ಒಸಾಮ ಬಿನ್ ಲಾಡೆನ್ ಹತ್ಯೆ ನನ್ನ ನ್ಯೂಸ್ ನಲ್ಲಿ….

ನನ್ನ ಜಾಹಿರಾತಿನಲ್ಲಿ Timesjobs.com

Avast antivirus ಬಗ್ಗೆ ನಾನು ಮಾಡಿದ Add

ರಾಜಕಾರಣಿಗಳಿಂದ ಅಣ್ಣಾ ಹಜಾರೆ ಹೋರಾಟವನ್ನು ಹತ್ತಿಕ್ಕುವ, ದಿಕ್ಕುತಪ್ಪಿಸುವ ಪ್ರಯತ್ನ

ಅಣ್ಣಾ ಹಜಾರೆಯವರ ಭ್ರಷ್ಟಾಚಾರ ವಿರುದ್ದದ ಹೋರಾಕ್ಕೆ ಸಿಕ್ಕಿರುವ ದೇಶವ್ಯಾಪಿ ಬೆಂಬಲದಿಂದ ಕೆಲವರಂತೂ ಕುಂತಲ್ಲೇ ಇರುವೆ ಬಿಟ್ಟುಕೊಂಡವರಂತೆ ಆಡ್ತಾಯಿದ್ದಾರೆ. ಅಂತವರ ಪ್ರಶ್ನೆ ಎಂದರೆ ಈ ಹೋರಾಟಕ್ಕೆ ಬೆಂಬಲ ಸೂಚಿಸುವವರಿಗೆ ಸಕರ್ಾರದ ಲೋಕಪಾಲ್ ಕರಡು ಮತ್ತು ಅಣ್ಣ ತಂಡದ ಜನಲೋಕಪಾಲ್ ಕರಡಿನ ಬಗ್ಗೆ ಗೊತ್ತಿಲ್ಲ ಎನ್ನುವುದು. ಟಿವಿ ಕ್ಯಾಮರಾಗಳ ಮುಂದೆ ಬಾಯಿಗೆ ಬಂದಂತೆ ಅರಚಿಕೊಳ್ಳುವ ಇಂತವರು ಈ ದೇಶದಲ್ಲಿ ಜಾರಿಯಾಗುವ ಎಲ್ಲ ಮಸೂದೆಗಲ ಬಗ್ಗೆ ತಿಳಿದುಕೊಂಡಿದ್ದಾರಾ ಎಂಬುದು ನನ್ನ ಪ್ರಶ್ನೆ. ಈ ಹೋರಾಟಕ್ಕೆ ಬೆಂಬಲ ಇಡೀ ಕರಡುಗಳೆಲ್ಲವನ್ನೂ ಓದಿಕೊಳ್ಳಲೇಬೇಕೆಂದೇನೂ ಇಲ್ಲ ಅವುಗಳ ಬಗ್ಗೆ ತಿಳಿದುಕೊಂಡರೆ ಸಾಕು. ನನ್ನ ಪ್ರಕಾರ ಅಲ್ಪವಾದರೂ ತಿಳಿದುಕೊಳ್ಳದೇ ಸಕರ್ಾರದ ವಿರುದ್ದ ಘೋಷಣೆ ಕೂಗಲು ಇಲ್ಲಿ ಬರುತ್ತಿರುವವರನ್ನು ದುಡ್ಡು ಕೊಟ್ಟು ಕರೆದು ತಂದಿಲ್ಲ.

ಅಣ್ಣಾ ಹಜಾರೆ

ಅಣ್ಣ ಹಜಾರೆ ಮಾಡುತ್ತಿರುವ ಹೋರಾಟ ಪಕ್ಷಾತೀತ ಮತ್ತು ಜಾತ್ಯಾತೀತ ಅದರಿಂದಾಗಿಯೇ ಅವರಿಗೆ ಈ ಮಟ್ಟದ ಜನಬೆಂಬಲ ವ್ಯಕ್ತವಾಗುತ್ತಿರುವುದು. ಈ ಹೋರಾಟಕ್ಕೆ ಬೆಂಬಲ ಸೂಚಿಸಿ ಬರುವ ಜನರಿಗೆ ಭ್ರಷ್ಟಾಚಾರದ ವಿರುದ್ದ ಭಾರತ ಸಂಘಟನೆಯ ಕಾರ್ಯಕರ್ತರು ಲೋಕಪಾಲ್ ಬಗ್ಗೆ ಮಾಹಿತಿ ನೀಡುತ್ತಿದ್ದಾರೆ. ಇದೆಲ್ಲಕ್ಕಿಂತ ಮುಖ್ಯವಾಗಿ ಈ ಹೋರಾಟ  ಭ್ರಷ್ಟಗೊಂಡಿರುವ ಇಡೀ ವ್ಯವಸ್ಥೆಯ ವಿರುದ್ದದ ಜನರ ಸಾತ್ವಿಕ ಆಕ್ರೋಶ. ಅಣ್ಣಾ ಹಜಾರೆ ಇಲ್ಲಿ ನೆಪ ಮಾತ್ರ. ಜನರ ಆಕ್ರೋಶಕ್ಕೆ ಒಬ್ಬ ನಾಯಕ ಬೇಕಾಗಿತ್ತು. ಅದನ್ನು ಅಣ್ಣ ಹಜಾರೆ ಯಶಸ್ವಿಯಾಗಿಯೇ ಮಾಡುತ್ತಿದ್ದಾರೆ. ಅಣ್ಣನನ್ನು ಬಂಧಿಸಿ ನಂತರ ಬಿಡುಗಡೆ ಮಾಡಿ ಈಗ ಇಂಗು ತಿಂದ ಮಂಗನಂತಾಗಿರುವ ಕೇಂದ್ರ ಸಕರ್ಾರ ಈಗಲಾದರೂ ಪ್ರಬಲ ಜನಲೋಕಪಾಲ್ ಮಸೂದೆ ಜಾರಿಗೊಳಿಸಲು ಚಿಂತಿಸಬೇಕಾಗಿದೆ.
ಇನ್ನು ಅಣ್ಣಾ ಹಾಜಾರೆಯವರು ಮಾಡುತ್ತಿರುವ ಹೋರಾಟವನ್ನು ಪ್ರಜಾಪ್ರಭುತ್ವ, ಸಂವಿದಾನ ಮತ್ತು ಸಂಸತ್ತಿಗೆ ವಿರುದ್ದವಾದುದು ಎಂಬ ವಾದವನ್ನು ಕಾಂಗ್ರೆಸ್ಸಿಗರು ಹರಿಯಬಿಡುತ್ತಿದ್ದಾರೆ. 2ಜಿ ಹಗರಣ, ಕಾಮನ್ ವೆಲ್ತ್ ಹಗರಣ, ಆದರ್ಶ ಹೌಸಿಂಗ್ ಹಗರಣಗಳಲ್ಲಿ ಕೋಟ್ಯಾಂತರ ಹಣವನ್ನು ಇದೇ ರಾಜಕಾರಣಿಗಳು ತಿಂದು ತೇಗುತ್ತಿದ್ದಾಗ ಇವರಿಗೆ ಪ್ರಜಾಪ್ರಭುತ್ವ ನೆನಪಾಗಲಿಲ್ಲ. ಯಾವುದೇ ರಾಜಕೀಯ ಪಕ್ಷಗಳಿಗೂ ಪ್ರಬಲ ಲೋಕಪಾಲ ಬೇಕಿಲ್ಲ. ಅದಕ್ಕಾಗಿಯೇ ಈಗ ಇಲ್ಲ ಸಲ್ಲದ ವಾದಗಳನ್ನು ಮಾಡುತ್ತಿದ್ದಾರೆ. ಅಣ್ಣಾ ಹಜಾರೆಯವರು ಉಪವಾಸ ಕೂತು ಸಕರ್ಾರವನ್ನು ಬ್ಲಾಕಮೇಲ್ ಮಾಡುತ್ತಿದ್ದಾರೆ ಎಂಬುದು ಕಾಂಗ್ರೆಸ್ಸಿಗರ ಮತ್ತೊಂದು ಆರೋಪ. ಜನರ ತೆರಿಗೆ ದುಡ್ಡನ್ನು ಹಾಡು ಹಗಲೇ ದರೋಡೆ ಮಾಡುತ್ತಿದ್ದವರಿಗೆ ಜನಲೋಕಪಾಲ್ ಬಂದರೆ ಅದು ಸಾಧ್ಯವಾಗುವುದಿಲ್ಲ ಎಂಬ ಆತಂಕ. ಅದೂ ಅಲ್ಲದೇ ಅಣ್ಣ ಹಜಾರೆಯವರೂ ಸಹ ಭ್ರಷ್ಟಾಚಾರದಲ್ಲಿ ಪಾಲ್ಗೊಂಡಿದ್ದಾರೆ ಎಂದು ಹೇಳಿಕೆಗಳನ್ನು ನೀಡಲಾಯಿತು. ಹಜಾರೆಯವರ ಪ್ರಾಮಾಣಿಕತೆಯನ್ನು ಪ್ರಶ್ನಿಸುವ ಮೋದುಲು ಎಲ್ಲರೂ ಒಮ್ಮೆ ಆತ್ಮ ನಿವೇದನೆ ಮಾಡಿಕೊಳ್ಳುವುದು ಉತ್ತಮ. ಅಣ್ಣನಿಗೆ ದಿನಕಳೆದಂತೆ ವ್ಯಕ್ತವಾಗುತ್ತಿರುವ ಬೆಂಬಲದಿಂದ ಮುಜುಗರಕ್ಕೀಡಾಗಿರುವ ಕೇಂದ್ರ ಅಣ್ಣಾ ಮತ್ತು ಅವರ ತಂಡದ ವಿರುದ್ದ ಹೇಳಿಕೆಗಳನ್ನು ನೀಡುತ್ತಾ ಹೋರಾಟವನ್ನು ಹತ್ತಿಕ್ಕುವ, ದಿಕ್ಕುತಪ್ಪಿಸುವ ಪ್ರಯತ್ನ ಮಾಡುತ್ತಿದ್ದಾರೆ.

ಹೋರಾಟದಲ್ಲಿ ಪಾಲ್ಗೊಂಡಿರುವ ಜನಸ್ತೋಮ

ಈಗ ಸಕರ್ಾರ ಅಣ್ಣಾ ನೀಡಿರುವ 30 ನೇ ತಾರೀಕಿನ ಗಡುವಿನ ಒಳಗಾಗಿ ಜನಲೋಕಪಾಲ್ ಮಸೂದೆಯನ್ನು ಜಾರಿಗೆ ತರಲು ಸಾಧ್ಯವಿಲ್ಲ. ಅವಸರವಾಗಿ ಕಾಯಿದೆಗಳನ್ನು ರೂಪಿಸಲು ಆಗುವುದಿಲ್ಲ, ಜನಲೋಕಪಾಲ್ ಕರಡನ್ನು ಸ್ಥಾಯಿ ಸಮಿತಿ ಮುಂದಿಟ್ಟು ನಂತರ ಮಂಡಿಸಬೇಕು ಎನ್ನುತ್ತಿದೆ. ಸಕರ್ಾರ ತನಗೆ ಬೇಕೆಂದಾಗ ಕೇವಲ ಹತ್ತು ನಿಮಿಷಗಳಲ್ಲಿ ಹತ್ತಾರು ಮಸೂದೆಗಳನ್ನು ಮಂಡಿಸಲು ಸಾಧ್ಯವಾಗುವುದಾದರೆ ಜನಲೋಕಪಾಲ್ ಮಸೂದೆಯನ್ನು ಮಂಡಿಸಲು ಮಾತ್ರ ಯಾಕೆ ಸಾಧ್ಯವಿಲ್ಲ. ಯಾಕೆಂದರೆ ಸಕರ್ಾರಕ್ಕೆ ಜನಲೋಕಪಾಲ್ ಮಂಡಿಸುವ ಇಚ್ಚಾಶಕ್ತಿಯೇ ಇಲ್ಲ. ಇನ್ನು ಮಾತಿಗೆ ಮೋದಲು ನಾವೂ ಭ್ರಷ್ಟಾಚಾರದ ವಿರುದ್ಧ ಹೋರಾಟ ಮಾಡುತ್ತಿದ್ದೇವೆ ಎನ್ನುವ ಬಿ.ಜೆ.ಪಿ ಇಲ್ಲಿಯವರೆಗೂ ಜನಲೋಕಪಾಲ್ ಬಗ್ಗೆ ಯಾವುದೇ ನಿಲುವನ್ನು ತಗೆದುಕೊಂಡಿಲ್ಲ. ಯಾಕೆಂದ್ರೆ ಅವರಿಗೂ ಲೋಕಪಾಲ್ ಬೇಕಿಲ್ಲ. ಕನರ್ಾಟಕದ ಗಣಿ ದೂಳಿನಲ್ಲಿ ಮಿಂದು ಹೋಗಿರುವ ಘಟ್ಕರಿಯಂತಹ ವ್ಯಕ್ತಿ ಅಧ್ಯಕ್ಷಗಾದಿಯಲ್ಲಿರುವಾಗ ಮತ್ತು ಸ್ವತಃ ಭ್ರಷಚಾರ ಆರೋಪದಲ್ಲಿ ಸಿಲುಕಿರುವ ಯಡಿಯೂರಪ್ಪ ಹಜಾರೆಯವರ ಹೋರಾಟಕ್ಕೆ ಬೆಂಬಲ ಸೂಚಿಸಿ ಪ್ರತಿಭಟನೆ ಮಾಡ್ತೀನಿ ಅಂತ ಹೇಳಿ ಅದು ಸಾಧ್ಯವಾಗದಿದ್ದಾಗ ಬೀದಿಯಲ್ಲಿ ನಿಂತು ಜನಲೋಕಪಾಲ್ಗಾಗಿ ಹೋರಾಟ ಮಾಡಿದರೆ ಏನೂ ಆಗುವುದಿಲ್ಲ ಸಂಸತ್ತಿನಲ್ಲಿ ಚಚರ್ೆಯಾಗಬೇಕು ಅನ್ನುತ್ತಿದ್ದಾರೆ ಇಂತಹ ಬಿ.ಜೆ.ಪಿ ಯಿಂದ ಏನು ತಾನೆ ಬಯಸಲು ಸಾಧ್ಯ. ಈ ದೇಶದ ಭ್ರಷ್ಟ ವ್ಯವಸ್ಥೆ ಸರಿಯಾಗಬೇಕಾದರೆ ಜನಲೋಕಪಾಲದಂತಹ ಮಸೂದೆ ಜಾರಿಯಾಗಲೇ ಬೇಕು. ಈ ಹೋರಾಟವನ್ನು ಟೀಕಿಸಿ ಪ್ರಚಾರ ಪಡೆಯಲೆತ್ನಿಸುತ್ತುರುವವರು ದಯವಿಟ್ಟು ಈ ದೇಶದ ಸಾಮಾನ್ಯ ಜನರು ಭ್ರಷ್ಟ ವ್ಯವಸ್ಥೆಯಿಂದ ಅನುಭವಿಸುತ್ತಿರುವ ಕಷ್ಟವನ್ನೊಮ್ಮೆ ನೋಡಬೇಕು. ಈ ಕಾಯಿದೆಯಿಂದ ಭ್ರಷ್ಟಾಚಾರ ಸಮಸ್ಯೆ ಇನ್ನಿಲ್ಲದಂತೆ ಪರಿಹಾರವಾಗುತ್ತದೆ ಎಂದೇನೂ ನಾನು ಹೇಳುತ್ತಿಲ್ಲ ಆದರೆ ಆ ದಿಕ್ಕಿನಲ್ಲಿ ಪರಿಣಾಮಕಾರಿ ಬದಲಾವಣೆಯನ್ನು ನಾವು ನಿರೀಕ್ಷಿಸಬಹುದು.

ನಾನೇ ಮಾಡಿದ ನ್ಯೂಸ್ ನ HEADLINES

ಪಶ್ಚಿಮಘಟ್ಟದಲ್ಲಿರುವ ಯಾಣದ ಬಗ್ಗೆ ನನ್ನ NEWS STORY

ಭ್ರಷ್ಟಾಚಾರದ ವಿರುದ್ದದ ಅಣ್ಣಾ ಹಜಾರೆ ಹೋರಾಟದಲ್ಲಿ ನಾನೂ ಪಾಲ್ಗೊಂಡೆ….

 

 

 

 

 

 

 

 

ಜನ ಲೋಕಪಾಲ್ ಮಸೂದೆಗಾಗಿ ಹೋರಾಡುತ್ತಿರುವ ಅಣ್ಣ ಹಜಾರೆಗೆ ದೇಶಾಧ್ಯಂತ ಅಭೂತಪೂರ್ವ ಬೆಂಬಲ ವ್ಯಕ್ತವಾಗಿದೆ. ಮನೆಯಲ್ಲಿ ಕೂತು ಟಿವಿ ನೋಡುತ್ತಾ ಅಣ್ಣನಿಗೆ ನನ್ನ ಬೆಂಬಲವಿದೆ ಅನ್ನೊ ಬದಲು, ಫೇಸ್ ಬುಕ್ ನಲ್ಲಿ ಎಂದು ಅರಚಿಕೊಳ್ಳುವ ಬದಲು ನಾನೂ ಹೋರಾಟದಲ್ಲಿ ಭಾಗವಹಿಸಬೇಕೆಂದು ಫ್ರೀಡಂ ಪಾಕರ್್ಗೆ ಹೋಗಿದ್ದೆ. ಭ್ರಷ್ಟಾಚಾರದ ವಿರುದ್ದ ಭಾರತ ಸಂಘಟನೆ ತುಂಬಾ ವ್ಯವಸ್ಥತವಾಗಿ ಪ್ರತಿಭಟನೆಯನ್ನು ಆಯೋಜಿಸಿದ್ದು. ಹೋರಾಟದಲ್ಲಿ ಪಾಲ್ಗೊಳ್ಳಲು ಬರುವ ಎಲ್ಲರಿಗೂ ಜನಲೋಕಪಾಲ್ ಬಗ್ಗೆ ಅರಿವು ಮೂಡಿಸುತ್ತಿದ್ದಾರೆ. ಅಲ್ಲದೇ ಈ ಹೋರಾಟಕ್ಕೆ ಭಾಗವಹಿಸಲು ದಿನವೂ ಸಾವಿರಾರು ಮಂದಿ ಪ್ರವಾಹೋಪಾದಿಯಲ್ಲಿ ಹರಿದು ಬಂದು ಅಣ್ಣನ ಕೂಗಿಗೆ ದ್ವನಿಯಾಗುತ್ತಿದ್ದಾರೆ. ಫ್ರೀಡಂ ಪಾಕರ್್ನಲ್ಲಂತೂ ದೇಶ ಭಕ್ತಿ ಗೀತೆಗಳ ಕಲರವ ಹೇಳತೀರದು. ವಂದೇ ಮಾತರಂ ಹಾಡು ಬಂದಾಗಲಂತೂ ಅಲ್ಲಿದ್ದ ಎಲ್ಲ ಜನರಲ್ಲೂ ಮಿಂಚಿನ ಸಂಚಾರ ಜೊತೆಗೆ ಎಲ್ಲರಲ್ಲೂ ಭಾರತ್ ಮಾತಾಕಿ ಜೈ ಎನ್ನುವ ಉದ್ಘಾರ. ಇಲ್ಲಿ ಪ್ರತಿಭಟನೆಯಲ್ಲಿ ಭಾಗವಹಿಸಿದ್ದ ಯಾರನ್ನೂ ದುಡ್ಡು ಕೊಟ್ಟಾಗಲೀ, ಬಲವಂತದಿಂದಾಗಲೀ ಕರೆತಂದಿಲ್ಲ ಎಲ್ಲರೂ ಸ್ವಯಂಪ್ರೇರಿತವಾಗಿ ಬಂದು ಹೋರಾಟಕ್ಕೆ ತಮ್ಮ ಬೆಂಬಲ ಸೂಚಿಸುತ್ತಿದ್ದಾರೆ. ಇನ್ನು ಈ ಹೋರಾಟದಲ್ಲಿ ಭಾಗವಹಿಸುತ್ತಿರುವವರು ಕೇವಲ ಮಧ್ಯಮ ವರ್ಗದವರು ಮಾತ್ರ, ಐಟಿ ಮಂದಿ ಮಾತ್ರ, ಯಾರೋ ಕೆಲಸವಿಲ್ಲದವರು ಮಾತ್ರ ಹೀಗೆ ವಾದಗಳನ್ನು ಮುಂದಿಡುತ್ತಿರುವ ಮೂರ್ಖರಿಗೆ ಏನು ಹೇಳಬೇಕೊ. ನಾನು ಸ್ವತಂ ನೋಡಿದಂತೆ ಹೋರಾಟದಲ್ಲಿ ಎಲ್ಲ ವಿಧ್ಯಾಥರ್ಿಗಳು, ಉಧ್ಯೋಗಸ್ಥರು, ಮಧ್ಯಮವರ್ಗದವರು, ಸ್ವಯಂ ಉಧ್ಯೋಗಿಗಳು ಹೀಗೆ ಎಲ್ಲ ರೀತಿಯ ಎಲ್ಲ ವರ್ಗಗಳ ಜನರೂ ಕೂಡ ಪಾಲ್ಗೊಳ್ಳುತ್ತಿದ್ದಾರೆ. ನನ್ನ ಸಲಹೆ ಎಂದರೆ ಇಲ್ಲಿಯವರೆಗೂ ಹೋರಾಟದಲ್ಲಿ ಭಾಗವಹಿಸದೇ ಮನೆಯಲ್ಲೇ ಕೂತು ವಂದೇ ಮಾತರಂ ಎನ್ನುವವರು ದಯವಿಟ್ಟು ಒಮ್ಮೆ ಹೋಗಿ ಬನ್ನಿ.

ಜನಲೋಕಪಾಲ್ ಕಾಯ್ದೆ ಬಗ್ಗೆ ನಿಮಗೆಷ್ಟು ಗೊತ್ತು…

* ರಾಷ್ಟ್ರೀಯ ಮಟ್ಟದಲ್ಲಿ ಲೋಕಪಾಲ್ ಮತ್ತು ಎಲ್ಲಾ ರಾಜ್ಯಗಳಲ್ಲೂ ಲೋಕಾಯುಕ್ತ ಸಂಸ್ಥೆ
* ಚುನಾವಣಾ ಆಯೋಗ ಮತ್ತು ಸುಪ್ರೀಂ ಕೋಟರ್್ ನಂತೆ ಸಕರ್ಾರದ ನಿಯಂತ್ರಣದಿಂದ ಸಂಪೂರ್ಣ ಮುಕ್ತವಾಗುರುವ ಸಾಂವಿದಾನಿಕ ಸಂಸ್ಥೆ.
* ಮಂತ್ರಿಗಳಾಗಲೀ, ರಾಜಕಾರಿಣಿಗಳಾಗಲೀ ಅಥವಾ ಅಧಿಕಾರಿಗಳಾಗಲೀ ಲೋಕಪಾಲ್ ಮೇಲೆ ಪ್ರಭಾವ ಬೀರಲು ಸಾಧ್ಯವಿಲ್ಲ.
* ಭ್ರಷ್ಟಚಾರ ಪ್ರಕರಣಗಳ ವಿಚಾರಣೆಯನ್ನು ಒಂದು ವರ್ಷದೊಳಗೆ ಪೂರ್ಣಗೊಳಿಸಿ ಎರೆಡು ವರ್ಷದೊಳಗೆ ಭ್ರಷ್ಟರಿಗೆ ಶಕ್ಷೆ ವಿಧಿಸಲಾಗುವುದು.
* ಭ್ರಷ್ಟ ವ್ಯಕ್ತಿಯಿಂದ ಸಕರ್ಾರಕ್ಕಾಗಿರುವ ನಷ್ಟವನ್ನು ಆತನಿಂದಲೇ ವಸೂಲಿ ಮಾಡುವುದು.
* ಯಾವುದೇ ನಾಗರೀಕ ಸಕರ್ಾರಿ ಕಛೇರಿಗಳಲ್ಲಿ ನಿಗದಿತ ಸಮಯದೊಳಗೆ ತನ್ನ ಕೆಲಸ ಮಾಡಿಸಿಕೊಳ್ಳಲು ಸಾಧ್ಯವಾಗದಿದ್ದರೆ, ಯಾವುದೇ ಸಕರ್ಾರೀ ಸೇವೆಗಳನ್ನು ನೀಡಲು ಲಂಚ ಕೇಳಿದರೆ ಅಂತಹ ಅಧಿಕಾರಿಗಳ ವಿರುದ್ದ ಆತ ಲೋಕಪಾಲ್ಗೆ ದೂರು ನೀಡಬಹುದು.
* ಲೋಕಪಾಲರನ್ನು ಆಯ್ಕೆ ಮಾಡಲು ಸುಪ್ರೀಂ ಕೋಟರ್್ ನ ನ್ಯಾಯಮೂತರ್ಿಗಳು, ನಾಗರೀಕ ಪ್ರತಿನಿಧಿಗಳು, ಸಕರ್ಾರದ ಪ್ರತಿನಿಧಿಗಳು ಮತ್ತು ವಿರೋಧ ಪಕ್ಷದ ನಾಯಕರುಗಳನ್ನೊಳಗೊಂಡ ಸಮಿತಿ ಆಯ್ಕೆ ಮಾಡುತ್ತದೆ.
* ಯಾವುದೇ ಲೋಕ್ಪಾಲ್ ಅಧಿಕಾರಿಯ ವಿರುದ್ದ ಭ್ರಷ್ಟಾಚಾರದ ಆರೋಪ ಇದ್ದರೆ ಎರೆಡು ತಿಂಗಳ ಒಳಗೆ ವಿಚಾರಣೆ ನೆಡೆಸಿ ಆತನನ್ನು ಅಮಾನತು ಮಾಡಲಾಗುತ್ತದೆ.
* ಸಿ.ಬಿ.ಐ, ಸಿ.ವಿ.ಸಿ ಗಳು ಲೋಕಪಾಲದೊಂದಿಗೆ ವಿಲೀನ.
* ಪ್ರಧಾನಿ, ಸಂಸದರು, ನ್ಯಾಯಾಂಗ ಮತ್ತು ಅಧಿಕಾರಿಗಳು ಲೋಕಪಾಲ್ ವ್ಯಾಪ್ತಿಗೊಳಪಡುತ್ತಾರೆ.
* ಭ್ರಷ್ಟಚಾರದ ವಿರುದ್ದ ದೂರು ನೀಡಿದವರಿಗೆ ಲೋಕಪಾಲ್ ರಕ್ಷಣೆ ನೀಡುತ್ತದೆ.
* ಅಪರಾಧ ಸಾಬೀತಾದಲ್ಲಿ ಭ್ರಷ್ಟರಿಗೆ 10 ವರ್ಷದವರೆಗೆ ಮತ್ತು ಜೀವಾವದಿ ಶಿಕ್ಷೆ.

 

ಈ ಬುದ್ದಿಜೀವಿಗಳ ಮೂರ್ಖತನಕ್ಕೆ ಏನೆನ್ನಬೇಕು, ಅಫ್ಜಲ್ ಗುರುವಿಗೆ ಗಲ್ಲು ಬೇಡವಂತೆ

2001 ರ ಸಂಸತ್ ಭವನದ ಮೇಲಿನ ದಾಳಿಯ ರುವಾರಿಗೆ ಮರಣದಂಡನೆ ಕಾಯಂಗೊಳಿಸಿ ಗೃಹ ಇಲಾಖೆ ಆದೇಶ ಹೊರಡಿಸಿದೆ. ಆದರೆ ನಮ್ಮ ದೇಶದ ಕೆಲವು ಸ್ವಯಂಘೋಷಿತ ಬುದ್ದಿಜೀವಿಗಳಿಗೆ ಆತನನ್ನು ಗಲ್ಲಿಗೇರಿಸಬಾರದಂತೆ. ಮಾನವೀಯತೆಯ ಆಧಾರದ ಮೇಲೆ ಆತನಿಗೆ ವಿದಿಸಿರುವ ಗಲ್ಲು ಶಿಕ್ಷೆಯನ್ನು ರದ್ದುಗೊಳಿಸಬೇಕಂತೆ. ಇಂತಹ ಮೂರ್ಖ ಬುದ್ದಿ ಜೀವಿಗಳಿಗೆ ಏನೆನ್ನಬೇಕು. ಸಂಸತ್ ಭವನದ ಮೇಲೆ ನೆಡೆದ ದಾಳಿ ಭಾರತದ ಸಾರ್ವಭೌಮತೆಯ ಮೇಲೆ ನೆಡೆದ ದಾಳಿ,

ದಾಳಿಯ ಭೀಕರತೆ

ಭಾರತದ ಸ್ವಾಭಿಮಾನದ ಮೇಲೆ ನೆಡೆದ ಹಲ್ಲೆ ಎಂಬುದನ್ನು ಈ “ದುಬರ್ುದಿ”್ದ ಜೀವಿಗಳೇಕೆ ಅರ್ಥ ಮಾಡಿಕೊಳ್ಳುತ್ತಿಲ್ಲ. ಇನ್ನು ಕೆಲವರ ಪ್ರಕಾರ ಅಫ್ಜಲ್ ಗುರುವನ್ನು ಕಾಶ್ಮೀರದ ಹೋರಾಟಗಾರನಂತೆ, ಮಹಾನ್ ಮುಗ್ದನಂತೆ ಬಿಂಬಿಸುತ್ತಿರುವುದು ಮಾತ್ರ ಅಕ್ಷಮ್ಯ. ಸುಪ್ರೀಂಕೋಟರ್್ ದೆಹಲಿ ಹೈಕೋಟರ್್ ನೀಡಿದ್ದ ತೀರ್ಪನ್ನು ಎತ್ತಿ ಹಿಡಿದು 2004 ರಲ್ಲೇ ಅಫ್ಜಲ್ ಗುರುವಿಗೆ ಗಲ್ಲಿ ಶಿಕ್ಷೆ ಕಾಯಂಗೊಳಿಸಿತ್ತು. ಆದರೆ ಅಫ್ಜಲ್ ಗುರು ಕ್ಷಮಾದಾನ ಕೋರಿ ರಾಷ್ಟ್ರಪತಿಗಳಿಗೆ ಮನವಿ ಸಲ್ಲಿಸಿದ್ದ. ಮುಸ್ಲಿಮರ ಮನವೊಲಿಸಲು ಮುಂದಾದ ಕಾಂಗ್ರೆಸ್ ಸಕರ್ಾರ ಗಲ್ಲು ಶಿಕ್ಷೆ ವಿದಿಸಲು ಮೀನಾಮೇಶ ಏಣಿಸುತ್ತ ಅನಗತ್ಯ ವಿಳಂಬ ಮಾಡಿತು. ಒಂದು ವೇಳೆ ಸಕರ್ಾರ ಆತನ ಕ್ಷಮಾದಾನದ ಮನವಿಯನ್ನು ಸ್ವೀಕರಿಸಿ ಕ್ಷಮಾದಾನ ನೀಡಿದರೆ ದೇಶದ ಜನರ

ಅಫ್ಜಲ್ ಗುರು

ಪ್ರತಿರೋದವನ್ನೆದುರಿಬೇಕಾಗುತ್ತಿತ್ತು. ಅದನ್ನರಿತೇ ಸಕರ್ಾರ ವಿದಿಯಿಲ್ಲದೆ ಆತನಿಗೆ ಶಿಕ್ಷೆಯನ್ನು ಕಾಯಂಗೊಳಿಸಿದೆ. ಅಫ್ಜಲ್ ಗೆ ಗಲ್ಲು ಶಿಕ್ಷೆ ವಿದಿಸಬೇಕೆಂಬ ಒತ್ತಡ ಕಾಂಗ್ರೆಸ್ ಸಕರ್ಾರ ಮೇಲೆ 2004 ರಿಂದಲೂ ಇತ್ತು. ಅದೇ ರೀತಿ ಆತ ನಿರಪರಾಧಿ, ಮುಗ್ದ ಎಂದು ವಾಧಿಸುವವರೂ ಸೃಷ್ಟಿಯಾದರು. ಅರುಂದತಿ ರಾಯ್ ಮತ್ತು ಪ್ರಫುಲ್ ಬಿದ್ವಾಯ್ ರಂತಹ ಸ್ವಯಂ ಘೋಷಿತ ಬುದ್ದಿ ಜೀವಿಗಳು ದೇಶ ದ್ರೋಹಿ ಅಫ್ಜಲ್  ನಿರಪರಾದಿ ಆತನನ್ನು ಗಲ್ಲಿಗೇರಿಸಬಾರದು ಎಂದು ಬಹಿರಂಗವಾಗಿಯೇ ಬೊಬ್ಬೆ ಹಾಕತೊಡಗಿದರು.
ಆದರೆ ಈಗ ಕೇಂದ್ರ ಸಕರ್ಾರ ಅಫ್ಜಲ್ ಕ್ಷಮಾದಾನದ ಅಜರ್ಿಯನ್ನು ತಿರಸ್ಕರಿಸಿದ ಮೇಲೆ ಮತ್ತೊಮ್ಮೆ ಬುದ್ದಿಜೀವಿಗಳೆನಿಸಿಕೊಂಡವರು ಆತ ನಿರಪರಾಧಿ ಎಂಬ ಹೇಳಿಕೆಗಳನ್ನು ಹರಿಯಬಿಡುತ್ತಿದ್ದಾರೆ. ನಜಕ್ಕೂ ಇಂತವರಿಗೆ ನಾಚಿಕೆಯಾಗಬೇಕು. ಸಂಸತ್ ಭವನದ ಮೇಲಿನ ದಾಳಿಯ ರುವಾರಿ ಅಫ್ಜಲ್ ಗುರುವೇ ಎಂದು ದಾಖಲೆಗಳ ಸಮೇತ ಸಾಭೀತಾಗಿದ್ದರೂ ಸಹ ಪ್ರಚಾರ ಬಯಸುತ್ತಿರುವ ಇಂತಹವರು ವಿಕೃತ ಪ್ರಲಾಪ ಮಾಡತೊಡಗಿದ್ದಾರೆ.

ಆತಂಕದ ಸಂಗತಿ ಎಂದರೆ ಕಾಶ್ಮಿರದ ಕೆಲ ನಾಯಕರುಗಳೂ ಸಹ ಅಫ್ಜಲ್ ನಿರಪರಾಧಿ ಎಂದು ಬಡಬಡಿಸತೊಡಗಿದ್ದಾರೆ. ಅಲ್ಲದೇ ಆತನನ್ನು ಗಲ್ಲಿಗೇರಿಸಿದರೆ ಭಾರತ ಮತ್ತು ಪಾಕಿಸ್ತಾನದ ಶಾಂತಿ ಮಾತುಕತೆಗಳಿಗೆ ಹಿನ್ನೆಡಿಯಾಗುತ್ತದೆ ಎನ್ನುವುದು ಕೆಲವರ ವಾದ. ಒಂದೆಡೆ ಭಯೋತ್ಪಾದನೆಯ ವಿರುದ್ದ ಹೊರಾಟ ಮಾಡುವುದಾಗಿ ಹೇಳಿ ಮತ್ತೊಂದೆಡೆ ಭಯೋತ್ಪಾದಕರನ್ನು ಸಾಕಿ ಭಾರತದ ವಿರುದ್ಧ ಎತ್ತಿಕಟ್ಟುತ್ತಿರುವ ಪಾಕಿಸ್ತಾನದೊಂದಿಕೆ ನಿಜಕ್ಕೂ ಶಾಂತಿ ಮಾತುಕತೆ ಬೇಕಾ? ಇನ್ನು ಅಫ್ಜಲ್ನನ್ನು ನೇಣಿಗೇರಿಸುವುದು ತಪ್ಪೇ ಸರಿಯೇ ಎಂಬ ಬಗ್ಗೆ ರಾಷ್ಟ್ರೀಯ ಸುದ್ದಿವಾಹಿನಿಗಳಲ್ಲಿ ಚಚರ್ೆಗಳಾಗುತ್ತಿವೆ. ಒಬ್ಬ ದೇಶ ದ್ರೋಹಿಯನ್ನೂ ಸಹ ಸಮಥರ್ಿಸಿಕೊಳ್ಳುವವರೂ ಸಹ ಈ ದೇಶದಲ್ಲಿ ಇದ್ದಾರಲ್ಲ ಅದು

ಮಾತ್ರ ವಿಪಯರ್ಾಸ. ಈಗ ಈತನನ್ನು ಗಲ್ಲಿಗೇರಿಸಬಾರದೆಂದು ವಾದಿಸುತ್ತಿರುವವರು ನಾಳೆ ಮುಂಬೈ ಮಾರಣಹೊಮದ ರುವಾರಿ ಕಸಬ್ನನ್ನೂ ಕೂಡ ಗಲ್ಲಿಗೇರಿಸಬೇಡಿ ಮಾನವೀಯತೆಯ ಆದಾರದ ಮೇಲೆ ಬಿಟ್ಟುಬಿಡಿ ಎಂದರೂ ಅಚ್ಚರಿಯಿಲ್ಲ. ಭಯೋತ್ಪಾದಕ ದಾಳಿಗಳು ನೆಡೆದಾಗ ವೀರಾವೇಶದ ಮಾತುಗಳನ್ನಾಡುವವರು ಕೆಲದಿನಗಳ ನಂತರ ಉಗ್ರರ ವಿರುದ್ಧ ಮೃದು ಧೋರಣೆ ತಳೆಯುತ್ತಿದ್ದಾರೆ.
ಆದರೆ ಇಂತಹ ಮೊಂಡುವಾದಗಳನ್ನು ಮಾಡುತ್ತಿರುವ ಮೂರ್ಖರು ಒಮ್ಮೆಯಾದರೂ ಯೋಚನೆ ಮಾಡಬೇಕಾದ್ದೆಂದ್ರೆ ಅವತ್ತು ಸಂಸತ್ ಭವನದ ಮೇಲಿನ ಅಫ್ಜಲ್ ದಾಳಿ ಯಶಸ್ವಿಯಾಗಿದ್ದರೆ ಎಷ್ಟು ಜೀವಗಳು ಬಲಿಯಾಗುತ್ತಿದ್ದವು. ಸಂಸತ್ ನ ಉಭಯ ಸದನಗಳು ದಿನದಮಟ್ಟಿಗೆ ಮುಂದೂಡಿಕಡಯಾಗಿ ಕೇವಲ 40 ನಿಮಿಷಗಳಷ್ಟೇ ಆಗಿತ್ತು ದೇಶದ ಪ್ರಮುಖ ನಾಯಕರು, ಸಂಸದರು ಅಧಿಕಾರಿಗಳು ಇನ್ನೂ ಸಂಸತ್ ಭವನದಲ್ಲಿಯೇ ಇದ್ದರು. ಅಂದು ಉಗ್ರರ ವಿರುದ್ಧ ಹೋರಾಡಿ ಮಡಿದ  ವೀರ ಯೋದರು ಇವರಿಗೆ ಇಂದು ನೆನಪಾಗುತ್ತಿಲ್ಲ. ಮಾನವೀಯತೆಯ ಮಾತುಗಳನ್ನಾಡುತ್ತಾರೆ. ಅಮಾಯಕ ಜನರನ್ನು ವಿನಾಕಾರಣ ಹತ್ಯೆ ನೆಡೆಸುವ ಉಗ್ರರಿಗೆ ಇರದ ಮಾನವೀಯತೆಯ ಪ್ರಶ್ನೆ ಅವರನ್ನು ಶಿಕ್ಷಿಸುವಾಗ ಕೇಳುತ್ತಾರೆ. ನಾಚಿಕೆಯಾಗಬೇಕು ಇಂತಹ ಮೂರ್ಖರಿಗೆ.
ಏನೇ ಆಗಲಿ ಅಫ್ಜಲ್ ಗುರುವೆಂಬ ಕ್ರಿಮಿಯನ್ನು ನೇಣಿಗೇರಿಸಿ ಭಯೋತ್ಪಾದಕರಿಗೆ ಮತ್ತು ಅವರನ್ನು ಹಿಂಬಾಗಿಲ ಮೂಲಕ ಬೆಂಬಲಿಸುತ್ತಿರುವ ಪಾಕಿಸ್ತಾನಕ್ಕೆ ಸಮರ್ಥ ಉತ್ತರ ಕೊಡಲೇ ಬೇಕು.

ನೇತ್ರದಾನ ಮಾಡಿ ಅಂಧರ ಬಾಳಿಗೆ ಬೆಳಕಾಗಿ…. ನಾನೇ ಮಾಡಿದ ಜಾಹಿರಾತು…

ಮೇಕೆದಾಟುವಿನ ಬಗ್ಗೆ ನನ್ನ NEWS STORY

ನನ್ನ BREAKING NEWS ನೋಡಿ…

ನಿಮಗಿದು ಗೊತ್ತಾ…?

Yahoo ಎಂಬುದರ ವಿಸ್ತ್ರುತ ರೂಪ– yet another hierarchical of officious oracle.

ಕಲಾವಿದ ಪಿಕಸೊ ಗೊತ್ತಲ್ಲ, ಆತನ ಪೂರ್ಣ ಹೆಸರು ಹೀಗಿದೆ ಓದಿಕೋಳ್ಳಿ. Pablo Diego Francisco de Paula Juan Nepomuceno Mania de los Remedios Cipriano de la Santisma Trinidad Ruiz Picasso.   ಅಬ್ಬಾ!

ಶಹಜಹಾನ್ನ ಪೂರ್ಣ ಹೆಸರು ಏನು ಗೊತ್ತಾ -Al-Sultan al-‘Azam wal Khaqan al-Mukarram, Abu’l-Muzaffar Shihab ud-din Muhammad, Sahib-i-Qiran-i-Sani, Shah Jahan I Padshah Ghazi

ಅಮೆಜಾನ್ ವನ್ಯರಾಶಿ, ಜಗತ್ತಿನ ಶ್ವಾಶಕೋಶದ ಹಾಗೆ,ಇದರ ವಿಸ್ತಾರ 5100000 ಚದುರ ಕಿಲೋಮೀಟರ್; ಅಂದರೆ ಅರ್ಧ ಯೂರೋಪಿನಷ್ಟು !
ಇಂಗ್ಲಿಷಿನಲ್ಲೇ ಅತಿ ಹೆಚ್ಚು ಅರ್ಥಗಳನ್ನೂ,ವ್ಯಾಖ್ಯಾನಗಳನ್ನೂ ಹೊಂದಿರುವ ಪದ- -‘set’. . ಇದಕ್ಕೆ ನೂರಾ ತೊಂಬತ್ತೆರಡು ವಿಭಿನ್ನ ಅರ್ಥಗಳಿವೆ.

ಸಂಖ್ಯೆಗಳನ್ನು ಆಂಗ್ಲ ಅಕ್ಷರಗಳಲ್ಲಿ one, two, three ಎಂದು ಬರೆಯುವಾಗ 999ನೆಯ ಸಂಖ್ಯೆಯವರೆಗೂ A ಅಕ್ಷರದ ಬಳಕೆಯಾಗುವುದಿಲ್ಲ.

Tips ಅಂದರೆ To insure promt service ಅಂತ ಅರ್ಥ.

ಒಂದು ಪೌಂಡ್(450 ಗ್ರಾಂ) ಕಬ್ಬಣದಲ್ಲಿ ಇರುವ ಅಣುಗಳ ಸಂಖ್ಯೆ 4891500000000000000000000 ಉಪ್.

ಬೇಕಾದರೆ ಪ್ರಯತ್ನಿಸಿ ನೋಡಿ ಕಣ್ಣು ಮುಚ್ಚದೆ ಸೀನು ಹೊಡೆಯಲು ಸಾದ್ಯವೇ ಇಲ್ಲ.

ಮೃತ ಸಮುದ್ರದಲ್ಲಿ ಮಲಗಿಕೊಂಡು ಓದಬಹುದು[ಈ ಸಮುದ್ರದಲ್ಲಿ ಲವಣಾಂಶ ಅತೀ ಹೆಚ್ಚಾಗಿರುವುದರಿಂದ ವಸ್ತುಗಳು ಮುಳುಗಲಾರವು

ಕೋಲ್ಗೇಟ್ ಟೂತ್ ಪೇಸ್ಟ್ ಕಂಪನಿಯವರು ಸ್ಪೇನಿನ ಮಾರುಕಟ್ಟೆಯಲ್ಲಿ ತಮ್ಮ ಬ್ರಾಂಡನ್ನು ಪ್ರಚಾರ ಮಾಡಲು ಪಟ್ಟ ಕಷ್ಟ ಅಷ್ಟಿಷ್ಟಲ್ಲ , ಯಾಕೆ ಗೊತ್ತಾ? ಸ್ಪಾನಿಶ್ ಭಾಷೆಯಲ್ಲಿ ಕೋಲ್ಗೇಟ್ ಅಂದರೆ ಹೋಗಿ ನೇಣು ಹಾಕಿಕೋಂಡು ಸಾಯಿ ಅಂತ ಅರ್ಥ.

ನ್ಯೂಜಿಲ್ಯಾಡಿನ ಜನಸಂಖ್ಯೆ 40 ದಶಲಕ್ಷವಾದರೆ ಅಲ್ಲಿರುವ ಕುರಿಗಳ ಸಂಖ್ಯೆ 70 ದಶಲಕ್ಷ.

ಒoದು ದಿನದ ಅವದಿಯಲ್ಲಿ ನಮ್ಮ ದೇಹದ ರಕ್ತ 60 ಸಾವಿರ ಮೆಲಿ ದೂರ ಚಲಿಸುತ್ತದೆ.

ಅಮೇರಿಕಾ ಇಡೀ ವಿಶ್ವದಲ್ಲಿ ಉಪಯೋಗಿಸುವ ಪೆಟ್ರೋಲ್ ಪ್ರಮಾಣದಲ್ಲಿ ಶೇ.29 ರಷ್ಟನ್ನು ಉಪಯೋಗಿಸುತ್ತದೆ ಹಾಗೆಯೇ ಶೇ. 33 ರಷ್ಟು ವಿದ್ಯುತ್ತನ್ನು ಬಳಸುತ್ತದ

ನಂಬಿದರೆ ನಂಬಿ ಬಿಟ್ರೆ ಬಿಡಿ ಸಹರಾ ಮರುಭೂಮಿಯವಿಸ್ತೀರ್ಣ ಪ್ರತೀ ತಿಂಗಳಿಗೂ ಒಂದೊಂದು ಕಿಲೋಮೀಟರ್ ಹೆಚ್ಚುತ್ತಾ ಹೋಗುತ್ತದಂತೆ.

ಇಂಗ್ಲೆಂಡಿನ ಜನರ ಪಾಲಿಗೆ ಅಲ್ಲಿನ ರಾಣಿ ನಿಂತರೂ ಸುದ್ದಿ ಕೂತರೂ ಸುದ್ದಿ, ಅಕಸ್ಮಾತ್ ಜಾರಿ ಬಿದ್ದರಂತೂ ದೋಡ್ಡ ಸುದ್ದಿ . ಆದರೆ ಸ್ವಾರಸ್ಯದ ಸಂಗತಿ ಎoದರೆ ಇಂಗ್ಲೆಂಡಿನ ರಾಣಿಗೆ ದೇಶದ ಚುನಾವಣೆಗಳಲ್ಲಿ ಪಾಲ್ಗೋಂಡು ಮತದಾನ ಮಾಡುವ ಹಕ್ಕಿಲ್ಲ.

ನೀವು ತಿಪ್ಪರಲಾಗ  ಹೋಡೆದರೂ ವಿಂಡೋಸ್ ನಲ್ಲಿ con ಎಂಬ ಪೈಲ್ ಅಥವಾ ಪéೋಲ್ದರ್ನ್ನು ಕ್ರಿಯೇಟ್ ಮಾಡಲು ಸಾದ್ಯವಿಲ್ಲ.

ವಿಶ್ವದ ಇತಿಹಾಸದಲ್ಲಿ ಮಹಾ ಪರಾಕ್ರಮಿಯೆನಿಸಿಕೊಂಡಿದ್ದ ನೆಪೋಲಿಯನ್ ಬೋನಾಪಾಟರ್ೆ ಬೆಕ್ಕನ್ನು ಕಂಡರೆ ವಿಪರೀತ ಹೆದರುತ್ತದ್ದನಂತೆ.

ಒಳ್ಳೆಯ ದಿನಗಳು ಬರುತ್ತಿವೆಯೇನೊ ಅನಿಸುತ್ತಿದೆ….

ಇತ್ತೀಚೆಗೆ ರಾಜ್ಯ ಮತ್ತು ರಾಷ್ಟ್ರಮಟ್ಟದಲ್ಲಿ ನೆಡೆಯುತ್ತಿರುವ ಬೆಳವಣೆಗೆಗಳನ್ನ ನೋಡ್ತಾಯಿದ್ರೆ ಜನರಲ್ಲಿ ಆಶಾವಾದ ಮೂಡ್ತಾಯಿದೆಯೇನೊ ಅನ್ಸುತ್ತೆ. ಯಾಕಂದ್ರೆ ಜನರ

ನಮಸ್ತೆ ಹೋಗಿ ಬನ್ನಿ

ದುಡ್ಡನ್ನು ತಿಂದು ತಿಂದು ಅರಗಿಸಿಕೊಳ್ಳಲಾಗದ ಭ್ರಷ್ಟ ರಾಜಕಾರಿಣಿಗಳು, ಅಧಿಕಾರಿಗಳು ಒಬ್ಬೊಬ್ಬರಾಗಿ ಜೈಲು ಸೇರ್ತಾಯಿದ್ದಾರೆ. ಯಡೆಯೂರಪ್ಪ ಭ್ರಷ್ಟತೆಯನ್ನೇ ಮೈಗೂಡಿಸಿಕೊಂಡವರಂತೆ ದುಡ್ಡುಮಾಡಲು ಹೋಗಿ ಈಗ ಅಧಿಕಾರವನ್ನೇ ಕಳ್ಕೊಳ್ಬೇಕಾಯ್ತು. ಗಣಿ ಹಗರಣಮತ್ತು ಜೋತೆಗೆ ಭೂ ಹಗರಣದಲ್ಲಿನ ಅವರ “ಪಾಲು”ನೋಡ್ತಾಯಿದ್ರೆ ಮಾಜಿ ಮುಖ್ಯಮಂತ್ರಿ ಇನ್ನೇನೂ ಜೈಲಿಗೆ ಹೋದ್ರೂ ಸಹ ಅಚ್ಚರಿಯಿಲ್ಲ.

ಸಾಕುಬಿಡಿ ತಿಂದದ್ದು

40 ವರ್ಷಗಳ ಹೋರಾಟದ ಪಲವಾಗಿ ಸಿಕ್ಕಿದ್ದ ಮುಖ್ಯಮಂತ್ರಿ ಪದವಿಯನ್ನ ಹಸಿದ ಮಕ್ಕಳು ತಿನ್ನುವಂತೆ ತಿನ್ನಲು ಹೋಗಿ ಹಾಳುಮಾಡಿಕೊಂಡರು. ಯಡೆಯೂರಪ್ಪ ಮುಖ್ಯಮಂತ್ರಿಯಾದಾಗ ಜನರಲ್ಲಿ ಇವರು ಒಳ್ಳೆಯ ಕೆಲಸ ಮಾಡ್ತಾರೆ ಅನ್ನೊ ನಿರೀಕ್ಷೆಯಿತ್ತು. ಆದ್ರೆ ಅವರು ಮಾಡಿದ್ದಾದ್ರೂ ಏನು? ಗಣಿ ದೂಳನ್ನ ಮೈ ತುಂಬಾ ಹಚ್ಚಿಕೊಂಡ್ರು, ಆದ್ರೆ ಅವರು ಮಾತ್ರಭಂಡತನದಿಂದ ರಾಜ್ಯವನ್ನ ದೇಶದಲ್ಲೇ ನಂಬರ್ ಒನ್ ಸ್ಥಾನಕ್ಕೆ ತಂದಿದ್ದೀನಿ ಅಂತಾನೇ ಹೇಳ್ತಾಯಿದ್ದಾರೆ. 60 ವರ್ಷದಲ್ಲಿ ಆಗ್ದೇ ಇರೊಅಷ್ಟು ಕೆಲಸವನ್ನ ಕೇವಲ ಮೂರೇ ವರ್ಷದಲ್ಲಿ ಮಾಡಿದ್ದಾರಂತೆ.ಜಟ್ಟಿ ಕೆಳಗೆ ಬಿದ್ರೂ ಮೀಸೆ ಮೀಸೆ ಮಣಾಗಿಲ್ಲ ಅಂದಾಗಾಯ್ತಲ್ವಾ.

ಬಳ್ಳಾರಿಯನ್ನೇ ತಮ್ಮ ಜಹಗೀರನ್ನಾಗಿಸಿಕೊಂಡ್ದುಕ್ರಮವಾಗಿ ಭೂ ತಾಯಿಯ ಒಡಲು ಬಗೆಯುತ್ತಿದ್ದ ರೆಡ್ಡ್ಡಿ ಸಹೋದರರು ಗಣಿಹಗರಣದ ಗುಂಡಿಯಲ್ಲಿ ಬಿದ್ದಿದ್ದಾರೆ. ಈಗ ಅಧಿಕಾರ ಕಳೆದುಕೊಂ ಇನ್ನು ಕಟ್ಟಾ ಸುಭ್ರಮಣ್ಯನಾಯ್ಡು ಮತ್ತು ಆತನ

ಕಟ್ಟಾ... ಕೆಟ್ಟಾ...

ಸಂತಾನ ಜಗಧೀಶ್ ಕಟ್ಟಾ ಬಡ ರೈತರ ಭೂಮಿ ನುಂಗಲು ಹೋಗಿ ಈಗ ಜೈಲು ಸೇರಿದ್ದಾರೆ. ಉಪ್ಪು ತಿಂದವರು ನೀರು ಕುಡಿಯಲೇಬೇಕು, ಅತಿಯಾಗಿ ತಿಂದವರು ಜೈಲಿನಲ್ಲಿ ಮುದ್ದೆ ಮುರಿಯಲೇಬೇಕು. ರಾಜ್ಯದಲ್ಲಿ ನೆಡೆದ ಈ ಎಲ್ಲ ಹಗರಣಗಳನ್ನು ದಾಖಲೆ ಸಮೇತ ಬಯಲಿಗೆಳೆದ ಸಂತೋಷ್ ಹೆಗ್ಡೆಯವರ ಕಾರ್ಯ ಧಕ್ಷತೆಯನ್ನ ಎಲ್ರೂ ಒಪ್ಪಿಕೊಳ್ಳಲೇಬೇಕು.

ಏನೊ ಮಾಡಲು ಹೋಗಿ....

ಹಗರಣಗಳ ಮಹಾತಾಯಿ ಎಂದೇ ಕುಖ್ಯಾತಿ ಪಡಿದಿರುವ 2ಜಿ ಹಗರಣದಿಂದಾಗಿ ಎ.ರಾಜ, ಕರುಣಾನಿಧಿ ಪುತ್ರಿ ಕನ್ನಿಮೊಳಿಯಂತ ಘಟಾನುಘಟಿ ರಾಜಕಾರಿಣಿಗಳು, ಅಧಿಕಾರಿಗಳು ಮತ್ತು ಕಾಪರ್ೊರೇಟ್ ಮಂದಿ ಜೈಲಿನ ಕಂಬಿ ಏಣಿಸುತ್ತಿದ್ದಾರೆ. ಯಾವಾಗಲೂ ಕೇಂದ್ರ ಸಕರ್ಾರದ ಅಣತಿಯಂತೆಯೇ ಕೆಲಸ ಮಾಡ್ತಾಯಿದ್ದ ಸಿ.ಬಿ.ಐ 2ಜಿ ಹಗರಣದ ತನಿಖೆಯಲ್ಲಿ ಚುರುಕಾಗಿ ಕೆಲಸ ಮಾಡ್ತಾಯಿದೆ.ಯಾಕಂದ್ರೆ ತನಿಕೆ ನೆಡಿತಾಯಿರೋದು ಸುಪ್ರೀಂಕೋಟರ್್ನ ಮೂಗಿನಡಿಯಲ್ಲಿ.

ಎಷ್ಟು ಯೋಚನೆ ಮಾಡಿದ್ರು ಅಷ್ಟೇನೆ

ಇನ್ನು ಮುಂಬೈನಲ್ಲಿ ಕಾಗರ್ಿಲ್ ಯುದ್ದದಲ್ಲಿ ಮಡಿದ ಕುಟುಂಬಗಳವಾಸಕ್ಕಾಗಿ ನಿಮರ್ಿಸುತ್ತಿದ್ದ ಆದರ್ಶ ಹೌಸಿಂಗ್ಹಗರಣದಲ್ಲಿ ಸಿಕ್ಕು ಮಹಾರಾಷ್ಟರ ಮುಖ್ಯಮಂತ್ರಿಯಾಗಿದ್ದ ಅಶೋಕ್ ಚೌಹಾಣ್ ಅಧಿಕಾರ ಕಳ್ಕೊಂಡ್ರು. ಕಾಮನ್ವೆಲ್ತ್ಕ್ರೀಡಾ ಕೂಟದ ಅವ್ಯವಹಾರದಲ್ಲಿ ಈಗಾಗಲೇ ಕಲ್ಮಾಡಿ ಕಂಬಿ ಏಣಿಸುತ್ತಿದ್ದಾರೆ. ಈಗ ಕಾಮನ್ವೆಲ್ತ್ ಹಗರಣದ ನಂಟು ದೆಹಲಿ ಮುಖ್ಯಮಂತ್ರಿಯನ್ನೂ ಮುತ್ತಿಕೊಳ್ತಿದೆ. ಜನರಿಂದ ಆಯ್ಕೆಯಾದವರು ಜನರ ದುಡ್ಡನ್ನು ಎಷ್ಟು ಸಾಧ್ಯವೊ ಅಷ್ಟನ್ನೂ ತಿನ್ನುತ್ತಿರುವವರಿಗೆ ಈ ಬೆಳವಣಿಗೆಗಳು ನಿಜವಾಗ್ಲು ಒಂದು ಒಳ್ಳೆ ಪಾಠ. ಈ ಎಲ್ಲ ಬೆಳವಣಿಗೆಗಳನ್ನೂ ಗಮನಿಸಿದ್ರೆ ಒಳ್ಳೆಯದಿನಗಳು ಬರ್ತಿವೆಯೇನೊ ಅನಸುತ್ತೆ

 

ಪ್ರಕೃತಿ ಮಡಿಲಿನ ವಿಸ್ಮಯ-ಯಾಣ

ಅವು yana entrence ದಟ್ಟ ಕಾಡಿನ ನಡುವೆ ಅರಳಿ ನಿಂತಿರುವ ಕಪ್ಪನೆಯ ಹೂವುಗಳು. ಪಷ್ಚಿಮ ಘಟ್ಟ ಮತ್ತು ಸಹ್ಯಾದ್ರಿಯ ಮಡಿಲಲ್ಲಿರುವ ಪ್ರಕೃತಿ ನಿಮರ್ಿತ ವಿಸ್ಮಯ. ಏನ್ ಆ ವಿಸ್ಮಯ ಅಂನ್ಕೊಂಡ್ರಾ ಅದುವೇ ಯಾಣ.  ಸೌಂದರ್ಯ ಪ್ರಿಯರಿಗೆ, ಯಾತ್ರಾಥರ್ಿಗಳಿಗೆ ಮತ್ತು ಸಾಹಸಿಗರಿಗೆ ದಿ ಬೆಸ್ಟ್ ಸ್ಪಾಟ್. ವಿಶಿಷ್ಟ ಕಲ್ಲಿನಿಂದ ನಿಮರ್ಿತವಾಗಿಆಗಿರುವ ಆಕರ್ಷಕ ಕಲಾಕೃತಿ.

way to yana

ಕಾಡಿನ ದಾರಿ

ಪಶ್ಚಿಮಘಟ್ಟ ಅರಣ್ಯ ತನ್ನ ಮಡಿಲಲ್ಲಿ ಹಲವು ವಿಸ್ಮಯಗಳನ್ನ,ವಿಶೇಷಗಳನ್ನ, ಅಚ್ಚರಿಗಳನ್ನ ಬಚ್ಚಿಟ್ಟುಕೊಂಡಿದೆ ಅದ್ರಲ್ಲಿ ಯಾಣ ಸಹ ಒಂದು
ಯಾಣವನ್ನು ನೋಡಬೇಕೆಂದ್ರೆ ಉತ್ತರ ಕನ್ನಡ ಜಿಲ್ಲೆಯ ಕುಮುಟಾದಿಂದ ಶಿರಸಿಗೆ ಹೋಗುವ ರಸ್ತೆಯಲ್ಲಿ 15 ಕಿಲೋ ಮೀಟರ್ ಸಾಗಿ ಎಡಕ್ಕೆ ತಿರುಗಿದ್ರೆ ಕಾಡಿನ ಮದ್ಯೆ ರಸ್ತೆಯಲ್ಲಿ15 ಕಿಲೋ ಮೀಟರ್ ಹೋಗ್ಬೇಕು. ನಂತರ ಕಾಡಿನ ರಸ್ತೆಯಲ್ಲಿ ನೆಡೆಯುವ ಅನಭವ. ಅಕ್ಕ ಪಕ್ಕದಲ್ಲಿ ಹರಿಯುವ ಸಣ್ಣ ಸಣ್ಣ ಜರಿಗಳು ನನಗಾಗಿಯೇ ಹರಿಯುತ್ತಿವೆಯೇನೊ ಅನ್ನಿಸಿದ್ದು ಮಾತ್ರ ಸುಳ್ಳಲ್ಲ. ಈ ಮೊದಲು ಯಾಣಕ್ಕೆ ಬರಬೇಕೆಂದ್ರೆ 15 ಕಿಲೋಮೀಟರ್ ನೆಡೆದೇ ಬರ್ಬೇಕಿತ್ತು. ಆದ್ರೆ ಇತ್ತೀಚೆಗೆ ರಸ್ತೆ ಆಗಿರೊದ್ರಿಂದ ಯಾಣವನ್ನು ನೋಡಲು ಬರುವವರಿಗೆ ಅಂತ ಅಂತ ತಷ್ಟವೇನೂ ಇಲ್ಲ.

ಗುಹೆಯಲ್ಲಿನ ಭೈರವೇಶ್ವರ

ಕಾಡಿನ ಏಕಾಂತದಲ್ಲಿ  ಒಂದು ಕಿಲೋಮೋಟರ್ ನೆಡೆದ್ರೆ ಯಾಣದ ಮೋಹಕತೆಯ ಮೋದಲ ದೃಷ್ಯ ಕಣ್ಣಿಗೆ ಬೀಳುತ್ತೆ. ಅದುವೇ ಮೋಹಿನಿ ಶಿಖರ. ಇದು ಪ್ರಕೃತಿ ಚಿತ್ರಿಸಿದ ಅದ್ಬುತ ಕೆತ್ತನೆ. ಇದರ ಎತ್ತರ 90 ಮೀಟರ್ ಗಳು.

ದೇವರು...ಭಯ...ಭಕ್ತಿ...

ಮೋಹಿನಿಯ ಮೋಹಕ ಸೌಂದರ್ಯವನ್ನು ಕಣ್ತುಂಬಿಕೊಂಡು ಮುಂದೆ ಹೆಜ್ಜೆ ಹಾಕಿದ್ರೆ ಮತ್ತೊಂದು ಅದ್ಬುತ ಕಣ್ಣಿಗೆ ಬೀಳುತ್ತೆ. ಅದು ಭೈರವೇಶ್ವರ ಶಿಖರ ದಟ್ಟ ಅರಣ್ಯದ ನಡುವೆ ಮೈ ಚಾಚಿ ನಿಂತಿರುವ ಈ ಶಿಖರ ಅದೆಷ್ಟು ಶತಮಾನಗಳನ್ನು ಕಂಡಿದೆಯೊ ಗೋತ್ತಿಲ್ಲ. ಇದರ ಎತ್ತರ ಬರೊಬ್ಬರಿ 120 ಮೀಟರ್ ಗಳು.

ಕಪ್ಪು ಕಲ್ಲುಗಳಿಂದ ನೈಸಗರ್ಿಕವಾಗಿ ಮಾರ್ಪಟ್ಟಿರುವ ಈ ಶಿಖರಗಳನ್ನು ನೋಡುವುದೇ ಕಣ್ಣಿಗೆ ಹಬ್ಬ. ನೋಡಿದ ಮೇಲೆ ಒಂದಷ್ಟು ಪೊಟೊ ತೆಗೆಸಿಕೊಂಡದ್ದಾಯ್ತು. ಇಲ್ಲಿ ಎಚ್ಚರವಾಗಿರ್ಬೇಕು ಅತಿಯಾದ ಶಬ್ದ ಮಾಡಿದ್ರೆ ಹೆಜ್ಜೇನುಗಳು ನಿಮಗೆ ” ಬುದ್ದಿ”ಕಲಿಸಿಬಿಡುತ್ತವೆ.

ಗುಹೆಯಲ್ಲಿ...

ಈ ಶಿಖರದ ಬಳಿ ಭೈರವೇಶ್ವರನ ದೇವಾಲಯವಿದೆ. ಒಳಗೆ ನೆಡೆದು  ಗುಹೆಯಲ್ಲಿನ ಭೈರವೇಶ್ವರನಿಗೆ ನಮಿಸಿದ್ದಾಯ್ತು.  ನಂತರ ನಾನು ಈ ಶಿಖರದ ಒಳಗಿರುವ

ಗುಹೆಗಳಲ್ಲಿ ಒಂದು ಪ್ರದಕ್ಷಿಣೆ ಹಾಕೋಣ ಅಂತ ಹೋದೆ. ಒಳಗೆ ವಿಶಾಲವಾದ ಜಾಗ, ಕಲ್ಲುಗಳ ತುದಿಯಿಂದ ಇಣುಕುತ್ತಿರುವ ಸೋರ್ಯನ ಬೆಳಕು, ಇಕ್ಕಟ್ಟಾದ ಜಾಗಗಳಲ್ಲೇ ಸಾಗ್ಬೇಕು. ಅದರ ಅನುಭವವೇ ರೋಚಕ.

ಈ ಶಿಖರಗಳು ಜ್ವಾಲಾಮುಖಿಯಿಂದ ನಿಮರ್ಾಣವಾಗಿವೆ ಅಂತ ವಿಜ್ಙಾನ ಹೇಳುತ್ತೆ. ವಿಷ್ಣು ಮೋಹಿನಿಯ ಅವತಾರ ತಾಳಿ ಬಸ್ಮಾಸುರನನ್ನು ಜ್ವಾಲೆಯಿಂದ ಕೊಂದಾಗ ಆ ಬೆಂಕಿಯಿಚಿದ ಈ ಶಿಖರಗಳು ಸೃಷ್ಠಿಯಾದ್ವು ಅಂತ ಪುರಾಣ ಹೇಳುತ್ತೆ. ವಿಜ್ಙಾನ, ಪುರಾಣ ಏನೇ ಹೇಳ್ಳಿ, ಆದ್ರೆ ಈ ಸ್ಥಳ ಪ್ರವಾಸಿಗರಿಗೆ ವಿಶಿಷ್ಟ ಅನುಭವ ಮತ್ತು ಕುಷಿ ನೀಡೋದಂತೂ ಸತ್ಯ. ರೊಕ್ಕ ಇದ್ದವ ಗೊಕರ್ಣಗೆ ಹೋಗ್ತಾನೆ ಸೊಕ್ಕಿದ್ದವ ಯಾಣಗೆ ಬರ್ತಾನೆ ಅನ್ನೊ ಗಾದೆ ಇದೆ ಇಲ್ಲಿ. ನಾನ್ ಇಲ್ಲಿಗೆ ಬಂದಿದಿನಿ ಅಂದ್ರೆ ಆ ಸೊಕ್ಕು ನನಗಿದೆ ಅಂತಾನೆ ಅರ್ಥ.

 

ಹೇ... ಹುಶಾರು...

ಭೈರವೇಶ್ವರ ಶಿಖರ

ಕಾಡಿನ ದಾರಿಯಲ್ಲಿ ನಾನು....

ಗುಹೆಯಲ್ಲಿನ ವಿಶಾಲವಾದ ಜಾಗ

ಮೋಹಿನಿ ಶಿಖರದ ಮುಂದೆ ನಾನು

ಮೇಕೆದಾಟುವಿನಲ್ಲಿ ಕಾವೇರಿಯ ವೈಭವ ನೋಡಬನ್ನಿ

ಅಲ್ಲಿ ಅವಳು ಒನಪು ವಯ್ಯಾರಗಳಿಂದ ಹರಿಯುತ್ತಾಳೆ. ಬಂಡೆ ಕೊರೆದು ಕಲಾಕೃತಿ ನಿಮರ್ಿಸಿದ್ದಾಳೆ. ತನ್ನನ್ನು ನೋಡಲು ಬಂದವರಿಗೆ ಜುಳುಜುಳು ಎನ್ನುವ ಲಾಲಿ ಹಾಡುತ್ತಾಳೆ. ನೋಡುಗರ ಎದೆ ಝೆಲ್ಲೆನ್ನುವ ಜೋತೆಗೆ ಅಷ್ಟೇ ರಮಣೀಯ ನೋಟ ಅವಳದು. ಇದು ಮೇಕೇದಾಟುವಿನಲ್ಲಿ ಹರಿಯುವ ಕಾವೇರಿಯ ಸೌಂದರ್ಯ.

ಇದು ಕಾವೇರಿಯ ಸೌಂದರ್ಯ

ಬೆಂಗಳೂರಿನಿಂದ ಕನಕಪುರ ಮಾರ್ಗವಾಗಿ ಸಾಗಿದರೆ ಸಂಗಮ ಸಿಗುತ್ತದೆ. ಪ್ರಕೃತಿಯ ಮಡಿಲಿನಲ್ಲಿರುವ ರಮ್ಯ ತಾಣವಾದ ಇಲ್ಲಿ ಕಾವೇರಿ ಮತ್ತು ಅಕರ್ಾವತೀ ನದಿಗಳ ಸಂಗಮವಾಗುತ್ತದೆ. ಇಲ್ಲಿಂದ ಕಾವೇರಿ ಮೈದುಂಬಿ ಹರಿಯುತ್ತಾಳೆ. ಮೇಕೇದಾಟುವನ್ನು ನೋಡಲು ಸಂಗಮದಿಂದ ತೆಪ್ಪದಲ್ಲಿ ನದಿ ದಾಟಬೇಕು. ನದಿ ದಾಟಿ ನಾಲ್ಕು ಕಿಲೋ ಮೀಟರ್ ಮುಂದೆ ಸಾಗಿದ್ರೆ ಮೇಕೇದಾಟು ಸಿಗುತ್ತದೆ. ಸಂಗಮದಲ್ಲಿ 150 ಮೀಟರ್ ನಷ್ಟು ವಿಸ್ತಾರವಾಗಿ ಹರಿಯುವ ಕಾವೇರಿ ಇಲ್ಲಿ ಕೇವಲ 10 ಮೀಟರ್ ಗೂ ಚಿಕ್ಕ ಅಂತರದಲ್ಲಿ ಹರಿಯುತ್ತಾಳೆ. ಕೊರಕಲು ಜಾಗದಲ್ಲಿ ಬಂಡೆಗಳ ನಡುವೆ ಹರಿಯುವ ಕಾವೇರಿಯ ವೈಭವವನ್ನು ನೋಡಿಯೇ ಸವಿಯಬೇಕು.

ಕಾವೇರಿ ಮತ್ತು ಅಕರ್ಾವತಿ ನದಿಗಳ "ಸಂಗಮ"

ಇಲ್ಲಿ ಕಾವೇರಿ ಕಿರಿದಾದ ಬಂಡೆಗಳ ನಡುವೆ ಹರಿಯುವುದರಿಂದ ನೀರಿನ ರಭಸ ಹೆಚ್ಚಿರುತ್ತದೆ. ನದಿ ಹರಿಯುವ ಜಾಗ ಮೇಕೆ ದಾಟುವಷ್ಟು ಚಿಕ್ಕದಾಗಿಲ್ಲವಾದ್ರೂ ಈ ಜಾಗಕ್ಕೆ ಹೇಗೆ ಈ ಹೆಸರು ಬಂತು ಅಂತ ನೋಡಿದ್ರೆ, ಇದರ ಹಿಂದೆ ಒಂದು ಕತೆಯೇ ಇದೆ. ಹಿಂದೆ ಹುಲಿಯೊಂದು ಬೇಟೆಗಾಗಿ ಮೇಕೆಯೊಂದನ್ನು ಹಟ್ಟಿಸಿಕೊಂಡು ಬರುತ್ತಿರುವಾಗ ಪ್ರಾಣಭಯದಿಂದ ಓಡಿ ಬಂದ ಮೇಕೆ ಈ ಜಾಗದಲ್ಲಿ ನದಿಯ ಒಂದು ಬದಿಯಿಂದ ಇನ್ನೊಂದು ಬದಿಗೆ ಹಾರಿ ತನ್ನ ಪ್ರಾಣವನ್ನು ಉಳಿಸಿಕೊಂಡಿತಂತೆ. ಹೀಗಾಗಿ ಈ ಜಾಗಕ್ಕೆ ಮೇಕೇದಾಟು ಎಂಬ ಹೆಸರು ಬಂದಿದೆ.

ನೀರು ರಭಸವಾಗಿ ಬಂಡೆಗಳಿಗೆ ಮುತ್ತಿಗೆ ಹಾಕಿ ಹರಿಯುವುದರಿಂದ ಕಲ್ಲುಗಳು ನುಣುಪಾಗಿ ಶಿಲಾಕೃತಿಗಳಂತೆ ಮಾರ್ಪಟ್ಟಿವೆ. ಹಾಲ್ನೊರೆಯಂತೆ ಹರಿಯುವ ಕಾವೇರಿ ಗಿರಿಕಂದರಗಳ ನಡುವೆ ಹರಿದು ಮುಂದೆ ಸಾಗುತ್ತಾಳೆ.
ಸಿಲಿಕಾನ್ ಸಿಟಿಗೆ ಹತ್ತಿರವಿರುವ ಈ ಪ್ರವಾಸೀ ತಾಣ ಆಧುನಿಕ ಬದುಕಿನ ಜಂಜಡಗಳಿಗೆ ಮುಕ್ತಿ ನೀಡುವ ಮನೋಲ್ಲಾಸದ ಜಾಗ. ನಿಮ್ಮ ಬರುವಿಗಾಗಿ ಕಾದಿಹಳೇನೊ ಎಂಬಂತೆ ಕಾವೇರಿ ಸದಾ ಹರಿಯುತ್ತಾಳೆ. ಇವಳ ಸೌಂದರ್ಯವನ್ನೊಮ್ಮೆ ಕಣ್ತುಂಬಿಕೊಳ್ಳಲು ಒಮ್ಮೆ ಹೋಗಿ ಬನ್ನಿ.

ಶೂಟಿಂಗ್ನಲ್ಲಿ ಬ್ಯುಸಿ...

ಮೇಕೆದಾಟುವಿನಲ್ಲಿ ನಾನು

ಕಿರಿದಾದ ಬಂಡೆಗಳ ನಡುವೆ ಹರಿಯುವ ಜೀವನದಿ

%d bloggers like this: