನದಿಂದ ಅಣ್ವಸ್ತ್ರಗಳನ್ನು ಪಡೆಯುವಲ್ಲಿ ಅಥವಾ ಅಣ್ವಸ್ತ್ರ ತಯಾರಿಕೆಯ ತಂತ್ರಜ್ಞಾನ ಪಡೆಯುವಲ್ಲಿ ಯಶಸ್ವಿಯಾದ್ರೆ ಇಡೀ ಜಗತ್ತು ಅಣ್ವಸ್ತ್ರ ಯುದ್ಧಕ್ಕೆ ಎದುರು ನೋಡಬೇಕಾಗುತ್ತದೆ…

                                                                                               –ಶಶಿವರ್ಣಂ 

ಐಎಸ್ಐ ಎಂಜಲು ತಿನ್ನುವ ಪ್ರತ್ಯೇಕತಾವಾದಿಗಳಿಗೆ ಕಾಶ್ಮೀರವನ್ನ ಪಾಕ್ ಒಡಲಿಗೆ ಬಸಿದುಬಿಡುವ ಉನ್ಮಾದ…!!!

image

ಒಂದು ಕಡೆ ಹಿಂಬಾಗಿಲ ಮೂಲಕ ಉಗ್ರರನ್ನ ನುಗ್ಗಿಸಿ ಕಾಶ್ಮೀರದಲ್ಲಿ ಹಿಂಸೆಯ ವಾತಾವರಣ ಸೃಷ್ಟಿಸಲು ಯತ್ನಿಸುತ್ತಿರುವ ಪಾಕಿಸ್ತಾನ ಮತ್ತೊಂದೆಡೆ ಪ್ರತ್ಯೇಕವಾದಿಗಳನ್ನೂ ಇದೇ ಕೃತ್ಯಕ್ಕೆ ಬಳಸಿಕೊಳ್ಳುತ್ತಿದೆ. ಕಾಶ್ಮೀರದಲ್ಲಿ ಯಾವಾಗಲೂ ಅಸ್ಥಿರತೆ, ಪ್ರಕ್ಷುಬ್ಧ ಪರಿಸ್ಥಿತಿ ನಿರ್ಮಾಣ ಮಾಡಿ ಜಾಗತಿಕವಾಗಿ ಕಾಶ್ಮೀರ ಸಮಸ್ಯೆಯನ್ನ ಜೀವಂತವಾಗಿಡುವುದು ಪಾಕಿಸ್ತಾನದ ಕುತಂತ್ರ. ಉಗ್ರರನ್ನ ಗಡಿ ಮೂಲಕ ನುಸುಳಿಸುವುದು ಒಂದುಕಡೆಯಾದ್ರೆ, ಪ್ರತ್ಯೇಕತಾವಾದಿ ಹೋರಾಟಕ್ಕೆ ತುಪ್ಪ ಸುರಿಯುವುದು ಇನ್ನೊಂದು ಕಡೆ. ಇವತ್ತು ಕಾಶ್ಮೀರದಲ್ಲಿ ದಿನವೂ ಪ್ರಕ್ಷುಬ್ಧ ಪರಿಸ್ಥಿತಿ ನಿರ್ಮಾಣ ಮಾಡುತ್ತಿರುವ ಹಿಂದಿರುವ ಶಕ್ತಿ ಸೈಯದ್ ಆಲಿ ಷಾ ಗಿಲಾನಿ. ಪಾಕಿಸ್ತಾನದ ಅಧಿಕೃತ ಏಜೆಂಟ್. ಭಾರತದಲ್ಲೇ ಹುಟ್ಟಿ ಬೆಳೆದಿದ್ದರೂ ಈತನ ನಿಷ್ಠೆ ಮಾತ್ರ ಶತೃ ರಾಷ್ಟ್ರದ ಮೇಲೆ. ಪಾಕಿಸ್ತಾನ ಗಿಲಾನಿಯನ್ನ ಕಾಶ್ಮೀರದಲ್ಲಿ ಅಸ್ಥಿರತೆ ಸೃಷ್ಟಿಸಲು ಬಳಸಿಕೊಳ್ಳುತ್ತಿದೆ. ಆ ಮೂಲಕ ಕಾಶ್ಮೀರ ವಿವಾದವನ್ನ ಜಾಗತಿಕವಾಗಿ ಜೀವಂತವಾಗಿಡುವ ಪ್ರಯತ್ನ ಪಾಕಿಸ್ತಾನದ್ದು. ಕಾಶ್ಮೀರದ ಈ ಗಿಲಾನಿಗೆ ಪಾಕ್ ಐ ಎಸ್ ಐ ನ ಕುಮ್ಮಕ್ಕು ಎಷ್ಟರ ಮಟ್ಟಿಗೆ ಇದೆ ಅಂದ್ರೆ ಈತ ಬಹಿರಂಗವಾಗಿಯೇ ನಾನು ಭಾರತೀಯನಲ್ಲ ಎಂದು ಹೇಳಿಕೊಳ್ಳುತ್ತಾನೆ. ಕಾಶ್ಮೀರದಲ್ಲಿ ಪಾಕ್ ಪರ ರ್ಯಾಲಿಗಳು, ಸಮಾವೇಶಗಳನ್ನ ನಡೆಸಲು ಲಕ್ಷಾಂತರ ರೂಪಾಯಿ ಹಣವನ್ನ ಪಾಕಿಸ್ತಾನದ ಸರ್ಕಾರ ಈ ಗಿಲಾನಿಗೆ ನೀಡುತ್ತದೆ. ಕಾಶ್ಮೀರದಲ್ಲಿನ ನಿರುದ್ಯೋಗಿ ಯುವಕರಿಗೆ ಹಣ ಮತ್ತು ದರ್ಮಯುದ್ಧದ ಆಮಿಷ ತೋರಿಸಿ ಪಾಕ್ ಪರ ಹೋರಟ, ಘೋಷಣೆಗಳನ್ನ ಕೂಗಲು ಬಳಸಿಕೊಳ್ಳುತ್ತಾನೆ. ಒಂದು ದಿನದ ರ್ಯಾಲಿಗೆ ಈತ ಕಾಶ್ಮೀರದಲ್ಲಿನ ನಿರುದ್ಯೋಗಿ ಯುವಕರುಗಳಿಗೆ ಐನೂರು ರೂಪಾಯಿಯಷ್ಟು ಇನಾಮು ಕೊಡುತ್ತಾನೆ. ಗಿಲಾನಿ ಕೊಡುವ ಐನೂರು ರೂಪಾಯಿಗಳನ್ನ ಪಡೆದ ಯುವಕರು ಪೊಲೀಸರು ಮತ್ತು ಭಾರತೀಯ ಸೇನೆಯ ಮೇಲೆ ಕಲ್ಲು ತೂರಾಟ ನಡೆಸಿ ಅಶಾಂತಿಯ ವಾತಾವರಣವನ್ನ ಸೃಷ್ಟಿಸುತ್ತಾರೆ. ಇಷ್ಟು ಸಾಕು ಪಾಕಿಸ್ತಾನಕ್ಕೆ ಕಾಶ್ಮೀರ ಸಮಸ್ಯೆಯನ್ನ ಜಗತಿಕವಾಗಿ ಜೀವಂತವಾಗಿಡಲು. ಈಗಾಗಲೇ ಪಾಕಿಸ್ತಾನ ಕಾಶ್ಮೀರದ 30 ರಷ್ಟು ಭಾಗವನ್ನ ವಶಪಡಿಸಿಕೊಂಡಿದೆ. ಪಾಕ್ ಆಕ್ರಮಿತ ಕಾಶ್ಮೀರದಲ್ಲಿ ಭಾರತ ವಿರೋಧಿ ಭಯೋತ್ಪಾದನಾ ಕೃತ್ಯಗಳಿಗೆ ಅಲ್ಲಿ ಕುಮ್ಮಕ್ಕು ನೀಡಲಾಗುತ್ತಿದೆ. ಇನ್ನು ಕಾಶ್ಮೀರದ ಹತ್ತರಷ್ಟು ಭೂ ಭಾಗ ಚೀನಾದ ಪಾಲಾಗಿದೆ. ಈ ದೇಶ ಕಂಡ ಉತ್ತಮ ಪ್ರಧಾನಿ ನೆಹರು(!?) ಕಾಲದಲ್ಲಿ ಅಂದರೆ 1962 ರ ಯುದ್ಧದಲ್ಲಿ ಚೀನಾ ಕಾಶ್ಮೀರದ ಹತ್ತರಷ್ಟು ಭೂಮಿಯನ್ನ ವಶಪಡಿಸಿಕೊಂಡಿದೆ. ಅವತ್ತಿನ ಯುದ್ಧದಲ್ಲಿ ಭಾರತೀಯ ಯೋಧರಿಗೆ ಚೀನಾ ವಿರುದ್ಧ  ಹೋರಾಡುವ ಶಕ್ತಿಯೂ ಇಲ್ಲದಂತೆ ಮಾಡಿದ ಕೀರ್ತಿ ನೆಹರು ಅವರಿಗೆ ಸಲ್ಲುತ್ತೆ. ಈಗ ಉಳಿದಿರುವ ಅರವತ್ತರಷ್ಟು ಕಾಶ್ಮೀರವನ್ನ ಪಾಕಿಸ್ತಾನದ ಮಡಿಲಿಗೆ ಬಸಿದುಬಿಡಲು ನಿಂತಿದ್ದಾನೆ ಈ ಸೈಯದ್ ಆಲಿ ಷಾ ಗಿಲಾನಿ. ದೇಶವನ್ನಾಳಿದ ಯಾವ ಸರ್ಕಾರಗಳು ಕಾಶ್ಮೀರದ ಪ್ರತ್ಯೇಕತಾವಾದಿಗಳನ್ನ ಮನವೊಲಿಸುವುದಾಗಲೀ, ದಿಟ್ಟತನದಿಂದ ಎದರಿಸುವುದಾಗಲೀ ಎರೆಡನ್ನೂ ಮಾಡಲಿಲ್ಲ. ಬದಲಾಗಿ ಮಾಡಿದ್ದು ಮಾತ್ರ ಓಲೈಕೆ ರಾಜಕಾರಣ. ಮುಸ್ಲೀಮರ ಪ್ರಾಬಲ್ಯವೇ ಹೆಚ್ಚಿರುವ ಕಾಶ್ಮೀರದಲ್ಲಿ ಈಗ ಕಾಶ್ಮೀರೀ ಪಂಡಿತರನ್ನ ಬೂದುಗನ್ನಡಿಯಾಕಿ ಹುಡುಕಬೇಕಾದ ಪರಿಸ್ಥಿತಿ ಇದೆ. ನಿರಂತರ ಹಿಂಸಾಚಾರದಿಂದ ಬೇಸತ್ತ ಕಾಶ್ಮೀರಿ ಪಂಡಿತರೆಲ್ಲರೂ ಜಮ್ಮು ಭಾಗದಲ್ಲಿ ನೆಲೆ ಕಂಡುಕೊಂಡಿದ್ದಾರೆ. ಜಮ್ಮು ಹಿಂದೂ ಗಳ ಪ್ರಾಬಲ್ಯವುಳ್ಳ ಪ್ರದೇಶವಾದರೆ, ಕಾಶ್ಮೀರ ಮುಸ್ಲಿಂ ಬಲವುಳ್ಳ ಪ್ರದೇಶ. ಹೇಗಾದರೂ ಮಾಡಿ ಕಾಶ್ಮೀರವನ್ನ ಪಾಕಿಸ್ತಾನ ಪಡೆಯಲೇಬೇಕೆಂಬ ಹಟಕ್ಕೆ ಸ್ವಾತಂತ್ರ್ಯ ಕಾಲದಿಂದಲೂ ಯತ್ನಿಸುತ್ತಲೇ ಇದೆ. ಹಲವು ಭಾರೀ ನೇರವಾಗಿ ಯುದ್ಧಕ್ಕೆ ಬಂದು ಸೋತು ಶರಣಾಗಿದ್ದ ಪಾಕಿಸ್ತಾನ ಹಿಂಬಾಗಿಲ ಮೂಲಕ ಭಯೋತ್ಪಾದಕರನ್ನ ಗಡಿಯಲ್ಲಿ ನುಗ್ಗಿಸಿ ಅಮಾಯಕರ ರಕ್ತ ಹೀರುತ್ತಿದೆ. ಒಂದೆಡೆ ಭಯೋತ್ಪಾದಕರ ಅಟ್ಟಹಾಸ, ಮತ್ತೊಂದೆಡೆ ಪ್ರತ್ಯೇಕತಾವಾದಿಗಳ ಅಬ್ವರದ ನಡುವೆ ಕಾಶ್ಮೀರದ ಜನ ನಲುಗಿರುವುದಂತೂ ನಿಜ. ಕಳೆದ ವರ್ಷ ನಡೆದ ಜಮ್ಮ ಕಾಶ್ಮೀರ ಚುನಾವಣೆಯನ್ನ ಬಹಿಷ್ಕರಿಸಲು ಪ್ರತ್ಯೇಕತಾವಾದಿ ದೇಶ ದ್ರೂಹಿಗಳು ಕರೆ ನೀಡಿದಾಗ ಜಮ್ಮು ಮತ್ತು ಕಾಶ್ನೀರದ ಜನತೆ ಅದನ್ನ ದಿಕ್ಕರಿಸಿ ಮತದಾನವಾಗಿತ್ತು. ಇದು ಕಾಶ್ಮೀರದ ಜನರಿಗೆ ಬೇಕಿರುವುದು ಶಾಂತಿಯೇ ಹೊರತು ಪಾಕಿಸ್ತಾನದ ಮೇಲಿನ ಪ್ರೀತಿಯಲ್ಲ ಅನ್ನೋದು ಸ್ಪಷ್ಟವಾಗಿತ್ತು. ಕಾಶ್ಮೀರದಲ್ಲಿರುವ ಬಹುತೇಕ ಮುಸ್ಲಿಮರಿಗೆ ತಾವು ಭಾರತೀಯರಾಗಿರಲು ಯಾವುದೇ ಅಭ್ಯಂತರವಿಲ್ಲ. ಆದ್ರೆ ಅಲ್ಲಿರುವ ಕೆಲವು ಪ್ರತ್ಯೇಕತಾವಾದಿಗಳು ಕಾಶ್ಮೀರಿ ಜನತೆಯನ್ನ ತಪ್ಪುದಾರಿಗೆಳೆಯುತ್ತಿದ್ದಾರೆ. ಅದ್ರಲ್ಲಿ ಹುರಿಯತ್ ಕಾನ್ಫರೆನ್ಸ್ ಒಕ್ಕೂಟದ ನಾಯಕರದ್ದೇ ಪ್ರಧಾನ ಪಾತ್ರ. ಸೈಯದ್ ಆಲಿ ಷಾ ಗಿಲಾನಿ, ಮಸರತ್ ಆಲಂ, ಅನು ಅಂದರಾಬಿ ಇವರೆಲ್ಲರಿಗೂ ಪಾಕಿಸ್ತಾನದ ಮೇಲೆ ಅದೇನೋ ವ್ಯಾಮೋಹ. ಪಾಕಿಸ್ತಾನ ಇಂತಹ ಪ್ರತ್ಯೇಕತಾವಾದಿ ಮುಖಂಡರನ್ನ ಹಣ, ಆಮಿಷ ತೋರಿಸಿ ಬಳಸಿಕೊಳ್ಳುತ್ತಿದೆ. ತನ್ನ ದೇಶದ ಆಂತರಿಕ ಪರಿಸ್ಥಿತಿಯನ್ನ ನಿಯಂತ್ರಣದಲ್ಲಿ ಇಟ್ಟುಕೊಳ್ಳಲು ಪರದಾಡುತ್ತಿರುವ ವಿಪಲ ದೇಶ ಪಾಕಿಸ್ತಾನಕ್ಕೆ ಕಾಶ್ಮೀರ ಭಾರತದಿಂದ ಸ್ವಾತಂತ್ರ್ಯ ಪಡೆದು ಪಾಕಿಸ್ತಾನಕ್ಕೆ ಸೇರಬೇಕಂತೆ. ಸ್ವಾಂತಂತ್ರ್ಯ, ಪ್ರಜಾಪ್ರಭುತ್ವದ ಅರ್ಥವೇ ಗೊತ್ತಿಲ್ಲದ ಭಯೋತ್ಪಾದಕ ದೇಶವೊಂದು ಕಾಶ್ಮೀರದ ಸ್ವಾತಂತ್ರ್ಯದ ಬಗ್ಗೆ ಮಾತನಾಡುತ್ತದೆ. ಹುರಿಯತ್ ಕಾನ್ಫರೆನ್ಸ್ ನ ಮುಖಂಡ ತಾನು ಭಾರತೀಯನಲ್ಲ ಎಂದು ಬಹಿರಂಗವಾಗಿ ಹೇಳಿಕೊಂಡು ಈಗ ನಾಚಿಕೆಯಿಲ್ಲದೆ ಭಾರತದ ಪಾಸ್ ಪೋರ್ಟ್ ಗಾಗಿ ಅರ್ಜಿ ಸಲ್ಲಿಸಿದ್ದಾನೆ. ಭಾರತೀಯನಲ್ಲದ ಮೇಲೆ ಈತನಿಗೆ ಭಾರತದ ಪಾಸ್ ಪೋರ್ಟ್ ಆದರೂ ಯಾಕೆ ಬೇಕು ಅನ್ನೋದು ಈಗಿನ ಪ್ರಶ್ನೆ. ಈ ಸೈಯದ್ ಆಲಿ ಷಾ ಗಿಲಾನಿಗೆ ಈ ರೀತಿಯ ವಿವಾದಗಳೇನೂ ಹೊಸದೇನಲ್ಲ. ಪದೇ ಪದೇ ಭಾರತದ ನೆಲದಲ್ಲಿ ನಿಂತು ಶತೃ ರಾಷ್ಟ್ರದ ಪರವಾಗಿ ಮಾತನಾಡುವ ಈತ ಬಿನ್ ಲಾಡೆನ್ ನನ್ನ ಅಮೇರಿಕಾ ಬೇಟೆಯಾಡಿದಾಗ ಆತನನ್ನ ಹುತಾತ್ಮ ಎಂದು ಕರೆದಿದ್ದ. ಇನ್ನು ದೇಶದ ಪಾರ್ಲಿಮೆಂಟ್ ಮೇಲೆ ದಾಳಿ ಮಾಡಿದ್ದ ಅಫ್ಜಲ್ ಗುರು ಮಹಾನ್ ದೇಶಪ್ರೇಮಿ ಅಂತ ಗಂಟೆಗಟ್ಟಲೆ ಭಾಷಣ ಭಿಗಿಯುತ್ತಿದ್ದ. ತಿಹಾರ್ ಜೈಲಿನಲ್ಲಿ ಮರಣದಂಡನೆಗೆ ಗುರಿಯಾದ ಅಫ್ಜಲ್ ಗುರು ಮೃತದೇಹವನ್ನ ಆತನ ಕುಟುಂಬಕ್ಕೆ ನೀಡಬೇಕು. ಜೈಲಿನ ಆವರಣದಲ್ಲೇ ಆತನ ಅಂತ್ಯ ಸಂಸ್ಕಾರ ಮಾಡಿರೋದು ಮಾನವ ಹಕ್ಕುಗಳ ಉಲ್ಲಂಘನೆ ಅಂತ ವಾದ ಮಂಡಿಸಿದ್ದ. ಪ್ರಜಾಪ್ರಭುತ್ವದ ದೇಗುಲಕ್ಕೆ ನುಗ್ಗಿ ಸಿಕ್ಕ ಸಿಕ್ಕವರ ಮೇಲೆ ಗುಂಡು ಹಾರಿಸಿದವನಿಗೆ ಮಾನವೀಯತೆಯ ಲವಲೇಷವೂ ಇರಲಿಲ್ಲ. ಆದ್ರೆ ಈ ಗಿಲಾನಿ ಮಾತ್ರ ಮಾನವಹಕ್ಕುಹಳ ಬಗ್ಗೆ ಬನಾಷಣ ಭಿಗಿಯುತ್ತಾನೆ. ಇನ್ನು ಮುಂಬೈ ದಾಳಿಯ ಸಂಚುಕೋರ ಹಫೀಸ್ ಸೈಯದ್ ಪರವಾಗಿ ಬಹಿರಂಗವಾಗಿಯೇ ಮಾತನಾಡುತ್ತಾನೆ. ಅಂತರಾಷ್ಟ್ರೀಯ ಒತ್ತಡದ ಹಿನ್ನೆಲೆಯಲ್ಲಿ ಪಾಕಿಸ್ತಾನ ಹಫೀಸ್ ಸೈಯದ್ ನ ಜಮಾತ್ ಉದ್ ದಾವಾ ಸಂಘಟನೆಯನ್ನ ನಿಷೇಧಿಸುವ ನಿರ್ಧಾರ ಪ್ರಕಟಿಸಿತ್ತು. ಆಗ ಈ ಗಿಲಾನಿ ಹೇಳಿದ್ದೇನು ಗೊತ್ತಾ..? ಜಮಾತ್ ಉದ್ ದಾವಾ ಸಮಾಜಸೇವೆ ಮಾಡುತ್ತಿರುವ ಸಂಘಟನೆ, ಅದನ್ನ ನಿಷೇಧ ಮಾಡಿದ್ದು ತಪ್ಪು ನಿರ್ಧಾರ ಅಂತ. ಲಷ್ಕರ್ ಎ ತೋಯಿಬಾದ ಮತ್ತೊಂದು ಮುಖ ಈ ಜಮಾತ್ ಉದ್ ದವ ಸಂಘಟನೆ. ಈ ಸತ್ಯ ಜಗತ್ತಿಗೇ ಗೊತ್ತಿದ್ದರೂ ಅದು ಗಿಲಾನಿಗೆ ಮಾತ್ರ ಗೊತ್ತಿಲ್ಲವೇನೋ. ಗೊತ್ತಿಲ್ಲದಂತೇನು ಇಲ್ಲ, ಈತ ಭಾರತದ ನೆಲದಲ್ಲಿರುವ ಮತ್ತೋಬ್ಬ ಹಪೀಸ್ ಸೈಯದ್ ಅಷ್ಟೇ. ಈ ಸೈಯದ್ ಆಲಿ ಷಾ ಗಿಲಾನಿ ಮೂರು ಬಾರಿ ಜಮ್ಮು ಮತ್ತು ಕಾಶ್ಮೀರದ ಶಾಸಕನಾಗಿಯೂ ಆಯ್ಕೆಯಾಗಿದ್ದ. ಈಗ ಅಲ್ಲಿನ ಜನರನ್ನ ತಪ್ಪುದಾರಿಗೆಳೆದು ಪಾಕ್ ಪ್ರಾಯೋಜಿತ ಹೋರಾಟಗಳಿಗೆ ಜನರನ್ನ ಹುರಿದುಂಬಿಸುತ್ತಿದ್ದಾನೆ. ಜಮ್ಮು ಮತ್ತು ಕಾಶ್ಮೀರದಲ್ಲಿ ಪಿಡಿಪಿ- ಬಿಜೆಪಿ ಮೈತ್ರಿ ಸರ್ಕಾರ ಬಂದ ಮೇಲಂತೂ ಪಾಕ್ ಪರವಾದ ಹೋರಾಟಗಳು ಹೆಚ್ಚು ಹೆಚ್ಚು ನಡೆಯುವಂತೆ ನೋಡಿಕೊಳ್ಳುತ್ತಿದ್ದಾನೆ. ಆ ಮೂಲಕ ಕಾಶ್ಮೀರದಲ್ಲಿ ಅಸ್ಥಿರತೆ ಮೂಡಿಸುವ ಪಾಕಿಸ್ತಾನದ ಪ್ರಯತ್ನಕ್ಕೆ ಸಹಕಾರ ನೀಡುತ್ತಿದ್ದಾನೆ. ಪೀಪಲ್ ಡೆಮಾಕ್ರೆಟಿಕ್ ಪಾರ್ಟಿ ಈ ಪ್ರತ್ಯೇಕತಾವಾದಿಗಳ ಬಗ್ಗೆ ತಳೆದಿರುವ ಮೃದು ದೋರಣೆ ಪ್ರತ್ಯೇಕವಾದಿಗಳಿಗೆ ಅಲ್ಪಮಟ್ಟಿಗೆ ಬಲತಂದಿರುವುದು ಮಾತ್ರ ಸುಳ್ಳಲ್ಲ. ಸ್ವಾತಂತ್ರ್ಯಾ ನಂತರ ಬಹುಕಾಲ ಆಡಳಿತ ನಡೆಸಿದ ಕಾಂಗ್ರೆಸ್ ಗೆ ಕಾಶ್ಮೀರದಲ್ಲಿ ಶಾಂತಿ ಸ್ಥಾಪಿಸಲು ಸಾಧ್ಯವಾಗಲೇ ಇಲ್ಲ. ಅದು ಕಾಂಗ್ರೆಸ್ ಗೆ ಬೇಕಾಗಿಯೂ ಇರಲಿಲ್ಲ ಅನ್ನೋದು ಬೇರೆ ಮಾತು. ಇನ್ನು ದೇಶವನ್ನಾಳಿದ ಜನತಾ ಪರಿವಾರ, ಮತ್ತು ಅಟಲ್ ಸರ್ಕಾರಗಳೂ ಕಾಶ್ಮೀರದಲ್ಲಿ ಶಾಂತಿ ಸ್ಥಾಪಿಸುವ ಕೆಲ ಪ್ರಯತ್ನಗಳನ್ನ ಮಾಡಿದವಾದರೂ ಅವು ಯಶಸ್ವಿಯಾಗಲಿಲ್ಲ. ಬಹುಮತದ ಆಧಾರದ ಮೇಲೆ ಹೇಳುವುದಾದರೆ ಈಗ ಕೇಂದ್ರದಲ್ಲಿರೋದು ಬಲಿಷ್ಠ ಸರ್ಕಾರ. ಜಮ್ಮು ಮತ್ತು ಕಾಶ್ಮೀರದ ಪರಿಸ್ಥಿತಿಯ ಬಗ್ಗೆ ಒಂದು ದಿಟ್ಟ ನಿರ್ಧಾರ ತೆಗೆದುಕೊಂಡು ಪ್ರತ್ಯೇಕತಾವಾದಿಗಳ ಮನವೊಲಿಸಬೇಕಿದೆ. ಇನ್ನೂ ಕಟ್ಟಾ ಪಾಕಿಸ್ತಾನದ ಏಜೆಂಟ್ ಗಳಾದ ಸೈಯದ್ ಆಲಿ ಷಾ ಗಿಲಾನಿ ಮತ್ತು ಮಸರತ್ ಆಲಂ ಅಂತಹ ದ್ರೋಹಿಗಳಿಗೆ ತಕ್ಕ ಪಾಠ ಕಲಿಸಬೇಕಿದೆ. ಅಂತಹ ಒಂದು ಅವಕಾಶ ಮೋದಿ ಸರ್ಕಾರದ ಮುಂದಿದೆ. ಮೊದಲು ಗಿಲಾನಿಗೆ ಪಾಸ್ ಪೋರ್ಟ್ ನಿರಾಕರಿಸುವ ದಿಟ್ಟ ನಿರ್ಧಾರ ಕೈಗೊಳ್ಳುವುದು. ಆ ಮೂಲಕ ಕಟ್ಟಾ ಪ್ರತ್ಯೇಕವಾದಿಗಳಿಗೆ ಕಾನೂನಿನ ಅಡಿಯಲ್ಲಿ ದೇಶದ ವಿರುದ್ಧ ಯುದ್ಧ ಮಾಡಿದ ಆರೋಪ ಹೊರಿಸಿ ಸೆರೆಮನೆಗೆ ತಳ್ಳಬೇಕು. ಆ ನಂತರ ಕಾಶ್ಮೀರದ ಜನರ ಮನವೊಲಿಸಿ ಅವರನ್ನ ದೇಶದ ಅಭಿವೃದ್ಧಿಗೆ ಬಳಸಿಕೊಂಡು ಒಟ್ಟಿಗೆ ಮುನ್ನಡೆಯುವುದು. ಇದನ್ನ ಮೋದಿ ಸರ್ಕಾರ ಮಾಡಿದ್ದೇ ಆದರೆ ಈ ದೇಶದ ಜನರು ಈ ಸರ್ಕಾರವನ್ನ ಎಂದಿಗೂ ಮರೆಯುವುದಿಲ್ಲ. ಅಂತಹ ದಿಟ್ಟತನವನ್ನ ಅಚ್ಚೇ ದಿನ್ ಸರ್ಕಾರ ಪ್ರದರ್ಶಿಸುವ ಅಗತ್ಯತೆ ಇದೆ. ಹಾಗೊಂದು ವೇಳೆ ಇದು ಸಾಧ್ಯವಾಗಿದ್ದೇ ಆದರೆ ಅದು ಇತಿಹಾಸ ಸೃಷ್ಟಿ ಗೆ ಕಾರಣವಾಗಿತ್ತದೆ. ಇಲ್ಲವಾದರೆ ದೇಶವನ್ನಾಳಿದ ಕಾಂಗ್ರೆಸ್ ಗಿಂತ ಬಿಜೆಪಿ ಭಿನ್ನವಲ್ಲ ಅನ್ನೋದು ಸಾಭೀತಾಗುತ್ತದೆ…
-ಶಶಿವರ್ಣಂ

-ಶಶಿವರ್ಣಂ

ಭಾರತ ತನ್ನ ದೇಶವಲ್ಲ ಅಂದವನಿಗೆ ಈ ದೇಶದ ಪಾಸ್ ಪೋರ್ಟ್ ಯಾಕೆ ಬೇಕು..?

image

ಆತ ತನ್ನ ಜೀವನದುದ್ದಕ್ಕೂ ತಾನು ಭಾರತೀಯ ಎಂದು ಹೇಳಿಕೊಳ್ಳದ ಮನುಷ್ಯ, ದೇಶಕ್ಕೆ ನಿಷ್ಠೆ ತೋರದ ಮನುಷ್ಯ, ಕಾಶ್ಮೀರದಲ್ಲಿ ದೇಶದ್ರೋಹಿ ಕೃತ್ಯಗಳಿಗೆ ಕುಮ್ಮಕ್ಕು ನೀಡುತ್ತಿರುವ ವ್ಯಕ್ತಿ, ಕಾಶ್ಮೀರಿ ನಿರುದ್ಯೋಗಿ ಯುವಕರಿಗೆ ಆಮಿಷ ತೋರಿಸಿ ಪಾಕ್ ಪರವಾಗಿ ಹೋರಾಟ ನಡೆಸುವಂತೆ ಪ್ರೇರೇಪಿಸುತ್ತಿರುವ ಪ್ರತ್ಯೇಕತಾವಾದಿ. ತಾನು ಭಾರತೀಯನಲ್ಲ ಎಂದು ಜಗತ್ತಿಗೆ ಕೇಳುವಂತೆ ಬಹಿರಂಗವಾಗಿ ಹೇಳಿದವನು. ಆತನೇ ಸೈಯದ್ ಆಲಿ ಷಾ ಗಿಲಾನಿ. ಇವತ್ತು ಈ ದೇಶದ ಪಾಸ್ ಪೋರ್ಟ್ ಗಾಗಿ ಗಿಲಾನಿ ಅರ್ಜಿ ಸಲ್ಲಿಸಿದ್ದಾನೆ. ಎಲ್ಲ ಭಾರತೀಯರೂ ತಾನೊಬ್ಬ ಭಾರತೀಯ ಅಂತ ಹೇಳಿಕೊಳ್ಳೋಕೆ ಹೆಮ್ಮೆ ಪಡುತ್ತಾರೆ. ಆದ್ರೆ ಈ ದೇಶದ್ರೋಹಿ ಮಾತ್ರ ತಾನು ಭಾರತೀಯನಲ್ಲ ಅಂತ ಬಹಿರಂಗವಾಗಿ ಹೇಳಿಕೊಂಡು ಓಡಾಡುತ್ತಾನೆ. ಈ ಗಿಲಾನಿ ಎಂಬ ಪಾಕ್ ಏಜೆಂಟ್ ಇವತ್ತು ಇಂಡಿಯನ್ ಪಾಸ್ ಪೋರ್ಟ್ ಗಾಗಿ ಅರ್ಜಿ ಸಲ್ಲಿಸಿದ್ದಾನೆ. ಈ ದೇಶದ ಪಾಸ್ ಪೋರ್ಟ್ ಅನ್ನ ಭಾರತೀಯ ವ್ಯಕ್ತಿ ಮಾತ್ರ ಪಡೆಯಲು ಸಾಧ್ಯ. ಗಿಲಾನಿ ಭಾರತೀಯನಲ್ಲದ ಮೇಲೆ ಆತನಿಗೆ ಈ ನೆಲದ ಪಾಸ್ ಫೊರ್ಟ್ ಆದ್ರೂ ಯಾಕೆ ಬೇಕು. ಈ ಹಿಂದೆಯೂ ಕೂಡ ಈತ ಪಾಸ್ ಪೋರ್ಟ್ ಗಾಗಿ ಅರ್ಜಿ ಸಲ್ಲಿಸಿದ್ದ. ಮೂರು ಬಾರಿ ಪಾಸ್ ಪೋರ್ಟ್ ನೀಡಿದ್ದ ಕಾಂಗ್ರೆಸ್ ನೇತೃತ್ವದ ಯುಪಿಎ ಸರಕಾರ 2013 ರಲ್ಲಿ ಪಾಸ್ ಪೋರ್ಟ್ ತಿರಸ್ಕರಿಸಿತ್ತು. ಆದ್ರೆ ಈ ಬಾರಿ ಆತನಿಗೆ ಮಾನವೀಯ ನೆಲೆಯ ಆಧಾರದ ಮೇಲೆ ಪಾಸ್ ಪೋರ್ಟ್ ನೀಡಬೇಕು ಅನ್ನೋ ಹೇಳಿಕೆಗಳು ವಿವಾದ ಸೃಷ್ಟಿಸಿದೆ. ಜಮ್ಮು ಕಾಶ್ಮೀರದಲ್ಲಿ ಬಿಜೆಪಿಯೊಂದಿಗೆ ಅಧಿಕಾರ ಹಿಡಿದಿರುವ ಪಿಡಿಪಿ ಪ್ರತ್ಯೇಕವಾದಿಗಳ ಬಗ್ಗೆ ಮೃದು ದೋರಣೆ ತಳೆದಿರೋದು ಎಲ್ಲರಿಗೂ ಗೊತ್ತಿರುವ ವಿಚಾರ. ಜಮ್ಮು ಕಾಶ್ಮೀರದಲ್ಲಿ ಅಧಿಕಾರ ಹಿಡಿಯಲೇಬೇಕು ಎಂಬ ಉದ್ದೇಶದಿಂದ ಪಿಡಿಪಿಯೊಂದಿಗೆ ಮೈತ್ರಿ ಮಾಡಿಕೊಂಡಿದೆ. ಆದ್ರೆ ಈ ಮೈತ್ರಿ ಕಾಶ್ಮೀರದಲ್ಲಿ ನಡೆಯುತ್ತಿರುವ ದೇಶ ವಿರೋಧಿಗಳಿಗೆ ಬಲತಂದಿರುವುದಂತೂ ನಿಜ. ಇದಕ್ಕಡ ಉತ್ತಮ ಉದಾಹರಣೆ ಬಿಜೆಪಿ-ಪಿಡಿಪಿ ಸರ್ಕಾರ ಅಸ್ಥಿತ್ವಕ್ಕೆ ಬಂದ ಕೂಡಲೇ ಪ್ರತ್ಯೇಕವಾದಿ ದ್ರೋಹಿ ಮಸರತ್ ಆಲಂ ನನ್ನ ಸೆರೆವಾಸದಿಂದ ಬಿಡುಗಡೆ ಮಾಡಿದ್ದು. ಬಿಜೆಪಿಯ ವಿರೋಧದ ನಡುವೆಯೂ ಮಸರತ್ ಆಲಂನನ್ನ ಬಿಡುಗಡೆ ಮಾಡುವ ನಿರ್ಧಾರ ಕೈಗೊಂಡಿತ್ತು ಪಿಡಿಪಿ. ಆತ ಜೈಲಿನಿಂದ ಹೊರಬಂದ ಕೂಡಲೇ ಕಾಶ್ಮೀರದಲ್ಲಿ ಮತ್ತೆ ದೇಶದ್ರೋಹಿ ಚಟುವಟಿಕೆಗಳು ಆರಂಭವಾಗಿದ್ದವು. ಕಾಶ್ಮೀರದ ಹಲವೆಡೆ ಗಿಲಾನಿಯೊಂದಿಗೆ ಬೀದಿಗಿಳಿದು ಪಾಕಿಸ್ತಾನಿ ದ್ವಜವನ್ನ ಬಹಿರಂಗವಾಗಿಯೇ ಹಾರಿಸಲಾಗಿತ್ತು. ಮತ್ತೆ ಕಾಶ್ಮೀರದಲ್ಲಿ ಬಿಕ್ಕಟ್ಟು ಸೃಷ್ಟಿಸಲು ಮುಂದಾಗಿದ್ದರು. ಇದಾದ ನಂತ್ರ ದೇಶಾಧ್ಯಂತ ವ್ಯಕ್ತವಾದ ತೀವ್ರ ವಿರೋಧದಿಂದ ಮಸರತ್ ಆಲಂನನ್ನ ಮತ್ತೆ ಬಂಧಿಸಲಾಗಿದೆ. ಇದರ ಜೊತೆ ಗಿಲಾನಿಯನ್ನೂ ಗೃಹಬಂಧನದಲ್ಲಿಡಲಾಗಿದೆ. ಈಗ ಗಿಲಾನಿ ಸೌದಿಯಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ತನ್ನ ಮಗಳನ್ನ ನೋಡುವ ಉದ್ದೇಶದಿಂದ ಪಾಸ್ ಪೋರ್ಟ್ ಗಾಗಿ ಅರ್ಜಿ ಸಲ್ಲಿಸಿದ್ದಾನೆ. ಗಿಲಾನಿಗೆ ಮಾನವೀಯ ನೆಲೆಯ ಆಧಾರದ ಮೇಲೆ ಪಾಸ್ ಪೋರ್ಟ್ ನೀಡಬೇಕು ಅನ್ನೋದು ಪಿಡಿಪಿಯ ವಾದ. ಆದ್ರೆ ಆತನಿಗೆ ಪಾಸ್ ಪೋರ್ಟ್ ನೀಡುವ ವಿಚಾರಕ್ಕೆ ಸಂಬಂಧಿಸಿದಂತೆ ಬಿಜೆಪಿ ಇನ್ನೂ ಅಧಿಕೃತವಾಗಿ ಯಾವುದೇ ನಿಲುವು ಪ್ರಕಟಿಸಿಲ್ಲ. ಈ ವಿಚಾರದಲ್ಲಿ ಕಾಂಗ್ರೆಸ್ ಮೌನ ಮುಂದುವರೆಸಿದೆ. ತನ್ನ ದೇಶಕ್ಕೆ ನಿಷ್ಠೆ ತೋರದ ಮನುಷ್ಯನಿಗೆ ಮಾನವೀಯತೆಯ ನೆಲೆಯಲ್ಲಿ ಪಾಸ್ ಪೋರ್ಟ್ ನೀಡಬೇಕಾ ಅನ್ನೋದು ಈಗ ಎದ್ದಿರುವ ಪ್ರಶ್ನೆ. ಗಿಲಾನಿ ಭಾರತೀಯನಲ್ಲದ ಮೇಲೆ ಆತನಿಗೆ ಭಾರತದ ಪಾಸ್ ಪೋರ್ಟ್ ಆದರೂ ಯಾಕೆ ಬೇಕು. ಪಾಸ್ ಪೋರ್ಟ್ ನೀಡುವುದು ರಾಷ್ಟ್ರೀಯತೆಯ ಆಧಾರದ ಮೇಲೆ ಹೊರತು ಮಾನವೀಯತೆಯ ಆಧಾರದ ಮೇಲಲ್ಲ.  ಗಿಲಾನಿಗೆ ಪಾಸ್ ಪೋರ್ಟ್ ನಿರಾಕರಿಸುವ ದಿಟ್ಟತನವನ್ನ ಮೋದಿ ಸರ್ಕಾರ ಪ್ರದರ್ಶಿಸಬೇಕಿದೆ. ಈ ಮೂಲಕ ಕಾಶ್ಮೀರದಲ್ಲಿ ಬಿಕ್ಕಟ್ಟು ಸೃಷ್ಟಿಸಲು ಮುಂದಾಗುತ್ತಿರುವ ಈ ಪ್ರತ್ಯೇಕವಾದಿಗಳಿಗೆ ಒಂದು ಸ್ಪಷ್ಟ ಸಂದೇಶ ನೀಡಬೇಕಿದೆ. ಇಂತದ್ದೊಂದು ದಿಟ್ಟ ನಿರ್ಧಾರ ಕೈಗೊಳ್ಳುವ ದೈರ್ಯ ತೋರಿಸಿದರೆ ಅಚ್ಚೇ ದಿನ್ ಸರ್ಕಾರ್ ಘೋಷಣೆಗೊಂದು ಅರ್ಥ ಬರುತ್ತದೆ ಮತ್ತು ಕಾಂಗ್ರೆಸ್ ಗಿಂತ ಇದು ಭಿನ್ನ ಸರ್ಕಾರ ಎಂದು ತೋರಿಸಿದಂತಾಗುತ್ತದೆ. ಒಂದು ವೇಳೆ ರಾಜಕೀಯ ಕಾರಣಗಳಿಗಾಗಿ ಗಿಲಾನಿಗೆ ಪಾಸ್ ಪೋರ್ಟ್ ನೀಡಿದ್ದೇ ಆದರೆ ಅದು ಈ ದೇಶದ ಜನರಿಗೆ ಮಾಡಿದ ಅವಮಾನ….

-ಶಶಿವರ್ಣಂ

ಜರ್ಮನ್ ಬೇಕರಿ ಸ್ಪೋಟಕ್ಕೂ ಮೊದಲು ಸಿಸಿಟಿವಿಯಲ್ಲಿ ಸೆರೆಯಾಗಿದ್ದ ಯಾಸಿನ್ ಭಟ್ಕಳ್..

ಜರ್ಮನ್ ಬೇಕರಿ ಸ್ಪೋಟಕ್ಕೂ ಮೊದಲು ಸಿಸಿಟಿವಿಯಲ್ಲಿ ಸೆರೆಯಾಗಿದ್ದ ಯಾಸಿನ್ ಭಟ್ಕಳ್..

ಯಾಸಿನ್ ಭಟ್ಕಳ್ ಎಂಬ ಕಂತ್ರಿ ದೇಶ ದ್ರೋಹಿಯೂ, ಇಂಡಿಯನ್ ಮುಜಾಹಿದೀನ್ ಎಂಬ ನೆತ್ತರ ಸಂಘಟನೆಯೂ, ದಿಗ್ವಿಜಯ್ ಸಿಂಗ್ ಎಂಬ ಕೂಗುಮಾರಿಯೂ….

Image

ಮೋಸ್ಟ್ ವಾಂಟೆಡ್ ಉಗ್ರ ಯಾಸಿನ್ ಭಟ್ಕಳ್

ಅದು 2003 ಕರಾವಳಿಯ ಸಣ್ಣ ಪಟ್ಟಣ ಭಟ್ಕಳದಲ್ಲಿ ಏಳು ಮಂದಿ ಯುವಕರ ಗುಂಪು ಒಂದು ನಿಧರ್ಾರಕ್ಕೆ ಬಂದಿತ್ತು. ಅದು ಭಾರತದ ವಿರುದ್ಧ ಜಿಹಾದ್ ಮಾಡುವ ನಿಧರ್ಾರ. ಹಾಗೆ ಅನ್ನ ಕೊಟ್ಟ ದೆಶದ ಮೇಲೆಯೇ ಯುದ್ದ ಮಾಡಲು ಹೊರಟವರು ಕಟ್ಟಿಕೊಂಡದ್ದು ಇಂಡಿಯನ್ ಮುಜಾಹಿದೀನ್ ಎಂಬ ಉಗ್ರಗಾಮಿ ಸಂಘಟನೆ. ಇಕ್ಬಾಲ್ ಬಟ್ಕಲ್, ರಿಯಾಝ್ ಭಟ್ಕಲ್ ಮತ್ತು ಯಾಸಿನ್ ಭಟ್ಕಲ್ ಸೇರಿದಂತೆ ಏಳು ಮಂದಿ ಇಂಡಿಯನ್ ಮುಜಾಹಿದೀನ್ ಎಂಬ ರಕ್ತ ಪಿಪಾಸು ಸಂಘಟನೆಯನ್ನ ಭಾರತದ ನೆಲದಲ್ಲಿಯೇ ಭಾರತೀಯರ ರಕ್ತಹರಿಸಲು ಆರಂಭಿಸಿದರು. 2008 ರ ಸೆಪ್ಟಂಬರ್ ನಲ್ಲಿ ನಡೆದ ದೆಹಲಿ ಸರಣಿ ಸ್ಪೋಟದ ವರೆಗೂ ಇಂಡಿಯನ್ ಮುಜಾಹಿದೀನ್ ಅಷ್ಟಾಗಿ ಸದ್ದು ಮಾಡಿರಲಿಲ್ಲ. ಅಧಿಕೃತವಾಗಿ ಇಂಡಿಯನ್ ಮುಜಾಹಿದೀನ್ ನಡೆಸಿದ ಮೊದಲ ಸರಣಿ ಸ್ಪೋಟ ಅದಾಗಿತ್ತು. ಈ ಸರಣಿಸ್ಪೋಟದಲ್ಲಿ ಮೂವತ್ತು ಮಂದಿ ಅಮಯಾಕರ ಪ್ರಾಣದೊಂದಿಗೆ ಆಟವಾಡಿದ್ದ ಈ ದೇಶದ್ರೋಹಿ ಯಾಸಿನ್. ಈ ಸ್ಪೋಟ ನಡೆದು ಸರಿಯಾಗಿ ಕೇವಲ ಐದು ದಿನಗಳಾಗಿತ್ತು ಅಷ್ಟೆ. ದೆಹಲಿಯ ಜಾಮಿಯಾ ನಗರದಲ್ಲಿ ಇನ್ನಷ್ಟು ದಾಳಿ ಮಾಡಲು ಸಜ್ಜಾಗಿದ್ದ ಇಂಡಿಯನ್ ಮುಜಾಹಿದೀನ್ ಉಗ್ರರು ಬಾಟ್ಲಾ ಹೌಸ್ ಅಪಾಟರ್್ ಮೆಂಟ್ ನಲ್ಲಿರುವ ಮಾಹಿತಿ ಪೊಲೀಸರಿಗೆ ಸಿಕ್ಕಿತ್ತು. ಕೂಡಲೇ ಅಪಾಟ್ರ್ ಮೆಂಟ್ ಗೆ ಬಂದ ದೆಹಲಿ ಪೊಲಿಸರಿಗೂ ಮತ್ತು ಅಪಾಟ್ರ್ ಮೆಂಟ್ ಒಳಗಿದ್ದ ಉಗ್ರರ ನಡುವೆ ಗುಂಡಿನ ಚಕಮಕಿ ನಡೆದು ಅತೀಫ್ ಅಮೀನ್ ಮತ್ತು ಮೊಹಮದ್ ಸಾಜಿದ್ ಎಂಬ ಉಗ್ರರು ಪೊಲೀಸ್ರ ಗುಂಡಿಗೆ ಬಲಿಯಾಗಿದ್ದರು. ಉಗ್ರ ಶಹಜಾಜ್ ಅಹಮದ್ ಗುಂಡಿಗೆ ಪೊಲೀಸ್ ಇನ್ಸ್ ಪೆಕ್ಟರ್ ಮೋಹನ್ ಚಂದ್ ಶರ್ಮ ಸಾವನ್ನಪ್ಪಿದ್ದರು. ಈ ವೇಳೆ ಇಬ್ಬರು ಇಂಡಿಯನ್ ಮುಜಾಹಿದೀನ್ ಉಗ್ರರನ್ನ ಬಂಧಿಸಲಾಗಿತ್ತು. ಘಟನೆ ನಡೆದು ಕೆಲ ದಿನಗಳಾಗುತ್ತಲೇ ಇದು ನಖಲಿ ಎನ್ ಕೌಂಟರ್ ಎಂದು ಹೂಂಕರಿಸಿದ್ದು ಕಾಂಗ್ರೆಸ್ ನ ಕೂಗುಮಾರಿ ದಿಗ್ವಿಜಯ್ ಸಿಂಗ್. ಇದಕ್ಕೆ ಹೌದೌದು ಅಂತ ದ್ವನಿಗೂಡಿಸಿದ್ದು ಅಮೂಲ್ ಬೇಬಿ ರಾಹುಲ್ ಗಾಂದಿ. ಇದ್ರ ಜೊತೆಗೆ ಎಸ್ ಪಿ ಮತ್ತು ಬಿಎಸ್ ಪಿ ಯಂತಹ ಬೇಜವಾಬ್ದಾರಿಯ ಪಕ್ಷಗಳೂ ಇದು ನಖಲಿ ಎನ್ ಕಂಟರ್ ಎಂದು ಬೊಬ್ಬೆ ಇಟ್ಟುಬಿಟ್ಟಿದ್ದವು. ಹಾಗೆ ಬೊಬ್ಬೆ ಇಡುವುದಕ್ಕೆ ಕಾರಣ ಕೇವಲ ಮುಸ್ಲಿಮರ ಓಲೈಕೆಗಾಗಿ ಬಿಟ್ಟರೇ ಬೇರೇನೂ ಅಲ್ಲ. ಆದ್ರೆ ಈಗ ಸುಪ್ರೀಂ ಕೋಟ್ರ್ ಇದು ಅಸಲಿ ಎನ್ ಕಂಟರ್ ಅಂತ ತೀಪರ್ು ನೀಡಿ ದಿಗ್ವಿಜಯ್ ಸಿಂಗ್ ಮುಖಕ್ಕೆ ಕ್ಯಾಕರಿಸಿ ಹುಗಿದು ಮುಖ ಹೊರೆಸಿಕೊಳ್ಳಲೂ ಆಗದಂತೆ ಮಾಡಿಬಿಟ್ಟಿದೆ. 

Image

ಜರ್ಮನ್ ಬೇಕರಿಯಲ್ಲಿ ಸಿಸಿಟಿವಿಯಲ್ಲಿ ಸೆರೆಯಗಿದ್ದ ಯಾಸಿನ್ ಭಟ್ಕಳ್

ಈ ಘಟನೆಯ ನಂತರ ಇಂಡಿಯನ್ ಮುಜಾಹಿದೀನ್ ದೇಶಾಧ್ಯಂತ ತನ್ನ ಜಾಲವನ್ನ ವಿಸ್ತರಿಸಿಕೊಂಡು ದೇಶದ ಹಲವೆಡೆ ಅಮಾಯಕರ ನೆತ್ತರ ಹರಿಸಿತ್ತು. 2008 ರ ವರೆಗೆ ಇಕ್ಬಾಲ್ ಭಟ್ಕಳ್ ಇಂಡಿಯನ್ ಮುಜಾಹಿದೀನ್ ಸಂಘಟನೆಯನ್ನ ಮುನ್ನೆಡಿಸ್ತಾಯಿದ್ದ. ಆದ್ರೆ ಬಾಟ್ಲಾ ಎನ್ ಕಂಟರ್ ನಡೆದ ನಂತ್ರ ಇಕ್ಬಾಲ್ ಮತ್ತು ರಿಯಾಝ್ ಭಟ್ಕಳ್ ಪಾಕಿಸ್ತಾನಕ್ಕೆ ಪರಾರಿಯಾದ್ರು. ಆ ನಂತ್ರ ಭಾರತದಲ್ಲಿ ಇಂಡಿಯನ್ ಮುಜಾಹಿದೀನ್ ಸಂಘಟನೆಯ ಹೊಣೆ ಹೊತ್ತಿದ್ದು ಇದೇ ಯಾಸಿನ್ ಭಟ್ಕಳ್. 2008 ಕ್ಕೂ ಮೊದಲು ದೆಹಲಿ ಸರಣಿ ಸ್ಪೋಟ(2005), ಉತ್ತರಪ್ರದೇಶದಲ್ಲಿನ ಸ್ಪೋಟ (2002 ಮತ್ತು 2007), ಹೈದ್ರಾಬಾದ್ ಲುಂಬಿನಿ ಗಾರ್ಡನ್ ಸ್ಪೋಟ(2007) ಜೈಪುರ ಬಾಂಬ್ ಸ್ಪೋಟ(2008), ಅದಮದಾಬಾದ್ ಸರಣಿ ಸ್ಪೋಟ(2008) ಗಳಲ್ಲಿ ಇಂಡಿಯನ್ ಮುಜಾಹಿದೀನ್ ಕೈವಾಡವಿತ್ತು.  
ಆದ್ರೆ ಇಂಡಿಯನ್ ಮುಜಾಹಿದೀನ್ ಸಂಘಟನೆಯ ಶಕ್ತಿ ಭಾರತೀಯ ತನಿಖಾ ಸಂಸ್ಥೆಗಳಿಗೆ ಅರಿವಾಗಿದ್ದು 2008 ರ ದೆಹಲಿ ಸರಣಿ ಸ್ಪೋಟದ ನಂತರ. ಆ ನಂತ್ರ 2010 ರಲ್ಲಿ ನಡೆದ ಜರ್ಮನ್ ಬೇಕರಿಯಲ್ಲಿ ನಡೆದ ಸ್ಪೋಟಕ್ಕೆ ಸ್ವತಃ ಯಾಸಿನ್ ಭಟ್ಕಳ್ ನೇ ಬಂದು ಬಾಂಬ್ ಪ್ಲಾಂಟ್ ಮಾಡಿ ಹೋಗಿದ್ದ. ಆ ದೃಶ್ಯಗಳು ಸಿಸಿಟಿವಿ ಕ್ಯಾಮೆರಾದಲ್ಲಿಯೂ ಕೂಡ ದಾಖಲಾಗಿದ್ದವು. ಇನ್ನು 2010 ರಲ್ಲಿ ಬೆಂಗಳೂರಿನಲ್ಲಿ ಚಿನ್ನಸ್ವಾಮಿ ಕ್ರೀಡಾಂಗಣದ ಬಳಿ ನಡೆದ ಸ್ಪೊಟದಲ್ಲಿಯೂ ಇಂಡಿಯನ್ ಮುಜಾಹಿದೀನ್ ಸಂಘಟನೆ ಕೈವಾಡವಿತ್ತು. 2011 ರಲ್ಲಿ ನಡೆದ ಮುಂಬೈ ತ್ರಿವಳಿ ಸ್ಪೋಟ ಮತ್ತು ಇತ್ತೀಚೆಗೆ ಹೈದ್ರಾಬಾದ್ ನ ದಿಲ್ ಶುಕ್ ನಗರದಲ್ಲಿ ನಡೆದ ಸ್ಪೊಟಕ್ಕೂ ಸ್ವತಃ ಯಾಸಿನ್ ಭಟ್ಕಳ್ ನೇ ಬಾಂಬ್ ಇಟ್ಟಿದ್ದ. ಕೆಲ ಉಗ್ರರು ದೂರದ ಪಾಕಿಸ್ತಾನದಲ್ಲಿ ಕೂತು ಇಲ್ಲಿ ಬಾಂಬ್ ಬ್ಲಾಸ್ಟ್ ಮಾಡುವುದರಲ್ಲಿ ನಿರತನಾಗಿದ್ದರೆ ಯಾಸಿನ್ ಭಟ್ಕಳ್ ಮಾತ್ರ ಸ್ವತಃ ಪೀಲ್ಡ್ ಗೆ ಇಳಿದು ಕಾಯರ್ಾಚರಣೆ ಮಾಡ್ತಾಯಿದ್ದ. ಕೋಟಾನೋಟು ಜಾಲ ಮತ್ತು ಹವಾಲ ಮೂಲಕ ಸಂಘಟನೆಗೆ ಬೇಕಾದ ಹಣವನ್ನ ವ್ಯವಸ್ಥೆ ಮಾಡುತ್ತಿದ್ದ. ಇದರ ಜೊತೆಗೆ ಬಾಂಬ್ ತಯಾರಿಸುವುದರಲ್ಲಿಯೂ ಈತ ನಿಪುಣನಾಗಿದ್ದ. ಮುಸ್ಲಿಂ ಯುವಕರ ತಲೆಗೆ ಜಿಹಾದ್ ನ ಉಪದೇಶ ಮಾಡಿ ಇಂಡಿಯನ್ ಮುಜಾಹಿದೀನ್ ಸಂಘಟನೆಗೆ ಸೇರುವಂತೆ ಮಾಡುವುದರಲ್ಲಿಯೂ ಈತ ಯಶಸ್ವಿಯಾಗಿದ್ದ. ಭಾರತದ ಒಟ್ಟು 12 ರಾಜ್ಯಗಳಲ್ಲಿ ವ್ಯವಸ್ಥಿತವಾಗಿ ತನ್ನ ಉಗ್ರವಾದಿ ಜಾಲವನ್ನ ವಿಸ್ತರಿಸಿದ್ದ. ಇಲ್ಲಿಯವರೆಗೂ ಇಂಡಿಯನ್ ಮುಜಾಹಿದೀನ್ ಸಂಘಟನೆ ನಡೆಸಿದ ಸ್ಪೋಟಗಳಿಗೆ ಭಾರತದಲ್ಲಿ ಬಲಿಯಾದವರ ಸಂಖ್ಯೆ 35ಒ ಕ್ಕೂ ಅಧಿಕ.
 Image

     ಹಾಗೆ ಭಾರತದ ನೆಲದಲ್ಲಿಯೇ ಹುಟ್ಟಿ, ಇಲ್ಲಿನ ಅನ್ನವನ್ನೇ ತಿಂದು ದೇಶಕ್ಕೇ ಚೂರಿ ಇರಿದುಬಿಟ್ಟಿದ್ದ ಈ ಯಾಸಿನ್ ಭಟ್ಕಳ್. ಹಾಗೆ ಮುನ್ನೂರ ಐವತ್ತಕ್ಕೂ ಹೆಚ್ಚು ಅಮಾಯಕರನ್ನ ಕೊಂದ ಇಂಡಿಯನ್ ಮುಜಾಹಿದೀನ್ ಸಂಘಟನೆಯ ಕಿಂಗ್ ಪಿನ್ ಯಾಸಿನ್ ಭಟ್ಕಳ್ ನನ್ನ ಪೊಲಿಸ್ರು ಕೆಡ್ಡಾಕ್ಕೆ ಕೆಡವಿದ್ದಾರೆ. ಇತ್ತೀಚೆಗಷ್ಟೇ ಲಷ್ಕರ್ ಇ ತೊಯಿಬಾ ದ ಮೋಸ್ಟ್ ವಾಂಟೆಡ್ ಉಗ್ರ ಅಬ್ದುಲ್ ಕರೀ ಅಲಿಯಾಸ್ ತುಂಡಾ ನನ್ನ ಬಂಧಿಸಿದ ನಂತ್ರ ಭಾರತೀಯ ಪೊಲಿಸರು ಭರ್ಜರಿ ಬೇಟೆಯಾಡಿದ್ದಾರೆ. ಈ ಇಬ್ಬರೂ ಉಗ್ರರಿಗೆ ಎಲ್ಲ ರೀತಿಯಿಂದಲೂ ಸಹಾಯ, ಸಹಕಾರ ನೀಡಿದ್ದು ಪಾಕಿಸ್ತಾನದ ಗುಪ್ತಚರ ಸಂಸ್ಥೆ ಐ ಎಸ್ ಐ. ಈ ಮೊದಲು 2009 ರಲ್ಲಿ ಕೋಲ್ಕತ್ತಾ ಪೊಲಿಸ್ರು ಯಾಸಿನ್ ಭಟ್ಕಳ್ ನನ್ನ ಕೋಟಾ ನೋಟು ಪ್ರಕರಣದಲ್ಲಿ ಬಂಧಿಸಿದ್ರು. ಆದ್ರೆ ಕೊಲ್ಕತ್ತಾ ಪೊಲೀಸರಿಗೆ ಈತನೇ ಯಾಸಿನ್ ಭಟ್ಕಳ್ ಅನ್ನೋದು ಗೊತ್ತೇ ಆಗಲಿಲ್ಲ. ಬುಲ್ಲಾ ಮಲಿಕ್ ಎಂದು ಸುಳ್ಳು ಹೇಳಿ ಆರು ದಿನ ಜೈಲಿನಲ್ಲಿದ್ದು ಆ ನಂತ್ರ ನ್ಯಾಯಾಲಯದಿಂದ ಜಾಮೀನು ಪಡೆದು ಹೊರಬಂದಿದ್ದ. ಕೊಲ್ಕತ್ತಾ ಪೊಲಿಸ್ರಿಗೆ ತಾವು ಹಿಡಿದದ್ದು ಮೋಸ್ಟ್ ವಾಂಟೆಡ್ ಉಗ್ರ ಯಾಸಿನ್ ಭಟ್ಕಳ್ ಅನ್ನೋದು ಗೊತ್ತಾಗುವಷ್ಟರಲ್ಲಿ ಆತ ಮತ್ತೊಂದು ಬಾಂಬ್ ಸ್ಪೊಟಕ್ಕೆ ಸಜ್ಜಾಗಿ ನಿಂತಿದ್ದ. ಕೊಲ್ಕತ್ತಾ ಪೊಲೀಸ್ರು ಒಂದು ಚೂರೇ ಚೂರು ಕ್ರಾಸ್ ಚೆಕ್ ಮಾಡಿದ್ರೂ ನಾಲ್ಕು ವರ್ಷಕ್ಕೆ ಮೊದಲೇ ಯಾಸಿನ್ ಕಂಬಿ ಏಣಿಸಬೇಕಿತ್ತು. ಆದ್ರೆ ಅದು ಆಗಲಿಲ್ಲ. ಪೊಲೀಸ್ ವ್ಯವಸ್ಥೆಯ ಸಮನ್ವಯದ ಕೊರತೆಯಿಂದಾಗಿ ಅವತ್ತು ಯಾಸಿನ್ ಪೊಲೀಸರಿಗೆ ಚಳ್ಳೆಹಣ್ಣು ತಿನ್ನಿಸಿ, ನ್ಯಾಯಾಲಯದ ಕಣ್ಣಿಗೆ ಮಣ್ಣೆರಚಿದ್ದ.

Image

ಕಾಂಗ್ರೆಸ್ ನ ಕೂಗುಮಾರಿ ದಿಗ್ವಿಜಯ್ ಸಿಂಗ್.

ಕೇವಲ ಇಪ್ಪತ್ತು ದಿನಗಳ ಅಂತರದಲ್ಲಿ ಇಬ್ಬರು ಮೋಸ್ಟ್ ವಾಂಟೆಡ್ ಉಗ್ರರು ಪೊಲಿಸ್ರ ಅತಿಥಿಯಾಗಿದ್ರೂ ಈ ಬಗ್ಗೆ ನಮ್ಮ ಕೂಗುಮಾರಿ ದಿಗ್ವಿಜಯ್ ಸಿಂಗ್ ಯಾವುದೇ ಹೇಳಿಕೆಯನ್ನೂ ನೀಡದೆ ಮೌನವಾಗಿ ಉಳಿದುಬಿಟ್ಟಿದೆ. ಅದೇ ಯಾರಾದ್ರೂ ಒಬ್ಬೇ ಒಬ್ಬ ಹಿಂದುವನ್ನ ಭಯೋತ್ಪಾದನಾ ಆರೋಪದ ಅನುಮಾನದ ಮೇಲೆ ವಿಚಾರಣೆಗೆ ಅಂತೇನಾದ್ರೂ ಪೊಲೀಸ್ರು ಕರೆದೊಯ್ದಿದ್ರೆ ಸಾಕಿತ್ತಲ್ಲ. ಈ ದಿಗವಿಜಯ್ ಸಿಂಗ್ ಎಂಬ ಬೊಗಳೆ ವ್ಯಕ್ತಿ ಹೂಂಕರಿಸಿಬಿಡುತ್ತಿದ್ದ. ಬೋದಗಯಾ ಸ್ಪೊಟ ನಡೆದ ನಂತ್ರ ಇದೇ ದಿಗ್ವಿಜಯ್ ಸಿಂಗ್ ಹೇಳಿದ್ದೇನು ಗೊತ್ತಾ? ಮೋದಿ ಆಪ್ತ ಅಮಿತ್ ಷಾ ಅಯೋದ್ಯೆಗೆ ಬೇಟಿ ನೀಡಿದ ನಂತರವೇ ಈ ಸ್ಪೊಟ ನಡೆದಿದೆ. ಇದರಲ್ಲಿ ಸಮಘ ಪರಿವಾರದ ಕೈವಾಡ ಇದೆ ಅಂತ. ದೆಶದ ಯಾವ ತನಿಖಾ ಏಜನ್ಸಿಗೂ ಸಿಗದ ಮಾಹಿತಿಗಳು ಈ ಕೂಗುಮಾರಿಗೆ ಸಿಕ್ಕುಬಿಡುತ್ತವೆ. ಭಯೋತ್ಪಾದನೆಯಂತಹ ಸೂಕ್ಷ್ಮ ವಿಷಯಗಳ ಬಗ್ಗೆ ಮಾತನಾಡುವಾಗ ಸ್ವಲ್ಪವಾದ್ರೂ ಜವಾಬ್ದಾರಿಯಿಂದ ವತರ್ಿಸುವ ಪ್ರಜ್ಞೆಯೂ ಇಲ್ಲದ ದಿಗ್ವಿಜಯ್ ಸಿಂಗ್ ಬಾಯಿಗೆ ಬಂದಂತೆ ಹುಚ್ಚು ಹುಚ್ಚಾಗಿ ಮಾತನಾಡುತ್ತಾರೆ. ಆದ್ರೆ ಈಗ ನೋಡಿ 20 ದಿನಗಳಿಂದ ಪಾಪ ದಿಗ್ವಿಜಯ್ ಬಾಯಿಗೆ ಪ್ಲಾಸ್ಟರ್ ಹಾಕಿದ್ದರೇನೊ ಎಂಬಂತೆ ಮೌನ ವಹಿಸಿದ್ದಾರೆ. ಇಂತವರೆಲ್ಲಾ ನಮ್ಮ ದೇಶದ ರಾಜಕಾರಣಿಗಳು ಅಂತ ಹೇಳಿಕೊಳ್ಲೋಕೆ ನಮಗೆ ನಾಚಿಕೆಯಾಗಬೇಕು. ದೇಶದ ವಿಷಯ ಬಂದಾಗ ಮೊದಲು ಭಾರತೀಯನಾಗುವುದನ್ನ ಬಿಟ್ಟು ನೀನು ಹಿಂದೂ, ನೀನು ಮುಸ್ಲಿಂ ಅಂತ ಜಾತಿ, ಧರ್ಮದ ಆದಾರದ ಮೇಲೆ ದೇಶವನ್ನ ಒಡೆದು ವೋಟ್ ಬ್ಯಾಂಕ್ ಪೊಲಿಟಿಕ್ಸ್ ಮಾಡುವುದನ್ನ ಈ ರಾಜಕೀಯ ಪಕ್ಷಗಳು ನಿಲ್ಲಿಸಲಿ. ಇನ್ನಾದ್ರೂ ಈ ದಿಗ್ವಿಜಯ್ ಸಿಂಗ್ ನಂತಹ ಕೂಗುಮಾರಿಗಳಿಗೆ ಬುದ್ದಿ ಬರಲಿ….

ಕಸಬ್ ಎಂಬ ಕ್ರಿಮಿಗೆ ಕುಣಿಕೆಯಾಕಿದ್ದಾಯ್ತು… ಅಫ್ಜಲ್ ಗೆ ಗಲ್ಲು ಯಾವಾಗ?

ಮುಂಬೈ ದಾಳಿಯಲ್ಲಿ ಮಡಿದವರ ಕುಟುಂಬದವರು ನಿಜಕ್ಕೂ ನೆಮ್ಮದಿಯ ನಿಟ್ಟುಸಿರು ಬಿಟ್ಟಿದ್ದಾರೆ… ಜಿಹಾದ್ ನ ಹೆಸರಲ್ಲಿ ಭಾರತದ ಸಾರ್ವಭೌಮತೆಗೆ ಸಡ್ಡು ಹೊಡೆದು ಮುಂಬೈ ಮೇಲೆ ದಾಳಿನಡೆಸಿ 160 ಕ್ಕೂ ಹೆಚ್ಚು ಅಮಾಯಕರನ್ನ ಬಲಿ ಪಡೆದ ಕಸಬ್ ಕುತ್ತಿಗೆಗೆ ಕೊನೆಗೂ ಕುಣಿಕೆ ಬಿಗಿಯಲಾಗಿದೆ. ಯಾವಾಗ ಕಸಬ್ ಮುಂಬೈ ದಾಳಿ ವೇಳೆ ಸೆರೆ ಸಿಕ್ಕನೊ ಆಗಲೇ ತಾನು ಭಾರತೀಯರ  ನೇಣಿನ ಕುಣಿಕೆಗೆ ಕೊರಳೊಡ್ಡಬೇಕು ಅನ್ನೋದು ಆತನಿಗೆ ಸ್ಪಷ್ಟವಾಗಿ ಹೋಗಿತ್ತು… ಅದು ನಾಲ್ಕು ವರ್ಷಗಳ ನಂತ್ರ ಕಾರ್ಯರೂಪಕ್ಕೆ ಬಂದಿದೆ… ನಾಲ್ಕು ವರ್ಷಗಳ ನಂತ್ರವಾದ್ರೂ ಕೇಂದ್ರ  ಸರ್ಕಾರ ದಿಟ್ಟ ನಿರ್ಧಾರ ತಗೆದುಕೊಂಡಿದೆ. 2008 ರ ಮುಂಬೈ ಮಾರಣಹೋಮದಲ್ಲಿ ಬಲಿಯಾದರಿಗೆ ಈಗ ನಿಜಕ್ಕೂ ನ್ಯಾಯ ದೊರೆತಂತಾಗಿದೆ… ಹಾಗೆ ಅಮಾಯಕ ಜನರ ರಕ್ತ ಕುಡಿದ ಕಸಬ್ ನನ್ನ ಮಾಡಿದ ತಪ್ಪಿಗೆ ಪ್ರಾಯಶ್ಚಿತವಾಗಿ  ನಿರ್ಧಾಕ್ಷಿಣ್ಯವಾಗಿ ನೇಣಿಗೇರಿಸಲಾಗಿದೆ… ಆದ್ರೆ ಕಸಬ್ ನನ್ನ ಗಲ್ಲಿಗೇರಿಸಿರೋದ್ರಿಂದ ನಾವು ಮುಂಬೈ ದಾಳಿ ಮಾಡಿದವರ ವಿರುದ್ಧ ಕ್ರಮ ಕೈಗೊಂಡು ಬಿಟ್ಟೆವು ಎಂದು ಸಂಭ್ರಮಿಸುವ ಹಾಗಿಲ್ಲ. ಯಾಕಂದ್ರೆ ಮುಂಬೈದಾಳಿಯ ಮಾಸ್ಟರ್ ಮೈಂಡ್ ಗಳು ಪಾಕಿಸ್ತಾನದಲ್ಲಿ ಇನ್ನೂ ರಾಜಾರೋಷವಾಗಿಯೇ ಬದುಕುತ್ತಿದ್ದಾರೆ.. ಮುಂಬೈ ದಾಳಿ ಸೂತ್ರದಾರಿಗಳಾದ ಲಷ್ಕರ್ ಇ ತೋಯಿಬಾ ಮುಖ್ಯಸ್ಥ ಹಫಿಸ್ ಸೈಯದ್ ಮತ್ತು ಜಕಿ ಉರ್ ರೆಹಮಾನ್ ಲಕ್ವಿ ವಿರುದ್ದ ಪಾಕಿಸ್ತಾನ ಇದೂವರೆಗೂ ಯಾವುದೇ ಕ್ರಮ ಕೈಗೊಂಡಿಲ್ಲ… ಅದು ಕೈಗೊಳ್ಳುವುದೂ ಇಲ್ಲ ಅನ್ನೊದೂ ಕೂಡ ಅಷ್ಟೇ ಸ್ಪಷ್ಟ. ಅದು ಗೊತ್ತಿದ್ದೂ ನಮ್ಮಸರ್ಕಾರ ಪಾಕಿಸ್ತಾನದ ಜೊತೆ ಶಾಂತಿ ಮಾತುಕತೆ ನಡೆಸುತ್ತಲೇ ಇದೆ. ಆದ್ರೆ ಶಾಂತಿಯ ಅರ್ಥವೇಗೊತ್ತಿಲ್ಲದ ಮತಾಂಧ ರಾಷ್ಟ್ರಕ್ಕೆ  ಭಾರತದ ಜೊತೆ ಕ್ಯಾತೆ ಮಾಡಿಕೊಳ್ಳುವುದ್ರಲ್ಲಿಯೇ ಹೆಚ್ಚು ನೆಮ್ಮದಿ…

ಕಸಬ್ ಎಂಬ ರಕ್ತಪಿಪಾಸು

“ಏಷ್ಯಾದಲ್ಲಿ ಭಯೋತ್ಪಾದನೆಯನ್ನ ತಡೆಯಬೇಕು ಅಂದ್ರೆ ಪಾಕಿಸ್ತಾನ ಮತ್ತು ಭಾರತ ಕೈಜೋಡಿಸಲೇಬೇಕು ಇಲ್ಲವಾದ್ರೆ ಉಗ್ರವಾದ ಮಟ್ಟಹಾಕುವುದು ಅಸಾದ್ಯದ ಮಾತು”  ಅನ್ನುತ್ತದೆ ಪಾಕಿಸ್ತಾನ. ಆದ್ರೆಇನ್ನೋದು ಕಡೆ ಅದೇ ಪಾಕಿಸ್ತಾನ ಇವತ್ತು ಜಗತ್ತಿನ ಮೋಸ್ಟ್ ವಾಂಟೆಡ್ ಭಯೋತ್ಪಾದಕರಿಗೆ ಸರ್ವಸ್ವವನ್ನೂ ಕೊಟ್ಟು ಸಲುಹುತ್ತಿದೆ. 1993 ರ ಮುಂಬೈ ಬಾಂಬ್ ಸ್ಪೋಟದ ರುವಾರಿ, ಭಾರತಕ್ಕೆ ಬೇಕಾಗಿರುವ ಮೋಸ್ಟ್ ವಾಂಟೆಡ್ ಭಯೋತ್ಪಾದಕ ದಾಹುದ್ ಇಬ್ರಾಹಿಂ ನನ್ನ ಸಲುಹುತ್ತಿರುವುದು ಇದೇ ಪಾಕಿಸ್ತಾನ. ಇನ್ನು ಜಗತ್ತಿನಲ್ಲಿರುವ ಇಡೀ ಕಾಫೀರರನ್ನೆಲ್ಲಾ ಮಾರಣಹೋಮ ಮಾಡಿ ಇಲ್ಲವೇ ಇಸ್ಲಾಂ ಗೆ ಮತಾಂತ್ರಗೊಳಿಸಿ ಇಡೀ ಪ್ರಪಂಚವನ್ನು ಇಸ್ಲಾಂ ಆಳುವಂತೆ ಮಾಡುತ್ತೇನೆ ಅಂದ ಒಸಾಮಾ ಬಿನ್ ಲಾಡೆನ್ ನನ್ನ ಅಮೇರಿಕಾದ ಕಣ್ಣಿಗೆ ಕಾಣದಂತೆ ಸಾಕಿ ಸಲುಹಿದ್ದೂ ಇದೇ ಪಾಕಿಸ್ತಾನ. ಈಗ ಮುಂಬೈ ದಾಳಿಯ ನರವ ಹಂತಕರನ್ನ ಸಲುಹುತ್ತಿರುವುದೂ ಇದೇ ಪಾಕಿಸ್ತಾನ. ಇಂತಹ ನಂಬಿಕೆಗೆ ಯೋಗ್ಯವಲ್ಲದ ದೂರ್ತ ರಾಷ್ಟ್ರದೊಂದಿಗೆ ಸೇರಿ ಭಯೋತ್ಪಾದನೆಯ ವಿರುದ್ಧ ಹೋರಾಟ ಮಾಡಿದ್ರೆ ಅದು ಹಾವೂ ಸಾಯುವುದಿಲ್ಲ, ಕೋಲು ಮುರಿಯುವುದಿಲ್ಲ ಎಂಬಂತಾಗುತ್ತದೆಯಷ್ಟೆ. ಇದು ನಮ್ಮ ದೇಶವನ್ನಾಳುತ್ತಿರುವ ರಾಜಕಾರಣಿಗಳಿಗೆ ಅರ್ಥವಾಗಲು ಇನ್ನು ಅದೆಷ್ಟು ಶತಮಾನಗಳು ಬೇಕೊ ಆ ಭಗವಂತನೇ ಬಲ್ಲ.

ಅಫ್ಜಲ್ ಗುರು

         ಮುಂಬೈ ಉಗ್ರರ ದಾಳಿ ಪ್ರಕರಣಕ್ಕೆ ಸಂಬಂಧಿಸಿದಂತೆ ಉಗ್ರ ಅಜ್ಮಲ್ ಕಸಬ್ ನನ್ನೇನೊ ಗಲ್ಲಿಗೇರಿಸಲಾಗಿದೆ. . ಆದರೆ ಇದಕ್ಕೂ ಮುನ್ನ ಹೇಯ ಕೃತ್ಯ ಎಸೆಗಿದ ಅಫ್ಜಲ್ ಗುರು ಕತೆ ಏನು. ಪ್ರಜಾಪ್ರಭುತ್ವದ ದೇವಸ್ಥಾನವೆಂದೇ ಕರೆಯಲಾಗುವ ಸಂಸತ್ ಭವನದ ಮೇಲೆ ದಾಳಿ ಮಾಡಿ ಗಲ್ಲು ಶಿಕ್ಷೆಗೆ ಗುರಿಯಾಗಿರುವ ಅಪ್ಜಲ್ ಗುರು ನನ್ನ ಗಲ್ಲಿಗೇರಿಸುವುದು ಯಾವಾಗ ಅನ್ನೋದು ಈಗ ಎಲ್ಲರ ಪ್ರಶ್ನೆ. ಕೇಂದ್ರದಲ್ಲಿರುವ ಯುಪಿಎ ಮತ್ತು ದೆಹಲಿಯಲ್ಲಿರುವ ಶೀಲಾ ದಿಕ್ಷೀತ್ ನೇತೃತ್ವದ ಕಾಂಗ್ರೆಸ್ ಸರ್ಕಾರಗಳಿಗೆ ಅಫ್ಜಲ್ ನನ್ನ ನೇಣಿಗೇರಿಸಲು ಮನಸ್ಸಾಗುತ್ತಿಲ್ಲ. ಯಾಕಂದ್ರೆ ಕಸಬ್ ಗಿಂತಲೂ ಮೊದಲೇ ಆತನಿಗೆ ಗಲ್ಲು ಶಿಕ್ಷೆ ವಿಧಿಸಲಾಗಿದ್ದರೂ ಆತನಿಗೆ ಶಿಕ್ಷೆ ಜಾರಿಮಾಡುವ ದಿಟ್ಟತನ ಕೇಂದ್ರ ಸರ್ಕಾರಕ್ಕಿಲ್ಲ. ಈಗ ಕಸಬ್ ನಿಗೆ ನೇಣು ಹಾಕಲು ತಗೆದುಕೊಂಡ ದಿಟ್ಟತನವನ್ನ ಅಫ್ಜಲ್ ಗುರು ಪ್ರಕರಣದಲ್ಲಿ ಯಾಕೆ ಕಾಂಗ್ರೆಸ್ ಗೆ ನಿರ್ಧಾರ ತಗೆದುಕೊಳ್ಳಲಾಗುತ್ತಿಲ್ಲ. ಯಾಕೆಂದ್ರೆ ಅದಕ್ಕೆ ಕಾರಣವಾಗಿರೋದು ಅಲ್ಪಸಂಖ್ಯಾತರ ಮತಗಳು. ಅದ್ಯಾವ ಮುಟ್ಟಾಳ  ಕಾಂಗ್ರೆಸ್ಸಿಗರಿಗೆ ಹೇಳಿದನೊ ಗೊತ್ತಿಲ್ಲ ಅಫ್ಜಲ್ ನನ್ನ ನೇಣಿಗೆ ಹಾಕಿದರೆ ಮುಸ್ಲಿಮರು  ಕಾಂಗ್ರೆಸ್ ಗೆ ಮತ ಕೊಡುವುದಿಲ್ಲ ಅಂತ. ಕಾಂಗ್ರೆಸ್ ಗಂತೂ ಅಫ್ಜಲ್ ನನ್ನ ನೇಣಿಗೇರಿಸುವ ಮನಸ್ಸಂತೂ ಸದ್ಯಕ್ಕಿಲ್ಲ ಅನ್ನೋದು ಸ್ಪಷ್ಟ. ಯಾಕಂದ್ರೆ ಅಫ್ಜಲ್ ನ ಕ್ಷಮಾದಾನದ ಅರ್ಜಿ 6 ವರ್ಷಗಳಿಂದಲೂ ಕೇಂದ್ರ ಸರ್ಕಾರದ ಮುಂದೆ ಕೊಳೆಯುತ್ತಲೇ ಇದೆ..

ಇನ್ನು ಮೂವರನ್ನು ಬಲಿ ತೆಗೆದುಕೊಂಡ 2000ದ ಕೆಂಪು ಕೋಟೆ ದಾಳಿ ಪ್ರಕರಣಕ್ಕೆ ಸಂಬಂಧಿಸಿದಂತೆ ಲಷ್ಕರ್- ಎ- ತೊಯ್ಬಾ ಉಗ್ರ ಮೊಹಮ್ಮದ್ ಆರಿಫ್ ಅಲಿಯಾಸ್ ಅಶ್ಫಾಕ್‌ಗೆ ವಿಧಿಸಿರುವ ಮರಣದಂಡನೆ ತೀರ್ಪು ಕೂಡ ಇನ್ನೂ ಜಾರಿಯಾಗಿಯೇ ಇಲ್ಲ. ಈ ದಾಳಿ ಸಂದರ್ಭದಲ್ಲಿ ಒಬ್ಬ ನಾಗರಿಕ ಹಾಗೂ ಕಟ್ಟಡದ ರಕ್ಷಣೆಗಿದ್ದ ಇಬ್ಬರು ಸೈನಿಕರು ಮೃತರಾಗಿದ್ದರು.  ಮೊಹಮ್ಮದ್ ಆರಿಫ್ ನನ್ನ ಗಲ್ಲಿಗೇರಿಸುವ ವಿಷಯದಲ್ಲಿಯೂ ಕೂಡ ಕೇಂದ್ರ ಸರ್ಕಾರ ಯಾ೦ವುದೇ ದಿಟ್ಟ ನಿರ್ಧಾರ ಕೈಗೊಳ್ತಾಯಿಲ್ಲ. ಕಸಬ್ ಪ್ರಕರಣದಲ್ಲಿ ತೋರಿದ ದಿಟ್ಟತನವನ್ನ ಅಫ್ಕಲ್ ಗುರು ಮತ್ತು ಮೊಹಮ್ಮದ್ ಆರಿಫ್  ವಿಷಯದಲ್ಲಿಯೂ ತೋರಿದರೆ  ಭಯೋತ್ಪಾದನೆಯ ವಿರುದ್ಧದ ಹೋರಾಟದಲ್ಲಿ ಕಣ್ಣಾಮುಚ್ಚಾಲೆಯಾಡುತ್ತಿರುವ ಪಾಕಿಸ್ತಾನಕ್ಕೆ ಬುದ್ದಿ ಕಲಿಸಿದಂತಾಗುತ್ತದೆ. ಆ ದಿಟ್ಟತನವನ್ನ ಕೇಂದ್ರ ಸರ್ಕಾರತೋರಿಸಬೇಕುಆ ಮೂಲಕ ಬಯೋತ್ಪಾದಕ ದಾಲಿಯಲ್ಲಿ ಮೃತ್ರಾದ ಅಮಾಯಕ ಜನರ ಆತ್ಮಕ್ಕೆ ಶಾಂತಿ ಸಿಗುವಂತೆ ಮಾಡಬೇಕು.

ಕಸಬ್ ನನ್ನೇನೊ ಗಲ್ಲಿಗೆ ಹಾಕುತ್ತೇವೆ…. ಇವರನ್ನೇನು ಮಾಡಬೇಕು……

ಕರ್ನಾಟಕದಲ್ಲಿ ಒಂದು ಕಡೆ ಜನ್ರು ಬರದಿಂದ ಕಂಗೆಟ್ಟು ಕುಡಿಯಲು ನೀರೂ ಇಲ್ಲದೇ ಪರದಾಡ್ತಾಯಿದ್ದಾರೆ… ಬಡ ರೈತ ಮಳೆಗಾಗಿ ಆಕಾಶದತ್ತ ನೋಡ್ತಾ ನೋಡ್ತಾ ಆತ್ಮಹತ್ಯೆಯ ಕಡೆಗೆ ಮುಖ ಮಾಡ್ತಾಯಿದ್ದಾರೆ… ಇನ್ನು ಬೆಂಗಳೂರಂತೂ ಗಾರ್ಡನ್ ಸಿಟಿಯ ಬದಲು ಗಾರ್ಬೇಜ್ ಸಿಟಿಯಾಗ್ತಾಯಿದೆ. ಎಲ್ಲಿ ನೋಡಿದ್ರೂ ಕಸದ ರಾಶಿಯೇ ತಾಂಡವವಾಡ್ತಾಯಿದೆ. ಇನ್ನು ವಿಧ್ಯುತ್ ಕಥೆಯಂತೂ ಹೇಳತೀರದು. ಬೆಂಗಳೂರನ್ನ ಹೊರತುಪಡಿಸಿದರೆ ರಾಜ್ಯಾಧ್ಯಂತ ಕರೆಂಟು ಕಣ್ನಾಮುಚ್ಚಾಲೆಯಾಡ್ತಾಯಿದೆ…. ರಾಜ್ಯದಲ್ಲಿ ಇಷ್ಟೊಂದು ಸಮಸ್ಯೆಗಳಿದ್ರೂ ಜವಾಬ್ದಾರಿ ಹೊತ್ತಿರೊ ನಮ್ಮ ಸಚಿವರು, ಶಾಸಕರೂ ಮಾಡ್ತಾಯಿರೊದಾದ್ರೂ ಏನು….. ಮೋಜು, ಮಸ್ತಿ, ಬರ ಪ್ರವಾಸದ ನೆಪದಲ್ಲಿ ಭಲ ಪ್ರದರ್ಶನ..
ಇಲ್ಲಿ ಜನ್ರು ಸಮಸ್ಯೆಗಳಿಂದ ಸಾಯ್ತಾಯಿದ್ರೆ ನಮ್ಮ ಶಾಸಕ ಮಹಾಸಯರು ಅಧ್ಯಯನದ ನೆಪದಲ್ಲಿ ವಿದೇಶ ಪ್ರವಾಸದ ಮೊಜು ಅನುಭವಿಸ್ತಾಯಿದ್ದಾರೆ… ವಿದೇಶ ಪ್ರವಾಸಕ್ಕೆ ಹೊರಟ ಯಾವನೆ ಶಾಸಕನಿಗಾದ್ರೂ ನಿಜಕ್ಕೂ ಅದ್ಯಯನ ಮಾಡ್ಬೇಕು ಅನ್ಸಿದ್ರೆ ಅವ್ರು ಉತ್ತರ ಕರ್ನಾಟಕದಲ್ಲಿ ಬರದಿಂದ ಕಂಗೆಟ್ಟ ಜನ್ರ ಬಳಿ ಹೋಗ್ಬೇಕಿತ್ತು… ಆದ್ರೆ ಇವರಾರಿಗೂ ಜನರ ಕಷ್ಟ ಬೇಕಾಗಿಯೇ ಇಲ್ಲ. ಇವರಿಗೆ ಬೇಕಿರುವುದು ಮೋಜು, ಮಸ್ತಿ ಮತ್ತು ಸರ್ಕಾರದ ಖಜಾನೆ ಕಾಲಿ ಮಾಡುವ ಹಕೀಕತ್ತು ಅಷ್ಟೆ. ಇವ್ರು ಮೋಜು ಮಾಡಲು ಹೊರಟಿರೊದು ಜನರ ತೆರಿಗೆಯ ದುಡ್ಡಿನಿಂದ.. ಜಾಲಿ ಟೂರಿಗೆ ಹೊರಟಿರುವ ಯಾವನೇ ಶಾಸಕರ ಮುಖ ನೋಡಿದ್ರೂ ಅವ್ರು ಮಾಡಿ ಬರುವ ಅಧ್ಯಯನದ ಹೆಸರಿನ ಮೊಜು ಎಲ್ಲರಿಗೂ ಅರ್ಥವಾಗುತ್ತೆ. ಸಮಸ್ಯೆಗಳೇ ತುಂಬಿರುವಾಗ ಶಾಸಕರು ವಿದೇಶ ಪ್ರವಾಸಕ್ಕೆ ಹೋಗಬಾರದು ಅನ್ನೊ ಪ್ರಶ್ನೆ ಬಂದಾಗ ಈ ಹೊಣೆಗೇಡಿ ಶಾಸಕರು ಹೆಳಿದ್ದೇನು ಗೊತ್ತಾ…. ಅಜ್ಮಲ್ ಅಮೀರ್ ಕಸಬ್ ನ ರಕ್ಷಣೆಗಾಗಿ ಸರ್ಕಾರ 25 ಕೋಟಿ ಖರ್ಚು ಮಾಡ್ಬೇಕಾದ್ರೆ ನಾವು ಈ ದೇಶದ ಹೆಮ್ಮೆಯ ಪುತ್ರರು ನಾವು ಪ್ರವಾಸಕ್ಕೆ ಹೊಗೋದ್ರಲ್ಲಿ ತಪ್ಪೇನೂ ಇಲ್ಲ ಅಂದಿದ್ದು ಕಾಂಗ್ರೆಸ್ ಶಾಸಕ ಬಿ.ಸಿ ಪಾಟೀಲ್. ಯಾವನೇ ಆದ್ರೂ ತಲೆಯಲ್ಲಿ ಕನಿಷ್ಟ ಬುದ್ದಿ ಇರುವವನಾದ್ರೂ ಈ ರೀತಿಯ ಮೂರ್ಖತನದ ಮಾತುಗಳನ್ನಾಡುವುದಿಲ್ಲ.  ಈ ಬಾರೀ ಮೀಸೆ ಹೊತ್ತಿರುವ ಬಿ.ಸಿ ಪಾಟೀಲ್ ಗೆ ಒಂದು ಪ್ರಶ್ನೆ ಕೇಳ್ಬೇಕು ಅನ್ನಿಸ್ತಿದೆ. ಕಸಬ್ ನ ರಕ್ಷಣೆಗೆ ಹಣ ಖರ್ಚು ಮಾಡುತ್ತಿದ್ದೇವೆ ನಿಜ. ಅವನನ್ನು ಮುಂದಿನ ದಿನಗಳಲ್ಲಿ ನೇಣಿಗೆ ಹಾಕುತ್ತೇವೆ… ಆದ್ರೆ ಈ ಪಾಟೀಲಪ್ಪನನ್ನೇನು ಮಾಡ್ಬೇಕು… ಉತ್ತರ ಅವ್ರೇ ಹೇಳ್ಬೇಕು… ಇಂತ ಲಜ್ಜೆಗೆಟ್ಟವರನ್ನ ವಿದಾನಸಭೆಗೆ ಆಯ್ಕೆ ಮಾಡಿದ ಮತದಾರನಿಗೆ ಈಗಲಾದ್ರೂ ಅರ್ಥವಾಗುತ್ತಾ…, ಅಥವಾ ದುಡ್ಡಿನ ಬಲದಲ್ಲಿ ಮತ್ತೆ ಗೆಲ್ಲಬಹುದು ಎಂಬ ಹುಂಬತನವಿರುವ ಇಂತಾ ಶಾಸಕರಿಗೆ ಮುಂದಿನ ಚುನಾವಣೆ ಪಾಠವಾಗುತ್ತಾ… ಕಾದು ನೋಡ್ಬೇಕು….
ಈಗಂತೂ ಯಾರ ಬಾಯಲ್ಲಿ ನೋಡಿದ್ರೂ ಬರ ಪ್ರವಾಸದ ಮಾತುಗಳೇ ಕೇಳಿ ಬರುತ್ತಿವೆ. ಆಡಳಿತ ಪಕ್ಷದವರಿಂದ ಹಿಡಿದು ವಿರೋದ ಪಕ್ಷದ ವರೆಗೂ ಎಲ್ಲರೂ ಬರ ಪ್ರವಾಸದ ಮಾತುಗಳನ್ನಾಡುತ್ತಿದ್ದಾರೆ… ದಿನದಿಂದ ದಿನಕ್ಕೆ ರಾಜ್ಯದಲ್ಲಿ ಬರದ ಛಾಯೆ ಮಗ್ಗುಲಿಗೆ ಸರಿಯುತ್ತಿದೆ. ಬರ ರೈತನ ಕುತ್ತಿಗೆಗೆ ಹಾರವಾಗುತ್ತಿದ್ದಾಗ ಎಲ್ಲರೂ ಇದ್ದದ್ದು ರೆಸಾರ್ಟ್ ಗಳು, ಹೊಟೆಲ್ಗಳಲ್ಲಿ ಮತ್ತು ಜಾತಿ ರಾಜಕಾರಣದ ಕೆಸರಿನಲ್ಲಿ… ರೈತ ಕಂಗೆಟ್ಟು ಕುತಿದ್ದಾಗ ಈಗ ಪ್ರವಾಸ ಮಾಡುತ್ತಿರುವ ಯಡಿಯೂರಪ್ಪ ಆಗಲೀ, ಸದಾನಂದ ಗೌಡರಿಗಾಗಲೀ , ಕಾಂಗ್ರೆಸ್ನ ಮುಖಂಡರಿಗಾಗಲೀ ಯಾರಿಗೂ ಬರದಿಂದ ನಲುಗಿರುವ ರೈತ ನೆನಪಾಗಲೇ ಇಲ್ಲ. ಆಗ ಆಡಳಿತ ಪಕ್ಷ ಬಿಜೆಪಿ ಶಾಸಕರು ಮತ್ತು ಸಚಿವರು ಭಿನ್ನಮತದ ಹಾಸಿಗೆಯಲ್ಲಿ ಹೊರಳಾಡುತ್ತಿದ್ದರು. ಯಡಿಯೂರಪ್ಪನವರಂತೂ ಮತ್ತೆ ಅಧಿಕಾರದ ಚುಕ್ಕಾಣಿ ಹಿಡಿಯಲು ಏನೇನು ಮಾಡಬಾರದೊ ಎಲ್ಲವನ್ನೂ ಲಜ್ಜೆಯಿಲ್ಲದೇ ಮಾಡಿಬಿಟ್ಟರು. ಸದಾನಂದ ಗೌಡರಿಗೆ ಖುರ್ಚಿ ಕಾಯವ ಕಾಯಕದ ಹೊರತಾಗಿ ಮತ್ತೇನನ್ನೂ ಮಾಡಲು ಆಗದಂತ ಪರಿಸ್ಥಿತಿ ನಿರ್ಮಾಣವಾಗಿತ್ತು. ಇನ್ನು ಜವಾಬ್ದಾರಿಯಿಂದ ಸರ್ಕಾರವನ್ನು ಸರಿದಾರಿಗೆ ತರಲು ಯತ್ನಿಸಬೇಕಾದ ಪ್ರತಿಪಕ್ಷಗಳೂ ರೊಟ್ಟಿ ತಿನ್ನಲು ಹಸಿದ ನಾಯಿ ಕಾದಂತೆ ಸರ್ಕಾರ ಯಾವಾಗ ಬಿದ್ದು ಹೋಗುತ್ತೇ ಅಂತ ಕಾದಿದ್ದೇ ಆಯ್ತು. ಇಡೀ ರಾಜ್ಯದ ಮರ್ಯಾದೆ ಬೀದಿಯಲ್ಲಿ ಮೂರು ಕಾಸಿಗೆ ಹರಾಜಾಗಿ ಹೋಗಿತ್ತು. ಯಾರಿಗೂ ಬಡ ರೈತನ ಪರಿಸ್ಥಿತಿ ಅರ್ಥವಾಗಲೇ ಇಲ್ಲ. ಎಲ್ಲ ಶಾಸಕ ಸಚಿವರೂ ರೆಸಾರ್ಟ್, ಹೊಟೆಲ್ ಗಳಲ್ಲಿ ತಿಂದು ಕುಡಿದದ್ದೇ ಬಂತು. ಯಾರಿಗೂ ರೈತ ನೆನಪಾಗಲೇ ಇಲ್ಲ. ಈಗ ಇದ್ದಕ್ಕಿಂದಂತೆ ಎಲ್ಲರಿಗೂ ಬಡ ರೈತ ನೆನಪಾಗಿದ್ದಾನೆ. ಅದಕ್ಕೆ ಕಾರಣವೂ ಇದೆ. ಇನ್ನು ಆರೇಳು ತಿಂಗಳುಗಳಲ್ಲಿ ಎದುರಾಗಲಿರುವ ವಿಧಾನಸಭಾ ಚುನಾವಣೆ. ಇದಕ್ಕಾಗಿಯೆ ಎಲ್ಲರೂ ದಂಡೆತ್ತಿದವರಂತೆ ಬರ ಕ್ಷೇತ್ರಗಳಲ್ಲಿ ಪ್ರವಾಸ ಮಾಡುತ್ತಿದ್ದಾರೆ. ಆದ್ರೆ ಈಗ ಮಾಡುತ್ತಿರುವ ಪ್ರವಾಸವಾದ್ರೂ ರೈತನ ಮೇಲಿರುವ ಕಾಳಜಿಯಿಂದಲಾ ಅಂತ ನೊಡಿದರೆ ಅದರ ಒಂದು ಎಳೆಯೂ ಕಾಣುವುದಿಲ್ಲ. ಬಿಜೆಪಿ ರಾಜ್ಯಾಧ್ಯಕ್ಷ ಹುದ್ದೆಯನ್ನ ಹೇಗಾದ್ರೂ ಮಾಡಿ ಪಡೆಯಲೇ ಬೇಕು ಎಂಬ ಹಟಕ್ಕೆ ಬಿದ್ದಿರುವ ಯಡಿಯೂರಪ್ಪ ಜನ ಬೆಂಬಲ ಗಳಿಸಲು ಸರ್ಕಸ್ ಮಾಡ್ತಾಯಿದ್ದಾರೆ. ಇನ್ನು ಯಡಿಯೂರಪ್ಪನವರ ಆಸೆಗೆ ತಣ್ಣೀರೆರಚಲು ಸದಾನಂದ ಗೌಡ ಮತ್ತು ಈಶ್ವರಪ್ಪ ಒಂದೊಂದು ಕಡೆ ಪ್ರವಾಸ ಮಾಡ್ತಾಯಿದ್ದಾರೆ. ಬಿಜೆಪಿ ನಾಯಕರುಗಳ ಪ್ರವಾಸಸದಿಂದ ಕಂಗೆಟ್ಟ ಕಾಂಗ್ರೆಸ್ ನಾಯಕರೂ ಒಂದೊಂದು ಕಡೆ ಪ್ರವಾಸ ಮಾಡ್ತಾಯಿದ್ದಾರೆ. ಯಾರಲ್ಲಿಯತೂ ಕೂಡ ಬಡ ರೈತನ ಪರಿಸ್ಥಿತಿಯನ್ನ ಪ್ರಾಮಾಣಿಕವಾಗಿ ನೊಡುವ, ಅವನಿಗೆ ಸಾಂತ್ವಾನ ಹೇಳುವ, ದೈರ್ಯ ತುಂಬುವ ಮನಸ್ಸಿಲ್ಲ. ಎಲ್ಲರದ್ದೂ ತಮ್ಮ ತಮ್ಮ ಬೇಳೆ ಬೇಯಿಸಿಕೊಳ್ಳುವ ಮನಸ್ಥಿತಿಯಷ್ಟೇ. ಇವರುಗಳು ಮಾಡುತ್ತಿರುವ ಬರ ಪ್ರವಾಸವಾದ್ರು ಏನು ಗೊತ್ತಾ… ಹಿಂಡು ಹಿಂಡು ಪುಡಾರಿಗಳನ್ನ ಹಿಂದಿಕ್ಕಿಕೊಂಡು ಸಾಲು ಸಾಲು ಕಾರುಗಳಲ್ಲಿ ಮೆರವಣಿಗೆ ಹೊರಟವರಂತೆ ಹೊರಟಿದ್ದಾರಷ್ಟೇ. ಕಾರಿನಿಂದ ಕೆಳಗಿಳಿದು ಮಳೆಯೇ ಇಲ್ಲದ ನೆಲದ ಮೇಲೆ ಇವರುಗಳು ಕಾಲಿಟ್ಟರೆ ಅದೇ ಅದೃಷ್ಟ ಅನ್ನುವಂತಾಗಿದೆ. ಕಾಲಿಡದಿರುವುದೇ ವಾಸಿ ಅನ್ನಿಸಿತ್ತೆ. ಯಾಕಂದ್ರೆ ಇವರು ಕಾಲಿಟ್ಟ ಜಾಗದಲ್ಲಿ ಗರಿಕೆ ಹುಲ್ಲು ಬೆಳೆಯುತ್ತಾ ಅನ್ನೋ ಅನುಮಾನವೂ ಇದೆ. ಇಂತಹ ಲಜ್ಜೆಗೆಟ್ಟ ಶಾಸಕರು, ಸಚಿವರು, ರಾಜಕೀಯ ಮುಂಖಂಡರು ನಮ್ಮ ರಾಜ್ಯದಲ್ಲಿರುವುದಕ್ಕೆ ನಮಗೆ ನಾಚಿಕೆಯಾಗುತ್ತದೆ ಅಷ್ಟೆ.

%d bloggers like this: